Têx đảng viên mênhx cxưx La Hủ paz hlôngr yiêz jêx jos

Zos đảng viên hluôk, nhiv kruôr muôx 30 shông, taz sik tix lâus Vàng Giá Trừ, mênhx cxưx La Hủ nhoz jos nậm Sả, xã Bum Tở, huyện Mường Tè, tỉnh Lai Châu tưz muôx 10 hecta ntâu ciêv fix. Chiê cxuôv cêr yeiz pluôk trâu chuôz zis thiêz chiê pox nhuôs uô lơưr, tix lâuk Trừ tsênhv txeik pênhr zênhx hangx tsênhv chêi xã hội chiê huôv tsar tu zus nhux đas, yik thiêz buô. Chungz fênhx iz shông, chuôz zis muôx phênhv sâu txix 200-300 tsov đeiv. Pov tix lâuk Trừ hla đhâu cêr yeiz pluôs khov gruôs uô nox uô hâuk, zôngv KHKT lok tsiv uô, tsôngv box hâur jos Nậm Sả tso siêz yưv pênhr hlôngr yiêz tsoz chos thiêz tsiêx tu zus:“Ciêv fix zos tsoz chos zôngx ziv tsoz phưz, zôngx ziv chos viv li huv đros tsôngv box nhoz xã Bum Tở li jênhv pâuz. Pox nhuôs xar njôngr muôx tâu qơư sâu zuôr ngaz tul trâu tsoz ciêv fix”.

          Đros têx siêz xar uô li chas chiê hlôngr yiêz tsôngv box mênhx cxưx La Hủ li cêr cor cav uô kuz, tsi huôv tsar li têx mênhx cxưx txơưr hâur thax tsav, niêv lâuk Phùng Giò Xó nhoz jos Phìn Khò, xã Bum Tở, huyện Mường Tè tưz chiv chir krêz phaz hlôngr têx liêx têz chos tsi jông kôngz chiê chos kok blôngx njê thiêz ciêv fix. Zos iz lênhx đangv viên, tsuv uô uô ntêx chiê tsôngv box cơưv shâuv uô lơưr, niêv lâuk Xó tưz chos 4 hecta ntâu ciêv fix thiêz kok blôngx njê, sik côngv đros tu zus tsiêx cxu. Txix iz chuôz zis txov nhêv, chuôz zis đangv viên mênhx cxưx La Hủ nhiv no tưz sir jos yênhx chuôz zis bluô nux. Muôx nox muôx tsês, niêv lâuk Xó tưz pheiz kênh tsưr ziv uô thiêz paz ntâu chuôz zis hâur jos hla đhâu cêr yeiz pluôk. Niêv lâuk Xó tâu tsôngv box jêx jos njênhs njôngr bo xeir uô tsar jos thâuv nhiv kruôr muôx 23 shông hnuz nhôngs:“Zuk zos đangv viên ho zos iz lênhx tsar jos, zuk tsuv uô ntêx nyuôk hâur cxuô hâux lưv, đhâu co yax mông chiê pox nhuôk sik đros uô. Nhiv no pox nhuôk cux chos ntâu ciêv fix, pir đros thâuv ntêx pox nhuôk li jênhv pâuz nhiv no tâu muôz siêz đuô, pov muôx chêx cuk kinh têr thiêx li njênhs njôngr txos zuk đuô”

          Bum Tở zos xã muôx 100% zos tsôngv box mênhx cxưx La Hủ nhoz uô nênhx. Ntâu shông tov ntêx, luz nênhx yeiz pluôs thâuv tưs cux muôx nhoz hâur tsôngv box cxuô jêx jos, hâur co tsar jos thiêz bí thư chi bộ zos nênhs muôx hnuz nhôngs siêz, tsi pâuz ntơưr, viv li hâux lưv yax mông, vênhv tôngv thiêz sâu jênhv chiê krêz uô têx trâur nuv huôv tsar uô nox thiêz cxiv tsa luz nênhx vênhx huôv yiêz njiz ntâu phêv liv. Truôx siêz hlôngr yiêz tsoz chos, paz pox nhuôs nriêr tsưr ziv huôv tsar cêr uô nox yiêz, ngaz tul luz nênhx, Đảng ủy, chính quyênx xã tưz truôx siêz hlôngr yiêz, nriêr têx hluôk nênhs sei đrơưv chiê paz tsôngv box. Đros tsưr ziv uô no, Bum Tở tưz muôx ntâu hlôngr yiêz, đros 100% bí thư, tsar jos zos têx lênhx hluôk nênhs xênhz shông 1985 txos 1999. Têx lênhx hluôk nênhs no tưz yax mông, vênhv tôngv, heik kriê tsôngv box chos ciêv fix, tu zus niêv tsiêx cxu thiêz cxuôv por tsês têx cêr uô nênhx pôngz kaz. Zơưv Đỗ Văn Khải, Bí thư Đảng ủy xã Bum Tở, huyện Mường Tè puz pâuz:“ Đhâu đại hội six cxiv 2020-2025, cán bộ hluôk li pênhr xưv txux chi tâu phuôx huiz jông, tiv zix zos cấp jêx jos 100% puôr lênhx zos nênhs hâur tiv phaz tưz uô muôx têx hlôngr yiêz jông pir đros têx shông tov ntêx”.

          Txix luôs hâux lưv kriê chor hluôk cơưv cxaz nzir tsưr ziv huôv tsar cêr uô nox yiêz, huyện Mường Tè, tỉnh Lai Châu tưz tso zuôr xar 200 lênhx bí thư, tsar jos zos têx hluôk nênhs muk tiv phaz uô hâux lưv chiê tsôngv box cơưv shâuv uô lơưr. Txix hluôk nênhs li têx siêz xar, sir jos uô hâux lưv huôv tsar KTXH thax tsav tsôngv box mênhx cxưx txov nhêv, têx trâur nuv kinh têr yiêz pov muôx ntâu đuô, jêx jos muôx têx hlôngr yiêz jông. Zơưv Trần Đức Hiển, Phưv bí thư thường trực Huyện ủy Mường Tè, tỉnh Lai Châu pheiz kênh:“Thâuv ntêx đros trâu têx lênhx nênhs zos tsar jos, tsuv zos têx lênhx txir ndâux txir luk, muôx hnuz nhôngs siêz, muôx chênhz zênhv taz sik nhiv no đros cxênhx hluôk nênhs tâu cơưv tsưr ziv uô nox yiêz, muôx yênhx tưv cơưv tas cxênhx 3 thiêz đại học mak đros lơưr li đas jos, tsưr ziv, têx yênhx tưv cơưv tâu zuôr paz tiv phaz muôx têx hlôngr yiêz jông hâur huôv tsar KTXH nhoz têx jêx jos tox siêz”.

          Nhoz têx jêx jos txov nhêv hâur thax tsav tỉnh Lai Châu, têx lênhx đangv viên hluôk nênhs zos nênhs mênhx cxưx tsơưs nênhs tsênhv sir jos paz tsôngv box cxuôv yeiz thiv pluôk, cxiv tsa tsưr tsix đangv trâu tsênhv qơư truôx jông./.

                                                   Thanh Thủy-Txâur Vax cxeik nhênhv