Ntâu qơư huôv tsar kinh tế-xã hội nhoz Điện Biên uô tâu jông

Nhiv kruôr đhâu, dưv anr yưv pênhr cxiv uô đar đuô yar yêz za Điện Biên qir uô tâu tiêr, krêz ntâu tsưr ziv jông lok huôv tsar zoz thôngz trâu tỉnh tox siêz Điện Biên thiêz thax tsav Tây Bắc. Zơưv Lê Hồng Hà, Tổng Giám đốc Vietnam Airlines heik pâuz: Yar yêz za Điện Biên uô tiêr, muôx jông yêz za thâux xa kruô muk lol tâu seiz zos iz kro zov chênhr hâur ngênhx yêz za Việt Nam. Txix co krêz hâu cêr huôv tsar yiêz trâu kinh tế, xã hội tỉnh Điện Biên, viv tsôngv kruô, pêx xênhv zôngx ziv muk lol tâu trâu đrôngs Hà Nội, đrôngs HCM, luôs 2 chas tỉnh txơưr đuô hâur tas nro têz qơưk thiêz sâuv ntiêx têz:“Tror muôx yêz za muk lol thâux xa kruô li no, Vietnam Airlines zuôr đros tỉnh uô lok six ntâu tsaz yênhx, têx nuv uz noz chiê phuôx tôngv, piêr kriê Điện Biên trâu tsôngv kruô hâur têz qơưk thiêz sâuv ntiêx têz pâuz txos thiêz thôngz đhâu Vietnam Airlines têx yêz za muk lol, lar heik zos chor yêz za txix Hà Nội trâu Điện Biên zuôr muôx ntâu tus chôngz lênhx kruô hâur têz qơưk thiêz ntiêx têz tuôx ndis shuôs ntux uô si trâu Điện Biên”.

Zơưv Nguyễn Thành Phong, Giám đốc Sở cxiv tsa tỉnh Điện Biên heik pâuz: Nhiv no ciêz đrôngs tỉnh Điện Biên tsênhv tâu krêz uô đar thiêz huôv tsar lơưr tsưr ziv njuôk hov, cêv kuôk qơư, thax tsav tỉnh. Luôs hâux lưv co tâu moz siêz txos, fuô uô jông, taz por uô tâu truôx chiê cxiv tsa tsưr ziv thiêz uô têx dưv anr yưv pênhr cxiv tsa, kho đuô ciêz đrôngs huôv tsar jông. Hâur ntu 2020-2023, tỉnh Điện Biên tưz cir muôx nhos 20 ntâuz ntơưr njuôk hov, cêv kuôk cxiv uô têx luôs hâux lưv sâuv ntơưv chor thax tsav ciêz đrôngs, lar heik zos hâur thax tsav đrôngs Điện Biên Phủ. Txos nhiv no, têx hâux lưv heik co, xav kror đruôz đraz tas nro tỉnh tưz uô tâu 36%. Tiv zix, hâux lưv tso tơưv txos shông 2025, tỉnh zuôr cxiz uô hlôngr yiêz, sir jos huôv tsar kinh tế-xã hội, hu zâuv pênhr jos cxiv tsa têx côngz trênhx thiêz ciêz đrôngs cov truôx jông, huv đros: “Nhiv no, Điện Biên tsênhv sir jos cxiv kho, uô luôs hâux lưv njuôk hov, cêv kuôk tỉnh, co zos iz kro lok six zov chênhr. Têx đêx anr njuôk hov ciêz đrôngs tưz sir jos fuô uô thiêz tưz njuôk hov cxuô tâu 10 huyện, thị, TP; têx huyện, thị tưz tâu njuôk hov, cêv kuôk tsênhv tsênhz thiêz tsênhv tror fuô uô  luôs hâux lưv co ntơưv cxuô huyện”.

Shông 2023, tâu T.Ư moz siêz txos, paz max; Tỉnh ủy sir jos chox kriê uô jông cxuô luôs hâux lưv; têx cơ quan, đoanx thêv sik hux jos truôx thiêz côngv thôngx doanh nghiệp, tsôngv pêx xênhv cxuô heir nênhs hâur tỉnh cêr jông siêz, thôngx ziv, Điện Biên tưz uô tâu ntâu luôs hâux lưv lox đros thiêz 14 hâur 26 hâux lưv tso tơưv tax trơưk tsưr ziv, siêz xar. Iz cxiê luôs hâux lưv uô tâu jông li: Chuôz tsar phênhv sâu tâu GRDP tax 7% ntâu, siêz đuô pir li Nghị quyết Đại hội Đảng bộ tỉnh tsưr ziv tso tơưv, sơưr tiv iz hâur 14 tỉnh hâur thax tsav trung du thiêz tox siêz faz Bắc. Phênhv sâu tâu txix huôv tsar ju lix tax zuôr xar 2 cxênhz tyv đeiv thiêz cux zos shông xuz thơưx ju lix hâur tỉnh txeik tok muôx iz tsov lênhx kruô tuôx ndis shuôs têz qơưk uô si.

Shông 2024 đros thiêz xor xưv chiv nhênhv 70 shông ntâuk zênhx trol châuz Điện Biên Phủ thiêz shông ju lix têz qơưk-Điện Biên, njuôk xav zuôr muôx 169 xor xưv lox tâu tsưr tsix. Seiz car tsưr tsix têz qơưk shông ju lix-Điện Biên 2024 zuôr gra lok ntâu têx jông thiêz muôx liv trâu tỉnh tox siêz no. Hâux lưv tso tơưv hâur shông 2024, tỉnh Điện Biên zuôr txeik tok muôx 1,3 tsov lênhx kruô tuôx ndis shuôs ntux uô si, xav hur si phênhv sâu tâu txix jux lix tax nhos 2.200 tyv đeiv. Zơưv Lê Thành Đô, Chủ tịch Ủy ban tỉnh Điện Biên heik pâuz: “Tỉnh tưz bax fuô uô cxix cxuô têx luôs hâux lưv, cxiv tsa tsưr ziv chiê uô têx nuv, txux chi hâur têz qơưk shông ju lix 2024. Cxiz uô jông hâux lưv yax mông, piêr kriê sâuv Đeix, ntơưr pov tsir, ti vi, cxiz  hu zâuv yưv pênhr uô, cxiv tsa têx côngz trênhx chiê phưx vưv huôv tsar ju lix. Cxiv uô, kho đuô têx qơư di tích lịch sử cov jông chiê tsôngv kruô tâu ndis seiz thâuv tuôx txos Điện Biên”.

Đros thiêz têx nuv uô tâu hâur shông 2023; bax jông cxuô luôs hâux lưv trâu têz qơưk shông ju lix-Điện Biên 2024, tỉnh Điện Biên zuôr sir jos huôv tsar kinh tế-xã hội cov tâu trơưk li tsưr ziv xar hâur ntu zuôr txos./.

Vũ Lợi-Riê Lâux cxeik, nhênhv

Hâur shôngk shông yiêz njiz chor hluôk nxêik thik tưr tâu gải siêz hâur thể thao nhoz Sơn La

“Thâuv co cur lok six shir phaz, tso siêz, tsik muôx lo luk tưs zuôr hêik tơưv tâu zuk cêr shir phaz hâur luz siêz thâuv co. Zuk siêz xar zos xar cov tâu câur Việt Nam đêiv qix sâuv đraz kâuv, hu jax gâux Quốc ca Việt Nam ntơưv giải vô địch niêx têz, vô dịch châu Á chiê têx fôngx zưs sâuv ntiêx têz mnôngs tâu zuk têz qơưk suôz gâux Quốc ca co”.

“Cur pov lok shir phaz, tso siêz thâuv tax tâu giải siêz li co chox lok trâu thể thao Việt Nam”

“Thâuv co tsik pâuz hêik li chak hlo, lok sis shir phaz, tso siêz trâu zuk xưz viv tưz tax tâu kror zuk xar tsik txos hlo zos tax tâu huy chương nto bê hâur lịch sử nhoz tsênhv njiêz zuk thik tưr”.

Shir phaz, tsos siêz cux tsênhv nhoz đrêiv đros pêz lênhx nxêik vận động viên mênhx cxưx Thái nhoz ntơưv Sơn La zos Quàng Thị Thu Nghĩa, Bạc Thị Khiêm, Lò Thị Hoàng thâuv tưs thik tưr tâu giải siêz nto bê.

Xênhz zus ntơưv thax tsav qơư muôx ntâu txir tsơưz, txir mo mông kaz nto bê Yên Châu, Sơn La, Quàng Thị Thu Nghĩa tâu xêir tsov thiêz piz cxaz chuôz cơưv shâuv txix shông 2013 ntơưv tsênhv qơư cơưv shâuv thiêz sik tưr tỉnh Sơn La thâuv nhiv kruôr muôx 14 shông. Shông 2022, đrâuv thik tưr tâu Huy chương cuz ntơưv Đại hôiv Thể thao Đông Nam Á, tsênhv thik tưr tâu huy chương cuz ntơưv giải Vô địch Ntiêx têz Pencak Silat jiês tiv 19 tâu tsưr tsix ntơưv thành phố Melaka (Malaysia) nhoz thênhv muôx 70-75 cir; shông 2023, thik tưr tâu iz huy chương cuz môn Pencak Sliat hov cir 65-70 cir ntơưv SEA Games 32. Nghĩa hêik: Chiê thik tưr tâu têx huy chương no, Nghĩa tưz sir jos cơưv shâuv môn Pencak Silat. Tưz tsuv chơưv kho ntâu jiês tiv trâus saz. Ziv chuôz zis, chor cưk kriê li sir jos paz tưz paz trâu Nghĩa sir jos hla đhâu têx phiv liv, sir jos cơưv shâuv, muôx txux chi, tsưr ziv thik tưr trâu zuk thiêz têz qơưk:“Đros cur, chiê zos yênhx iz lênhx nênhs thik tưr tâu siêz lok trâu têz qơưk, trâu tỉnh mak tưz tsuv hla đhâu ntâu kror sir jos, txix siêz xar txos thik tưr, trâus saz. Kror xuz thơưx zos tsuv sir jos cơưv shâuv trâu zuk, sir jos huôv tsar đuô lok kỹ thuật thiêz txux chi”.

Cux li Quàng Thị Thu Nghĩa, vận đôngv viên mênhx cxưx Thái Bạc Thị Khiêm cux zos lênhx nxêik mênhx cxưx tsơưs nênhs nhoz Mường Giôn, Quỳnh Nhai, Sơn La. Cxaz chuôz cơưv shâuv thiêz cơưv ntơưr đêz tsêr txix thâuv muôx 12 shông, tsik tsơưs jiês xar tso tsês tsik cơưv viv ndo niêv txir thiêz cê cơưv shâuv ntâu, cê cơưv ntơưr. Taz sik, jux juk Khiêm tưz sưv đros trâu thể thao thiêz muôx siêz nhiêv ntâuk têk tơư Taekwondo. Muôx 23 shông, nhiv no, Bạc Cầm Khiêm muôx zuôr xar 10 shông đros đrêiv Taekwondo, đros vô địch SEA Games 30, 31; Huy chương cuz vô địch Đông Nam Á; 2 huy chương tôngx ntơưv Đại hôiv Thể thao châu Á ntơưv Trung Quốc shông 2023. Lơưr Bạc Thị Khiêm: Kror zov chênhr đros yênhx lênhx vận động viên zos tsuv sir jos hla đhâu têx phiv liv thiêz cơưv shâuv:“Six hơưv cơưv shâuv mak lok six phiv liv, truz ntêr. Zuk tsuv truôx siêz sir jos cơưv shâuv chiê cơưv thiêz uô tâu tiêr chor jiês cơưv shâuv tâu cưk kriê tso tơưv”.

Lò Thị Hoàng-lênhx nxêik mênhx cxưx Thái nhoz Pắc Ngà, Bắc Yên, Sơn La tưz paz gra lok trâu Thể Thao Việt Nam đêiv Huy chương cuz lịch sử ntơưv SEA Games 31, đros co zos sơưr thơưx lok SEA Games nhoz môn gâus lok zos lêiv paz muk đêz, lêiv đêz tâu muôx 56,37 thiêr. Đros lok six ntâu huy chương cuz, nhiêx nhoz têx giải thik tưr hâur têz qơưk, ntiêx têz, Lò Thị Hoàng vav tiêk zuôr sir jos cơưv shâuv cov zuk txơưx đuô thiêz. Hoàng cê sir jos cơưv shâuv, cê cơưv Đại học thiêz nhiv no tưz muôx bằng đại học chuyên ngành kruôz kriê, Đại học Thể dục Thể thao Bắc Ninh:“Pêz tsuv sir jos cơưv shâuv chiê muôx tâu đas jos jông hla đhâu têx phiv liv thiêz cơưv shâuv tâu têx jax cơưv hnhar. Cur cux zuôr sir jos đuô thiêz chiê tuôr tâu zuk kror huy chương no”.

Quàng Thị Thu Nghĩa, Lò Thị Hoàng, Bạc Thị Khiêm tsuôk zos 3 lênhx hâur lok six chôngz vận động viên mênhx cxưx tsơưs nênhs nhoz Sơn La tưz tax tâu siêz nhoz têx giải sik tưr hâur têz qơưk, sâuv ntiêx têz. Lơưr têx thik tưr tâu no tưz paz  muôx cêr shir phaz, nto bê trâu thể thao pêz têz qơưk./.

Bích Thủy-Lik Thox cxêik nhênhv