Sơn La uô jông luôs hâux lưv yax kriê tưr cơưv tiêr ntơưr lớp 12

          Hâur luz hli đhâu lok no, luôs hâux lưv kriê cxaz nzir ntơưr trâu shuv xênhz Giang Linh Chi cơưv hâur tsêr, môn hoá lớp 12, tsêr cơưv chuyên Sơn La tưz sưv đros luôs hâux lưv kriê cơưv. Cơưv cxênhz đuô cxuô jax ntơưr cơưv txuôk đros cưk kriê hâur tsêr cơưv ntơưr, tưz paz tâu trâu shuv xênhz truôx siêz cơưv ntâuz ntơưr: “Jax ntơưr tưs cur tsik tâu pâuz thôngz, cur nus têx fôngx zưs thiêz nus cưk kriê ntơưr, kriê cxaz nzir cov pâuz to tâuz. Thiêz pêz cux tâu cưk kriê paz max lok luôs hauax lưv bax jông cxuô jax ntâuz ntơưr chiê tưr thi trâu hâur ntu zuôr txos no”

          Cê kriê cxaz nzir đuô cxuô jax ntơưr tưz cơưv đhâu, cê tso cxuô jax ntơưr cơưv yiêz cov pâuz toz tâuz thiêz ntơư zos têx luôs hâux lưv tâu cxuô lênhx cưk kriê tsênhv taz tov uô kriê ntơưr trâu shuv xênhz cơưv cxaz nzir bax trâu hâur jiês tưr thi zuôr txos. Cưk kriê Phạm Ngọc Hà, thơưx sêiz car tsêr cơưv Chuyên Sơn La hêik pâuz: “Xav txos trâu ntu no, cur tsênhv taz tov choz zok cxuô jax ntơưr cơưv cxaz nzir bax tưr thi cov huv đros cxuô luz tsêr cơưv hâur têz qơưs”

          Ntơưv tsêr cơưv cxênhx 3 Tô Hiệu, hâur ntu no cux tsênhv taz tov kriê cxuô jax ntơưr lớp 12 trâu shuv xênhz cơưv cxaz nzir, chiê paz trâu shuv xênhz pâuz tsênhz lok cxuô jax ntơưr tưr thi. Shuv xênhz Dương Thế Hiếu, nhoz tsêr cơưv Tô Hiệu, đrôngl Sơn La shir phaz lul hêik: “Zos shuv xênhz cơưv lớp 12, pêz chor shuv xênhz tsênhv taz tov sir jos cơưv cxaz nzir cxuô jax ntơưr bax trâu jiês tưr thi. Jax ntơưr tưs pâuz tsik thôngz, pêz tsênhv huôk njôngr six hơưv hnuz nhôngs, sir jos cơưv cov pâuz to tâuz bax trâu jiês tưr cơưv tas ntơưr lớp 12 shông no”

          Hâur ntu no, sâuv thax tsav tỉnh Sơn La, txơưv caz moz Covid-19 tsênhv taz tov huôv xênhz phiv liv; taz sik cxuô luz tsêr cơưv tưz uô truôx jông luôs hâux lưv kriê cxaz nzir ntơưr trâu shuv xênhz, cê uô truôx luôs hâux lưv tir thêir caz moz Covid-19, chiê bax jông cxuô jax ntơưr tưr thi shông cơưv tiêr ntơưr lớp 12 shông 2022. Cưk kriê trần Minh Tuấn, phưv sêiz car tsêr cơưv cxênhx 3 Tô Hiệu, đrôngl Sơn La hêik pâuz nzir: “Hâur ntu kriê cơưv cxaz nzir ntơưr trâu shuv xênhz cơưv txuôk đros cưk kriê hâur tsêr cơưv, cux paz tâu trâu chor shuv xênhz trâus cik caz moz Covid-19 tsênhv cêv kuôk, chơưv kho hâur tsêr, pâuz to tâuz nzir cxuô jax ntơưr cơưv”

          Hâur têx hnuz no, cxuô lênhx cưk kriê thiêz shuv xênhz nhoz cxuô luz tsêr cơưv thax tsav tỉnh Sơn La, tsênhv taz tov sir jos uô truôx jông luôs hâux lưv kriê cơưv cxaz nzir ntơưr chiê paz trâu shuv xênhz muôx txâuk txux chi, ntâuz ntơưr, siêz truôx bo bax tưr thi cơưv tiêr ntơưr lớp 12  shông 2022./.

                                     Tsu cxêik nhênhv-Thanh Thuỷ VOV Tây Bắc

Yên Bái bax tâu jông cxuô luôs hâux lưv fuô uô cxax yuôx vắc xin phax tar moz Covid-19 trâu têx nhuôs zâu txix 5-12 shông

Txix moz Covid-19 li têx huôv xênhz phiv li, iz zav li ntâu lênhx uô niêv uô txir txơưr đuô muôx têx nhuôs tsênhv zâu, niêv lâul Nông Thị Sền nhoz jok Quyết Thắng, xã Tô Mậu, huyện Lục Yên, tỉnh Yên Bái lok six moz siêz txos têx li: Zuk mê tuz mê nhuôv zuôr tâu cxax yuôx vắc xin phax phôngz moz hâur six hơưv zuôr txos: “Cur nhiv no mê nhuôv muôx 6 shông thiêz tưz đas cir trâu hâur tsêr cơưv, jông siêz chiê mê nhuôv cxax yuôx vắc xin. Vav chiê siêz tiêk, uô ntêx thâuv zuôr cxax, chor cưk yuôx seiz njuôk shuôs cov jông, tsênhz mênhx chiê tsi muôx yưv têx tsi jông trâu mê nhuôv thâuv cxax”.

Đhâu hlo thâuv tỉnh muôx tsưr ziv cxax yuôx phax phôngz moz gênhk, ngênhx Zoz zux Yên Bái tưz heik cxuô luz tsêr cơưv thôngz sâu, uô bê têx shux xênhz nhoz hnuz nhôngk txix 5-12 shông trơưk li yênhx lớp cơưv, yênhx tsêr cơưv; hux jos đros hâu nov ntơưv qơư, ngênhx y tế, công an chiê uô tiêr têx ntâuz ntơưr uz no trâu chor nhuôv cxax yuôx phax phôngz moz co.

Zơưv Hà Yên Thái, phưv Tsar phongx Zoz zux TP Yên Bái heik pâuz: Đhâu qênhz shuôs, TP muôx 13 cxênhz ntâu lênhx nhuôs hnuz nhôngk tâu cxax yuôx phax phôngz moz jiês no, hâur co muôx nhos 10 cxênhz lênhx tâu cxax hâur jiês iz. Chiê taz por truôx tuk cxax yuôx phax phôngz moz gênhk, taz viv tưz chox kriê cxuô luz tsêr cơưv hux jos đros qơư y tế têx xã, phường, shux xênhz li niêv txir ntâuk grê xuz thơưx lok têx nhuôs đas jos, hâur co lar heik zos têx lênhx nhuôv muôx iz cxiê zav moz hâur đros chêr thiêz trok maz. “Txos iz jiês no, têx ntâuz uz no lok shux xênhz tưz tâu cxuô luz tsêr cơưv thôngz sâu cxix cxuô thiêz tsi so têx lênhx nhuôv tâu cxax trơưk li cui tinhv, thâuv muôx yuôx vắc xin tuôx txos thiêz tỉnh fuô uô luôs hâux lưv cxax, TP zuôr qir cxax trâu chor nhuôs. Têx tsêr cơưv iz chas thôngz sâu, qênhz shuôs mak cux bax uô têx hâux lưv li: Txeik tok chor nhuôv cxênhx nhuôs zâu thiêz cxênhx iz tror tuôx tsêr cơưv, cơưv ntơưr”.

Ban chox kriê phax tar moz Covid-19 têx huyện, thị xã, TP Yên Bái cux tưz sir jos yax kriê lok sâuv cxax yuôx phax phôngz moz Covid-19 li têx muôx liv thiêz jông chiê chor uô niêv uô txir pâuz nzir lok têx li heik co, muôx cêr jông siêz, thôngx ziv đros tsôngv pêx xênhv sơưr đơưk. Đros trâu têx li heik co, zos heik cxuô xã, phường, thị trấn qênhz shuôs, thôngz sâu hur tiz si chor nhuôs zâu nhoz hnuz nhôngk tâu cxax hâur thax tsav qơư, muôx hur si têx nhuôs tsi muôx ntâuz ntơưr, qơư nhoz truôx….muôx njêx muôs hâur thax tsav thâuv ntu cxax yuôx phax phôngz moz co, chiê taz por cxuô lênhx nhuôv nhoz hnuz nhôngk tâu cxax puôr lênhx tâu cxax vắc xin phax tar moz Covid-19.

Pos Nông Thu Hà, phưv Chủ tịch Ủy ban huyện Lục Yên (Yên Bái), phưv ban chox kriê phax tar moz Covid-19 heik pâuz: “Huyện tưz chox kriê cxuô taz viv cik txos bax sik paz cxơưz tiês luôs hâux lưv yax kriê chiê gra siêz chor uô niêv uô txir, lênhx nênhs seiz jor, por hưv têx nhuôs thiêz têx taz viv cik txos li txux chi tsưr ziv jênhv pâuz, cov muôx cêr thôngx ziv hâur tas nro cxix luôs chính trị hâur jiês cxax yuôx vắc xin trâu têx nhuôv. Iz chas co cux chox kriê cxuô cơ quan lês car uô đreiv têx hâux lưv no hâur huyện bax cxuô zav, chuôz zênhx, qơư uz no, lar heik zos lênhx nênhs chiê uô hâux lưv cxax yuôx phax phôngz moz trâu chor nhuôv thâuv muôx yuôx pheiz tuôx txos huyện”.

Tỉnh Yên Bái muôx 100 cxênhz ntâu lênhx nhuôv txix 5-12 shông. Trơưk li tsưr ziv, chor nhuôs muk cơưv mak zuôr tâu cxax ntơưv tsêr cơưv; hok têx nhuôs tsi muk cơưv mak zuôr cxax ntơưv qơư y tế, tsêr cơưv lok sik hâur jok muôx qơư cxax. Tsêr kho moz, Tsênhv qơư y tế cxuô huyện, thị xã, TP zuôr fuô uô luôs hâux lưv cxax yuôx phax phôngz moz trâu chor nhuôs muôx moz hâur đros chêr, têx lênhx nhuôv tsuv tiz jông seiz shuôs thâuv cxax thiêz chor nhuôv tưz trâul moz Covid-19.

Pâuz tâu têx tsưr ziv txix cxuô jiês cxax yuôx phax phôngz moz tưz cxax uô ntêx ntơư, viv li txơưv tsưr ziv nhiv kruôr tâu tso tơưv hâur hlik hli 4, taz sik txos nhiv no, cxuô luôs hâux lưv bax uô têx hâux lưv co tưz uô tiêr chiê cxax yuôx phax phôngz moz cov tâu zos đrêiv luôs hâux lưv tso tơưv ./.

(Thừa Xuân-Riê Lâux cxeik, nhênhv)