Tox siêz Yên Bái sir jos phax tar trâus saz trâu chor nhuôs zâu

Têx hnuz thâuv kaz shông cơưv, chor cưk kriê ntơưr tsêr cơưv nhuôs zâu Bông Sen, Túc Đán, huyện Trạm Tấu, tỉnh Yên Bái hêik muk hêik lok trâu shux xênhz pâuz lok lok têx tsưr ziv phax tar txiêz nanv trâus saz tsik so njiz trâus.

Zos luz tsêr cơưv nhoz tox siêz đros muôx 5 kror qơư cơưv nhoz ntơưv têx jêx jok, 375 lênhx shux xênhz đros xar muôx 100% zos têx tuz nhuôs tsôngv box mênhx cxưx Hmôngz, viv li côngz xưv yar kriê phax tar txiêz nanv trâus saz trâu chor nhuôs zâu hâur chêix so sor tâu tsêr cơưv kriz uô tsênhz mênhx txos trâu yênhx lênhx shux xênhz thiêz shux xênhz niêv txir, huv đros trâu qênhx shênhx, thax tsav tox siêz. Cưk kriê Lê thị Bích Lam, nênhs sêiz car tsêr cơưv nhuôs zâu Bông Sen Túc Đán puz pâuz:“Tsêr cơưv tsưr tsix cơưv đros shux xênhz niêv txir thiêz kriê trâu shux xênhz niêv txir tsoz phưz, kruôz kriê, taz por ngaz tuk trâu chor nhuôs zâu hâur chêix so sor; tsik chiê chor nhuôs iz lênhx muk trâu têx pak đêx, cưx đêx, cưx ha chiê tsik trâus pôngz đêx. Tsêr cơưv cux hêik trâu shux xênhz niêv txir pâuz thâuv chox chor nhuôv đros muk uô liêx têz mak tsuv sêiz shuôk jông chor mê nhuôv, muôx chor nhuôv hloz sêiz jor chor nhuôv zâu cov taz por ngaz tuk”.

Đros co, chor tsêr cơưv sâuv thax tsav xar Túc Đán yax kriê, kruôz kriê trâu shux xênhz niêv txir têx tsưr ziv paz phax tar chor zav moz muôx yưv hâur chêix ntux sor li: kruô piêk, kruô tâuv, moz tâuz hâu, tơưv poz têx tơưr grêix, phax tar trâus tưx zav nox, taz por vêv xênhz trâu chor nhuôs zâu… Cưk kriê Trương Thị Khánh Hòa hêik:“Shux xênhz niêv txir nhoz tox siêz mak tsik tâu moz siêz  txos uô vêv xênhz cov jông trâu têx mê nhuôv, viv li pêz yax kriê  trâu chor uô niêv uô txir nhoz tsêr mak tsuv uô vêv xênhz tsik so trâu têx mê nhuôv li: nzuôr muôs, nzuôr têk tơư, đa đêx, tsâus plâuz hâu, khi têx plâuz hâu cov jông trâu chor mê nhuôv chiê phax tar têx zav moz mak chor mê nhuôv tsik so trâus”.

Zơưv Nov Ziêk Xênhv Vax, Phưv chủ tịch Ủy ban xar Túc Đán, huyện Trạm Tấu puz pâuz: xar muôx 708 ziv chuôz zis, zuôr xar 100% chuôz zis muôx mê nhuôv zâu, viv li, ciês thâuv tsêr cơưv choz zok chor nhuôv shux xênhz trâu chuôz zis, thax tsav qơư chiê so sor, xar tưz chox kriê chi đoàn hluôk nênhs ntơưv têx jêx jok tsưr tsix xênhz huôx chêix so sor trâu chor nhuôv đros têx tsênhv njiêz kriz uô huv đros trâu tsênhv tsênhz ntơưv thax tsav qơư li: sir zôngv hluôr tơưl cov ngaz tuk, tsik uô cxâuv têx cêr chêi zoz thôngz, vêv xênhz tênhv qơư uô nênhx nhoz, por vêv jôngr; kruôz kriê trâu chor shux xênhz cxênhx nhuôs zâu, cxênhx iz jênhv pâuz tâu têx ndêz muôx tưx, yuôx nox tuôs, tsik jêk thiêz cor têx mur, đêir:“Nhiv no chor nhuôv so sor lơưv, xar tưz chox kriê chor chi đoàn tsưr tsix tọa đòa chiê chor nhuôv pâu tâu so sor mak tsik tsar têx yêz mêir tâus cêr, tsik muk hâur har jôngr tsav ho tsik pâuz uô hluôr tơưl txêik cuz har jôngr; hêik niêv xir kruôz kriê têx tuz nhuôs tsik muk trơưk chor cưx đêx tênhv viv muôx iz cxiê ntu tsik muôx hâu vor thiêz tsik ngaz tuk”.

Txix têx sik côngv truôx jông nhoz tsêr cơưv ntơưr, chính quyền ntơưv thax tsav qơư đros chuôz zis, shux xênhz chor uô niêv uô txir nhoz tox siêz Yên Bái tưz tsov cưv txos zuk têx tuz nhuôs ntâu đuô. Niêv tix Lò Thị Hương nhoz xar Túc Đán hêik:“Cur tsik so hêik chor mê nhuôv tsik muk trâu têx pak đêx, cưx đêx, cưx ha uô si, tsik cor têx tênhv tênhz, tsik tơưv đrâuv têx cêr thâuv tsik muôx niêv txir đros muk”.

Cxuô nganhx, thax tsav qơư thiêz chuôz zis nhoz Yên Bái tưz sir jos đros uô txix têx hâux lưv uô tsênhv tsênhz, chiê kruôz kriê trâu chor mê nhuôv pâuz cov muôx tâu iz chêix so sor ngaz tuk, muôx liv thiêz truôx jông./.

(Trịnh Xuân-Lik Thox cxêik nhênhv)