Têx txox cêr uô txix tsôngv box li đas jos nhoz Sơn La

          Txox cêr muk lok hâur jos ntêr tsuôk muôx 1,3 cei, đar 3,5 yiv, taz sik zos tsôngv box jos Nà Hạ 2, xã Chiềng Mung, huyện Mai Sơn, tỉnh Sơn La li têx siêz xar njôngr hâur ntâu shông đhâu. Tâu têz qơưk paz 200 tênhr xi măng, tsôngv box hâur jos tưz sik seiz lax, gôngr cxaz 360 tsov đeiv, đros yênhx puôk hnuz côngz chiê cxiv uô cêr. Zơưv Tòng Văn Tiết, tsôngv box jos Nà Hạ 2, xã Chiềng Mung pheiz kênh:

          “ Thâuv ntêx cêr tsik zôngx ziv muk lok, nhiv no tâu têz qơưk paz xi măng, pox nhuôk jos Nà Hạ 2 lok six shir phaz, uô cêr chiê muk lok muôv muôs hax huv zôngx ziv đuô, têx mê nhuôk shux xênhz muk cơưv ntơưr cux zôngx ziv đuô”

          Zos tiv phaz xuz thơưx huiz tôngv đas jos tsôngv box, shông 2022 nhiv kruôr đhâu, huyện Mai Sơn yax mông, vênhv tôngv tsôngv box gôngr 300 cxênhz ntâu yiv ndis ar, gôngr 11 cxênhz ntâu hnuz côngz....uô tiêr 63 txox cêr. No zos hâux lưv chiê Mai Sơn tror uô tiêr, muôz siêz cxix luôk zaoz thôngz. Zơưv Nguyễn Khắc Hào, Tsar phongx kôngz nuv thiêz huôv tsar nôngx cxênhz huyện Mai Sơn, tỉnh Sơn La puz pâuz:

          “ Đros têx ploz tsênhr cxiv tsa nôngx cxênhz, tiv zix zos cêr zaoz thôngz, phongx zuôr tror sik côngv đros têx taz viv, heik huyện uô uô cê, sir zôngv muôx chêx cuk têx pênhr jos, huiz tôngv tsôngv box li gôngr côngv chiê uô”.

          Hâur shông 2022, tỉnh Sơn La tưz uô 213 txox cêr zaoz thôngz nôngx cxênhz, ntêr 105 cei, tas nro pênhr yưv uô zos zuôr xar 135 tỷ đeiv; hâur co tsôngv box gôngr côngv zuôr xar 44 tỷ đeiv, phênhv ntâu zos hnuz côngz lox tôngv, gôngr ar thiêz chuôz zênhx cxiv uô. Txos nhiv no, Sơn La tưz muôx 78 hâur 188 xã uô tiêr ploz tsênhr số 2 lok zaoz thôngz hâur cxiv tsa nôngx cxênhz yiêz. Zơưv Nguyễn Văn Chính, Phưv giám đốc Sở zaoz thôngz vênhv teiv tỉnh Sơn La puz pâuz:

          “Nganhx zaoz thôngz vênhv teiv zuôr tror heik UB tỉnh, têx tiv phaz uô têx tsênhv chêi lok huôv tsar zaoz thôngz nôngx cxênhz, tiv zix zos yax mông vênhv tôngv tsôngv box sik đros cxaz chuôz gôngr côngv cxiv tsa zaoz thôngz thiêz seiz car, kho đuô....”

          Iz shông muôx txix 10 txos 15 xã tax ploz tsênhr lok zaoz thôngz; 100% xã muôx cêr zaoz thôngz txos tsênhv qơư xã...zos tỉnh tox siêz Sơn La li luôs hâux lưv uô, sir jos txos shông 2025 muôx 83 xã tax ploz tsênhr nôngx cxênhz yiêz, 1 tiv phaz cấp huyện uô tiêr luôs hâux lưv cxiv tsa nôngx cxênhz yiêz./.

(Lê Hạnh-Txâur Vax cxeik nhênhv)

Têz qơưk tsaz yênhx txo grêk yeiz pluôs ntu 2021-2025

Têz qơưk tsaz yênhx txo grêk yeiz pluôs ntu 2021-2025 tâu uô sâuv tas nro têz qơưk, zov chênhr zos chor huyện pluôs, xã txov nhêv nhoz jê thax tsav ntus đêx hiêr thiêz poz hiêr.....

Luôs hâux lưv uô txo grêk yêiz pluôs truôxzos paz trâu nênhs pluôs, chuôz zis pluôs hla đhâu phiv liv, cêr txov cov muôx luz nênhx xênhz huôx nox nhoz; paz trâu têx huyện pluôs, xã txov nhêv nhoz jê thax tsav đêx hiêr, poz hiêr hla đhâu cêr pluôs.

Chor chuôz zis pluôs tsuv txo grêk tsơưs txix 1,0-1,5% iz shông

Tsaz yênhx sir jos txo grêk tsơưs têx chuôz zis pluôs lơưr cui tinhv txix 1,0-1,5% iz shông; chor chuôz zis pluôs zos heir nênhs tsơưs txo grêk 3% iz shông; 30% huyện pluôs, 30% xã lok six txov nhêv hâur thax tsav jê ntus đêx hiêr, poz hiêr hla đhâu cêr pluôs, txov nhêv; têx ziv chuôz zis pluôs hâur chor huyện pluôs txo grêk tsơưs txix 4-5% iz shông.

Tsaz yênhx tso tơưv hâux lưv, tsuv tax tâu txos shông 2025 txo grêk tsơưs ½ chuôz zis pluôs thiêz chuôz zis zuôr xar pluôs pir li ntu têz qơưk luôs hâux lưv qir tso tơưv; 100% têx huyện pluôs, xã txov nhêv nhoz jê thax tsav ntus đêx hiêr thiêz poz hiêr tâu paz lok sâuv yưv pênhr huôv tsar têx qơư, côngz trênhx kinh tế-xã hội txuôk đros hâur thax tsav, phưx vưv tsôngv pêx xênhv huôv tsar uô nox, zuôr muôs hax huv.

Paz cxiv tsa, nthuôr uô đar iz cxênhz trâur nuv, dưv anr txo grêk yêiz pluôs, paz huôv tsar uô nox, uô lax luôv, zuôr muôs hax huv, zok nriêr hâux lưv uô....chiê muôx nuv uô, phênhv sâu tâu truôx.

Sir jos paz têx chuôz zis pluôs, zuôr xar pluôs muôx tsơưs tsơưs iz lênhx nênhs nhoz hnuz nhôngs lox tôngv muôx hâux lưv uô truôx; chor nhuôs zâu muôx vax tsêr txov nhêv zos chuôz zis pluôs, zuôr xar pluôs txâuk shông muk cơưv tâu cơưv ntâuz ntơưr tax tâu 90%....

Tsaz yênhx muôx 6 dưv anr zos:

Dưv anr 1: Paz chor huyện pluôs, xã txov nhêv nhoz jê thax tsav ntus đêx hiêr thiêz poz hiêr yưv pênhr huôv tsar têx côngz trênhx kinh tế-xã hội;

Dưv anr 2: Huôv tsar uô ntâu faz tsưr ziv uô nox txo grêk cêr pluôs;

Dưv anr 3: Paz huôv tsar uô nox uô hnar, hlôngr yiêz pluôk nox;

Dưv anr 4: Huôv tsar kriê txux chi tsưr ziv uô hâux lưv, nuv uô truôx;

Dưv anr 5: Paz max cxiv uô tsêr nhoz trâu chuôz zis pluôs, chuôz zis zuôr xar pluôs hâur thax tsav chor huyện pluôs;

Dưv anr 6: Yax kriê thiêz gra siêz jux juk tsưr ziv jênhv pâuz lok têx xor mông.

Dưv anr 7: Gra siêz pênhr xưv lês uô têx hâux lưv thiêz seiz kaz, ntâuk grê tsaz yênhx.

Xav hur si têx pênhr uô tsaz yênhx ntu 2021-2025 tas tsơưs tsơưs 75 tyv đeiv, hâur co pênhr têz qơưk zos 48 cxênhz tyv đeiv, pênhr nhiêx ntơưv qơư zuôr xar 13 cxênhz tyv đeiv thiêz hu zâuv têx tsưr tsix, luôs lưv tus....siz chos paz 14 cxênhz tyv đeiv ntâu./.

Hồng Việt-Riê Lâux cxeik, nhênhv