Hluôk nênhs Sơn La uô ntêx nyuôs hâur phôngz yaox “cơưv cxaz nzir txux chi”

Uô lơưr phôngz yaox “cơưv cxaz nzir têx txux chi chiê lês uô tâu jông cxuô luôs hâux lưv hâur ntu hlôngr yiêz thiêz huôv tsar”, ntơưv phường Chiềng Sinh, tỉnh Sơn La, đoanx hluôk nênhs phường tưz yênhx lix 02 paz muôx 30 lênhx hluôk nênhs txưv zênhv cxaz chuôz. Iz hnuz muôx txix 4-6 lênhx hluôk nênhs nhoz ntơưv Tsênhv qơư phục vụ hành chính công phường chiê kriê krêz uô têx ntâuz ntơưr đhâu sâuv mạng xã hội, sir zôngv tài khoản định danh VneID. Txix hli 7 txos nhiv no, chor hluôk nênhs heik sâuv tưz paz max iz cxênhz ntâu lênhx pêx xênhv, paz uô tâu truôx jông hlôngr yiêz têx ntâuz ntơưr hành chính. Tix lâus Nguyễn Hồng Sơn, Bí thư đoanx hluôk nênhs phường Chiềng Sinh, tỉnh Sơn La heik:

“Đoanx phường Chiềng Sinh tror sir jos uô ntêx nyuôs hâur cxuô luôs hâux lưv, xar tơưv tsưr ziv jông paz tsôngv pêx xênhv hâur thax tsav phường lok têx hlôngr yiêz sôr; tsi so sâu jênhv, cơưv cxaz têx txux chi yiêz lok hlôngr yiêz sôr chiê đoanx hluôk nênhs pâuz nzir, yax mông thiêz kriê pêx xênhv”.

Tas nro tỉnh Sơn La txos nhiv no tưz muôx 850 ntâu tổ công nghệ sôr côngv thôngx đros thiêz 2.500 ntâu lênhx hluôk nênhs uô ntêx nyuôs hâur thax tsav. Phôngz yaox “cơưv cxaz nzir têx txux chi” tsi tiêk paz uô tâu truôx jông cxuô luôs lưv phưx vưv tsôngv lax pêx xênhv, tsênhv cxơưz cxiz chor hluôk nênhs uô ntêx nyuôs, xar tơưv tsưr ziv jông. Tix lâus Tòng Văn Tuyên, Bí thư đoanx hluôk nênhs phường Chiềng Cơi, tỉnh Sơn La heik:

“BCH Chi đoanx hâur phường tưz fuô uô tsưr ziv sik hux jos đros cxuô chi đoanx jêx jok buôk ti muk yênhx chuôz zis pêx xênhv kriê sơưr đơưk sir zôngv, uô lơưr công nghệ sôr”.

Trơưk li tix lâus Lò Mạnh Cường, Phưv Bí thư tỉnh đoanx Sơn La, fuô uô phôngz yaox “cơưv cxaz nzir têx txux chi”, txix hâur shôngk shông txos nhiv no, tas nro tỉnh tưz muôx 100 cxênhz ntâu lênhx tuz nxeik hluôk, nhuôs zâu tâu buôk ti txos têx hâux lưv gra siêz txux chi; 63 cxênhz ntâu lênhx hluôk nênhs sir zôngv tài khoản thêv nhiêx đhâu điện tử; 100% đoanx cấp xã, phường uô tiêr luôs hâux lưv sâu têx mông hâur điện tử chiê zôngx ziv seiz car:

“Chiê tsi muôx lênhx tưs trâus pôngz kaz hâur ntu têz qơưk hlôngr yiêz thiêz huôv tsar, Ban Thường vụ Tỉnh đoanx tưz thiêz tsênhv tror sir jos chox kriê cxuô cấp bộ Đoanx hâur thax tsav tỉnh, fuô uô luôs hâux lưv yax kriê, gra siêz canr bôv, đoanx hluôk nênhs thiêz tsôngv pêx xênhv txux chi tsưr ziv jênhv pâuz lok hlôngr yiêz sôr têx jông thiêz muôx liv; hluôk nênhs uô ntêx nyuôs hâur côngv thôngx hlôngr yiêz sôr, jux juk chiê hluôk nênhs zos têx lênhx uô ntêx nyuôs hlôngr yiêz sôr hâur thax tsav qơư”.

Txix đoanx hluôk nênhs têx hâux lưv uô, “cơưv cxaz nzir têx txux chi” tsênhv nthuôr uô đar nhoz cxuô thax tsav qơư, iz chas ntơư khav tinhv hluôk nênhs cxuô heir nênhs Sơn La cêr uô ntêx nyuôs sik đros cxiv tsa hâu nov, xã hội, pêx xênhv hlôngr yiêz txux chi, hlôngr yiêz cxuô zav, paz cxơưz tỉnh Sơn La huôv tsar sei thiêz truôx./.

Trấn Long-Riê Lâux cxeik, nhênhv

Canr bôv, đảng viên tỉnh Sơn La sêiz lax lok dưv thảo Văn kiện muôz trâu Đại hôiv đại biểu Đảng tas nro têz qơưk jiês tiv 14: Tsuv muôx tsênhv chêi paz trâu thax tsav tsôngv box mênhx cxưx tsơưs nênhs nhoz  tox siêz, đêz đrôngl

Đros Ban Chấp hành Trung ương Đảng khoar 13 li Dưv thảo hêik pâuz Chinhr triv, Bí thư Đảng ủy xar Mường Khiêng (tỉnh Sơn La) zơưv Đinh Mạnh Hùng thôngx ziv đros tsênhv njiêz, tsưr ziv thiêz cxuô kror huôv tsar cxuô nro. Dưv thảo hêik pâuz 5 shông uô lơưr Tsưr ziv huôv tsar kinh têr-x ar hôiv 10 shông 2021-2030; tsưr ziv, jênhv vưv huôv tsar kinh têr-xar hôiv 5 shông 2026-2030 tưz ntâuk gri, xav jênhv txos têx uô tâu huv đros têz qơưk li qênhx shênhx tsênhv tsênhz. Têx luôs hâux lưv huôv tsar, tsưr ziv uô muôx tsênhv njiêz, jênhv vưv, tsưr ziv tâu hêik pâuz tsênhz mênhx hlơưr hlôngr yiêz, hêik txos têx kror zov chênhr; hêik txos têx kror yiêz hâur lênhx tov, chox kriê tsưr tsix kriz uô.

Zơưv Hùng hêik tsuv uô tsênhz mênhx đuô tsưr ziv “Txos shông 2030 pêz têz qơưk zos têz qơưk tsênhv huôv tsar muôx côngz nghiệp yiêz jông, phênhv sâu xav luz đraz siêz”, tsuv cxaz nzir tsưr ziv kriz uô tsênhv tsênhz thiêz uô huv đros trâu cxuô thax tsav qơư nhoz thax tsav Tây Bắc. Lok huôv tsar kinh têr-xar hôiv, Bí thư Đảng ủy xar Mường Khiêng hêik cxaz nzir tsênhv chêi trâu thax tsav tsôngv box mênhx cxưx tsơưs nênhs, nhoz đêz, tox siêz; hêik tsuv sir jos paz trâu kôngz nuv, pêx xênhv thiêz jêx jok hâur huôv tsar truôx đrênhk; tsuv muôx tsênhv chêi paz huôv tsar thax tsav mênhx cxưx tsơưs nênhs cov tsênhz mênhx đuô. Zơưv hêik chor cơ quan cik txos tror sir jos yưv pênhr paz trâu uô cêr cxuô zav ntơưv thax tsav txov nhêv, huôv tsar pênhr jos siêz đros trâu hlôngr yiêz sôr; hêik cxaz nzir têx tsưr ziv uô cov huv đros qiv hơưv txơưr txar, sêiz car tâu truôx jông; chuôz cxaz zoz zux chinhr triv, uô tiêr têx chêi cik txos por vêv pêx xênhv, chor nênhs trâus pôngz kaz sâuv mạng.

Canr bôv, đảng viên nhoz tỉnh Sơn La ntâuk gri, dưv thảo văn kiện tưz uô tsênhz mênhx txos mênhx cxưx li hlôngr yiêz thiêz sir jos hâur ntu huôv tsar yiêz. Tsuv muôx tsênhv chêi tsênhv tsênhz paz trâu thax tsav tsôngv box mênhx cxưx tsơưs nênhs.

Côngz xưv ntơưv thax tsav tox siêz tsênhv txov nhêv, zơưv Nguyễn Ngọc Tuấn, Phưv Bí  thư Thường trực Đảng ủy xar Co Mạ hêik: Txix tsênhv tsênhz nhoz tox siêz, hâux lưv huôv tsar thax tsav tsôngv box mênhx cxưx tsơưs nênhs tưz tsik zos jênhv vưv paz ngaz tuk xar hôiv, mak tsênhv zos tsuv sir jos uô jông têz qơưk têx tsưr ziv côx phax-ngaz tuk thiêz huôv tsar truôx đrênhk. Chênhr viv li, chor cơ quan, taz viv tsuv uô cov jux juk siz bâus tâu nhoz tox siêz thiêz tiêx đras zos iz tsưr ziv zov chênhr tsiv tâu sir jos uô hâur ntu 2026-2030. Zơưv hêik, ntu zuôr txos, cxuô cấp, cxuô nganhx tsuv sir jos kriê txux chi uô hâux lưv, huôv tsar hợp tác xã, sik côngv uô nox; tiv zix zos yưv pênhr uô cxuô zav chiê paz trâu uô nox thiêz luz nênhx li zoz thôngz, cxiv tsa nzir chor trạm viễn thông 4G, 5G cov muôx sóng muk txos trâu chor qơư kik, vuôk har tsik tâu muôx sóng điện thoại. Tsuv muôx têx chêi, tsưr ziv uô jông hâur kriz uô têz qơưk chor tsaz yênhx, paz tâu jông trâu pêx xênhv pâuz xar tơưv hâur huôv tsar uô nox. Tsuv muôx têx luôs hâux lưv chiê paz ntâuk gri tâu hâux lưv huôv tsar nhoz thax tsav tox siêz, tsik zos khov trâu phênhv sâu xưz, mak tsênhv zos cik txos zoz zux, y têr, vênhx huôv, tênhv qơư uô nênhx thiêz./.

Bích Thủy-Lik Thox cxêik nhênhv