Lào Cai chuôz cxaz qênhz yuôx zuôr muôs hax huv chuôr, hax huv tsik jông hâur jiês kaz shông

Têx cêr zâu, cêr lus oz saz trôngx đriv ntơưv Lào Cai-zos thax tsav qơư trâu chor nênhs fêv chox têx hax huv chuôr lok muk đhâu xưk li trâus tir tar jông thâuv mak Trung Quốc tưz uô nja vax xor thêir tas chiê phax, tar caz moz Covid-19. Taz sik tsuôk zos txo grêk tsơưs xưz zuôr tir tar tsik tâu ciês hâux lưv no thâuv mak chor nênhs fêv cux muôx ntâu tsưr ziv uô li muôz chor hax huv co lêiv đhâu nja vax lok hâur pêz têz qơưk, liv zôngv txos thax tsav qơư… Trung tá Trần Văn Tuấn, Phưv Trưởng phòng PA03, Công an tỉnh Lào Cai puz pâuz: “Chor nênhs fêv cux muôx tsưr ziv uô txơưr li muôz têx hax huv ntiv hâur hnaz tso trơưk tuk đêx đuz lok hâur pêz têz qơưk đhâu co mak muôz lok trâu sâuv ntus. Phòng cux tưz pâuz tâu txox têx tsưr ziv uô no thiêz sir jos qênhz yuôx, phax tir tar đuô”.

Xav txix thâuv caz moz Covid-19 huôv xênhz txos nhiv no, hax huv tsêx trung phênhv ntâu zos đhâu trôngx đriv Kim Thành, thành phố Lào Cai. Zos tiêk tsik qênhz yuôx truôx ntov jông mak zuôr zôngx ziv muôx yưv têx uô cxâuv txix hêik pâuz lok chor hax huv zuôr lok hâur têz qơưk, muôx đros têx hax huv chuôr, hax huv tsik jông tâu zuôr đhâu lok trâu hâur pêz têz qơưk, liv zôngv muôs hax huv đhâu bưu kiện, xa hax huv sêi. Lơưr zơưv Phí Đình Mạnh, Phưv Đội trưởng  Đội qênhz yuôx Hải quan, Cục Hải quan tỉnh Lào Cai, zuôr xar 1 hli no, cxiv luôs mêir tsov container nhiv kruôr tâu lôngx đhok ntơưv trôngx đriv tưz paz lok six ntâu trâu chor lưx lươngv muôx vax huôv hâur uô têx hâux lưv: “Hâur tas nro 127 jiês tsov sêiz, pêz pov muôx iz cxiê kror hax huv tsik hêik pâuz tsênhz, lok sik hêik tsik zos lok têx hax huv co. Pêz cux tưz xa xor mông trâu cơ quan Hải quan, khov co cux tưz pov thiêz xưv lik iz cxiê kror uô cxâuv”.

Thôngz sâu puz pov, txix hâur shôngk shông txos nhiv no, lưx lươngv muôx vax huôv tỉnh Lào Cai tưz qênhz yuôx xar muôx 1.300 txuz. Hâur co, xưv lik zuôr xar 800 txuz uô cxâuv; tas nro tsiv gri xưv lik muôx 8 tiv đêiv ntâu; sâu tsês trâu nhiêx txiêx têz qơưk muôx 4 tiv đêiv ntâu.

Hâur ntu kaz shông, Ban chox kriê 389 tỉnh Lào Cai tưz kriz uô tsưrziv sir jos qênhz yuôx. Hâur co, tsov cưv txos têx hax huv li zav nox, yuôx, chuôz zênhx y têr, hax huv chuôr, hax huv tsik jông… zơưv Hoàng Quốc Khánh, Phưv Chủ tịch Ủy ban tỉnh Lào Cai puz pâuz: “Chuôz cxaz qênhz yuôx ntơưv têx ciêz, têx tsênhv qơư siêu thị, tiv zix zos têx qơưk tsês chiê têx hax huv sâuv thax tsav sêz puôk muôx têx hax huv chuôr, hax huv tsik zos chêi, txix co chiê pov tâu nzor thiêz xưv lik ndar six hơưv. Uô ntêx, côngz xưv qênhz yuôx hax huv chuôr, hax huv tsik jông nhoz Lào Cai tâu kriz uô lok six jông, tsik pov têx txuz hâux lưv phiv liv tưs muôx yưv”./.

(An Kiên-Lik Thox cxêik nhênhv)

Điện Biên taz por têx chei trâu lênhx nênhs cxaz chuôz BHXH, BHYT thôngz đhâu hâux lưv qênhz yuôx

Công ty zoz zux thiêz muôv muôs dịch vụ Hoa Ba nhoz TP Điện Biên Phủ, tỉnh Điện Biên zos iz hâur têx doanh nghiệp muôx ntâu gôngr côngv lox trâu tsaz yênhx huôv tsar kinh tế, xã hội ntơưv tỉnh Điện Biên; công ty nhiv no muôx zuôr xar 90 lênhx lox tôngv cxaz chuôz BHXH, BHYT, Bảo hiểm trâul pôngz hâux lưv uô.

Zơưv Nguyễn Chí Ba, Giám đốc công ty heik pâuz: Txix ciês thâuv yênhx lix, uô hâux lưv, công ty thâuv tưs tưz xav tinhv uô jông têx tsênhv chei lok bảo hiểm, chiê công ty uô tâu jông zuk li hâux lưv, txơưx jênhv, cux iz zav li taz por chei, vax huôv trâu lênhx nênhs lox tôngv. Niêx shông, taz viv cux hux jos truôx đros cơ quan BHXH hâur qênhz yuôx, qênhz shuôs uô lơưr chei têz qơưk lol BHXH, BHYT…... Zơưv Ba heik: “Chiê taz por chei, vax huôv trâu nênhs lox tôngv, công ty tsi xar uô nduô six hơưv, hnuz nhôngs gôngr bảo hiểm trâu lơưr, viv li pêz cux gôngr bảo hiểm tsi so trâu nênhs lox tôngv hâur niêx luz hlik. 2 shông nhiv kruôr đhâu trâul moz Covid-19 uô ruôr hiêv, ntâu lênhx nênhs lox tôngv so hâux lưv taz sik pêz cux taz por cxaz chuôz BHXH trâu nênhs lox tôngv chiê lơưr tâu sơưv têx chei uz no muôx liv trâu zuk”.

Niêv lâul Phạm Thị Trang, uô hâux lưv hâur công ty zoz zux thiêz muôv muôs dịch vụ Hoa Ba heik: Hâu nov công ty bax gôngr BHXH trâu nênhs lox tôngv, cux iz zav li sir jos uô jông hâux lưv qênhz yuôx shuôs têx bảo hiểm tưz uô trâu nênhs lox tôngv tso siêz thâuv lơưr vax huôv, têx muôx liv tâu taz por. “Cur uô hâux lưv ntơưv no cux tâu 9 shông lơưv. Thâuv tuôx uô hâux lưv hâur no, tas six hơưv, hnuz nhôngs siv uô têx nuv tưz tâu công ty gôngr BHXH, BHYT cxix cxuô. Cur tâu sơưv cxuô têx chei paz uz no li: Muôx moz gênhk, xênhz zus nhuôs thiêz tâu công ty lok six moz siêz txos. Khov tâu moz siêz txos, cur cux tso siêz thâuv uô hâux lưv ntơưv no”.

Trơưk li pos Nguyễn Thị Thanh, Tsar phongx qênhz yuôx, BHXH tỉnh Điện Biên, têx shông đhâu, hâux lưv qênhz yuôx uô lơưr chei têz qơưk lol BHXH, BHYT thâuv tưs tưz tâu BHXH tỉnh Điện Biên tsưv ziv txos. Ciês 10 luz hlik hâur shôngk shông 2022, BHXH tỉnh Điện Biên tưz sik hux jos qênhz yuôx 120 ntâu taz viv sir zôngv lox tôngv; đhâu co, tưz sâu tâu 3,2 tyv đeiv têx nhiêx txiêx tsênhv yuôr tsi tâu tâu thêv. “Txix 2016 txos nhiv no, phôngx tưz qênhz yuôx iz cxênhz ntâu taz viv sir zôngv lox tôngv đros thiêz têx nhiêx sâu tâu zos zuôr xar 24 tyv đeiv. Đhâu qênhz yuôx mak phênhv ntâu têx taz viv tâu qênhz yuôx tưz uô tâu trơưk tỉnh têx suô luk qênhz yuôx li cui tinhv thiêz thêv têx nhiêx txiêx BHXH, BHYT, Bảo hiểm trâul pôngz hâux lưv uô tsênhv yuôr txo grêk tsơưs”.

Cux lơưr BHXH tỉnh Điện Biên, hâur ntu zuôr txos, taz viv zuôr tror cxiz uô luôs hâux lưv qênhz yuôx thiêz sik thav đros têx taz viv sir zôngv lox tôngv. Iz chas co zos sir jos đros cxuô taz viv cik txos li: Sở Lox tôngv, Saz pênhz thiêz xã hội, Liên đoanx Lox tôngv tỉnh tsưr tsix qênhz yuôx chor taz viv, doanh nghiệp tsênhv thêv tsi tâu tas têx nhiêx txiêx, sir jos xưv bluô chor qơư, lênhx nênhs uô cxâuv, txix ntơư taz por tâu jông vax huôv thiêz têx muôx liv huv chei trâu nếnh lox tôngv./.

(Vũ Lợi-Riê Lâux cxeik, nhênhv)