Uô truôx jông luôs hâux lưv xưv bluô têx yêz thâux xa kruô tsi trơưk chei hâur têx hnuz kaz shông

Tsuv châuv muk iz ntuk cêr, lưv lươngv Công an TP Yên Bái thiêx châuv tâu luz yêz lox muôx biển sôr 19A-300.48 zos Nguyễn Ngọc Anh, nhoz huyện Hạ Hòa, tỉnh Phú Thọ tsar. Txơưv đhâu qênhz yuôx, lưv lươngv Công an qênhz pov sâuv yêz zos lênhx nênhs heik sâuv tsar tsênhv thâux 02 lênhx kruô “Oz lênhx kruô co zos luz yêz txơưr xa tuôx trâu luz yêzbiển sôr 19A-300.48 zos Nguyễn Ngọc Anh tsar”, taz sik tus tsar yêz co cux tsi lênhk nhav zuk têx cêr cxâuv: “Zos cur sâu thiêz zuôr kruô nhiêx mak cur thiêx zuôv, no cur tưz tsi sâu zuôr kruô nhiêx, cur tso lơưr đros cheix đơưz xưz”.

Đại úy Đỗ Duy Thông, Phó đội trưởng, Đội Cảnh sát qênhz yuôx têx nênhs uô cxâuv lok kinh tế thiêz têx nuv uô, Công an TP Yên Bái heik pâuz, chiê tsi trâul chor lưv lươngv muôx vax huôv qênhz yuôx, qênhz pov, têx lênhx tsar yêz heik sâuv thâuv tưs cux muôx ntâu tsưr ziv li: Sir zôngv mạng xã hội, siz zâuv uô yênhx paz chiê sik pheiz kruô thâux xa, zok nriêr tsưr ziv siz kriê thâuv trâul qênhz yuôx, trâul uô ntâuz ntơưr xưv bluô chiê đas tiêk, ndax cêr tso kruô đros cheix lok sik thâux xa chor nênhs cxênhz jê muk seiz njuôk shuôs moz gênhk......

Lơưr thôngz sâu hâur thax tsav tỉnh Yên Bái nhiv no muôx nhos 350 luz yêz lox thâux xa kruô, phênhv ntâu nhoz TP Yên Bái. Tas nro chor yêz no puôr lênhx tsi uô trơưk chei têz qơưk têx cui tinhv: Tsik thêv nhiêx sê,  tsi tas li tsênhv đros têx yêz txơưr đuô siz txênhz thâux xa kruô muk lol tsi trơưk chei.

Zơưv Nguyễn Văn Điển, Chủ tịch Hiệp hội yêz lox tỉnh Yên Bái heik pâuz, hâur thax tsav nhiv no muôx 5, 6 doanh nghiệp muôx yêz lox thâux xa kruô muk lol, thâuv muôx ntâu chor yêz đros siz txênhz thâux xa kruô tsi trơưk chei tưz uô tsi jông txos doanh nghiệp têx yêz thâux xa kruô muk lok hâur thax tsav: “Têx yêz thâux xa kruô tsi trơưk chei muôx ntâu, tưz uô ruôr hiêv tsi tsơưs txos doanh nghiệp têx yêz lox thâux xa kruô, kruô trâul pheiz kênh trâu lưv luz yêz zuôr tsi txâuk nhiêx thêv trâu iz jiês yêz muk lol”.

Tsi tiêk uô cxâuv têx cui tinhv li heik sâuv, chor yêz thâux xa kruô tsi trơưk chei no tsênhv zôngx ziv uô tsi truôx tuk trâu tsôngv pêx xênhv thâuv pêx xênhv cheix têx chei co. Thiếu tá Khuất Thị Thu Hằng, đội trưởng Đội Cảnh sát qênhz yuôx têx nênhs uô cxâuv lok kinh tế thiêz têx nuv uô, Công an TP Yên Bái heik pâuz, đhâu qênhz yuôx 5 lênhx nênhs hâur jiês fuô uô luôs hâux lưv qênhz yuôx shuôs chor yêz li heik co, tưz qênhz pov 01 lênhx nênhs tsi muôx ntơưr tsar yêz taz sik tưz uô hâux lưv tsar yêz thâux xa kruô muk lol tsi trơưk chei li heik sâuv tâu 02 shông siz lơưr liês; iz lênhx trâul lưv lươngv muôx vax huôv tuôr tsês têx ntơưr tsar yêz taz sik đhâu 2, 3 hnuz ntơư cux tror tsar yêz muk lol thâux xa kruô.

Đhâu zuôr xar iz hlik fuô uô hâux lưv sir jos qênhz yuôx têx yêz muk lol, Công an TP Yên Bái tưz xưv bluô tâu 10 lênhx nênhs tsar yêz uô cxâuv chei têz qơưk têx cui tinhv. Taz sik chiê uô tâu jông luôs hâux lưv no tsênhv njiz trâul lok six ntâu phiv liv, viv têx tsưr yêz thiêz nênhs tsar  yêz thâuv tưs cux zok nriêr cxuô faz tsưr ziv chiê txar jav, tir thêir lok sik uô tuôr thênhv txos. Thiếu tá Khuất Thị Thu Hằng, Đội trưởng Đội Cảnh sát qênhz yuôx nênhs uô cxâuv lok kinh tế thiêz têx nuv uô, Công an TP Yên Bái heik pâuz nzir: “Pêz taz viv tror hux jos đros lưv lươngv Cảnh sát zoz thôngz zuôr tror sir jos uô truôx luôs hâux lưv qênhz yuôx têx yêz muk lol thâux xa kruô tsi trơưk chei chiê taz por cxuô luz yêz uô hâux lưv thâux xa kruô trơưk đreiv chei têz qơưk cui tinhv”./.

CTVVOVTB-Riê Lâux cxeik, nhênhv

Muôx ntâu chuôz zis uô ntơưr thor tơưv đhâu chuôz zis pluôs

Txix chor pênhr txêik hâur Zênhx hangx Tsênhv chêi xar hôi, niêv tix Trần Thị Thơm ziv chuôz zis, nhoz jok Lự, xar Yên Sơn, huyện Bảo Yên, tỉnh Lào Cai tưz yưv pênhr chiê chos kok ntông hâur chor har ntông cuêv fix, đros trâu tu zus tsiêx cxu. Shông no kok ntông muôs tâu gri, cuêv fix huôv tsar jông tưz paz trâu chuôz zis muôx nzir phênhv sâu. Hâur luz tsêr nhiv kruôr cxiv uô, niêv tix Thơm shir phaz puz pâuz, niêv tix oz niêv txir tưz sêiz lax sâu ntơưr chiê thor tơưv đhâu chuôz zis pluôs: “Cur chuôz zis chos cuêv fix đros chor kok ntông chiê hla đhâu yêiz pluôs, txos nhiv no chuôz zis tưz truôx tuk thiêz tsik txov nhêv li thâuv ntêx lơưv. Xưk tsêiz no sâu tâu txix 90-100 triệu nhiêx kok ntông. Cur chuôz zis tưz hla đhâu yêiz pluôs truôx đrênhk”.

Khov sir jos uô ntâu tsưr ziv uô nox, đros muôx tsênhv chêi paz huôv tsar uô nox tsênhv paz trâu ntâu ziv chuôz zis pluôs, zuôr xar pluôs nhoz xar Yên Sơn gra siêz phênhv sâu thiêz buôs ti tâu têx dịch vụ xar hôiv. Zơưv Long Trọng Nhiên, Bí thư Đảng ủy xar Yên Sơn, huyện Bảo Yên, tỉnh Lào Cai phêiz kênh, shông 2023, thax tsav qơư muôx nzir 23 đêiv ntơưr thor tơưv đhâu chuôz zis pluôs, zuôr xar pluôs. Txơưv ntâu ziv chuôz zis tsênhv txov nhêv taz sik cux sir jos huôv tsar uô nox, tsês têx phênhv paz co trâu chor chuôz zis tsênhv txov nhêv đuô zuk: “Shir phaz zos côngz xưv yax kriê tưz paz trâu pêx xênhv pâuz tsênhz thiêz tsik nhoz tok khov trâu têz qơưk têx paz lơưv, tưz zos yênhx iz phongz yaox thiêz chor chuôz zis tưz siz hêik uô ntơưr thor tơưv đhâu chuôz zis pluôs thiê chuôz zis zuôr sir jos khưr uô nox cov luz nênhx hlôngr yiêz jông đuô”.

Txix hâur six cxiv txos nhiv no, iz shông huyện Bảo Yên txo grêk tâu 6% ntâu ziv chuôz zis pluôs, 5% ntâu ziv chuôz zis zuôr xar pluôs. Hâux lưv tsês chiê pênhr jos huôv tsar cxiv luôs zoz thôngz jêx jok, cxiv tsa tâu ntâu tsưr ziv uô nox, têx tsưr ziv sik côngv hâur uô nox tưz paz huyện uô tâu ntâu kror hâur côngz xưv txo grêk yêiz pluôs. Zơưv Nhuyễn Anh Chuyên, Bí thư Huyện ủy Bảo Yên, tỉnh Lào Cai hêik: “Lơưr tưz sir jos tsik yêiz pluôs lơưv, co zos chor nênhs uô ntêx hlo lok six muôx tsiv gri hâur côngz xưv yax kriê, hêik pêx xênhv hâur ntu nhiv kruôr đhâu. Thiêz pêz muôz chor nênhs co lok yax kriê trâu sơưr đơưk pâuz. Chênhr viv li tưz paz muôx tâu phongz yaox sir jos khưr uô nox chiê hla đhâu yêiz pluôs sâuv thax tsav huyện”.

Huyện Bảo Yên tso tơưv tsưr ziv txos tas shông 2025 txo grêk tsơưs chor chuôz zis pluôs txos yuôr tsơưs đuô 5%, thiêz zos yênhx luz huyện tiv oz ntơưv tỉnh Lào Cai uô tiêr cxiv tsa jêx jok yiêz./.

CTVVOVTB-Lik Thox cxêik nhênhv