Cxơưz cxiz huôv tsar cêr uô nox hâur shông yiêz nhoz Yên Bái

Côngz trênhx cxiv uô tus qox Giới Phiên hla đhâu đêx  liêz zos iz  hâur têx côngz trênhx zov chênhr ntơưv tỉnh Yên Bái, tâu krêz cxiv uô txix kaz shông 2021. Côngz trênhx njuôk xav cxiv uô zuôr xar 2 shông, đhâu thâuv uô tâu zuôr paz uô tiêr ntâu côngz trênhx cxuô zav, lar heik zos têx cêr muk lol, cxơưz TP Yên Bái nzor yênhx ciêz đrôngs huôv tsar, jông jav hov II.

Đhâu iz ntuk so tsiêz têz qơưk, txix hnuz xiêz 06/2 (tsênhz đuô zos xiêz 06 tsiêz), Công ty muôv muôs thiêz cxiv tsa Trung Chính tưz tror tuôx cxiv uô côngz trênhx, sir jos cov uô tâu têx luôs hâux lưv zov chênhr uô ntêx  cheix ntux nas shông no. Đros trâu têx cêr shir phaz hâur têx hnuz hâur shôngk shông yiêz, cxuô lênhx kỹ sư, công nhân kỹ thuật  hâur công ty tưz sir jos sik tưr uô cov tâu tiêr têx luôs hâux lưv zok muôz. Tix lâus Vũ Đình Thường, thiêz Mai Ngọc Lâm nhoz hâur công ty muôv muôs thiêz cxiv tsa Trung Chính shir phaz heik:“Chiê uô tâu tiêr têx hâux lưv zok muôz uô ntêx cheix ntux nas chuô, pêz tsênhv sir jos sik hlôngr njo uô hâux lưv thơưv hnuz thơưv hmo tsi so hlo”.

“Hâur shôngk shông yiêz, pêz cux sir jos cxiv uô tus qox Giới Phiên cov tiêr trơưk li têx hloz tưz choz”.

Nhiv no tas nro tỉnh Yên Bái muôx 2.600 ntâu doanh nghiệp, xav hur si têx pênhr đas cir muôx nhos 29 cxênz tyv đeiv, 570 ntâu HTX, xav hur si têx pênhr nhiêx zos 1.320 tyv đeiv ntâu. Chor doanh nghiệp, HTX  tưz hu zâuv thiêz muôz hâux lưv uô trâu 42 cxênhz ntâu lênhx lox tôngv thiêz 28 cxênhz lênhx  hâur HTX, xav kror đruôz đraz iz hlik iz lênhx nênhs muôx phênhv sâu tâu txix 5,5-6,7 tsov đeiv. Hâur shông 2021, chor doanh nghiệp hâur thax tsav tỉnh Yên Bái tưz sir jos zok nriêr cxuô faz tsưr ziv chiê tuôr truôx têx hâux lưv huôv tsar uô nox, zuôr muôs hax huv hâur ntu muôx moz Covid-19 huôv xênhz phiv liv. Shông 2022 tâu seiz zos shông têx doanh nghiệp lês uô cxuô luôs hâux lưv huv đros trâu ntu muôx caz moz gênhk, sir jos cxơưz cxiz huôv tsar uô nox cov tâu trơưk li tsưr ziv xar. Pos Nguyễn Thị Khánh Ly, Tsar phongx tsưr ziv-huôv tsar uô nox uô hâuk, Công ty Viet Nam Pô-li-mơ In-đớt-tri heik pâuz:“Công ty Pô-li-mơ In-đớt-tri thâuv tưs tưz muôx zoz qơưx xeir zuôr nênhs uô hâux lưv, krêz đar tsêr meir tsưr ziv huôv tsar uô nox uô hâuk”.

Iz chas têx sơưr đơưk sir jos sik tưr uô hâux lưv hâur têx công ty, doanh nghiệp, hâur chor hnuz hâur shôngk shông yiêz no, tsôngv pêx xênhv tỉnh Yên Bái tưz shir phaz lul sik tưr muk uô chiv kôngz yiêz đros ntâu cêr shir phaz, zuôr sâu tâu kôngz trơưk tsưr ziv siêz xar./.

(Đinh Tuấn-Riê Lâux cxeik, nhênhv)