Tsôngv pêx xênhv hêir nênhs tsơưs nhoz Lạng Sơn uô trơưk têx cêr nênhx jông hâur nox yôngz cok, uô đaz uô kruô

Xã tox siêz Hải Yến nhoz huyện Cao Lộc, tỉnh Lạng Sơn muôx 400 ntâu chuôz zis, 2 cxênhz ntâu lênhx nênhs, phênhv ntâu zos nênhs Tày, Nùng. Thâuv ntêx, tsôngv pêx xênhv nhoz no muôx chei nox yôngz cok khênhr nox hâuk ntâu, lơưr xar tiêk ziv nox hâuk ntâu mak gơưv tuz nhaz, nxeik vâur ntơư ziv uô luz nênhx sor siêz. Nox hâuk muôx têx lơưr muôz xav lok nhiêx txiêx, chơưr, keiz buô. Yôngz cok, nox hâuk lox hâur ntâu hnuz, tuôr xuôv tas ntâu nhiêx txiêx, grêix chơưr. Tix lâus Long Văn Mịch, tsar jok Tồng Liền, xã Hải Yến heik pâuz: Đhâu yax kriê, têx chei nox hâuk ntâu hâur nox yôngz cok cux tsênhv muôx, taz sik tsi yuô bâuv li thâuv ntêx lơưv, tsuôk zos lav uô mê njik têx chei xưz: “Zos xưk li thâuv ntêx, nox yôngz tsuv uô nox 2, 3 pluôk, grêix buô ziv ntâu ziv jông mak nhiv no tsôngv pêx xênhv tsuôk uô nox iz pluôk xưz. Thâuv ntêx cưr tix nênhx tsa tuôx nox yôngz tsênhv tâu gra, krưr têx grêix, jâuz mor lok tsêr, nhiv no pêz cux đros Chi hội pox niêv heik tsôngv pêx xênhv sơưr đơưk tsi cxoz uô li ntơư, tuôx đros nox hâuk ntơưv qơư xưz, hok lênhx tsưr tsêr lok cux tsi cxoz krưr têx grêix, jâuz mor trâu cưr tix nênhx tsa tuôx nox yôngz gra muk tsêr. Phênhv ntâu cxuô chuôz zis hâur jok lơưr cux to tâuz thiêz pâuz tâu tiêk, uô li ntơư uô tuôr xuôv lok six ntâu thiêz txix co uô jông lơưr cêr uô nênhx vav mênhx, hlôngr yiêz nhiv no”.

Hâur ntênhs moz ntênhs txiêk, trơưk li chei đaz kruô thâuv ntêx, tsôngv pêx xênhv nhoz no tsuv tsês lênhx nênhs tuôs ntêr hnuz, tok chor tuz ndis tuôx cxix, uô têx chei đaz kruôs, seiz hnuz nhôngs jông li chox lênhx nênhs tuôs muk por tsês. Zơưv Nông Xuân Viền, nhoz xã Hải Yến heik pâuz: “Cur shông no tưz 72 shông, cux nhoz ntêr, muôx ntâu hnuz nhôngs, pâuz đhâu ntâu chei, cêr nênhx xênhz huôx lok. Thâuv ntêx chuôz zis tưs muôx ntênhs txiêk, lơưr tsuv hu chor tuz ndis tuôx cxix cxuô li tu jav, xeir hnuz nhôngs uô chei đaz kruôs, xav mak cux tas nhos 5 hnuz ntâu. Hok nhiv no tưz hlôngr yiêz ntâu lơưv, cux uô cxix cxuô têx chei, taz sik tsi yuô uô ntâu, têx tuz ndis lok cux uô kror zôngx ziv, têx zov chênhr xưz, taz cux tuôr tâu chiê têx txux chi jông thâuv nzor. Chei đaz kruôs tưz uô zôngx ziv lok six ntâu, hur si chor txir nênhz, tuz ndis lês uô têx chei đaz kruôs lơưr cux tsi uô ntêr, uô ntâu chei li thâuv ntêx, taz sik cux tsênhv tuôr tâu tsês têx kror jông hâur cêr nênhx phôngz cxưx. Uô li co cux tsi uô phiv liv ntâu trâu chor nênhs hâur tsêr, cưr tix nênhx tsa cxênhz jê, hâur jêx jok, tsi tas ntâu côngz đas jos, nhiêx txiêx li thâuv ntêx. Txơưv nhiv no luz nênhx tâu jông đuô thâuv ntêx, taz sik cxuô lênhx sơưr đơưk puôr lênhx pov, no zos iz kro jông, cêr vav mênhx”.

Têx chei cêr nênhx vênhx huôv, iz txưv uô cav hâur niêx hnuz tsi zôngx ziv hlôngr yiêz tâu sei, taz sik têx cêr nênhx pôngz kaz jux juk tâu tso tsês thiêx zos iz cêr nênhx jông huv đros cxiv tsa luz nênhx truôx, tsâu sor, vav mênhx. Pos Hoàng Thị Phương Huệ, Tsar phongx Vênhx huôv thôngz xor mông huyện Cao Lộc, tỉnh Lạng Sơn heik pâuz: “Thâuv uô siv têx chei li heik sâuv mak canr bôv đảng viên thiêz tsôngv pêx xênhv txux chi tưz tâu gra siêz, nox yôngz cok, ntênhs moz ntênhs txiêk ntơưv têx jêx jok tưz hlôngr yiêz ntâu, uô zôngx ziv đuô, tso tsês ntâu têx chei đaz kruôs tsi zov chênhr, pôngz kaz, paz cxiz huôv tsar kinh tế xã hội, gra siêz luz nênhx nox nhoz trâu tsôngv pêx xênhv. Pêz tsi tiêk uô đhâu têx canr bôv vênhx huôv, tsênhv thôngz đhâu chor txir ndâux txir luk, têx tsưr tsix chiê yax kriê, vênhv tôngv txix ntâu faz tsưr ziv. Sơưr đơưk siz paz uô li heik sâuv zos lok six zov chênhr hâur yax kriê, tsuv sưv jê đros pêx xênhv, pâuz tâu pêx xênhv têx tsưr ziv siêz xar chiê uô tâu jông têx luôs hâux lưv ntơư”.

Tỉnh Lạng Sơn tưz muôx ntâuz ntơưr chox kriê, fuô uô hâux lưv cxiv tsa luz nênhx vênhx huôv heik cxuô, uô lơưr luz nênhx vav mênhx hâur nox yôngz cok, ntênhs moz ntênhs txiêk thiêz ntênhs hội heik taz. Đhâu ntơư, cxiv tsa luz nênhx vav mênhx hâur nox yôngz cok, ntênhs moz ntênhs txiêk, ntênhs hội tâu moz siêz fuô kriê uô jông txix tỉnh txos  cxuô tsênhv qơư. Têx cêr nênhx pôngz kaz jux juk tâu tso tsês; chor nênhs muôx luz nênhx vav mênhx, uô tâu jông cxuô luôs hâux lưv….tâu kruôs txos thiêz nthuôr đêz đar trâu sơưr đơưk cơưv shâuv, uô trơưk. Tiến sĩ Hoàng Văn Páo, Chủ tịch Hội Di sản tỉnh Lạng Sơn, lênhx nhênhz chơưv têx txux chi vênhx huôv nhoz Lạng Sơn heik: “Lok sâuv tsôngv pêx xênhv cxuô heir nênhs tỉnh Lạng Sơn li ntênhs moz ntênhs txiêk, nox yôngz cok, mak ntâu shông lok no tưz hlôngr yiêz lok six ntâu, tsi uô ntâu chei li thâuv ntêx; taz sik cux tsênhv tuôr tâu tsês têx txux chi, vênhx huôv jông hâur luz nênhx. Đhâu iz ntuk uô lơưr, cxiz sơưr đơưk hâur thax tsav uô luz nênhx hlôngr yiêz, vav mênhx hâur nox yôngz cok, ntênhs moz ntênhs txiêk, đhâu ntơư cux uô tâu jông, tuôr tâu tsês têx txux chi cêr nênhx jông tsi chiê pôngz plox, paz hlôngr yiêz luz nênhx xênhz huôx trâu tsôngv pêx xênhv”.

Hâur ntu zuôr txos no, tỉnh Lạng Sơn zuôr tror uô lơưr jông canr bôv, đảng viên li pưs txux uô ntêx nyuôs hâur uô lơưr luz nênhx hlôngr yiêz, vav mênhx hâur nox yôngz cok, ntênhs moz ntênhs txiêk, ntênhs hôiv cêr lov jêv; yax kriê tsôngv pêx xênhv uô jông trơưk têx cui tinhv hâur jêx jok, gra siêz tsơưr lươngv cxiv tsa chuôz zis vênhx huôv, thax tsav qơư vênhx huôv. Đros trâu têx li heik co, cxuô ngênhx muôx vax huôv cux zuôr tsi so kriê, qênhz yuôx shuôs têx cêr nox yôngz cok, uô ntênhs moz ntênhs txiêk….ntơưv cxuô tsênhv qơư, zênhx max cxiv kho thiêz xưv bluô têx lênhx uô cxâuv, têx tsi jông muôx yưv. Txix ntơư, muôx tsưr ziv uô trơưk têx cêr nênhx jông, huv đros nhoz cxuô tsênhv qơư chiê T.Ư thiêz tỉnh têx chỉ thị, quyết tinhv uô tâu truôx jông, huv đros hâur luz nênhx, tâu tsôngv pêx xênhv jông siêz, thôngx ziv, uô trơưk./.

(VOVĐB-Riê Lâux cxeik, nhênhv)

Du lix vênhx huôv, muôx chôngz lênhx kruô tuôx sêiz shuôk

          Du lix vênhx huôv cxuô hêir nênhs nhoz đrôngl Buôn Ma Thuột hâur têx hnuz so ntênhk shông no zos: Cxuô hêir nênhs nhoz thax tsav faz Tây Nguyên hâux lưv ntok ntâuz cxôngx nzor đros trâu nthuôr uô cêr lov jêv, khoz trax đhiê pax vuôs, hâuk chơưr cxơưk. Zơưv Lê Ngọc Tân, iz lênhx kruô nhoz đrôngl Hà Nội tuôx ndis uô si, sêiz shuôk têz qơưs, shir phaz lul hêik pâuz: “Zos thơưx jiês cur tâu đros nthuôr uô cêr lov jêv hâur ntênhk phôngv jông đas jos cux jông cơưs thiêz huv đros hêir nênhs co li luz nênhx hâur niêx hnuz. Lar hêik zos têx tsôngk tiêz tsôngk yo đros trâu têx vênhx huôv đruôk tôngx, cxêz tôngx cux muôx ntâu txơưr tsik thôngx đrôngl Hà Nội. Chênhr li hêik ntơư, lưv jiês cur tsênhv zuôr tror tuôx cov nzor chiê đros côngv kriz ntênhk nthuôr uô cêr lov jêv trâu thax tsav qơư no thiêz”

          Pos H Yam Buôn Krông, sêiz car du lix côngv thôngx jos Bích Hoạ Tơng Jú, Xã Ea kao hêik pâuz tiêk: Tror kriz uô ntênhk phôngv jông đas jos cxôngx nzor, ndax trâu têx hnuz ntênhk hâur shông no, ntơưv thax tsav qơư du lix côngv thôngx jos Bích Hoạ Tơng Jú, cux tsênhv tsưr tsix trâu cxuô lênhx pox niêv, vir ndâuk hâur thax tsav xã Ea Kao tưr thi uô cxuô zav jâuz mor, grêix nox kaz. Ntơư zos luôs hâux lưv cxơưz cxiz huôv tsar du lix côngv thôngx trâu cxuô tsênhv qơư: “Muôx chôngz lênhx kruô nhoz trâu cxuô tỉnh txơưr cux tuôx trâu ntơưv no chiê nox siv tsôngv px hêir nênhs tsơưs cxuô zav jâuz mor  grêix nox kaz thiêz khoz siv đruôk tôngx cxêz tôngx”

          Ntơưv iz cxiê thax tsav qơư txơưr nhoz tsêr tsês cxuô zav chuôz zênhx cxôngx nzor Đắc Lắc, cux tsênhv pâuz tâu nzir hêir nênhs Êđê luôs hâux lưv phiêz cxuô zav tơưz, muôz shôngz chox lok tsiv uô cxuô zav trax, luôs hâux lưv uô chơưr xơưk. Zơưv Tsu x Hav, nhoz huyện Đắc Glong, tỉnh Đắc Nông shir phaz lul hêik pâuz: “Cxuô hêir nênhs tsơưs hâur thax tsav no chax chêk, chêi đaz kruôk txơưr tsik thôngx zuk hêir nênhs. Tsênhz mênhx zos txix cxuô zav nox đros trâu chơưr xơưk cux txơưr ntâu”

          Đhâu iz ntu ntêr so viv caz moz covid-19 uô ruôr hiêv, taz sik txos trâu nhiv no, cxuô qơư du lix côngv thôngx hâur thax tsav đrôngl Buôn Ma Thuột tưz tror kriz kror trôngx. Hâur co zos du lix vênhx huôv, tâu huôv tsar uô yiêz, muôx chôngz lênhx kruô tuôx sêiz shuôk, ndis uô si./.

                                                            Tsu cxêik nhênhv-VOVTN