Tox siêz Yên Bái sir jos kriz uô têx tsưr ziv têz qơưk

Jok Háng Cháng Lừ, xar Khao Mang, huyện Mù Cang Chải muôx 46 héc ta liêx đêx. Taz sik, tiv muôx tsik txâuk đêx viv li hâur iz ntu ntêr jok tsuôk muôx nhos 30 héc ta chos tâu blêx oz chiv, tsênhv yuôr mak muôx têx chiv uô tâu, têx chi uô tsik tâu, uô trâu pêx xênhv luz nênhx njiz ntâu kror phiv liv, tiv zix zos trâus yêiz plaz. Shông 2023, uô lơưr dự anr txo grêk cêr pluôs truôx đrênhk, jok Háng Cháng Lừ tưz tâu yưv pênhr cxiv tsa côngz trinhx đêx liv Vàng A Thênh. Côngz trinhx no muôx tas nro nhiêx txiêx yưv uô zos 4,5 tiv đêiv ntâu, muôx: Iz kror njưs thêir đêx, 2,4 cêik cêr cưx đêx thiêz iz cxiê kror txơưr đuô, đhâu 5 hli ntâu kriz uô, côngz trinhx tưz tâu uô tiêr thiêz muôz lok sir zôngv.

Kriz uô lơưr Tsaz yênhx tsưr ziv têz qơưk lok cxiv tsa jêx jok yiêz; Tsaz yênhx txo grêk cêr pluôs truôx đrênhk; Tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz, ntu 2021-2025, xar Khao Mang tâu yưv pênhr cxiv uô oz côngz trinhx đêx liv, 1 côngz trinhx cêr zoz thôngz, 1 côngz trinhx tsêr lớp cơưv ntơưr thiêz chor dự anr zâu paz trâu pêx xênhv hâur shông 2023.

Đhâu ciês muôx dự anr, xar tưz sêi đrơưv bax qơư chiê kriz uô chor côngz trinhx. Chor taz viv cux tâu hêik cov kriz uô sêi. Đros côngz trinhx tsêr nhoz trâu chor shux xênhz niêv txir zus mor, nội trú hâur Tsêr cơưv phôv thôngz Mênhx cxưx niêv txir zus mor cxênhx iz Khao Mang muôx tas nro pênhr nhiêx yưv uô zuôr xar 15 tiv đêiv, tas nro muôx 36 qar cơưv, đros thax tsav cxiv tsa uô xar muôx 620 thiêr ndis thiêz chor chuôz zênhx phưx vưv trâu côngz xưv kriê thiêz cơưv ntơưr. Đhâu muôx 5 hli ntâu sir jos kriz uô, txos nhiv no côngz trinhx tưz uô tiêr tâu muôx 60% ntâu têx hâux lưv, chor taz viv uô tsênhv sir jos uô sêi chiê muôz lok sir zôngv tâu trâu hâur shông cơưv yiêz zuôr txos no. Tix lâus Trần Anh Tuấn, canr bôv kỹ thuật Công ty TNHH Nhật Minh – taz viv uô, cxiv tsa puz pâuz:“Hâur ntu kriz uô cxiv tsa chor nênhs uô tsik so sir jos uô, pêz tsik so tso muôx 40 txos 50 lox tôngv uô têx hâux lưv. Lok chuôz lov mak thâuv tưs cux bax cxix cxuô chiê uô tiêr tâu côngz trinhx xưk li tsưr ziv tưz tso tơưv”.

Chor tsaz yênhx tsưr ziv têz qơưk ntu 2021-2025, huyện Mù Cang Chải, tỉnh Yên Bái tâu phêiz muôx 480 tiv đêiv ntâu, hâur co muôx zuôr xar 470 tiv đêiv txix nhiêx txiêx trung ương. Chiê kriz uô cov tâu huv six hơưv, truôx jông, huyện Mù Cang Chải tưz chox kriê cấp ủy, chinhr quyền chuôz cxaz tsưr tsix kriz uô chor tsaz yênhx tsưr ziv têz qơưk thiêz muôz nhiêx pênhr trâu yênhx shông. Ciês hâur shông no, huyện Mù Cang Chải tsênhv kriz uô 44 côngz trinhx, đros tas nro chor nhiêx pênhr muôx 120 tiv đêiv, zos chor côngz trinhx txix shông 2022 yêv lok. Txos nhiv no, chor nhiêx muôz uô tax tâu xar muôx 40% pir li tsưr ziv hâur shông. Zơưv Lê Trọng Khang, Chủ tịch Ủy ban huyện Mù Cang Chải, tỉnh Yên Bái puz pâuz:“Shông 2023 no, chor hâux lưv tsuv uô nhoz chor tsaz yênhx tsưr ziv têz qơưk lok six ntâu. Lơưr co, lok hâux lưv cxiv tsa, pêz chox kriê Ban sêiz car dự anr yưv pênhr cxiv tsa bax jông trâu côngz xưv yưv pênhr, muôx tsưr ziv uô tsênhv tsênhz trâu yênhx côngz trinhx”.

Lơưr qênhz yuôx ploz tsênhr pluôs ntu 2022-2025, chor chuôz zis pluôs sâuv tas nro tỉnh Yên Bái yuôr muôx 28.400 ntâu ziv chuôz zis, tsav zuôr xar 13% chor chuôz zis tas nro tỉnh, hâur co muôx zuôr xar 87% chor ziv chuôz zis pluôs zos tsôngv box mênhx cxưx tsơưs nênhs. Viv li, hâux lưv muôz nhiêx thiêz kriz uô chor dưv anr nhoz chor tsaz yênhx tsưr ziv têz qơưk chênhr zos kror paz trâu huôv tsar kinh têr-xar hôiv, paz txo grêk cêr yêiz, pluôs, gra siêz pêx xênhv nhoz tox siêz Yên Bái luz nênhx hêik cxuô, Mù Cang Chải hêik taz./.

                                                                           Thừa Xuân-Lik Thox cxêik nhênhv

Đăk Lăk:Njuôs xav moz tror huôv xênhz viv muôx tsi txâuk yuôx

 vắc xin

Jiês tiv 3 chox mê nhuôv muk qơư y tế cxax yuôx vắc xin phax tar 5 zav moz, taz sik niêv lâuk H’Cuôn Ksor, nhoz xã Krông Jing, huyện Mdrak ho tror chox mê nhuôv lok tsêr viv tsi tâu muôx yuôx. Niêv lâuk H’Cuôn puz pâuz, niêv lâuk hnor mông sâuv đeix, pov tsir puz pâuz jê ntơưv no ntâu zav moz tsênhv tror huôv xênhz, taz sik thâuv chox mê nhuôv muk cxax yuôx ho tsi muôx yuôx vắc xin, viv li niêv lâuk lok six cxơưx.

          Niêv lâuk H’Yên Niê, tsar trạm y tế xã Krông Jing, huyện Mdrak puz pâuz, nhiv no tas nro xã muôx 220 ntâu lênhx mê nhuôk tâu 2 luz hlik ntâu zuôr trâus tâu cxax yuôx vắc xin phax 5 zav moz, taz sik tsi tâu tâu cxax. Lơưr niêv lâuk H’Yên, hâux lưv muôx tsi txâuk vắc xin ntêr tsi taz uô mê nhuôk tsi tâu cxax txâuk yuôx phax moz mak tsênhv uô phêv liv txos hâux lưv vênhv tôngv tsôngv box chox mê nhuôv muk cxax yuôx tov kaz no:“Nhiv no muôx tsi txâuk yuôx vắc xin, tiv zix zos vắc xin phax 5 zav moz tưz 6 luz hlik ntâu tsi muôx yuôx, đrâuv co yuôx phax moz kruô piêk côngz tiv 1 thiêz yuôx DPT cux tsi muôx chiê cxax trâu mê nhuôv zâu”.

Muôx tsi txâuk yuôx vắc xin cxax chiê phax moz trâu mê nhuôk zos qênhx shênhx tsênhv muôx yưv nhoz tỉnh Đăk Lăk. Lơưr zơưv Võ Minh Hùng, Giám đốc tsênhv qơư y tế TP Buôn Ma Thuột, txix hâur shôngk shông txos nhiv no, thành phố tưz tsi yuôr yuôx DPT, yuôr yuôx phax 5 zav moz nhiv kruôr cungz tâu iz jiês hâur hli 1 đros 368 côngz, hâur co TP li zoz qơưx zos cungz 15 txos 18 cxênhz côngz yuôx phax 5 zav moz: “Txos nhiv no mê nhuôk tsi tâu muôx 1 shông hnuz nhôngs cxax txâuk 8 côngz yuôx vắc xin sâuv thax tsavTP nhiv kruôr tax 30% li ntơưv tsênhv lok six kis pir đros tsưr ziv hâur tas nro shông zos 98%. Viv li hâur ntu zuôr txos cux thix ziv tsuv cungz cxaz yuôx vắc xin phax 5 zav moz heik taz thiêz vắc xin hâur tsaz yênhx cxax yuôx phax moz krêz đar têz qơưk heik cxuô chiê cxơưz tiês cxax yuôx phax moz trâu mê nhuôk, gôngr phênhv por vêv đas jos trâu têx mê nhuôk zâu”.

          Lơưr Tsênhv qơư seiz car moz tỉnh Đăk Lăk li số laov thôngz sâu, hâur 12 zav yuôx vắc xin hâur chor yuôx vắc xin nhoz tsaz yênhx cxax yuôx phax moz krêz đar trâu mê nhuôk hâur shông 2023 Đăk Lăk nhiv kruôr taz por txâuk 2 zav yuôx zos phax moz tuôs tês tuôs tơư thiêz uốn ván, 2 zav vắc xin zos yuôx phax 5 zav moz thiêz yuôx DPT tưz tas, chor tsênhv yuôr tsuôk txâuk cxax trâu mê nhuôk txos tas hli 8. Zơưv Lê Phúc, Phưv giám đốc Tsênhv qơư seiz car moz tỉnh Đăk Lăk puz pâuz: “Chiê chuôz cxaz đas jos phax tar moz hâur côngv thôngx tsuv chuôz cxaz cxax yuôx phax moz thiêz uô li chas cxax txuôk yuôx thiêx li phax tar tâu moz jông. Taz sik zos muôx yuôx mak cux tsưr tsix cxax nzir tâu, cux tuôv zênhv tâu trâu mê nhuôk. Pêz nyei tiv zix zos têx mê nhuôk tsi tâu tâu cxax côngz yuôx tưs, nhiv no muôx tsi txâuk yuôx mak uô zênhr shar lok six ntâu txos mê nhuôk li đas jos”.

          Lơưr têx chuyên gia y tế, muôx tsi txâuk yuôx vắc xin zuôr uô zênhr shar zov chênhr txos tsaz yênhx cxax yuôx phax moz krêz đar li yênhx tix. Zuôr phax tsi tâu moz thâuv mê nhuôk tsi tâu cxax cxix cxuô têx zav yuôx phax moz, cxax trơưk six hơưv cui tênhv, hâux lưv no uô moz njuôs xav zuôr tror huôv xênhz nhoz sâuv thax tsav./.

                                                                   Nam Trang-Txâur Vax cxeik nhênhv