Huôv tsar zoz thôngz-kror paz trâu Tây Bắc huôv tsar đuô

Chor hnuz kaz hli 8 nhiv kruôr đhâu, Thủ tướng Chinhr phuv Phạm Minh Chính đros đoanx côngz xưv Trung ương qênhz yuôx qênhx shênhx kriz uô dự án qơư tsar đrêk yêz za Sa Pa. No zos qơư tsar đrêk yêz za tâu Thủ tướng Chính phủ cir tso tơưv tsưr ziv yưv pênhr uô, đros tas nro pênhr yưv uô xar muôx 7.000 tiv đêiv, thâux xa tâu muôx 3 triệu lênhx kruô iz shông…

Zơưv Trịnh Xuân Trường, Chủ tịch Ủy ban tỉnh Lào Cai puz pâuz, đros txox cêr txuôk trâu txox cêr muk chênhr Nội Bài-Lào Cai muk trâu Sa Pa tưz zuôr tâu uô tiêr, Qơư tsar đrêk yêz za Sa Pa tâu cxiv uô zuôr zos kror paz thơưz zov chênhr, paz trâu Lào Cai txuôk đros tâu trâu cxuô thax tsav qơư zôngx ziv đuô, chiê cxiv tsa Lào Cai zos yênhx iz hâur têx qơư huôv tsar kinh têr hênhr nhoz thax tsav Trung du thiêz tox siêz Bắc Bộ:“Lào Cai muôx qơư tsar đrêk yêz za mak zuôr paz huôv tsar tâu sêi têx kror liv muôx ntơưv thax tsav qơư, tiv zix zos lok du lịch, lok huôv tsar thương mại-dịch vụ, công nghiệp… Iz chas co zos paz zaz zâuv tâu FDI thiêz paz uô truôx đuô lok côx phax-ngaz tuk”.

Xav jênhv zoz thôngz muôx pưk txux zov chênhr hâur huôv tsar kinh têr-xar hôiv, viv thâuv ntêx no thax tsav lox đar, cêv kuôk chênhr zos kror phiv liv trâu muk lok thiêz thâux xa, zuôr muôs têx hax huv, uô phiv liv trâu chor nênhs yưv pênhr, têx shông jê lok no, tỉnh Sơn La tưz tsov cưv txos thiêz sir jos huôv tsar zoz thôngz.

Lơưr co, đrâuv sir jos kriz uô chor dự án cêr muk chênhr txuôk đros thủ đô, Sơn La tưz hêik pâuz cov tror kho đuô qơư tsar đrêk yêz za Nà Sản đhâu xar muôx 20 shông cơưv kror trôngx tsês. Hêik pâuz no tưz tâu Thủ tướng Chính phủ thôngx ziv chiê kriz uô. Ủy ban tỉnh Sơn La đhâu co cux tâu choz sêiz shuôk, sik côngv đros Bôv Zoz thôngz Vận tải, Bôv Côx phax thiêz chor bôv, cơ quan cik txos kriz uô têx tsưr ziv, ntâuz ntơưr trơưk cêr chêi têz qơưk li cui tênhv, chiê muôz thiêz hêik trâu cxuô cấp muôx vax huôv pâuz kênhz tiv zix hâur pêz luz hli kaz shôngk shông no.

Lơưr zơưv Lê Hồng Minh, Phưv Chủ tịch Ủy ban tỉnh Sơn La, hâux lưv yưv pênhr kho đuô qơư tsar đrêk yêz za Nà Sản tưz tsik zos paz trâu six hơưv muk txix Sơn La trâu Hà Nội tâu txo grêk tsơưs đuô pir li thâuv ntêx no, mak tsưr ziv muk ntêr zuôr zos chor jiês yêz za txix Sơn La muk txos trâu cxuô thax tsav qơư hâur têz qơưk li TP HCM, Đà Nẵng thiêz têx jiês yêz za ntiêx têz muk txos trâu têx têz qơưk Châu Âu chiê phưx vưv trâu muôs têx kôngz nuv tơưv saz đrâuv têz qơưk thiêz phưx vưv trâu du lịch. “Sơn La muôx muôs têx hax huv tơưv saz đrâuv têz qơưk, tiv zix zos têx hax huv kôngz nuv thiêz suôz njêl. Chiê taz por cov tâu chor hax huv no kaz jông mak zuôr txos no thâux xa txix têx yêz za zos kror tsuv muôx, huv đros trâu huôv tsar. Chor hax huv tax ploz tsênhr ntiêx têz, zos hax huv hur, têx ciêz đrôngs lox ntơưv Châu Âu zuôr mak zuôr txos no pêz zuôr muôs tâu txix qơư tsar đrêk yêz za Nà Sản no muk”.

Ntơưv tỉnh ntus đriv Lai Châu, chor dự án huôv tsar zoz thôngz hâur thax tsav qơư thiêz txuôk đros trâu cxuô thax tsav qơư tưz thiêz tsênhv tâu sir jos kriz uô. Tsuv hêik zos 2 dự án zoz thôngz tsênhv tâu kriz uô zos cêr kror ar Hoàng Liên thiêz dự án zoz thôngz Lai Châu txuôk đros txos cêr muk chênhr Nội Bài-Lào Cai, đros tas nro nhiêx txiêx uô xar muôx 10 cxênhz tiv đêiv. Zơưv Tạ Đức Hùng, Phưv Giám đốc Sở Zoz thôngz-Vận tải tỉnh Lai Châu puz pâuz: “Thâuv cêr kror ar tâu uô tiêr zuôr paz txo grêk tsơưs six hơưv muk txix 35 phênhz txos yuôr 8 phênhz thâuv muk hla đhâu trôngz Hoàng Liên. Viv li, hâux lưv yưv pênhr uô cêr kror ar Hoàng Liên-Ô Quy Hồ zos kror lok six tsuv uô. Tiv zix, đros thiêz Lai Châu mak zuôr paz thơưz huôv tsar kinh têr-xar hôiv, taz por côx phax-ngaz tuk, huôv tsar du lịch, thiêz paz huôv tsar chiê txuôk đros tâu muk trâu trôngx đriv Ma Lù Thàng”.

Đrâuv chor dự án hêik co, ntơưv têx thax tsav qơư txơưr nhoz hâur thax tsav Tây Bắc nhiv no cux tưz, thiêz tsênhv muôx ntâu côngz trinhx zoz thôngz tâu kriz uô, li: dự án kho thiêz kriz đar đuô qơư tsar đrêk yêz za Điện Biên Phủ, đros tas nro pênhr nhiêx yưv uô xar muôx 1.500 tiv đêiv; lok sik ntơưv tỉnh Yên Bái, txos nhiv no tưz uô tiêr 8 tuk qox hla đhâu đêx liêz. Yên Bái nhiv no cux tsênhv sir jos kriz uô dự án txuôk đros chor huyện Tây Bắc, zos Mường La (Sơn La), Than Uyên, Tân Uyên (Lai Châu), Mù Cang Chải, Văn Chấn, Văn Yên (Yên Bái) đros trâu txos cêr muk chênhr Nội Bài-Lào Cai…

Chor côngz trinhx thâuv uô tiêr tưz tsik zos paz trâu têx tỉnh Tây Bắc tsik tsuv cêv kuôk đêz đros cxuô thax tsav qơư li thâuv ntêx no, mak tsênhv zos kror paz trâu pêx xênhv nhoz ntơưv no cxaz chuôz tâu trâu cxuô kror tsiv gri lox sâuv ntiêx têz, txix co paz trâu huôv tsar cov tâu truôx jông đuô./.

(Thu Thùy-Lik Thox cxêik nhênhv)

Uô cxâuv hành chính lok jênh sôr

Grê 101. Uô cxâuv têx cui tinhv lok sâuv uô lơưr tsưr ziv xênhz zus nhuôs, chuôz zis

1.Tik cêr cxâuv lok sik bluô nhiêx txix 200 cxênhz txos 500 cxênhz đeiv trâu chor nênhs uô muôx têx cêr cxâuv li đrav kaz:

a)Tsi muôz têx chuôz zênhx, yuôx nox cov tsi muôx mê nhuôv trâu lênhx nênhs tâu sơưv lơưr chei têz qơưk cui tinhv thiêz têx lênhx đas cir sir zôngv, zuôr têx chuôz zênhx, yuôx co;

b)Muôx têx lul heik tsi jông lok sik uô têx tus tsi tsik trơưk chei uô ruôr hiêv txos lênhx nênhs sir zôngv têx tsưr ziv phax tir thêir tsi chiê muôx mê nhuôv, têx lênhx nênhs xênhz zus tâu mê nhuôv tuz lok sik nhuôv nxeik ciês xưz ntơư li luz côngz bê.

2.Bluô nhiêx txix iz tsov đeiv txos 2 tsov đeiv trâu têx lênhx nênhs siêz tsi jông, zuôv luôs lưv tus txơưr đuô tsuv sir zôngv têx tsưr ziv tir thêir tsi chiê muôx mê nhuôv.

3.Bluô nhiêx txix 3 tsov đeiv txos 5 tsov đeiv trâu iz cxiê lênhx nênhs uô muôx têx cêr cxâuv li đrav kaz:

a)Zôngv đas jos, vax huôv kuôz zuôv luôs lưv tus txơưr đuô tsi sir zôngv têx tsưr ziv tir thêir tsi chiê muôx nhuôs lok sik tso tsês tsi zôngv têx tsưr ziv li heik sâuv;

b)Zôngv đas jos, vax huôv kuôz zuôv luôs lưv tus txơưr đuô tsuv xênhz mê nhuôv hâur chêr; tsuv xênhz zus nzir mê nhuôv thâuv lơưr tưz xênhz zus tâu tuz lok sik nxeik ciês xưz.

4.Bluô nhiêx txix 5 tsov đeiv txos 7 tsov đeiv trâu têx lênhx nênhs zôngv đas jos, chei vax huôv chiê kuôz zuôv luôs lưv tus txơưr đuô tsuv sir zôngv têx tsưr ziv tir thêir tsi chiê muôx mê nhuôv.

5.Bluô nhiêx txix 7 tsov đeiv txos 10 tsov đeiv trâu iz hâur têx lênhx nênhs uô cxâuv li đrav kaz:

a)Cxax yuôx, muôz yuôx nox uz no…trâu lênhx nênhs sir zôngv têx tsưr ziv tir thêir cov tsi muôx mê nhuôv ntơư, tsi tâu tus nênhs co jông siêz, thôngx ziv;

b)Zôngv đas jos, chei vax huôv chiê kuôz zuôv luôs lưv tus txơưr đuô tsi tâu zôngv têx tsưr ziv tir thêir cov tsi muôx mê nhuôv lok sik tso tsês tsi zôngv chor tsưr ziv co;

c)Zôngv đas jos, chei vax huôv chiê kuôz zuôv luôs lưv tus txơưr đuô tsuv xênhz mê nhuôv; tsuv xênhz zus nzir nhuôs thâuv lơưr tưz xênhz zus tâu tuz lok sik nxeik ciês xưz.

6.Bluô nhiêx txix 20 tsov đeiv txos 30 tsov đeiv trâu têx lênhx nênhs uô hâux lưv kho moz cov luôs lưv tus txơưr đuô muôx tsi tâuk mê nhuôv mak tsi tâu tus nênhs co jông siêz, thôngx ziv đros.

Nhạc cắt

Grê 102. Uô cxâuv cui tinhv lok sâuv zuôr muôs têx chuôz zênhx, yuôx tir thêir tsi chiê muôx nhuôv

1.Bluô nhiêx txix iz tsov đeiv txos 3 tsov đeiv trâu chor nênhs zuôr muôs têx yuôx, chuôz zênhx tir thêir tsi chiê muôx mê nhuôv tưz tâu cơ quan muôx vax huôv cui tinhv zos côngz muôz tsi zuôr nhiêx.

2.Bluô nhiêx txix 3 tsov đeiv txos 5 tsov đeiv trâu têx lênhx nênhs zuôr muôs têx chuôz zênhx, yuôx tir thêir tsi chiê muôx mê nhuôv ntơư civ đuô tus gri tưz tâu cơ quan muôx vax huôv cui tinhv.

3.Têx tsưr ziv xưv bluô nzir:

Sâu tsês têx chuôz zênhx, yuôx heik sâuv zuôr muôs tsi trơưk cui tinhv ntơưv yôngx 1 Grê no.

4.Tsưr ziv khưx phưx:

Heik cov tror muôz tas hur si têx nhiêx txiêx tưz sâu tâu tsi trơưk chei txix muôs chor yuôx, chuôz zênhx heik co lơưr chei têz qơưk cui tinhv ntơưv yôngx 1 thiêz 2 Grê no trâu lênhx nênhs zuôr.  Zos lênhx nênhs tưs muôz tsi tâu trâu tus nênhs zuôr mak tsuv muôz trâu tsêr nhiêx têz qơưk trơưk cui tinhv./.

(Bích Thuỷ BT-Riê Lâux cxeik, nhênhv)