Viv iz chêix so sor ngaz tuk trâu chor nhuôv zâu tox siêz

            Ntâu hnuz đhâu, Công an xar Lâm Giang, tỉnh Lào cai tưz tsưr tsix qênz shuôk jông chor thax tsav zôngx ziv muôx trâus pôngz đêx nhoz chor pak đêx, cưx đêx, cưx ha sâuv thax tsav. Đhâu xav jênhv têx qơư phiv liv, lưx lươngv công an rêik fiêx hêik kriê trâu pêx xênhv pâuz, tiv zix zos chor nhuôv zâu pâuz chiê phax tar txiêz nanv trâus pôngz đêx. Đại úy Đoàn Bảo Chung, canr bôv Công an xar Lâm Giang hêik pâuz: “Côngz an xar kriz uô qênhz yuôx thax tsav trơưk ntus đêx liêz, chor cưx đêx cưx ha tsik ngaz tuk. Iz chas co, chi đoàn công an xar tưz hêik pâuz trâu công an xar tsưr tsix yax kriê ntơưv chor tsêr cơưv sâuv thax tsav, đhâu co paz trâu chor uô niêv uô txir thiêz chor nhuôv sâuv thax tsav pâuz têx qơưk muôx đêx toz cov paz ngaz tuk jông”.

          Jiês no, Công an xar Lâm Giang cux tsik so sik côngv đros chor nganhx muôx vax huôv chuôz cxaz qênhz yuôx ngaz tuk ntơưv têx pak đa đêx sâuv thax tsav, hêi chor qơư no uô jông trơưk têx cui tênhv lok ngaz tuk trâu chor nhuôv zâu thâuv tuôx uô si thiêz đa đêx li: bax cov txâuk têx chuôz zênhx chơưv paz, fiêx hêik kriê têx cui tênhv thiêz muôx nênhs kriê trâu chor nhuôv… Niêv tix Trần Thị Nhung, tsưr qơư đa đêx jok Bo, xar Lâm Giang, tỉnh Lào Cai puz pâuz: “Pêz tưz tâu công an xar hêik pâuz zos chiê paz ngaz tuk trâu chor nhuôv hâur chêix so sor no mak thâuv chor nhuôv tuôx đa đêx mak pêz muôx nênhs sêiz shuôk chor nhuôv. Tiv zix zos chor nhuôv zâu mak pêz tưz muôx hêik pâuz tsuv muôx niêv txir đros tuôx, zos chor nhuôv zâu tsik muôx niêv txir đros tuôx mak pêz zuôr tsik khênhr chor nhuôv grêk muk đa đêx”.

           Chiê côngz xưv phax tar trâus pôngz đêx tâu tas nro côngv thôngx sir jos đros uô, canr bôv chiên sĩ Công an xar Lâm Giang tsênhv muk trâu yênhx jêx jok, yênhx ziv chuôz zis chiê yax kriê lok têx tsưr ziv phax tar trâus pôngz đêx, kriê trâu chor uô niêv uô txir sêiz jor jông zuk têx mê nhuôv hâur chêix so sor, tsik chiê chor mê nhuôv muk đa đêx ntơưv têx cưx đêx, cưx ha, lok sik uô si ntơưv têx qơư tsik ngaz tuk. Tix lâus Ngô Văn Quảng, jok Thíp Dạo, xar Lâm Giang, tỉnh Lào Cai hêik pâuz, lưx lươngv công an têx sir jos tưz paz trâu chor uô niêv uô txir shir phaz đuô txix thâuv hâur chêix so sor no: “Thâuv ntêx cux muôx ntâu txuz trâus pôngz đêx. Chor công an tuôx yax kriê trâu sơưr đơưk cov chox chor mê nhuov muk trâu têx qơư đa đêx chiê đa, zuôr hur đuô, muôx nênhs sêiz jor, paz por vêv tâu jông chor nhuôv hâur chêix so sor”.

           Cux li lưx lươngv công an xar Lâm Giang, lưx lươngv công an chor xar, phường nhoz Lào Cai cux tsênhv sir jos uô côngz xưv phax tar trâus pôngz đêx trâu chor nhuôv zâu txix têx hâux lưv uô tsênhv tsênhz li: yax kriê trâu chor uô niêv uô txir pâuz sêiz jor jông zuk têx mê nhuôv, muôx fiêx hêik pâuz, xor vax thêir ntơưv têx qơưk phiv liv, tsưr tsix kriê uô luôv đêx thiêz têx txux chi uô nênhx tsik tas nhiêx txiêx trâu chor nhuôv hâur jiês so sor no…/.

Đinh Tuấn-Lik Thox cxêik nhênhv