Tsuv txar đêz zax zênhz viv cxuô chuôz zis  luz nênhx

Tus nhuôv Loan Xênhv Vax, muôx 7 shông ntâu nhoz jok Pa Cốp, xar Vân Hồ, tỉnh Sơn La muôx iz ntu nênhx thâuv zâu lok six pôngz siêz thâuv txir trâus cơưv tux viv zuôr muôs zax zênhz, niêv khiêr muk zuôr txir tso nhuôv tsês thâuv tsênhv zâu, nhuôv Loan 2 nuk muôs tsuv đros pos zơưs thiêz chor nênhs cxênhz jê nhoz. Xar muôx 2 shông no, txir tơưv tsêr tux lok thiêz zuôr niêv zâu, Loan nhoz đros txir thiêz niêv zâu, taz sik cêr siz hluz nhoz nhuôv thiêz niêv zâu mak tsik jông xưk li niêv zus. Tiv zix, tiv niêv txir siz tso, tsik muôx ntơưr kriz xênhz viv li tưz muôx 7 shông ntâu,  Loan cux tsênhv tsik tâu muk cơưv ntơưr.

Thâuv thav txos, niêv tix Say Xênhv Tsaz, nhoz đros hâur jok Pa Cốp, xar Vân Hồ, cux uô cuô muôs pôngz hlo hêik txos zuk luz nênhx. Nhoz qơư txơưr lok uô nhaz ntơưv Pa Cốp, oz niêv txir xênhz zus tâu 4 tuk mê nhuôv, xar tiêk zuôr muôx luz nênhx jông, taz sik niêv tix tuk txir zos Nênhz Xênhv Zax ho muôx zênhk zax zênhz txix thâuv tưs lok cux tsik pâuz. 2 shông no, niêv tix tuk txir tâu chox muk chiv zênhk zax zênhz, niêv tix iz lênhx tsuv sir jos tu zus chor mê nhuôv; taz sik tuk nhuôv hloz tưz tsuv tso ntơưr tsês tsik cơưv, viv chuôz zis luz nênhx txov nhêv hênhr:

Đros nhuôv Loan thiêz niêv tix Say ziv chuôz zis, ntơưv jok Pa Cốp tsênhv yuôr ntâu chuôz zis txơưr luz nênhx cux puôk tsuôx tas viv zax zênhz. Bí thư Chi bôv, tsar jok Jêz Xênhv Vax cux hêik pâuz tiêk, jok Pa Cốp muôx 208 ziv chuôz zis, zuôr xar 1.200 lênhx nênhs, xar muôx 100% zos tsôngv box Hmôngz uô nênhx nhoz. Jok nhiv no muôx 17 lênhx tsênhv trâus cơư tux, 1 lênhx tsênhv taz tov zok nriêr cxov tiv cik txos zuôr muôs, tsês chiê, sir zôngv zax zênhz tsik trơưk chêi; iz cxiê lênhx nênhs txơưr tsênhv muk chiv xênhk zax zênhz. Zax zênhz uô trâu sơưr đơưk yêiz pluôs, nhiv no chor chuôz zis pluôs hâur jok yuôr 30%.

Ntơưv jok Tà Dê, đros xar Vân Hồ, pos Mêiv Xênhv Zax 70 shông hnuz nhôngs, chuôs li tưz kuôx cuô muôs kruôr tas, viv 3 tus tuz đros trâu tus nhaz hloz cux trâus muk nhoz tux, tiv zax zênhz. Hâur co, tuk tuz hloz mak nhoz tux tas siv nênhx; tus nhaz hloz nhoz tux 16 shông; oz tuk tuz txơưr mak iz lênhx trâus tuô, iz lênhx tsuv nhoz tux 10 shông. Tas nro pos chor nhuôv xênhz nzưr zos pos iz lênhx tu zus. Pos siêz xar njôngr zos xar cov tas nro chuôz zis sik đros nox iz pluôs mor sor so, shir phaz, taz sik zuôr uô tsik tâu lơưv. Pos Mêiv hêik: Pos Nguyễn Thị Ngọc, Phưv Bí thư Thường trực Đảng ủy xar Vân Hồ puz pâuz, phiv liv tiv zix hâur côngz xưv tir tar chor nênhs fêv thiêz txiêz nanv zax zênhz nhoz Vân Hồ zos thax tsav đar, pêx xênhv tsik nhoz siz jê, cêr muk lok phiv liv; chor nênhs phamv cxâuv lok zax zênhz muôx ntâu tsưr ziv huôx tôngv; iz cxiê lênhx pêx xênhv cux tsênhv nyêi chor nênhs fêv co uô hiêv txos, viv li tsik car hêik pâuz chor nênhs fêv no trâu hâu nov ntơưv qơư pâuz. Taz sik, cấp ủy, chinhr quyền xar tưz sir jos uô txix ntâu tsưr ziv, hêik tas nro cxiv luôs chinhr triv sik đros uô.

Chênhr zos li hêik ntơư, txix hnuz 1/7/2025 txos nhiv no, lưx lươngv muôx vax huôv xar Vân Hồ tưz cxov tâu 22 txuz, 24 lênhx nênhs uô cxâuv lok zax zênhz, sâu tsês xar muôx 500 njiêr yuôx shơư zax zênhz, 4,6 gam zênhz đơưz thiêz ntâu zav chuôz zênhx txơưr cik txos: “Ntu zuôr txos, pêz zuôr tror paz hâux lưv uô, paz trâu chor hluôk tsưr ziv huôv tsar uô nox, paz chor nênhs chiv zênhz zax zênhz tror lok uô nênhx đros côngv thôngx, jux juk txo grêk tsơưs chor nênhs phamv cxâuv lok zax zênhz, tuôr truôx ngaz tuk thiêz cxiv tsa xar Vân Hồ huôv tsar truôx jông”.

Zax zênhz zos iz zav uô ruôr hiêv txos lênhx nênhs đas jos, luz nênhx txox siê thiêz tsênhv uô ruôr hiêv tsik jông txos niêv txir thiêz têx mê nhuôv luz nênhx, uô muôx yưv ntâu phiv liv trâu xar hôiv. Chênhr viv li, tsôngv px sđ tsuv pâuz tsênhz têx tsik jông co thiêz đros phax tar zax zênhz, tsik zuôr muôs, tsik sir zôngv zax zênhz thiêx tsik uô ruôr hiêv txos sđ luz nênhx, txox siê./.

Bluô chor nênhs uô cxâuv chêi zuôr muôs zax zênhz ntơưv Việt Nam

Xưv bluô hành chính (tsi tâu txâuk tik cêr cxâuv nhoz tux)

-Sir zôngv tsi trơưk chei zax zênhz: Trâus bluô nhiêx txix iz tsov đeiv txos 02 tsov đeiv.

-Ntiêz tơưv đhâu têz qơưk: Cui tinhv no zos bluô thiêz tik cêr cxâuv trâu chor nênhs nhoz 2 chas têz qơưk uô cxâuv chei cik txos zax zênhz.

-Xưv bluô tik cêr cxâuv (trâu chor nênhs uô cxâuv chêi zuôr muôs  zax zênhz):

Tsuv seiz têx cêr cxâuv ntơư lox lok sik zâu (zuôr muôs, thâux gra, tsiv uô, tsưr tsix sir zôngv) thiêz chor zax zênhz sâu tâu tsês ntâu lok tsơưs, zuôr trâus bluô trơưk 4 cui tinhv li đrav kaz:

Tiv iz: (Tsi yuô cxâuv lox): Trâus tik cêr cxâuv nhoz tsêr tux txix 1-7 shông.

Tiv 2: (Uô cxâuv lox): Trâus tik cêr cxâuv nhoz tux txix 7-15 shông.

Tiv 3: (Uô cxâuv lox hênhr): Trâus tik cêr cxâuv nhoz tsêr tux txix 15-20 shông.

Tiv 4: (Uô cxâuv lox cơưs): Trâus tik cxâuv nhoz tux txix 20 shông, nhoz tux tas iz siv nênhx lok sik trâus tuô por tsês.

Têx cui tinhv trâus bluô nzir:

-Bluô nhiêx: Txix 5 tsov đeiv txos 500 tsov đeiv.

-Sâu tsês têx chuôz zênhx chuôz tav: Sâu tsês iz cxiê zav chuôz zênhx lok sik tas nro lênhx nênhs uô cxâuv ntơư têx chuôz zênhx chuôz tav zos nưk tus.

-Txưr tsi puz uô hâux lưv: Txưr tsi puz lês uô têx hâux lưv zok muôz txix 1-5 shông.