Yên Bái zênhx max lêix uô têx liêx têz, tsêz chos chiv kôngz ntux tsâus

Niêv lâul Mông Thị Thế nhoz jok Xuân Yên, xã Minh Xuân, huyện Lục Yên (Yên Bái) chuôz zis đhâu hlo thâuv sâu têx kôngz tas tưz zênhx max lêix ar têz chiê chos chiv poz cưk ntux tsâus.

Chiê sâu tâu nzor, tsi uô hiêv txos chiv ntux yiêz, uô ntêx thâuv zuôr hlêis sâu chor blêx, niêv lâul chuôz zis tưz bax qir zuôv, nôngz cưk tsês hur si. Đhâu chos tas kôngz hâur liêx têz zuôr tsi so muk seiz shuôs, qênhz yuôx têx tsoz chos chiê zênhx max nzir tâu têx tsoz tsi tuôx, trâul caz hmoz tho nox uô ruôr hiêv. Niêv lâul Thế heik: “Hlêis sâu tas chiv blêx nhiv kruôr đhâu, cur chuôz zis tưz qir chos ciês poz cưk trâu. Xuz thơưx zos chuôz zis muk luôx têx hâur pâuk kuôr blêx, luôx tas li lêix thiêz lêix tas mav khơưz kror, chos poz cưk. Vav chiê siêz, têx kôngz chiv ntux tsâus no zuôr hloz lox jông, sâu tâu nju”.

Xã Minh Xuân sir jos chos 55 ha poz cưk chiv ntux tsâus. Chiê uô tâu luôs hâux lưv co, xã tưz sir jos yax kriê, vênhv tôngv tsôngv box sơưr đơưk bax sâu zênhx max têx kôngz chiv nhiv no, lêix uô ar txos tưs mak chos têx tsoz chos ntux tsâus txos co. Txos nhiv no, tas nro xã tưz chos tâu xar muôx 100% têx têz poz cưk chiv ntux tsâus trơưk tsưr ziv tso tơưv. Zơưv Lã Văn Quảng, Phưv Chủ tịch Ủy ban xã Minh Xuân, huyện Lục Yên heik pâuz: “Xã tưz tso tơưv Nghị quyết chiê fuô uô chiv kôngz ntux tsâus txos trâu cxuô jêx jok. Lok sâuv nôngz kôngz mak puôr lênhx xeir zuôr chor nôngz jông thiêz hloz lox tâuk”.

Chiv no, tas nro huyện Lục Yên muôx tsưr ziv chos 1.700 ntâu ha, muôx 850 ha poz cưk, hâur co muôx 500 ha uô 2 chiv blê, 560 ha chos têx jâuz tâuv cxuô zav, 300 ha kok liêz....., phênhv ntâu nhoz chor xã li: :iễu Đô, Yên Tahứng, Mai Sơn, Lâm Thượng, Minh Xuân, Mường Lai.... Chiê uô tâu chiv kôngz ntux tsâus trơưk tsưr ziv, siêz xar, iz chas heik tsôngv lax pêx xênhv zênhx max sâu chor kôngz chiv nhiv no, chiê lêix uô ar tsêz chos chiv ntux tsâus, huyện cux tso đêx huv đros yênhx thax tsav qơư chiê sơưr đơưk uô kôngz. Cxiv tsa tsưr ziv uô, tsêz chos kôngz chiv ntux tsâus huv đros; tsưr tsix têx lớp cơưv shâuv cxaz nzir tsưr ziv lêix ar têz, tsêz chos kôngz trơưk cui tinhv, tsưr ziv kriê chiê zôngx ziv zưs đêx, seiz shuôs, tsoz phưz thiêz sâu kôngz.

Pos Nguyễn Hồng Nhung, Phưv tsar phongx Kôngz nuv thiêz huôv tsar tox siêz huyện Lục Yên, tỉnh Yên Bái heik pâuz, niêx shông huyện puôr lênhx muôx tsưr ziv uô tsênhv tsênhz li heik sâuv chiê pêx xênhv uô trơưk, lar heik zos lok sâuv uô têx kôngz chiv ntux tsâus: “Chiê uô tâu chiv kôngz ntux tsâus trơưk tsưr ziv, ngênhx Kôngz nuv tưz fuô kriê tsôngv box, iz chas sir zôngv chor qir têz qơưk, tsuv nzaz nzơưv têx kuôr blêx vâuv uô qir chiê trâu tsoz chos”.

Chiv kôngz ntux tsâus shông no, tas nro tỉnh Yên Bái sir jos chos 9.700 ntâu ha tsoz chos cxuô zav, chiê muôs tâu nhos 500 tyv đeiv. Lok sâuv tsưr ziv uô, têx kôngz chiv no phênhv ntâu cux zos poz cưk, kok liêz, têx jâuz tâuv, viv li tsoz chos cê muôx chôngz lênhx zuôr txos, cê uô tâu jâuz puz tsiêx cxu hâur cheix ntux no njiv./.

Trịnh Xuân-Riê Lâux cxeik, nhênhv

YAX KRIÊ

Yax mông lok cxax yuôx phax moz li kror liv, moz Uốn ván nhoz chor nhuôs nhiv kruôr xênhz zus thiêz têx tsưr ziv phax, tar ntơưv côngv thôngx sâuv thax tsav tỉnh Sơn La shông 2023

Taz sik, hâur shông 2023 ntâu zav yuôx vắc xin Trung ương muôz tsik txâuk chiê cxax phax moz cov cxix cxuô sâuv thax tsav tỉnh, ntâu zav moz siz cik txơưr đuô cux tsik so chuôz ndê. Hâur co, tỉnh Sơn La cux tsênhv zos thax tsav qơư muôx chor nênhs trâus moz thiêz trâus tuôs tiv moz Uốn ván nhoz chor nhuôs nhiv kruôr xênhz zus chôngz tiv zix sâuv tas nro têz qơưk. Xav txos hli 10 tỉnh Sơn La pov muôx 8 lênhx nênhs trâus moz hâur co muôx 4 lênhx nênhs tuôs tiv zav moz Uốn ván nhoz chor nhuôs nhiv kruôr xênhz zus. Tas nro chor nênhs trâus moz puôr lênhx nhoz têx jêx jok, xar tox siêz đêz đrôngs, txov nhêv tiv zix ntơưv têx huyện: Mai Sơn, Yên Châu, Bắc Yên, Phù Yên, Mường La, Sốp Cộp, Quỳnh Nhai thiêz 100% chor uô niêv puôr lênhx tsik tâu cxax yuôx vắc xin AT phax moz Uốn ván, tsik njuôk shuôk mê nhuôs hâur ntu xênhz nhuôs hâur chêr, phênhv ntâu tsik tuôx xênhz zus mê nhuôv ntơưv têx qơư y têr, chor nhuôs tâu xênhz zus ntơưv tsêr thiêz zôngv têx chuôz zênhx tsik tâu xưv lik jông chiê txiêr hla pux lir…

Viv li, chiê phax moz Uốn ván nhoz chor nhuôs nhiv kruôr xênhz zus, chor pox niêv hâur hnuz nhôngs xênhz zus tsuv tuôx trâu têx qơưk cxax yuôx phax moz sâuv thax tsav chiê cxax yuôx vắc xin AT phax moz Uốn ván trơưk six hơưv cxax yuôx Trạm Y têr xar hêik pâuz.

- Đros chor pox niêv xênhz nhuôs hâur chêr:

+ Cxuô lênhx nênhs xênhz nhuôs hâur chêr tsuv tuôx njuôk shuôk chor me nhuôv xênhz hâur chêr tsik so tsơưs tiv zix 4 jiês trâu iz jiês xênhz nhuôs hâur chêr ntơưv têx qơư y têr jê tiv zix chiê tâu hêik kriê lok tsơưr pưr, cxaz nzir Vitamin, njuôk shuôk nyar nriêr pâuz lok cxuô zav moz…

+ Cxax cxix cxuô yuôx vắc xin phax tar moz Uốn ván ziv nzor ziv jông thâuv xênhz nhuôs hâur chêr lơưr canr bôv Y têr ntơưv trạm Y têr xar, phường, thị trấn sâuv thax tsav hêik kriê chiê phax tar moz Uốn ván trâu lênhx uô niêv thiêz phax tar moz Uốn ván nhoz mê nhuôv nhiv kruôr xênhz zus trâu mê nhuôv.

+ Xênhz zus mê nhuôv ntơưv têx qơưk y têr jê tiv zix chiê lênhx uô niêv thiêz mê nhuôv tâu tsoz phưz jông thiêz mê nhuôv tâu txiêr hla pux lir txix têx chuôz zênhx jông chiê phax tar moz Uốn ván trâu chor nhuôv nhiv kruôr xênhz zus.

+ Canr bôv Y têr tsuv uô jông têx tsưr ziv phax tar caz moz thâuv txêik têx mê nhuôv, tsoz phưz mê nhuôv nhiv kruôr xênhz zus lơưr cui tênhv.

Chor chuôz zis pov mê nhuôv trâus moz lok sik xav tiêk trâus moz uốn ván xưk li cxar kror ndâux, tsik xar nox mik, nox tsik tâu mik, kuôx ntâu, yênh thiêz cxar iz chê, lok kâuz ndâus ntâu, oz cxêik têk nhêv khor, oz cxêik tơư shaz ndax, mê nhuôv sir jos ndaz nênhs… tsuv chox ciês mê nhuôv tuôx trâu têx qơư y têr chiê  tâu njuôk shuôk thiêz chơưv kho cov nzor. Zos chiê mê nhuôv yênh thiêz muôx yưv têx li hêik tas sâur ntêr mak zuôr uô trâu mê nhuôv uô tsik tâu pa, plơưr đhiê tsik tâuk thiêz zôngx ziv trâus tuôs.

 đrâuv moz Uốn ván nhoz mê nhuôv nhiv kruôr xênhz zus, nhiv no chor zav moz siz cik tưz puôr lênhx muôx yuôx vắc xin phax tar moz, tâu cxax tsik tas nhiêx txiêx ntơưv têx qơưk cxax yuôx nhoz Trạm y têr xar, phường, thị trấn sâuv thax tsav tas nro tỉnh lơưr Bôv Y têr li six hơưv cxax yuôx. Pox nhuôs sơưr đơưk tsuv chox zuk chor mê nhuôv muk cxax yuôx cov huv six hơưv, hnuz nhôngs chiê paz phax tar tâu jông đas jos trâu chor mê nhuôv./.

Hồng Việt-Lik Thox cxêik nhênhv-Lưu, in đĩa