Sơn La: Chuv tôngv phax tar cuz tox cuz jôngr hâur cheix ntux kruôr

          Yênhx châuv jiês yax mông tâu tsưr tsix, đros 3 cxênhz 600 ntâu jiês lênhx nênhs cxaz chuôz; heik kriê nghiệp vụ trâu lưx lươngv ntơưv qơư 26 lớp, 1 cxênhz ntâu lênhx nênhs; tsưr tsix cir ntơưr taz por phax cuz trâu zuôr xar 500 qơư…No zos chêx cuk mak Phongx cảnh sát phax cuz tuô cuz thiêz chơưv paz, công an tỉnh Sơn La tưz uô hâur 2 luz hlik hâur shôngk shông no.

          Thượng tá Nguyễn Văn Tiến- Phưv tsar phongx phax cuz tuô cuz thiêz chơưv paz, Công an tỉnh Sơn La puz pâuz: Chiê chuv tôngv uô côngz xưv phax cuz tuô cuz hâur cheix ntux kruôr, đros tsưr ziv “phax tar zos tsênhv” taz viv tưz krêz uô ntâu tsưr ziv; hâur co tưz chêx chôngk yax mông muôz siêz chêx cuk côngz xưv coar lik têz qơưk lok phax cuz tuô cuz đros ntâu tsưr ziv uô jông, taz por huv đros qênhx shênhx moz Covid-19 huôv xênhz. Hâur 2 luz hluk hâur shôngk shông, taz viv tưz chêx chôngk qênhz yuôx, heik kriê côngz xưv phax cuz tuô cuz ntơưv têx taz viv njuôs xav trâus cuz siêz li ciêz đrôngs, tsênhv qơư muôv muôs, têx qơư muôs trox yêz, têx qơư tsôngv box nhoz uô nênhx chêx chôngk…Thôngx cxix, tsưr tsix trâu têx taz viv cir ntơưr taz por phax cuz tuô cuz, truôx siêz yưr lir têx lênhx nênhs uô cxâuv cui tênhv lok phax cuz tuô cuz, tso tsês, tsi puz huôx tôngv đros têx qơư tsi taz por têx theox chênhv lok phax cuz tuô cuz. Đrâuv co, zos bax lưx lươngv thiêz yêz, chuôz zênhx chiê chơưv paz thâuv muôx cuz tơưk.

          Đhâu qênhz yuôx ntơưv 270 qơư hâur têx luz hlik hâur shôngk shông, lưx lươngv cảnh sát phax cuz tuô cuz tưz pov, xưv bluô 16 lênhx nênhs uô cxâuv, đros chor nhiêx txiêx zos zuôr xar 80 tsov đeiv. Đhâu qênhz yuôx, taz viv cux muôx têx ziv chênhv thix ziv thiêz heik kriê têx qơư li têx tsi tâu taz por lok côngz xưv phax cuz tuô cuz thiêz chơưv paz. Thôngx cxix, tror yax mông chiê muôz siêz tsưr ntơưv qơư thiêz nênhs uô hâux lưv ntơưv co li txơưx jênhv, cux xưk li heik kriê yênhx tưv lok phax cuz tuô cuz, taz por côngz xưv sik côngv tâu krêz uô jông đuô hâur ntu zuôr txos.

          Khov tâu yax mông, heik kriê, viv li siêz xar uô trơưk chei lok phax cuz tuô cuz ntơưv têx taz viv, doanh nghiệp nhoz tỉnh Sơn La ziv tâu muôz siêz.

          Heik lok zuk taz viv li chuv tôngv hâur côngz xưv phax cuz tuô cuz, pos Tô Thị Lan Phương- coar lik Công ty TNHH muôv muôs Trường Hải, tỉnh Sơn La puz pâuz: “Công ty muôv muôs trox yêz, trox a, zôngx ziv muôx cuz tơưk. Tâu lưx lươngv phax cuz tuô cuz thiêz chơưv paz Công an tỉnh Sơn La paz max, phênhv ntâu cán bộ, công nhân hâur công ty puôr lênhx tưz tâu heik kriê, tâu yax mông, viv li lênhx tưs cux uô jông côngz xưv phax cuz tuô cuz nhoz cxuô qơư. Zos môngr tsi jông muôx cuz mak cán bộ công nhân viên hâur công ty cux zuôr chuv tôngv yưr lir tâu têx hâux lưv muôx yưv”.

          Cheix ntux kruôr shông tưs ntơuv Sơn La cux muôx cuz tơưk lox zâu, đros têx ruôr hiêv txơưr. Muôx ntâu qir tiv uô cuz tơưk, taz sik ntâu txuz zos tiv lênhx nênhs li siêz xar tsi tsưv ziv. Viv li, chiê por vêv zuk thiêz côngv thôngx li chuôz zênhx chuôz tas thiêz txox siê, iz lênhx nênhs tsuv muôz siêz siêz xar, txơưx jênhv phax tar cuz, chuv tôngv bax têx tsưr ziv zuôr trâus thiêz muôx chêx cuk chiê phax cuz tuô cuz hâur cheix ntux kruôr./.

(CTVVOVTB-Txâur Vax cxeik nhênhv)

Tsôngv pêx xênhv Yên Bái tror tu zus tsiêx cxu kêiz, buô

          Pos Nguyễn thị Miên chuôz zis nhoz jos Đồng Phú, Phươngx Nam Cường, đrôngl Yên Bái, thâuv tưs cux tu zus 20-30 tus mê nhuôv buô; taz sik hâur ntu đhâu lok no, têx krâur tsar ndê grê thiêz tsênhv zos luz chêix têx tsiêx cxu zôngx ziv trâu cik caz moz ơưk; Pos Miên chuôz zis tsuôk zuôr 7 tus nôngz buô chox lok tu zus, tsik zus ntâu tus:

          “Tus grê zuôr, muôs tsik truôx, tsôngv px sđ tsik tu zus ntâu”

          Zơưv Nguyễn Đức Hải, zos  chuôz zis tu zus buô ntâu hâur thax tsav Phươngx Nam Cường, đrôngl Yên Bái; iz jas tu zus muôx 160 tus buô; taz sik hâur têx hnuz nhiv no tsuôk zos tu zus 50 tus:

          “Hâur ntu nhiv kruôr đhâu, viv muôx yưv caz moz ơưk buô, tsôngv px sđ tsik muôx chuôz zis tưs tu zus ntâu”

          Zơưv Nguyễn Hữu Lợi, phưv chủ tịch uỷ ban xã Minh Bảo, đrôngl Yên Bái hêik pâuz tiêk: Tsôngv px hâur thax tsav xã cux uô jông sox sêiz, njuôk xav hâur huôv tsar tu zus cov huv đros tsik chiê pôngz pênhr:

          “Xã tưz đros cxuô đơn vị fuô yax kriê tsoongv px lok tsưr ziv tu zus, tsik chiê têx tsiêx cxu trâus cik moz ơưk”

          Uô jông trơưk cxuô faz tsưr ziv tu zus buô hâur shông 2022, cxuô tsênhv qơư hâur thax tsav tỉnh Yên Bái tưz qênhz yuôx, thôngz sâu têx tsiêx cxu lox zâu hâur chor chuôz zis tu zus; tsuv uô truôx jông cxuô faz tsưr ziv tu zus, phax phôngz tir thêir caz moz ơưk thiêz tsuôs yuôx tuô caz moz ơưk trâu têx guôx, qơư tu zus. Pos Phạm Minh Phương, Giám đốc tsênhv qơư-huôv tsar tox siêz đrôngl Yên Bái hêik pâuz:

          “Nhiv no tsôngv px sđ tsênhv tror cxiv kho đuô têx guôx, qơư tu zus, txos trâu ntu muôx ntux sor, mav zuôr nôngz buô lok zus”

          Tsôngv px uô jông luôs hâux lưv njuôk shuôk hâur huôv tsar tu zus  ntâu tsiêx cxu, chênhr zos phax tir thêir tâu caz moz ơưk tsik chiê cik trâu têx tsiêx cxu thiêz truôx tuk tus grê, zuôr muôs./.

                           Tsu cxêik nhênhv-Đinh Tuấn VOV Tây Bắc