Por vêv tsưx phưv jôngr cheix ntux kruôr

                   Tâu choz jênhv vưv seiz car, por vêv jôngr thax tsav xã Chiềng Bôm, huyện Thuận Châu têx hnuz no, niêv lâuk Đào Thị Thanh Huyền, viên chức Ban seiz car jôngr txưr- jôngr phưx phưv Thuận Châu côngv đros Ban seiz car têx jêx jos, têx tuêv, têx paz seiz car por vêv jôngr jênhv choz, chuôz tsar qênhz yuôx txiv ngaz jôngr, uô jông têx zoz qơưx lok por vêv jôngr, tsi zôngv hluôr tơưs pêv har jôngr hâur ntu ntux kruôr gis:

          “ Fênhx yax pêz muk qênhz yuôx 3-4 jiês iz luz hlik, đrâuv co cxok fiêx canhv pov, heik kriê tsôngv box suô têx blôngx ntông kruôr, uô cêr cêv kuôk hluôr tơưs phax tar cuz jôngr”.

          Đros mênhv chêx zos 680 hecta jôngr, jos Nhộp, xã Chiềng Bôm, huyện Thuận Châu, tỉnh Sơn La zos iz hâur têx qơư muôx mênhv chêx jôngr lox tiv zix sâuv thax tsav, njuôs xav muôx cuz jôngr siêz hâur cheix ntux kruôr. Lơưr zơưv Lường Văn Nhại, Tuêv tsar tuêv uô ntêx nyuôk por vêv jôngr jos Nhộp, cheix ntux kruôr shông no, tuêv uô ntêx nyuôk tuô hluôr tơưs muôx 24 lênhx nênhs tưz ciêr chênhr luôx cêr cêv kuôk hluôr tơưs đar tsơưs tiv zix 8 yiv, cêr qênhz yuôx thiêz thâux chuôz zênhx tuô hluôr tơưs thâuv muôx cuz tox cuz jôngr. Coaz tsôngv tiv zix zos heik 100% lênhx nênhs hâur tuêv seiz jor thơưk hnuz thơưk hmo, truôx siêz tuôx hluôr tưs thâuv muôx cuz tox cuz jôngr:

          “Txix shông 2020 txos nhiv no, pêz yênhx lix tuêv uô ntêx nyuôk muôx 24 lênhx muôx jông đas jos, nhoz tsêr, tsi muk uô jos chiê thâuv muôx cuz tox cuz jôngr mak pêz chêx chôngk lơưr tuôx paz tuôx hluôr tơưs”.

          Ban seiz car jôngr txưr- jôngr phax phưv Thuận Châu tâu choz seiz car, por vêv 26 cxênhz 400 hecta jôngr nhoz thax tsav 2 huyện Quỳnh Nhai thiêz Thuận Châu tỉnh Sơn La, hâur co, muôx 14 cxênhz hecta ntâu zos jôngr phax phưv, chor tsênhv yuôr zos jôngr txưr. Phênhv ntâu jôngr tâu choz seiz car, por vêv zos jôngr muôx ar têz nxaz, lax muk lok tâu.

          Đros tsưr ziv “phax tar jông đuô tuô hluôr tơưs” cheix ntux kruôr shông no, Ban seiz car jôngr txưr, jôngr phax phưv Thuận Châu tưz chuv tôngv cxiv tsa tsưr ziv phax cuz tox cuz jôngr; bax lênhx nênhs, yêz, chuôz zênhx lơưr tsưr ziv “4 ntơưv qơư” chiê ciêr chênhr phưx vưv tuô hluôr tơưs thâuv muôx cuz tox cuz jôngr. Zơưv Nguyễn Văn Việt, giám đốc Ban seiz car jôngr txưr- jôngr phax phưv THuận Châu puz pâuz: Nhiv no taz viv seiz car tsênhv sir jos krêz uô hâux lưv kho đuô têx côngz tsinhx cêr cêv kuôk hluôr tơưs cuz jôngr đros têx dự án chos jôngr, li dự án chos jôngr yiêz, dự án chos jôngr phax tar qiv hơưv txơưr txar:

          “Shông no lơưr njuôs pov, cheix ntux kruôr zuôr truz ntêr đuô, no cux zos iz phêv liv viv qiv hơưv uô zênhr shar txos hâux lưv phax cuz tuô cuz jôngr, tiv zix zos cheix ntux lok nas tuôx txos lis đuô. Pâuz tâu qênhx shênhx no pêz tưz cxiv tsa têx tuêv đros têx tuêv por vev jôngr nhoz têx jêx jos chiê muôx lênhx nênhs, taz por seiz jor hâur têx hnuz ntux kruôr gis”.

          Nhiv no, chính quyênx, tsôngv box đros Ban seiz car jôngr txưr- jôngr phax phưv Thuận Châu tsênhv sir jos, chuv tôngv krêz uô têx tsưr ziv chiê por vêv jông mênhv chêx jôngr lâuk thiêz mênhv chêx jôngr chos yiêz, txu grês tsơưs tiv zxĩ têx txuz cuz tox cuz jôngr njuôs xav muôx yưv hâur cheix ntux kruôr shông no./.

(Trấn Long-Txâur Vax cxeik nhênhv)

Quảng Ninh: Sir jos muôx cov txâuk bác sỹ uô hâux lưv chơưv kho moz trâu têx tsêr kho moz xã

Trạm y têr xar Đồn Đạc muôx 7 lênhx canr bôv y têr, taz sik thax tsav qơư no ho chôngz pêx xênhv tiv zix huyện tox siêz Ba Chẽ đros xar muôx 6.000 lênhx nênhs. Bắc sỹ Nguyễn Thị Thắng, trạm trưởng trạm y têr xar Đồn Đạc puz pâuz: têx shông caz moz Covid-19 huôv xênhz, hâux lưv njuôk kho moz ntơưv trạm trâus txo grêk tsơưs, taz sik canr bôv y têr ho uô hâux lưv ntâu đuô oz jiês chiê taz por uô cov tiêr têx hâux lưv ntâu txix y têr dự phòng, tsoz phưz đas jos xênhz zus mê nhuôv, tiv zix zos cxax yuôx phax moz Covid-19… Côngz xưv uô phiv liv taz sik phênhv nhiêx paz trâu sêiz jor thâuv hmo ntux mak ho tâu thêv tsơưs thiêx li zos têx kror phiv liv trâu chor nênhs uô côngz xưv y têr ntơưv têx xar:

“Hnuz kaz ciêz pez tâu 35 cxênhz đêiv hâur hnuz sêiz jor uô hâux lưv. Kror nhiêx no cux tsuô txâuk zuôr mì tôm thiêz jâuz nox hâur 16 six hơưv sêiz jor thiêz pêz pov tsik tâu huv đros trâu pêz đas jos uô hâux lưv chiê tsoz phưz đas jos trâu pêx xênhv”.

Tsênhv tsênhz, tưz muôx tsik tsơưs chor y, bác sỹ nhoz trạm y têr têx xar muôx txux chi uô tâu hâux lưv jông thiêz xar sir jos uô hâux lưv li co taz sik ho tso hâux lưv tsês, thiêz Ba Chẽ tsênhv zos qơư muôx txos 5/8 trạm y têr tsik muôx bác sỹ. Kror tsuv cxơưx zos qênhx shênhx muôx tsik txâuk canr bôv y têr uô hâux lưv ntơưv têx trạm y têr cấp xar hax zav muôx chôngz đuô thâuv nganhx y têr zaz zâuv tsik tâu chor bác sỹ lok trâu thax tsav tox siêz uô côngz xưv. Bác sỹ Đoàn Ngọc Thanh, Giám đốc Tsênhv qơư y têr huyện Ba Chẽ puz pâuz:

“Pêz tsênhv muôx tsik tâu txâuk lok six ntâu bác sỹ tiv zix zos uô têx hâux lưv li chơưv paz đas jos thiêz lok six lax xêir zuôr tâu chor nênhs uô têx hâux lưv no. Nhiv no pêz tsênhv khưx phưx txix tsưr ziv chiê chor bác sỹ muk cơưv nzir, li co iz lênhx nênhs tsuv uô lok six ntâu kror hâux lưv. Nhiv no, huyện Ba Chẽ nhiv kruôr muôx 3 lênhx bác sỹ ntơưv 3 trạm y têr, 5 trạm txơưr mak tsik tâu taz por”.

Chiê uô tâu li tsưr ziv tso tơưv, kaz shông 2022, Hôiv đôngx tỉnh Quảng Ninh tưz tso tơưv tsênhv chêi paz zaz zâuv chor shux xênhz cơưv tiêr ntơưr txơưx, canr bôv khoa học hluôk; tsênhv chêi paz thox cxov đhâu cơưv đại học đros thiêz viên chức nhoz têx taz viv y têr công lập Quảng Ninh ntu 2023-2025. Zơưv Nguyễn Trọng Diện, bác sỹ chuyên khoa 2, Giám đốc Sở Y têr tỉnh Quảng Ninh puz pâuz nzir:

“Pêz tsênhv cxiv tsa Đề anr muôx 5 tsênhv njiêz: Zaz zâuv chor bác sỹ txơưx lok uô hâux lưv ntơưv chor tsêr kho moz tỉnh, tsêr kho moz huyện thiêz xar; tsik so tso bác sỹ nhoz tỉnh muk trâu huyện thiêz huyện muk trâu xar, taz por 100% chor qơư y têr huyện thiêz xar puôr lênhx muôx bác sỹ”.

Chiê txo grêk tsơưs tsik siz bâus lok chor bác sỹ ntơưv cxuô thax tsav qơư, nganhx y têr Quảng Ninh zuôr kriz uô paz txix ntâu tsưr ziv trâu chor canr bôv y têr lok uô hâux lưv ntơưv Quảng Ninh, tiv zix zos chor pox niêv lok sik mênhx cxưx tsơưs nênhs lok uô hâux lưv ntơưv têx trạm y têr xar, phường, thị trấn nhoz thax tsav têx huyện Ba Chẽ, Bình Liêu, Đầm Hà, Hải Hà, Tiên Yên, Cô Tô… Phênhv paz trâu chor nênhs no ndê txos muôx 1,4 jiês lơưr cui tênhv phênhv paz iz jiês tâu cui tênhv thiêz muôz siêz đuô phênhv sêiz jor trâu chor y, bác sỹ uô hâux lưv ntơưv têx xar ndê txos txix 40-50 cxênhz nhiêx iz hmo. No zos têx kror paz tsênhv tsênhz trâu chor nênhs uô hâux lưv ntơưv têx qơư y têr xã chiê taz por uô tâu jông hâux lưv tsoz phưz đas jos trâu pêx xênhv nhoz têx thax tsav tox siêz, đêz đrôngs thiêz poz hiêr./.                                      

TTĐB-Lik Thox cxêik nhênhv