Tsưr ziv tưs paz phax tar đêx nas cuôr yôngz, tox poz

ar lơưk

Txix ntâu shông lok no, shông tưs njuôs xav cux muôx đêx nas cuôr yôngz, tox poz ar lơưk, muôx tsi tsơưs tsôngv box tưz bax tâu têx tsưr ziv tir thêir, hâur co zos sox seiz njôngr chiê pâuz lok qênhx shênhx ntux nas chiê chuv tôngv phax tar. Niêv lâuk Kruô xênhv  Zax, tsôngv box jos Trống Là, xã Hồ Bốn, huyện Mù Cang Chải puz pâuz, thâuv 7 six tsâus ntux hnuz xiêz 5/8, đêx nas cuôr yôngz lok taz sik khov chuv tôngv seiz njôngr qênhx shênhx viv li niêv lâuk đros 5 lênhx nênhs hâur chuôz zis thiêz jêx jos tưz khiêr đreiv tâu jiês đêx nas cuôr yôngz. Tsêr nhoz, chuôz zênhx chuôz tas trâus đêx cuôr yôngz tas, taz sik sơưr đơưs cux pov môngr jông viv khiêr zênhx: “Cur niêv thiêz cur txir cux lok six tsov cưv, tsi so seiz car, thâuv hnor đêx cuôr yôngz lok mak tas nro iz tsêr ciêr chênhr khiêr muk qơư taz por đuô”.

          Zơưv Trần Anh Văn, Phưv văn phongx thường trực Ban chỉ huiz phax tar ntux nas thiêz nriêr chơưv nanv tỉnh Yên Bái puz pâuz: Chiê txu grês têx trâus ruôr hiêv, đrâuv tsôngv box li yênhx tưv, chênhz zênhv mak têx cấp, nganhx tsuv uô jông côngz xưv canhv pov lok qênhx shênhx ntux nas thiêz: “Thâuv jênhv tâu tỉnh li Ban chỉ huiz phax tar ntux nas li têx canhv pov lok qênhx shênhx qiv hơưv txơưr txar, huyện thiêz xã tưz thôngz xor mông txos tas nro têx jêx jos chiê sđ pâuz thiêz muôx tsưr ziv chuv tôngv phax tar”.

          Lok vênhv thix txar tsôngv box muk nhoz qơư taz por puôr lênhx tâu têx tiv phaz tsov cưv thiêz uô hâur ntu đhâu, thiêz thâuv muôx ntux nas, tox poz ziv hnuz ziv ntâu mak côngz xưv no zuôr tâu uô txos qơư đuô hâur têx shông zuôr txos. Zơưv Nguyễn Văn Thăng, Chủ tịch UB huyện Than Uyên, tỉnh Lai Châu puz pâuz: “UB huyện thiêz Ban chỉ huiz phax tar ntux nas thiêz nriêr chơưv nanv huyện cux tưz tso tơưv têx ntâuz ntơưr, côngz tênhv chox kriê UB têx xã chox kriê pox nhuôk txar muk nhoz qơư taz por. Thôngx cxix têx ziv chuôz zis li têx tsêr têz trâus tox poz uô hiêv lok sik tsêr trâus puôk tsuôx nhoz tsi tâu thiêz mak ciêr chênhr txar muk nhoz qơư taz por”.

          Zơưv Cao Việt Thịnh, Phưv giám đốc Sở kôngz nuv thiêz huôv tsar nôngx cxênhz, Chánh văn phongx Ban chỉ huiz phax tar ntux nas thiêz nriêr chơưv nanv tỉnh Sơn La puz pâuz, uô ntêx chiê khưx phưx, paz txưv têx ziv chuôz zis muôx tsêr nhoz trâus ruôr hiêv, tiv phaz zuôr bax têx qơư taz por li têx tsêr cơưv, tsêr vênhx huôv chiê têx ziv chuôz zis co tuôx nhoz uô ntêx: “Choz trâu tiv phaz, tsênhz mênhx zos xã bax qơư nox nhoz trâu pox nhuôk, taz por hâur ntu mak têz qơưk muôx tsưr ziv yưv pênhr cxiv tsa qơư nhoz yiêz trâu pox nhuôk, paz pox nhuôk muôx qơư nox nhoz ngaz tul luz nênhx”

          Số laov txix qơư njuôs pov qiv hơưv hâur ntâu shông đhâu, six hơưv ntux lok nas nhoz Tây Bắc khênhr zos 3 six hơưv ntâu, ntux lok nas lox. Thôngz sâu no tso pov njuôs xav muôx đêx nas lox cuôr yôngz. Uô li chas chiê phax tar, txu grês tsơưs têx trâus ruôr hiêv tiv ntux nas, đrâuv têx tiv phaz li sir jos, tsuv chuôz tsar zôngv têx KHCN yiêz uô canhv pov, uô têx tsưr ziv txu grês ntux nas, đêx cuôr yôngz, tox poz ruôr hiêv.

          Chiê uô tâu hâux lưv no tsuv muôx têx hlôngr yiêz jông hâur vênhv thix KHCN, thôngx cxix muôx têx tsưr ziv txu grês ntux nas, yưv pênhr cxiv uô cxuô zav, gra siêz tsưr ziv canhv pov nzor, phax tar ntux nas, tiv zix zos hâur côngv thôngx tsôngv box cux xưk li yưv pênhr lok thôngz xor mông txos tsôngv box, chiê pox nhuôk tox siêz txu grês têx cêr pôngz siêz, cêr yeiz pluôs thâuv txos cheix ntux nas!

VOVTB-Txâur Vax cxeik nhênhv

Nênhs lâul uô ntêx hlo lok uô kinh têr hâur tsôngv box Hmôngz nhoz tox siêz Sơn La

Njiê zơưv Phar Sỉ Xênhv Thox muk lok ndis vax txir thanh long nhoz iz ntar trôngz, tsik muôx lênhx tưs xar tiêk shông no zơưv tưz muôx 70 shông lơưv. Zơưv Phá Sỉ Xênhv Thox hêik, têx shông uô ntêx tưz tsik zos cur ziv chuôz zis xưz mak chor ziv chuôz zis txơưr đuô hâur jok luz nênhx lok six txov nhêv, kinh têr khov tas nro trâu chos poz cưk, chos kok ntông, muôx pluôs mak txâuk nox, pluôs mak tsik txâuk nox, ntâu jiês tsuv muk zok khơưz têx zav nox hâur har jôngr lok nox cov đhâu hnuz”.

Tsik chưx yêiz pluôs, zơưv sir jos nriêr pâuz, cơưv shâuv têx tsưr ziv uô tâu nox nhoz ntâu qơư; thôngx cxix, sir jos cxaz chuôz trâu chor lớp kruôz kriê kỹ thuật chos kôngz lôngk, tu zus tsiêx cxu zos xar, jêx jok tsưr tsix. Xuz thơưx zos yuôx zêx thiêz têx zav txir lưv tsiz sôngz, txir mo môngk… taz sik sâu tsik tâu siêz.

Txos shông 2018, pov tâu đêx ar, qiv hơưv ntơưv zuk qơư nhoz lok six huv đros chiê chos txir thanh long, zơưv tưz sir jos yưv pênhr uô 2.700 tuk ndêx bê tông; thôngx cxix, zuôr zuz lok chos sâuv ar têz đar muôx 2,5 héc ta. Sir jos  tu jông, huv kỹ thuật, iz chês tsuôk tsês 1 txos 2 luz txir, viv li chuôz zis vax txir thanh long huôv tsar jông, iz shông sâu tâu xar muôx 25 tấn. Zơưv Phar Sỉ Xênhv Thox ziv chuôz zis nhiv no tưz muôx 4 héc ta ntông nox txir. Zơưv Phar Sỉ puz pâuz: “đrâuv chos thanh long, cur chuôz zis cux chos 4 héc ta cà phê thiêz yuôx zêx, đros trâu tu zus tsiêx cxu… iz shông tsưr ziv uô nox tổng hợp no paz trâu chuôz zis sâu tâu muôx 400 triệu đêiv ntâu, khov co muôx txâuk nhiêx txiêx chiê txoz cxơưx trâu têx tuz nhuôs cơưv ntơưr cov txos qơư”.

Đros huôv tsar kinh têr ziv chuôz zis, zơưv Phar Sỉ Xênhv Thox cux tsik so sir jos kriê thiêz paz trâu pêx xênhv hâur xar, hâur jok hlôngr yiêz đuô tsoz chos tsik jông chiê chos chor zav tsoz chos muôx tsiv gri kinh têr siêz, txix co paz trâu pox nhuôs hâur jok huôv tsar kinh têr, sik côngv siêz cxiv tsa jêx jok yiêz. Zơưv Phar Sỉ hêik, tsôngv box Hmôngz zênhx cor cav uô nênhx nhoz, uô nox sâuv têx ntar trôngz, cêr muk lok phiv liv, chiv chir uô nox, uô hnar tưz zênhx đros đrêiv tsôngv box luz nênhx txix ntêr lok. Đros siêz xar paz trâu pox nhuôs sơưr đơưk hlôngr yiêz đuô siêz xar, tsưr ziv uô nox pôngz kaz chênhr zos kror paz trâu zơưv sir jos uô ntêx hlo hâur hlôngr yiêz đuô tsoz chos thiêz sir jos yưv pênhr trâu huôv tsar kinh têr paz muôx nzir phênhv sâu siêz.

Lơưr zơưv Phar Sỉ “Xar cov pox nhuôs hlôngr yiêz đuô tâu siêz xar, hlôngr chos têx zav tsoz chos yiêz, pâuz sir zôngv khoa học kỹ thuật trâu uô nox mak tsuv tas ntâu six hơưv tsik zos sơưr đơưk tsa têk thôngx ziv chêk tâu lơưv. Thiêz tsik zos hêik luk xưz mak tsuv uô ciês trâu pox nhuôs sơưr đơưk njiê pov. Xar li co viv li zơưv xav jênhv tsuv tsêx trung huôv tsar kinh têr ziv chuôz zis cov truôx jông, thâuv muôx tsưr ziv uô nox truôx tuk lơưv mak pox nhuôs zênhx zuôr njênhs thiêz uô trơưk xưz. Ciês hâur chor jiês cơưv jêx jok, cơưv xar, chor jiês muk sêiz yuôx sơưr đơưk, zơưv puôr lênhx thav pêv, hêik sơưr đơưk sir jos txo grêk yêiz pluôs, sik côngv siêz cxiv tsa jêx jok cov muôx luz nênhx tsâu sor thiêz shir phaz.

Khov gruôs, sir jos zơưv Phar Sỉ Xênhv Thox tưz uô tâu nox thiêz zos nênhs uô ntêx hlo hâur huôv tsar kinh têr, zos yênhx lênhx nênhs uô tâu jông hâur xar, hâur jok, tâu chôngz lênhx nênhs cơưv shâuv thiêz uô trơưk, tiv zix zos tsôngv box Hmôngz.

Tưz tsik zos huôv tsar kinh têr trâu zuk ziv chuôz zis, zơưv tsênhv tsik so phêiz kênh têx chênhz zênhv, kỹ thuật chos, tsoz phưz cxuô zav tsoz chos, tu zus tsiêx cxu trâu pox nhuôs hâur jêx jok, hâur xar, txix co paz trâu ntâu ziv chuôz zis hlôngr đuô tsoz poz cưk, kok ntông tsik jông chiê chos têx ntông nox txir, tsoz chos muôx phênhv sâu tâu siêz đuô.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô. Đros muôx Tsênhv qơư cxơưz cxiz uô kôngz têz qơưk đros paz uô./.

Riê Lâux BS-Lik Thox cxêik nhênhv