Kênhx Hmôngz Bắc Hà

(Suôz kênhx Hmôngz Bắc Hà)....

Tuôx tox siêz Bắc Hà, thâuv tưs cux tâu mnôngs têx suôz kênhx Hmôngz thiêz tâu seiz chor hluôk tuz hêir nênhs Hmôngz đhiê kênhx. Kênhx Hmôngz cê zos yuôz, cê chiê đhiê, uô trâu lênhx nênhs mnôngs thiêz seiz pov lok six jông. Txix siêz xar cxôngx nzor tiêk “hluôk tuz nênhs Hmôngz mak tsuv pâuz yuôz kênhx, đhiê kênhx” viv li ntâu cxênhx nênhs lok no kênhx Hmôngz nhoz Bắc Hà tâu tuôr tsês jông, phuôx huiz thiêz muôx têx tul mê nhuôs tuz nhiv kruôr muôx 10 shông nhoz Bắc Hà tưz pâuz yuôz kênhx thiêz đhiê kênhx. Zơưv Lý Seo Phỏng, xã Bản Phố, huyện Bắc Hà, tỉnh Lào Cai pheiz kênh: “Nênhs txơưx yuôz thiêz đhiê kênhx Hmôngz mak tso pov lênhx txir nênhx co zos iz lênhx nênhs txơưx thiêz muôx đas jos jông. Thâuv ntêx hmo ntux muk kror tưs lơưr cux khênhr gra kênhx đros muk thâuv muôx tul tsi cux zôngv kênhx chiê tơưv txênhz tâu”.

          Hli 8/2020, qơư tsiv uô, cơưv shâuv kênhx Hmôngz Bắc Hà tâu yênhx lix đros muôx 20 lênhx nênhs cxaz chuôz, lơưr puôr lênhx zos têx lênhx nênhs pâuz kênhx Hmôngz nto bê nhoz têx jêx jos tox siêz. Cux txix co, kênhx Hmôngz Bắc Hà tâu ntâuz lênhx nênhs đuô pâuz txos, jux jus muôx tâu 100 ntâu lênhx nênhs cxaz chuôz tav siv no, đros yênhx châuv ntâu jax kênhx lok six jông. Lý Seo Tuyển, iz lênhx nhuôv tuz muôx hnuz nhôngs mê tiv zix hâur CLB puz pâuz:“Cur zos nênhs Hmôngz, cur lok six xar cơưv kênhx chiê tuôr tsês zuk mênhx cxưx li vênhx huôv jông”

          Chủ nhiệm Câu lạc bộ kênhx Hmôngz Bắc Hà- tix lâuk Zax A Hải pheiz kênh, zos iz lênhx nênhs Hmôngz viv li tix lâuk lok six nhiêv zav chuôz lov chax chês no. Ziv nhênhz chơưv, nriêr pâuz lok kênhx tix lâuk ziv pov nhiêv zuk mênhx cxưx li vênhx huôv txux chi. Txix co, pov tâu txơưx jênhv zos tsuv tuôr tsês thiêz heik kriê chiê ntâu lênhx nênhs đuô pâuz txos: “Pêz luz CLB xav tênhv tsuv muk yuôz kênhx, đhiê kênhx ntơưv ntâu qơư, nhoz têx qơư ju lix chiê phưx vưv tsôngv kruô sđ, tiv zix zos nênhs saz đrâuv têz qơưk. Thôngz đhâu co zuôr chox lok phênhv sâu trâu têx lênhx nênhs hâur CLB”

          Suôz kênhx tưz muôx đros đreiv pêz hêir nênhs Hmôngz li luz nênhx cxôngx nzor thiêz muôx ziz njiêz lok zix coaz tsôngv paz heik tơưv têx siêz xar, cêr kho siêz, cêr khưr huôv tsar nox hâur luz nênhx...

          Nhoz tox siêz faz Bắc, têx suôz kênhx đror cxuô jêx jos, côngv đros têx lênhx txir nênhx nênhs Hmôngz li têx tsưr ziv đhiê kênhx lok six jông seiz ziv zos tsôngv box Hmôngz Bắc Hà li têx siêz txưv haox jông lok zuk mênhx cxưx li vênhx huôv chax chês jông tsênhv muôx đros đrêiv luz nênhx tsik chiê pôngz plox./.

(An Kiên-Txâur Vax cxeik nhênhv)

Chêix ntux yiêz đhiê pax vuôs thôngx siêz

         Nhạc xoè……

          Hâur ntâu hnuz đhâu lok no, txos trâu thâuv 8 six tsâuk ntux, ntơưv qơư nthuôr uô cêr lov jêv, Phươngx Tô Hiệu, đrôngl Sơn La tưz hnor têx suôz trax đror lov jêv lul đros trâu tsôngv pox niêv vir ndâuk uô têx txưv njêx muôs luôs nxi sênhr chêx muôx njiêz luk “Chêix ntux yiêz đhiê pax vuôs thôngx siêz”. Pos Lê Thị Hương Liên, phưv sêiz car qơư nthuôr uô cêr lov jêv đhiê pax vuôs shir phaz lul hêik: “Cxuô lênhx pox niêv vir ndâuk hâur qơư no tsênhv taz tov cơưv shâuv “Chêix ntux yiêz đhiê pax vuôs thôngx siêz” bax chiê nthuôr uô cêr lov jêv hơưv tok shông yiêz 2022”

          Nthuôr uô cêr lov jêv “Đhiê pax vuôs thôngx siêz”, muôx chôngz lênhx ntâu tus tuôx sêiz. Pos Nguyễn Thị Hoa, iz lênhx nênhs lâuk hnuz nhôngs siêz nhoz hâur qơư nthuôr uô cêr lov jêv đhiê pax vuôs thôngx siêz shir phaz lul hêik pâuz: “Cur zos iz lênhx hội viên muôx 70 ntâu shông hnuz nhôngs, taz sik tâu cơưv shâuv đhiê jax pax vuôs thôngx siêz no cux zôngx ziv cơưv thiêz uô tâu trơưk, tsôngv pox niêv vir ndâuk sđ puôr lênhx shir phaz lul cơưv shâuv thiêz cur cux nhiêv jax sênhr chêr đhiê pax vuôs no, viv jax pax vuôs co muôx njiêz luk hêik txos lênhx nênhs Sơn La”

          Tsênhz tiês, chôngz lênhx ntâu tus cux xar li ntơư đhâu jax “Đhiê pax vuôs thôngx siêz”, zos Pos Tòng Thị Phóng xar tơưv, hêik txos cxuô lênhx nênhs Sơn La muôx cêr thôngx siêz. Lênhx Nghệ sỹ đros cxiv kho jax pax vuôs no zos Phạm Hồng Thu, Giám đốc sêiz car tsêr cơưv kriê hêik gâux, nthuôr uô cêr lov jêv, đhiê pax vuôs tỉnh Sơn La. Lar hêik zos jax pax vuôs no muôx njiêz luk hêik txos 12 hêir nênhs nhoz tỉnh Sơn La đros trâu cxuô heir nênhs VN têx txux chi, vênhx huôv jông. “Jax gâux đhiê pax vuôs ntêr xar zuôr muôx iz phênhv, taz sik muôx ntâu njiêz luk tsiv grê lox lok cxuô heir nênhs têx txux chi, vênhx huôv jông. Pir li heir nênhs poz thơưx sênhr char zox tsas; heir nênhs Tày đhiê pax vuôs đê pax….”

          Hâur têx hnuz nhiv kruôr đhâu tsik ntêr no “Jax gâux đhiê pax vuôs thôngx siêz”, tưz tâu Bộ vênhx huôv-du lix muôz ntơưr côngk nhav por hưv ntiês tus, muôx chôngz lênhx ntâu tus pâuz txos. Zơưv Trần Tân Phong, phưv Giám đốc sở vênhx huôv tỉnh Sơn La hêik pâuz nzir:  “Pêz tsênhv taz tov siz chos cxiv kho jax gâux, đhiê pax vuôs cov huv đros thiêz kriz lớp kriê trâu tsôngv  pox niêv, vir ndâuk sđ cơưv shâuv. Nhiv no, cxuô huyện, thành phố kriê cơưv trâu ntơưv têx xã, phươngx, muôx chôngz lênhx pox niêv, vir ndâuk đros cơưv “Đhiê pax vuôs thôngx siêz”

          Nhạc xoè………….

          Tưz zuôr txos chêix ntux yiêz, sênhr chêr đhiê pax vuôs thôngx siêz txuôk đros côngv thôngx cxuô heir nênhs sđ hâur thax tsav tox siêz Sơn La chiê cxuô lênhx hâur hur si têz qơưs pâuz txos./.

                              Tsu cxêik nhênhv-Lê Hạnh VOV Tây Bắc