Chuôs njiz lênhx nênhs nhiêv têx txux chi vênhx huôv, txơưx cxiv uô nênhs Khmer têx côngz trênhx cxôngx nzor

Xênhz thiêz hloz lox hâur iz ziv chuôz zis muôx ntâu tiêv chor lâul uô đreiv luôs hâux lưv cok sâu, cxiv puôz têx đuôz, cxiv uô tsêr mnov nhoz jok 1, phường 9, TP Trà Vinh. Tix lâus Sô Phia li lênhx zơưs zos iz tus pâuz sâu uô tâu jông têx đuôz shav, tix lâus lênhx txir cux zos iz tus txơưx cxiv puôz, jêis đhok uô đuôz uz no muôx suôz bê to thiêz puôr lênhx zos chiv chir xar tơưv tsưr ziv, cxiv uô têx côngz trênhx jông trơưk li nênhs Khmer cêr nênhx vênhx huôv thâuv nzor.

Tâu pov thiêz shâuv uô têx nuv li heik sâuv txix thâuv tsênhv zâu, viv li tix lâus Sô Phia tưz pâuz tsưr ziv jêis uô, cxiv puôz têx đuôz co thâuv tsênhv mê, iz chas ntơư tâu lênhx txir thiêz zơưs moz siêz kriê têx txux chi tsưr ziv uô nuv. Chênhr viv li nhiv kruôr 16 shông xưz, Sơn Sô Phia tưz muôx tsưr ziv uô tâu ntâu zav nuv thiêz muôx têx lês uô tâu têx côngz trênhx, hâux lưv phiv liv: “Cur đros đreiv lênhx txir thiêz cur zơưs thâuv tsênhv zâu, txos thâuv muôx 16, 17 shông cur muôx têx chiv chir uô tâu iz cxiê hâux lưv, côngz trênhx lơưv. Thiêz ziv uô cur ziv moz siêz, nhiêv têx nuv ntơư, txix cok sâu, cxiv puôz txos trâu uô yênhx têx đeiv đuôz jông trơưk siêz nhiêv. Iz zav li puôz uô têx pax, txir ntông, nak nôngk…., uô ntêx tsuv zôngv ar luôx puôz, sâu cok têx pax li uz li no shơư trâu cov txêix jông gâux, taz sik iz tus nhiêk uô txơưr nhiêk tsi siz thôngx. Ziv uô ziv nhiêv viv li moz siêz cxiv puôz uô yênhx hnuz tsi pâuz gênhk”.

Tsi tiêk gruôs, moz siêz uô trơưk têx txux chi chor lâul iz txưv kriê tsês, Sô Phia tsênhv zok nriêr, cơưv shâuv têx tsưr ziv yiêz thiêz cok sâu uô lơưr trâu zuk têx côngz trênhx, đuôz shav cov jông đuô thiêz. Khov li co, hâur six hơưv cxiv puôz, uô côngz trênhx tsêr mnov tsi tiêk txo grêk tsơưs hnuz côngz lox tôngv, six hơưv hnuz nhôngs, tsênhv paz cxênhx txuôs tâu nhiêx txiêx cxiv tsa tsêr mnov thiêz:“Thâuv chor lâul ntu mak têx chuôz zênhx phưx vưv uô hâux lưv lok six tsơưs, viv li chiê uô tiêr tâu iz côngz trênhx pôngz lok six ntâu six hơưv, hnuz nhôngs. Hok nhiv no cxiv tsa tưz zôngx ziv đuô lok six ntâu, sei đuô, cxênhx txuôs tâu đuô, taz sik cux uô tâu trơưk tsưr ziv siêz xar. Chênhr viv li, zuôr txos no cur tsi tiêk por hưv, tuôr tsês jông zuk chuôz zis li têx txux chi, tsưr ziv uô nuv thâuv nzor tsi chiê pôngz plox, mak tsênhv zuôr sir jos cov huôv tsar uô tâu jông đuô”.

44 shông, tix lâus Sơn Sô Phia tưz muôx zuôr xar 30 shông uô luôs hâux lưv heik sâuv, cxiv tsa têx côngz trênhx zov chênhr hâur têx tsêr mnov li: Đuôz mnov uz no…. thiêz yênhx puô têx zav đuôz txơưr đuô. Chor côngz trênhx tix lâus lênhk nhav uô hâur ntu jê lok no li: Tsêr mnov Thmo Tol ( phường 9, TP Trà Vinh); tsêr mnov Trốt Lếch (xã Đa Lộc, Châu Thành); tsêr mnov Rum Đuôl (Đôn Xuân, Duyên Hải)…..thiêz iz cxiê côngz trênhx ntơưv têx tsêr mnov Khmer hâur tỉnh Vĩnh Long, Sóc Trăng.

Tsi tiêk moz siêz, sir jos xar tơưv têx txux chi tsưr ziv sâu uô, cxiv puôz jông têx côngz trênhx, tix lâus Sơn Sô Phia tsênhv kriê txux chi uô hâux lưv trâu ntâu lênhx nênhs nhiêv uô têx nuv li heik sâuv, paz por hưv, tuôr tsês nênhs Khmer li têx txux chi vênhx huôv jông tsi chiê pôngz plox. Lar heik, tix lâus Sô Phia tưz muôz hâux lưv uô truôx trâu 4 lênhx lox tôngv muôx tsưr ziv uô nuv thiêz zuôr xar 10 lênhx lox tôngv lơưr cheix chiv, tix lâus tâu lênhk nhav cxiv tsa. Đại đức Kim Thưa, seiz car tsêr mnov Phnô Prel, xã Long Hiệp, huyện Trà Cú-qơư tix lâus Sô Phia tsênhv cxiv puôz tus đuôz mnov lox zuôr xar 20 thiêr heik pâuz:“Nhoz Trà Vinh cux muôx ntâu lênhx nênhs txơưx cxiv uô, puôz têx đuôz uz no li heik sâuv muôx suôz bê to, iz zav li zơưv Tư, zơưv Cần…., nhiv no hnuz nhôngs tưz siêz tas lơưv, lês uô tsi tâuk têx côngz trênhx. Thiêz đhâu nriêr pâuz li muôx tix lâus Phia tuôr tsês, pâuz uô chor lâul têx nuv ntơư. Txix shông 2008, tsêr mnov qir cxiv puôz uô qơư txi côngv, đhâu uô tiêr, côngz trênhx tâu chôngz lênhx ntâu tus kruôs nxiês, nhiêx txiêx cux tsi tas ntâu, huv đros viv li tov kaz no thâuv tưs cxiv tsa têx côngz trênhx txơưr đuô cux puôr lênhx hu tix lâus Sô Phia tuôx cxiv uô”.

Txơưv tưz muôx suôz bê to nhoz thax tsav tiêx đras niêv đêx Cửu Long, taz sik tix lâus Sơn Sô Phia cux tsênhv sir jos xar tsưr ziv, zok nriêr, cơưv shâuv têx txux chi yiêz chiê uô tâu jông zuk têx luôs hâux lưv. Viv tix lâus thâuv tưs tưz xar njôngr, đros thiêz iz lênhx nênhs txơưx sâu, puôz uô têx đuôz, cxiv tsa côngz trênhx heik cxuô, cxiv uô tsêr mnov heik taz, tsuôk khov lol têx zuk muôx thiêz pâuz xưz tsi tâu txâuk; xar uô đreiv thiêz tuôr tsês tâu truôx tsuv muôx siêz nhiêv, sir jos cơưv shâuv, xar tơưv têx txux chi tsưr ziv jông li uô tâu./.

(VOVĐB-Riê Lâux cxeik, nhênhv)

Phênhv ndis shuôk têz qơưs

Hnuz hội vênhx huôv cà phê đrôngl Sơn La

          Ndax trâu hnuz hội cà phê đrôngl Sơn La, tsôngv kruô cux tâu sêiz pov px hâur thax tsav luôs hâux lưv huôv tsar chos cà phê. Đhâu cxuô luôs hâux lưv sik tưr đê txir cà phê, tsưr ziv chos cà phê thiêz sâu tsês cà phê, têr jov cà phê. Cxuô chuôz zis px huôv tsar chos, tsưx phưv tsoz chos cà phê tâu zos đrêiv tsưr ziv kriê. Pos Lò thị Diệp, iz lênhx px xênhv chos cà phê nhoz xã Chiềng Ngần, đrôngl Sơn La shir phaz lul hêik pâuz:“Tâu đros tưr thi mak pêz cux jông siêz hênhr; lar hêik zos pêz jông shir phaz lul tok njôngr txix thâuv choz luôs hâux lưv zuôr tưr thi hâur hnuz hội no. Pêz cux vav njôngr đrôngl Sơn La zuôr kriz ntâu jiês tưr li hnuz hội no”

          Đhâu 30 ntâu shông huôv tsar chos cà phê, đrông Sơn La nhiv no tưz chos tâu 5 cxênhz ha tsoz chos cà phê, hâur iz shông sâu muôs tâu 500 txos iz cxênhz tỷ đêiv thiêz sâu tâu pês tsơưs, tuz luôv cux zuôr tas hur tiz si. Zơưv Hà Trung Chiến, Bí thư thành uỷ, chủ tịch Hội đôngx thành phố Sơn La cux hêik pâuz tiêk: Ntơư zos jiês xuz thơưx, đrôngl Sơn La kriz hnuz hội cà phê chiê hêik kriê cxuô zav hax huv jông nhoz đrôngl Sơn La trâu tsôngv kruô oz chas thax tsav pâuz txos:    “Iz chas huôv tsar truôx tsoz chos cà phê, pêz cux yax kriê huôv tsar uô txuôk đros cxuô doanh nghiệp, cxuô chuô zis huôv tsar HTX uô cov huv đros, uô tâu têx hax huv jông chiê muôs trâu tsôngv kruô hâur têz qơưs thiêz kruô oz chas têz qơưs”

          Cxuô luôs hâux lưv uô huv đros, hnuz kriz hội cà phê muôx ntâu zav uô trâu tsôngv kruô nhoz cxuô qơư ndo njôngr txos lênhx nênhs Sơn La têx hax huv uô sưv đros tsôngv kruô siêz nhiêv./.

Tsi cxêik nhênhv-Trấn Long