Tsôngv box Hà Nhì li qơư khov truôx tul nhoz ntus đriv

          Txix  têx shông 1996 lok zar tov ntêx, xã Sín Thầu, huyện Mường Nhé, tỉnh Điện Biên zos qơư cuz nxor lok zax zênhz, têv nanv xã hội viv muôx yênhx puô lênhx nênhs muôx zênhk zax zênhz. Tas nro xã thâuv co muôx 1 cxênhz 300 ntâu lênhx nênhs mak muôx txos zuôr xar 110 lênhx nênhs muôx zênhk zax zênhz. Zax zênhz tưz uô zênhr shar txos đas jos, tsi xar uô lox tôngv, krêz phaz huôv tsar cêr uô nox thiêz tsênhv uô ntâu ziv chuôz zis njiz trâus yeiz pluôs.

          Chiê Sín Thầu ngaz tul, tsâu sor li nhiv no, zơưv Pờ Dần Sinh-iz lênhx lâuk nênhs nhoz jos nênhs Hà Nhì, zos đangv viên, Bí thư Đảng ủy xã xuz thơưx nhoz thax tsav qơư co tưz uô ntêx nyuôk vênhv tôngv tsôngv box muôx zênhk zax zênhz muk chiv zênhk zênhz, ruôr por tsês tsoz zax zênhz. Nhiv no txơưv tưz so lâuk tsi uô côngz xưv lơưv, taz sik zơưv cux zos lênhx nênhs uô ntêx nyuôk hâur huôv tsar kinh têr, paz pox nhuôs tsưr ziv uô nox muôx chêx cuk, hla đhâu cêr yeiz pluôs. Muôx 6 cxênhz yiv ndis pas zus njês, 50 tul nhux đas, nhux tưv; 7 hecta sa nhân thiêz 2-3 châuv tul buô, zơưv Sinh zos chuôz zis uô ntêx nyuôk huôv tsar kinh têr nhoz Sín Thầu, tâu tsôngv box uô trơưk.Tsar jos Sín Thầu, Sừng Pó Tư muôx iz ntu tưz muôx zênhk zax zênhz, taz sik đros chính quyênx tiv phaz truôx siêz tôngv vênhx, Sừng Pó Tư tưz jênhv pâuz tâu tiêk tsuôk uô lox tôngv, tso tsês zax zênhz thiêx li uô tsưr luz nênhx thiêz paz chuôz zis sir jos hla đhâu cxuô phêv liv. Nhiv no, tsi taz hla đhâu cêr pluôs, Sừng Pó Tư tsênhv zos tsar jos uô ntêx nyuôk, tâu tsôngv box sđ njênhs njôngr:“Đ/c Pờ Dần Sinh sir jos tôngv vênhx cur chiv zênhs zax zênhz, đhâu co tror heik kriê cur tsưr ziv chox kriê chiê pox nhuôk njênhs njôngr đuô. Tâu li nhiv no cur lok six shir phaz”.

          Yuôr đros zơưv Lỳ Xuyến Phù, kuz Chủ tịch UB xã Sín Thầu, txơưv tưz muôx 65 shông hnuz nhôngs, taz sik chênhz zênhv 40 shông ntâu đros bộ đội pênhz phax uô hâux lưv, lưx lươngv bộ đội pênhz phax li têx jiês muk qênhz yuôx puôr lênhx zôngx ziv đuô viv muôx zơưv kriê cêr. Zơưv Lỳ Xuyến Phù puz pâuz: “Pêz ndo njôngr têx lâuk li luk heik kriê, ndêx đriv têz zos tul ndêx mak Đảng, têz qơưk lok six tsov cưv thiêz 3 luz têz qơưk sik đros uô tiêr. Viv li pêz tsuv muôx txơưx jênhv tuôr tsês, kruôz kriê cêr chax chês no txos tuz nhuôk”.

          Thiếu tá Đoàn Thanh Tuấn, chính trị viên Zênhx pênhz phax A Pa Chải, huyện Mường Nhé puz pâuz: Đros têx lâuk jos, tsar jos, têx đangv uô uô ntêx nyuôk li zơưv Sinh, Zơưv Phù sik côngv đros pêz tsi taz cungz têx xor mông muôx tsiv grê, sei lok txiv ngaz ntus đriv mak tsênhv gôngr đas jos hâur hâux lưv yax mông lok cui chế por vêv ntus đriv, ndêx đriv têz trâu pox nhuôk. Khov co, ntâu chuôz zis tưz txưv zênhv cir ntơưr thiêz chuv tôngv, sir jos cxaz chuôz seiz car, por vêv ntus đriv, ndêx đriv têz, taz por txiv ngaz jêx jos:“Têx lênhx lâuk jos, tsar jos, têx lênhx txir ndâux txir luk, tsar xênhv nênhs nhoz thax tsav ntus đriv têz qơưk zos têx đangv viên ntâu shông uô ntêx nyuôk hâur huôv tsar kinh têr xã hội, zos têx lênhx nênhs thâuv tưs cux sik côngv jông đros bộ đội pênhz phax cxaz chuôz cxiv tsa thax tsav ntus đriv ziv hnuz ziv truôx tul”.

          Nhoz ntus đriv faz Tây têz qơưk, têx lênhx lâuk jos, tsar jos, têx lênhx txir ndâux txir luk tâu seiz zos pox nhuôk Hà Nhì li qơư khov njôngr truôx tul. Txix siêz xar hlôngr yiêz luz nênhx yeiz pluôk, têx đangv viên li zơưv Sinh, zơưv Phù tưz paz tsôngv box cxuôv por tsês cêr yeiz pluôk, cxuôv đis muôs ntơưr, paz tsôngv box nhoz jêx jos ntus đriv no luz nênhx ziv hnuz ziv hlôngr yiêz jông./.

                                                           Vũ Lợi-Txâur Vax cxeik nhênhv

Đắk LắK: Taz por tsoz phưz đas jos trâu pêx xênhv

Zos Tsêr kho moz nhoz thênhv uô kaz ntơưv tỉnh thiêz thax tsav, Ban lênhx tov Tsêr kho moz Đa khoa thax tsav Tây Nguyên tưz chox kriê têx khoa, phongx bax lơưr khoa học, huv đros lok pênhr jos, chuôz zênhx y têr, bax txâuk chor yuôx, têx tsưr ziv phax tar… trâu hâux lưv njuôk, kho moz hâur shông 2023. Lơưr zơưv Nguyễn Đại Phong, Giám đốc Tsêr kho moz Đa khoa Thax tsav Tây Nguyên, tsêr kho moz tso nênhs sêiz jor yênhx hnuz hmo, taz por sêiz jor cxix cxuô lơưr 4 cấp: muôx lênhx tov, nênhs uô hâux lưv sêiz jor… chiê tsik muôx chôngz nênhs moz cux xưk li Tsêr kho moz sir jos kriz uô jông hâux lưv:“Lok lênhx nênhs mak pêz huiz tôngv tas nro chor bác sĩ thiêz nhân viên hâur jiês Tsiêz mak tsik so hâux lưv thiêz chor lênhx tov khoa  phòng mak tsuv bax jông thâuv tưs muôx hâux lưv mak  uô tâu ciês. Thâuv muôx txiêz nanv ntâu, trâus tsơưr tưx zav nox mak pêz huiz tôngv tas nro pênhr jos hâur têx khoa chiê chơưv paz trâu nênhs moz cov ndar six hơưv, yuôx mak pêz tưz bax tâu zuôr xar cxix cxuô. Lok têx chuôz zênhx mak cux tưz bax tâu cxix cxuô lơưv”.

Iz chas co, Tsêr kho moz tsênhv lok six tsov cưv txos cxuô kror chiê chơưv kho trâu chor nênhs moz, chơưv paz trâus txiêz nanv zoz thôngz, trâus tsơưr tưx zav nox… Tsov cưv taz por bax cxix cxuô yuôx phưx vưv trâu côngz xưv chơưv paz; phax tar caz moz, tiv zix zos cá moz Covid-19. Thôngxx cxix, bax jông traau côngz xưv chơưv paz, côngz xưv txar nênhs muk trâu têx tsêr kho moz. Tsưr tsix uô jông hâux lưv cêv kuôk, phax tar caz moz siz cik hâur tsêr kho moz đros tax tâu sêi thiêz ndar six hơưv. Băc sĩ chuyên khoa 2 Trịnh Hồng Nhựt, Phưv giám đốc, trưởng khoa Paz đas jos Tsêr kho moz Đa khoa thax tsav Tây Nguyên puz pâuz:“Pêz muôx pênhr jos ntâu xav tas nro bác sĩ, xav tas nro điều dưỡng pêz muôz phêiz chiê sêiz jor tsik so taz por hâur hâux lưv siêz jor cux xưk li bax jông trau côngz xưv phax tar caz moz Covid-19 cux xưk li têx zav caz moz txơưr đuô”.

Lơưr zơưv Nay Phi La, Giám đốc Sở Y têr tỉnh Đắk Lắk, tas nro tỉnh nhiv no muôx 200 ntâu qơư njuôk kho moz. Chiê taz por trâu côngz xưv tsoz phưz đas jos pêx xênhv, Sở tưz cxiv tsa, kriz uô ntâu tsưr ziv chuôz cxaz uô cônzg xưv y têr taz por hâur shông 2023; Phêiz côngz sêiz jor yênhx hnuz hmo đros thiêz lênhx tov taz viv, nhân viên taz por khoa học, truôx jông; muôx tsưr ziv taz por têx yuôx, nyar, chuôz zênhx, hóa chất, chuôz zênhx y têr, ô xy y têr; bax cxix cxuô têx txax, chuôz zênhx chơưv paz, phưx vưv trâu côngz xưv chơưv kho moz, chơưv paz, tiv zix zos chơưv paz txiêz nanv zoz thôngz, trâus tsơưr tưx zav nox thiêz chơưv kho trâu nênhs trâus moz têx zav moz siz cik:“Têx taz viv bax lênhx nênhs xưx xưk li têx chuôz zênhx tsuv muôx chiê tax tâu côngz xưv phax tar caz moz cux xưk li ngaz tuk zav nox thiêz bax jông chiê kriz uô tâu hâur cxuô zav qênhx shênhx. Nhoz no đrâuv pênhr jos tưz zênhx muôx mak nganhx y têr cux tưz hêik chor qơư njuôk kho moz sâuv thax tsav sik đros cxaz chuôz njuôk kho moz”./.

                                                                     TTTN-Lik Thox cxêik nhênhv