Lai Châu kriê cxaz nzir ntơưr trâu shux xênhz tưr thik cơưv tiêr ntơưr lớp 12 sông 2026

Ntơưv tsêr cơưv cxênhx 3 chuyên Lê Quý Đôn, chor cưk kriê ntơưr tsênhv sir jos kriê cxaz nzir têx txux chi trâu shux xênhz chiê bax tưr thik cơưv tiêr ntơưr lớp 12. Tsi yuôr têx six hơưv cơưv li cxiê hnuz, nhiv no têx jiês cơưv tâu tsưr tsix kriê cxaz nzir têx txux chi, tsưr ziv trâu shux xênhz shâuv uô jax thik trơưk li Bộ zoz zux têx đề thik. Cưk kriê phênhz shux xênhz uô têx paz cơưv chor cơưv tâu nưk uô nưk iz paz, têx lênhx cơưv tsi yuô tâu mak uô iz paz chiê zôngx ziv kriê têx txux chi huv đros, paz chor shux xênhz pâuz tsênhz thiêz cơưv tâu jux juk ntâuz ntơưr đhâu yênhx hnuz. Nguyễn Thanh Hằng, shux xênhz lớp 12 chuyên Hóa heik:“Nhoz pêv lớp cưk kriê ntơưr cux muôz iz cxiê jax thik chiê pêz uô siv. Pêv lớp cơưv cur phênh ntâu tiz jông mnôngs sêz cưk kriê, kriê pêz uô li chas, đhâu co lok tsêr cur tror seiz đuô têx jax thik mak chor cưk kriê muôz trâu pêz shâuv uô siv ntơư, uô tâu kror tưs uô tsi tâu kror tưs. Iz chas ntơư cur cux seiz nzir 2 chas tỉnh txơưr đuô têx jax thik hâur mạng xã hội chiê shâuv uô, cơưv cxaz nzir”.

Bax cơưv txux chi, chiv chir qênhz pov thiêz pâuz txos têx cơưv tsi yuô tâu, zok nriêr tsưr ziv cơưv cxaz nzir zos iz kro tâu ntâu lênhx shux xênhz uô trơưk hâur ntu tsi yuô ntâu six hơưv, hnuz nhôngs li nhiv no. Iz chas cơưv pêv lớp, chor shux xênhz cux tsês nzir ntâu six hơưv zuk cơưv zuk hâur tsêr, shâuv uô têx jax thik đhâu sâuv mạng xã hội, tsi tas li co, chor shux xênhz cux tsưx phưv truôx tuk đas jos thiêz bax jông txux chi trâu jiês tưr thik cơưv tiêr ntơưr. Đinh Thùy Linh, shux xênhz lớp 12 chuyên Toán heik:“Cur tưz lok six sir jos cơưv cxaz nzir têx txux chi yuôr trâus thiêz bax jông tsưr ziv chiê muôx têx tưr thik tâu jông ntơưr lớp 12”.

Trơưk li cưk kriê Đặng Trần Hiệu, Phưv thơưx seiz car tsêr cơưv cxênhx 3 chuyên Lê Quý Đôn, tỉnh Lai Châu, chiê bax tâu jông têx txux chi thiêz truôx siêz li ntơư, tsêr cơưv tưz cxiv tsa tsưr ziv kriê, cơưv cxaz nzir txux chi txix ciês hâur shôngk shông cơưv. Đros trâu kriê, cơưv tas têx ntơưr cơưv, têx lớp kriê, cơưv cxaz nzir tâu tsưr tsix huv đros yênhx ntu, thiêz tưr thik siv chiê ntâuk grê txux chi, pênhr xưv, cxiv kho tsưr ziv kriê, cơưv cxaz zênhx max:“Niêx shông chor shux xênhz hâur tsêr cơưv 100% puôr lênhx tưr thik tâu ntơưr lớp 12, têx lênhx tâu xeir zuôr muk cơưv Đại học muôx kênh shông tax 99% ntâu thiêz truôx tuk 98% ntâu. Txix têx li ntơư, niêx shông tsêr cơưv puôr lênhx cxiv tsa têx tsưr ziv kriê thiêz cơưv hâur tsêr cơưv trơưk cui tinhv”.

Cux xưk li tsêr cơưv cxênhx 3 chuyên Lê Quý Đôn, ntu no, cxuô luz tsêr cơưv cxênhx 3 txơưr đuô hâur thax tsav tỉnh Lai Châu cux tsênhv sir jos fuô uô têx hâux lưv li heik sâuv. Lok phênhz shux xênhz uô têx paz chiê zôngx ziv kriê cxaz nzir huv đros, tso shux xênhz uô siv têx jax thik thiêz tưr thik siv tâu fuô uô đêz đar. Pos Hoàng Thu Phương, Phưv Giám đốc Sở Zoz zux tỉnh Lai Châu heik pâuz:“Sở Zoz zux tso tơưv hâux lưv trâu jiês tưr thik cơưv tiêr ntơưr lớp 12 shông 2026 zos tsưx phưv tâu truôx chor shux xênhz tưr thik tâu ntơưr chôngz li cxiê shông thiêz tsar ndê siêz shux xênhz têx điểm thik. Chiê uô tâu hâux lưv co, cxuô luz tsêr cơưv tsuv tsưr tsix kriê, cơưv cxaz nzir huv đros trâu tsênhv tsênhz thiêz yênhx lênhx shux xênhz”.

Tas nro tỉnh Lai Châu zuôr muôx 4.400 ntâu lênhx shux xênhz cxaz chuôz dưv tưr thik cơưv tiêr ntơưr lớp 12 shông no. Đros trâu têx tsêr cơưv bax jông cxuô luôs hâux lưv, ngênhx zoz zux sik côngv têk thiêz chor shux xênhz têx sir jos, tỉnh Lai Châu tsênhv bax tok zuôr tưr thik tâu ntơưr jông trơưk tsưr ziv./.

                                                                                                                         Khắc Kiên-Riê Lâux cxeik, nhênhv

Sơn La: uô jông hâux lưv yax kriê px chêix tsar yêz muk lok tâus cêr

Hâux lưv sik côngv, tsưr tsix yax kriê chêi zoz thôngz ntơưv chor tsêr cơưv tưz zos yênhx chor lưx lươngv cảnh sát zoz thôngz nhoz Sơn La têx hâux lưv uô tsik so. Ciês hli 4 nhiv kruôr đhâu, lưx lươngv muôx vax huôv tưz tsưr tsix yax kriê, cir jênhv uô truôx jông lơưr cui tênhv lok ngaz tuk zoz thôngz trâu 65.000 ntâu lênhx shux xênhz, cưk kriê ntơưr ntơưv chor tsêr cơưv ntơưr sâuv thax tsav. Đoàn Duy Khôi, shux xênhz tsêr cơưv cxênhx pêz Tô Hiệu, tỉnh Sơn La puz pâuz:“Tâu yax kriê, nriêr pâuz têx qênhx shênhx sik txơưr, cur thiêz chor fôngx zưs tưz pâuz ntâu đuô lok Chêi zoz thôngz thiêz muôx nzir têx txux chi paz ngaz tuk trâu zuk thâuv muk lok sâuv têx cêr. Pêz tưz cir jênhv uô jông lơưr cui tênhv lok ngaz tuk zoz thôngz thiêz zuôr uô jông trơưk têx tsênhv njiêz tưz cir jênhv”.

Côngz xưv yax kriê Chêi têz qơưk têx cui tênhv lok ngaz tuk zoz thôngz sâuv chor loa nta suôz ntơưv chor cêr siz yuôv thiêz chor qơư đăngk cir yêz, xưv lik uo cxâuv tâu kriz uô tsik so. Hâux lưv sir zôngv ứng dụng nền tảng sôr, tso têx xor mông lok ngaz tuk zoz thôngz đhâu têx taz viv, thax tsav qơư chor Facebook, Zalo tưz paz trâu têx xor mông tâu xa txos pêx xênhv sêiz đuô thiêz tâu sơưr đơưk siz hêik kriê trâu chôngz lênhx nênhs pâuz txos đuô. Niêv tix Nguyễn Thị mai, nhoz jok Tổng, phường Chiềng An hêik:“Côngz xưv yax kriê tâu kriz uô tsik so, têx xor mông tâu tso trâu sâuv têx tôv dân phố, chor paz nênhs sik côngv sêiz car chor zalo, facebook, viv li paz trâu pêx xênhv pâuz tâu sêiz đuô. Cur thiêz chuôz zis tsik so hêik cov sơưr đơưk uô jông lơưr chêi zoz thôngz, tiv zix zos tsik hâuk chơưr bia thâuv tsar yêz”.

4 luz hli hâur shôngk shông no, Ban Ngaz tuk zoz thôngz têx xar, phường ntơưv tỉnh Sơn La tưz chuôz cxaz uô côngz xưv yax kriê, piêr pâuz, zoz zux chêi têz qơưk ngaz tuk zoz thôngz txix ntâu tsưr ziv li: Sik đros tsưr tsix Ntênhk kriz uô shông ngaz tuk zoz thôngz 2026; tso tơưv, đêi têx ntâuz fiêx; muôz ntơưr; yax kriê sâuv chor chuôz zênhx thôngz xor mông Trung ương, thax tsav qơư, cxiv luôs nta suôz ntơưv thax tsav qơư; kriê tsưr ziv phax tar txiêz nanv zoz thôngz trâu chor nênhs tsar yêz… Lưx lươngv muôx vax huôv sik côngv tsưr tsix yar kriê trâu xar muôx 150.000 jiês ntơưv têx qơư cêr siz yuôv, sâuv chor cêr lox; yax kriê ngaz tuk zoz thôngz ciês trâu 300.000 ntâu lênhx nênhs cxaz chuôz zoz thôngz; tsưr tsix trâu 15 doanh nghiệp, tiz nênhs kinh doanh vận tải cir jênhv uô truôx jông lơưr têx cui tênhv lok ngaz tuk zoz thôngz; kriz uô tsênhv njiêz ngaz tuk zoz thôngz hâur chor Câu lạc bôv li chor jiês xênhz uô, hâur chor canr bôv ntơưv thax tsav qơư chor jiês cơưv txux chi uô hâux lưv… Sâuv cêr đêx, chor lưx lươngv muôx vax huôv tưz muôz têx ntâuz ntơưr trâu yênhx cxênhz lênhx nênhs, muôz yênhx cxênhz luz yo hnar muk sâuv đêx, tsưr tsix trâu 219 tsưr têx yêz cir uô jông lơưr têx cui tênhv ngaz tuk. Đhâu co paz trâu canr bôv, pêx xênhv nhoz têx xar, phường hlôngr yiêz đuô jênhv pâuz, paz txo grêk tsơưs txiêz nanv zoz thôngz sâuv thax tsav tỉnh. Zơưv Nguyễn Gia Nguyên, chánh văn phòng Ban Ngaz tuk zoz thôngz tỉnh Sơn La puz pâuz:“Pêz hêik trâu Ban Ngaz tuk zoz thôngz tỉnh thiêz Ủy ban tỉnh Chox kriê chuôz cxaz thiêz gra siêz tsơưr lươngv côngz xưv yax kriê, piêr pâuz, zoz zux chêi têz qơưk lok ngaz tuk zoz thôngz. Têx tsênhv njiêz tsik so tâu hlôngr yiêz, huv đros yênhx lênhx nênhs cxaz chuôz zoz thôngz. Tror tsêx trung yax kriê ciês trâu chor nênhs cxaz chuôz zoz thôngz, yax kriê thôngz đhâu xưv lik têx uô cxâuv; sir jos yax kriê trâu chor hluôk nênhs. Tror chox kriê, hêik chor ban, nganhx, đoàn thêv tỉnh, Ban Ngaz tuk zoz thôngz chor xar, phường kriz uô truôx jông Ủy ban tỉnh li cui tênhv lok xưv lik canr bôv, côngz chưucs, viên chức, lưx lươngv vũ trang uô cxâuv chêi lok ngaz tuk zoz thôngz”.

4 luz hli hâur shôngk shông 2026, txiêz nanv zoz thôngz ntơưv Sơn La tưz grêk tsơưs ntâu pir li shông 2025, taz sik tsik tâu truôx tuk. Txiêz nanv zoz thôngz tsênhv txơưr txar phiv liv, zôngx ziv muôx yưv txiêz nanv zoz thôngz hâur chêix ntux nas chuô. Cux tsênhv yuôr qênhx shênhx nênhs cxaz chuôz zoz thôngz uô cxâuv cui tênhv lok hâuk chơưr bia, zax zênhz; yêz thâux ntâu, thâux chôngz nênhs tsik zos li cui tênhv thiêz muôx 12.000 ntâu lênhx nênhs uô cxâuv, đros chor nhiêx txiêx trâus xưv bluô zuôr xar 24 tiv đêiv.

Kror no puz pov, côngz xưv yax kriê, piêr pâuz zoz zux chêi têz qơưk lok ngaz tuk zoz thôngz tsuv tâu sir jos uô đuô chiê cxuô lênhx nênhs pâuz tâu cxix cxuô têx xor mông, tsưr ziv thiêz txux chi. Txix co, paz trâu sơưr đơưk uô truôx jông đuô trơưk chêi têz qơưk thâuv cxaz chuôz zoz thôngz./.

                                                                                                                         Bích Thủy-Lik Thox cxêik nhênhv