Têx phiv liv đhâu chor nênhs fêv luk nziêk đas

jok Thào, xã Pắc Ta, tỉnh Lai Châu, Lâux Xênhv Zax nhiv no muôx 14 shông  thiêz zos lênhx nhuôv tiv 2 hâur chuôz zis muôx 4 lênhx cưr tix nuk muôs. Tiv chuôz zis txov nhêv, viv li cơưv tas ntơưr lớp 7 Lâux tsuv tso ntơưr tsês chiê muk uô jos muôx nhiêx paz niêv thiêz txir, txoz cxơưx trâu chor zâu. Taz sik tsênhv tsik tâu muk jos, Lâux tưz trâus chor nênhs fêv zuôr muôs lênhx nênhs nziêk đas:“Lơưr nziêk tiêk cov muk trâu đriv têz, lơưr zok nriêr txir jông đrâul saz Trung Quốc trâu cur zuôr, viv li cur tưz njênhs thiêz mnôngs trơưk chor nênhs fêv heik. Đhâu co lơưr muôz nhiêx trâu cur niêv chiê zuôr cxur nox, zuôr cxuô zav, cur tưz jông siêz đros chor nênhs fêv co muk”.

Lơưr cơ quan qênhz yuôx, chor nênhs fêv tưz liv zôngv têx lênhx nênhs thiêz chuôz zis zôngx ziv njênhs, tsi muôx txux chi tsưr ziv jênhv pâuz, lơưr nziêk đas đros uô fôngx zưs sâuv mạng xã hội, chos luk paz zok nriêr txir Trung Quốc trâu zuôr thiêz muôz nhiêx uô ntêx chiê uô qơư njênhs, đhâu ntơư nênhs fêv chox lênhx nênhs co muk đhâu thax tsav qơư nhoz hâur hmo ntux tsik chiê lênhx nênhs tưs pâuz.

Ntơưv iz qơư ntiêr nhoz hâur Lào Cai, Lâux tưz trâus nênhs fêv chox muk cơư trâu hâur iz luz tsêr, tsi puz tơưv saz đrâuv jôngr. Thâuv co, lênhx nhuôv nxeik 14 shông no thiêx pâuz tiêk, zuk trâus nênhs fêv nziêk đas lênhx nênhs muôs. Thâuv ntơư Lâux thiêx ndo nyei thiêz sâu mông hâur máy hu xor tôngx trâu công an thor đros paz. Đhâu hlo txeik tâu mông, sir jos yơưz phơưz, qênhz yuôx hâur 18 luz six hơưv, lưv lươngv công an tỉnh Lai Châu tưz đros Công an tỉnh Lào Cai chơưv paz tâu Lâux tror lok trâu chuôz zis.“Thâuv nhoz jê đriv têz, cur xar tiêk zos jiês no chor công an paz tsi tâu cur tror lok mak cur muk jâuv no zuôr tsi muôx txox hmông tror lok pov cur niêv lơưv. Jiês no cur pâuz tsênhz chor nênhs fêv nziêk đas, lưv jiês cur tsi muk nzir li ntơư lơưv. Nhiv no tâu đros niêv nhoz, cur tsênhv xar cur zuôr muk uô jos cov muôx nhiêx paz cur niêv txoz cxơưx trâu chor zâu”.

Txơưv tâu tror lok đros chuôz zis uô nênhx nhoz, taz sik Lâux cux tsênhv nyei trưs chor nênhs fêv nziêk đas co hâur đruôz siêz tsik plox. Zos Hmôngr tsik jông, tsênhv muk nzir  2, 3 truôv xưz, lâux tưz trâus nênhs fêv nziêk đas đhâu ntus đriv. Nhoz xã Pắc Ta, lar heik zos thax tsav tsôngv box heir nênhs Hmôngz hâur xã Hố Mít kuz, luz nênhx tsênhv yuôr ntâu txov nhêv. Co cux zos têx zôngx ziv trâus chor  nênhs fêv nziêk đas. Lơưr tsi tuôx đrông ntưk, yênhx paz mak tuôx xưk li nênhs cxênhz jê, siz pâuz siz sưv, xưk nênhs piêr kriê zok nriêr hâux lưv uô. Muôx kênh jiês zos hâuz zâuv muk uô jos, têx jiês zos chos luk “uô hâux lưv siz sâu tâu nhiêx hli siêz”, lok sik nziêk đas muk zuôr txir saz têz qơưk đrâuv, luz nênhx tâu jông. Trơưk li Ban chox kriê phax tar nênhs fêv, nênhs uô cxâuv chei têz qơưk thiêz cxiv tsa phôngz yaox tas nro tsôngv box tsưx phưv têz qơưk tỉnh Lai Châu heik pâuz, tsaz yênhx phax tar zuôr muôs lênhx nênhs ntu 2021-2025, hâur 5 shông đhâu, lưv lươngv muôx vax huôv ntơưv qơư qênhz  yuôx, đơưk tu 3 txuz, ntêk cxov tâu 3 lênhx nênhs fêv, chơưv paz tâu 9 lênhx nênhs trâus nziêk đas. Pir li ntu 2016-2020, chor nênhs trâus nziêk đas tưz txo grêk tsơưs. Thượng tá Nguyễn Mạnh Tân, Phưv Chánh văn phòng Cơ quan Cảnh sát qênhz yuôx, Công an tỉnh Lai Châu hêik pâuz:“Hâur ntu đhâu, chor nênhs fêv nziêk đas, nhiês zuôr muôs lênhx nênhs tưz txo grêk tsơưs pir li ntâu shông đhâu. Taz sik, hâur ntu têz qơưk huôv tsar li nhiv no, chor nênhs fêv muôx ntâu faz tsưr ziv nziêk đas. Chênhr viv li, chor nênhs fêv tưz tso tơưv ntâu faz tsưr ziv yiêz tsi chiê cơ quan muôx vax huôv qênhz pov, cux li uô trâu pêx xênhv zôngx ziv njênhs. Chiê tror phax tir thêir têx nênhs fêv no, iz chas sir jos yax kriê, pêz cux zuôr nzor uô cov tiêr hâux lưv qênhz yuôx thiêz muôz chor nênhs fêv tik cêr cxâuv cov txos qơư zos đreiv chei têz qơưk tso tơưv”.

Thâuv zuôr tsâus ntux ntơưv jos Thào, Lâux Xênhv Zax đros lênhx niêv jâuv ntơưv kaz khar tsêr. Lâux tưz tror lok, taz sik tsi zos lênhx nhuôv tưs cux hmôngr jông li ntơư. Nhoz têx jêx jok tox siêz Lai Châu, yeiz pluôs, cêr nênhx pôngz kaz cux tsênhv yuôr ntâu. Zos tsi ndo chênhr phax, zuôr zôngx ziv trâus chor nênhs fêv nziêk đas uô têx cxâuv chêi têz qơưs.

Phax tar zuôr muôs lênhx nênhs nhiv no tưz tsik tiêk zos chor lưx lươngv công an hâux lưv xưz, mak tsênhv tsuv muôx tas nro sơưr đơưk đros uô, yax kriê txix tsôngv box têx luk hêik lok têx tsưr ziv uô nox, sêiz car, gra siêz txux chi hâur tsêr cơưv ntơưr. Chiê chor tuz nhuôs nhoz tox siêz pâuz tâu tiêk, đhâu chor luk jênhv zuôr muôx tâu iz luz nênhx jông, zuôr zos têx phiv liv, zuk muk mak zuôr tror lok tsik tâu.

Tsik chiê chor nênhs fêv zuôr muôs lênhx nênhs nziêk đas

Trơưk Bôv Công an, tsik chiê  trâus chor nênhs fêv zuôr muôs lênhx nênhs nziêk đas, tsôngv Px đơưk tsuv sir jos por vêv trâu zuk thiêz chor nênhs cxênhz jê. No zos luôs hâux lưv zov chênhr phax tar, tsik chiê  chor nênhs fêv nziêk đas.

Tsôngv px sđ tsuv ndo njôngr phax tir thêir têx lênhx nênhs tsik pâuz tsênhz qơư nhoz, têx lênhx nênhs tsik cxênhz jê thiêz tsik njênhs têx nênhs nziêk đas tiêk, zuôr paz nriêr hâux lưv uô lok sik zâuv zuk đros lơưr uô nox.

Phax tar chor chor nênhs fêv têx luk nziêk đas tiêk zuôr paz zok nriêr hâux lưv uô muôx phênhv sâu tâu ntâu nhiêx txiêx hâur chor tsêr mêir, qơư muôs hax huv, hâux lưv uô hâur têz qơưk thiêz saz đrâuv têz qơưk lok sik zuôr txir bluô nux saz đrâuv têz qơưk.

Tsik zuôr lênhx nênhs txơưr têx nhiêx txiêx muôz paz, lar hêik zos chor nênhs zuk nhiv kruôr pâuz, nhiv kruôr sưv.

Nriêr pâuz tsênhz têx qơư zuk zuôr muk txos thiêz chor nênhs zuk zuôr đros muk zos chor nênhs jông li chak.

Uô ntêx thâuv zuôr muk, tsuv nus sơưr đơưk sêz jông muk lok tsik jông thiêz hêik trâu chuôz zis, chor nênhs cxênhz jê pâuz zuk zuôr muk kror tưs, đros lênhx tưs muk uô ntêx thâuv zuôr xar muk đêz.

Tsik so nriêr pâuz têx chêi, tsưr ziv por vêv zuk, chiê paz ngaz tuk trâu zuk thiêz paz trâu chor nênhs cxênhz jê thiêx tsik trâu chor nênhs fêv nziêk đas.

Tsuv ndo têx qơư thiêz chor nênhs hâur chuôz zis sôr tênhv cux li chinhr quyền, cơ quan, tsưr tsix, nênhs cxênhz jê chor sôr tênhv… chiê hu trâu lơưr thâuv xar tâu chơưv paz.

Đros co, hêik kriê trâu chor nênhs hâur chuôz zis, têx fôngx zưs pâuz thiêz sir jos đros phax tar chor nênhs fêv nziêk đas zuôr muôs lênhx nênhs.

Chor cơ quan, tsưr tsix tsuv sir jos yax kriê, tsêx trung trâu chor nênhs zuôr zôngx ziv trâus nziêk đas chiê muôx têx tsưr ziv yax kriê huv đros yênhx hov nênhs, tsênhv njiêz tsêx trung yax kriê chêi têz qơưk lok phax, tar zuôr muôs lênhx nênhs, chor nênhs fêv têx tsưr ziv nziêk đas, tsưr ziv phax tar … chiê paz trâu sơưr đơưk pâuz phax tar tâu truôx jông tsik trâus chor nênhs fêv zuôr muôs lênhx nênhs co đas nziêk./.