Cơưv shâuv thiêz uô lơưr zơưv hloz Hôx, đảng viên Sơn La sir jos uô bluô nux ciês ntơưv zuk qơư nhoz

Têx shông uô ntêx, pêx xênhv nhoz jok Tân Thảo, xar Mai Sơn, tỉnh Sơn La tsuôk zos chos caz tsiz thiêz cxuô zav jâuz tâuv sâuv têx ar têz. Sir jos uô yênhx shông taz sik sâu tâu tsik siêz, pox nhuôs luz nênhx cux tsênhv txov nhêv.

Tsik chưx yêiz pluôs, shông 2014, đảng viên Đỗ Mạnh Cường, xênhz shông 1961, tưz nriêr tsưr ziv uô nox yiêz, uô ntêx hlo muôz tsoz dâu tây lok chos chiê huôv tsar kinh têr ntơưv thax tsav qơư. Zơưv Cường puz pâuz, thâuv ntơưr, chôngz lênhx nênhs hêik tiêk dâu tây zos zav tsoz chos yiêz, tas ntâu pênhr nhiêx uô, kỹ thuật tu cux phiv liv. Taz sik zơưv xar tiêk tsik uô siv, tsik hlôngr yiêz mak zuôr tsik muôx tâu luz nênhx jông đuô; ndo njôngr txos zơưv hloz Hôx têx luk kriê đảng viên tsuv sir jos, uô ntêx hlo hâur huôv tsar kinh têr, txo grêk yêiz pluôs, li chêk zơưv tưz sir jos cê cơưv shâuv, cê chos, cê nriêr pâuz têx chênhz zênhv:“Dâu tây zos zav tsoz chos zôngx ziv chos taz sik lax tu, tsuv muôx kỹ thuật siêz thiêz tsuv muôx ntux paz. Txơưv tiêk muôx têr siêz, taz sik thâuv piz uô mak pêz uô pêz xưz, tsênhv tsik tâu muôx khoa học kỹ thuật uô”.

Đhâu ntâu shông sir jos uô, đảng viên Đỗ Mạnh Cường li tsưr ziv chos dâu tây côngz nghệ siêz tưz uô tâu nox jông. Nhiv no zơưv chuôz zis 1,2 héc ta dâu tây, muôx 3 luz tsêr tax thêir vor, zưs đêx cxênhx txuôs, uô nox lơưr tsưr ziv VietGAP, paz muôx tâu tsơưr lươngv truôx tuk, iz shông paz sâu tâu muôx 1 tiv đêiv ntâu, paz muôx hâux lưv uô trâu chôngz lôx tôngv ntơưv qơư. Tưz tsik zos uô bluô nux trâu chuôz zis xưz, zơưv Cường tsênhv sir jos kriê trây pox nhuôs têx kỹ thuật, chênhz zênhv chos, tu chor dâu tây. Zơưv Đỗ Mạnh Cường hêik pâuz:“Cur cơưv cur chiê uô xưz, thiêz cux kriê trâu pox nhuôs hâur jok đros uô, muôx têx tsưr ziv uô nox tưs uô tâu jông mak pêz zuôr phêiz kênh thiêz kriê trâu pox nhuôs hâur jok pâuz cơưv shâuv uô trơưk, xav mak kinh têr tưz muôx đuô thâuv ntêx lơưv”.

Txix cơưv shâuv, uô trơưk đảng viên Đỗ Mạnh Cường tsưr ziv chos dâu tây, ntâu ziv chuôz zis hâur jok Tân Thảo tưz muôx tâu phênhv sâu oz pez puô triệu đêiv iz shông. Txos nhiv no, tas nro jok muôx 170 ntâu ziv chuôz zis, mak muôx txos 160 ntâu ziv chuôz zis chos dâu tây, phênhv sâu xav lênhx nênhs tâu muôx 55 triệu đêiv iz lênhx nênhs iz shông; tsuôk yuôr 7 ziv chuôz zis pluôs, 1 ziv chuôz zis zuôr xar pluôs. Hêik lok đảng viên Đỗ Manh Cường, zơưv Nguyễn Văn Thêm, Bí thư Chi bôv, Tsar jok Tân Thảo puz pâuz:“Zơưv Đỗ Mạnh Cường ziv chuôz zis zos chuôz zis sir jos huôv tsar uô nox, zos chuôz zis trâu pox nhuôs hâur jok Tân Thảo cơưv shâuv uô trơưk, muôz chor dâu tây lok chos, uô uô ntêx thiêz phêiz kênh têx chênhz zênhv trâu pox nhuôs hâur jok. Txix tsưr ziv chos dâu tây huôv tsar shông 2016 txos nhiv no, pox nhuôs hâur jok Tân Thảo luz nênhx tưz hlôngr yiêz jông đuô lok six ntâu lơưv”.

Txix đảng viên Đỗ Mạnh Cường li têx sir jos thiêz uô ntêx hlo, jok Tân Thảo, xar Mai Sơn nhiv no tưz hlôngr yiêz ntâu đros muôx chor vax txir dâu tây njuôz xiêz, txix txir ndư; cêr muk lok hâur jêx jok jông jav, pêx xênhv luz nênhx cux tưz muôx đuô thiêz jông đuô thâuv ntêx lok six ntâu./.

                                                                                                                      Trấn Long-Lik Thox cxêik nhênhv

Têx tsưr ziv huôv tsar uô tâu trơưk têk thiêz phax tuô caz hmoz tox uô ruôr hiêv tsoz chos mắc ca

Sir zôngv zuz tsoz chos

-Xeir zuz: Xeir têx zuz yiêz thiêz jông huv đros trâu thax tsav chos, zuôr tsi yuô trâus caz hmoz tho nox uô ruôr hiêv, huôv tsar uô tâu trơưk tsưr ziv. Muôx têx sir zôngv chor zuz tsoz chos mắc ca tsơưr lươngv jông tưz tâu Bộ Kôngz nuv thiêz Tênhx qơư côngk nhav chiê huôv tsar chos muôs.

-Qơư uô zuz: Zuz tsuv tâu zuôr ntơưv têx qơư pâuz tsênhz, tâu cấp muôx vax huôv côngk nhav, taz por jông.

    Tsưr ziv trâu qir, chos thiêz tu

*Trâu qir: Sir zôngv chor qir taz por tsơưr lươngv, huv đros chiê trâu, tsov cưv zôngv têx qir tsiêx cxu, qir vi sinh zuôv puô thiêz cxiz thâuv chos,  tu têx tsoz chos. Iz luz kror muôx têx zuôv puô txix 30-50 cir qir tsiêx cxu đros trâu 500g qir NPK thiêz 300g hmôngr jêz siz tâu tor siz shơưk trâu iz luz kror chos. Cux seiz yênhx ntu tsoz chos hloz lox, thâuv tsoz phưz iz shông muôx têx pheiz 2, 3 jiês trâu qir, jiês iz mak trâu txix 30-50 cir qir tsiêx cxu trâu iz luz kror đros thiêz 0,2-0,5 cir qir NPK, têx jiês txuôk nzir ntơư mak trâu qir NPK xưz.

*Chos thiêz txiêr yiz, lưs têx chês, blôngx huv đros:

-Thâuv chos: Chos iz tsoz kuôk iz tsoz huv đros chiê tsoz chos hloz lox jông zos lok six zov chênhr.

-Txiêr yiz, lưs têx chês, blôngx: Txiêr, lưs têx chês, blôngx zênhx max, trơưk li heik kriê zuôr paz tsoz chos tơưs pax jông, txi txir ndư, hloz lox tâuk thiêz muôx jos, tsi yuô tas nhiêx txiêx ntâu phax tuô têx caz hmoz tho nox uô ruôr hiêv.

-Zưs đêx: Thâuv cheix ntux kruôr thiêz ntu tơưs pax ntơư tsuv zưs đêx cov ar nông jơưk thiêz tsi uô đêx ngaz têx chas. Chiê txuôs tâu đêx thiêz tsưx phưv tâu truôx ar nông mak sơưr đơưk đhok uô têx car đêx nưk zưs nưk đêx thiêz trâu qir chiê tsoz chos hloz lox jông.

-Tu tsoz chos: Đros thiêz têx liêx têz tưz chos tâu ntêr shông, taz sik tsi yuô jông ntơư mak tsuv txiêr, yiz têx chês tsi jông por tsês, tso qir nzir trâu....chiê tsoz chos huôv jông jux juk tuôx.

Tsưr ziv phax tuô caz hmoz tho nox uô ruôr hiêv trơưk cui tinhv

*Iz chas uô lơưr têx faz tsưr ziv heik sâuv, tsuv uô trơưk iz cxiê tsưr ziv phax tuô caz hmoz li đrav kaz:

-Tsi so sox seiz, qênhz shuôs njôngr têx caz hmoz tho nox uô ruôr hiêv chiê muôx tsưr ziv phax tuô zênhx max.

-Vêv xênhz, suô liêx têz hur si uô ntêx thiêz đhâu sâu đê tas, đoz nthuô têx đrox đu lus, muôz têx chês caz tho nox ntơư txiêr por tsês chiê cik tsi yuô tâu trâu lưv tus chês, lưv tsoz txơưr đuô.

-Khơưz, thoz huk cưx iz ndis luz pâuk tsoz chos cov đêx ntưk tâuk, têx chas thiêx tsi trâus lưx.

-Sir zôngv iz cxiê zav yuôx tsuôs tuô, lov têx caz trâuk thiêz iz cxiê caz txơưr đuô tho nox uô ruôr hiêv tsoz chos mắc ca. Tsi tas li cux muôx têx zôngv chor yuôx tsuôs tuô têx caz nox blôngx, tho nox car.

Tsôngv box...! Sơưr đơưk nhiv kruôr mnôngs tas têx tsưr ziv huôv tsar chos, tu thiêz phax tuô caz hmoz tsik uô ruôr hiêv txos tsoz chos mắc ca. Phênhv no zos Tsênhv qơư cxiz kôngz thiêz hlôngr yiêz sôr, Sở Kôngz nuv thiêz Tênhx qơư tỉnh Sơn La sik đros uô./.

                                                                                                                   Thanh Thủy-Riê Lâux cxeik, nhênhv