Zaz zâuv yưv pênhr, Điện Biên krêz tơưv qơư huôv tsar yiêz nhoz thax tsav faz Tây têz qơưk

          Ciês thâuv krêz côngz cxiv uô Sun Group li dự án cáp treo, ntơưv xã Thanh Nưa, Tập đoàn Vin Group tror krêz uô dự án lox thax tsav qơư nhoz yiêz, ju lix nhoz so thiêz jix vuv thiv thao faz Tây Bắc đros tas nro pênhr yưv uô zos 23 cxênhz 660 tỷ đeiv, dự án thax tsav qơư nhoz lox tiv zix txix thâuv ntêx txos nhiv no nhoz Điện Biên.

          Ntơưv phêv ziv, tỉnh Điện Biên tưz khơưk muôz 12 cuiz tênhv thôngx ziv yưv pênhr, ntơưr côngz jênhv đăng cir yưv pênhr trâu 11 tsưr yưv pênhr đros tas nro pênhr đăng cir zos 48 cxênhz 320 tỷ đeiv ntâu; hâur co muôx 3 dự án muôx pênhr yưv txix saz đrâuv têz qơưk zos 14 cxênhz tỷ đeiv. Đrâuv co, tỉnh cux cam kết cir 22 ntâuz ntơưr sâu jênhv yưv pênhr đros tas nro pênhr cam kết zos 209 cxênhz 370 tỷ đeiv ntâu đros ntâu tập đoàn lox hâur tas nro têz qơưk.Tsi taz khơưk muôz cuiz tênhv yưv pênhr, phêv ziv tsênhv chêx chôngk heik tơưv têx phêv liv hâur zaz zâuv yưv pênhr thiêz huôv tsar cơ sở cxuô zav Điện Biên. Lơưr têx doanh nghiệp, Điện Biên li têx paz zaz zâuv yưv pênhr tsi taz zos têx muôx jông ntơưv qơư mak tsênhv zos chính quyênx tiv phaz li têx hlôngr yiêz hâur tsưr ziv sik côngv đros lênhx nênhs yưv pênhr. Zơưv Nguyễn Hữu Trí Nghĩa, Tổng GĐ công ty yưv pênhr Mặt Trời Tây Bắc, Tập đoàn Sun Group heik:“ Đros lênhs tov tỉnh cux xưk li chính quyênx têx cấp li têx sik côngv jông tưz paz muôx iz cơ chế jông trâu têx tsưr yưv pênhr txos nhênhz chơưv cux xưk li yưv pênhr dự án ntơưv Điện Biên. Hâux lưv no paz cxơưz tiês têx huôx tôngv yưv pênhr sâuv thax tsav tỉnh. No zos iz hâux lưv coaz tsôngv chiê pêz cux xưk li têx lênhx nênhs yưv pênhr txơưr tso siêz nhênhz chơưv thiêz krêz uô têx dự án yiêz ntơưv tỉnh Điện Biên”.

          Đros muôx lix xưv thiêz têz qơưk jông jav, Điện Biên zuôr chuôz tsar huôv tsar jông nhoz Tây Bắc zos tâu tror hlôngr yiêz tênhx qơư yưv pênhr thiêz cơ sở sik côngv. Zơưv Đặng Minh Trường, Chủ tịch HĐ seiz car Tập đoàn Sun Group heik:“Pêz njênhs njôngr thâuv cơ sở cxuô zav tâu yưv pênhr, xiv huv ju lix tâu cxiv tsa jông thiêz têx cơ chế chính sách tâu uô jông mak Điện Biên zuôr zos qơư tâu chôngz lênhx nênhs hâur thiêz saz đrâuv têz qơưk nriêr tuôx chiê ndis seiz, uô si”.

          Lơưr Chủ tịch UB tỉnh Điện Biên Lê Văn Lương, tỉnh tsênhv hlôngr yiêz njuôs xav ntu 2021-2030, ndar txos txos shông 2050 lơưr tsưr ziv huôv tsar hur jông thiêz truôx tul; xav tênhv uô tiêr thể chế, yưv pênhr cxuô zav thiêz huôv tsar ju lix yênhx nganhx kinh têr tsênhv. Tiv zix, txix hli 5/2026, Điện Biên krêz uô cơ chế jông đros têx dự án tsov cưv, cam kết txu grês 70% ntâu six hơưv car chêx ntâuz ntơưr hành chính:“Tỉnh Điện Biên tsênhv sir jos chuv tôngv cxơưz tiês hlôngr yiêz hành chính, hlôngr yiêz tênhx qơư yưv pênhr, paz jông trâu têx lênhx nênhs yưv pênhr, tso tơưv cơ chế chính sách tsov cưv đros têx vênhv thix kôngz jôngr nuv, công nghiệp cxiv tsa, ju lix jix vưv, paz yưv pênhr bax trâu côngz xưv car chêx thax tsav qơư chiê têx dự án puôr lênhx tâu krêz uô nzor. Tsưr ziv zos Điện Biên huôx tôngv, doanh nghiệp uô ntêx nyuôk, tỉnh bluô nux, tsôngv px shir phaz”.

          Phuôx plov chox kriê ntơưv phêv ziv, Phưv thủ tướng Chính phuv Nguyễn Văn Thắng cux ntâuk grê siêz sir jos hlôngr yiêz tsưr ziv huôv tsar, tênhx qơư yưv pênhr thiêz krêz uô jông tỉnh li cơ chế. Phưv thủ tướng heik Điện Biên tsuv tror cxơưz tiês hlôngr yiêz hành chính; tsi chiê muox yưv qênhx shênhx krêz uô tsi tâu, kênhz krêz uô; thôngx cxix tsov cưv cxơưz tiês huôv tsar cêr muk chênhr Sơn La-Điện Biên- trôngx đriv Tây Trang chiê krêz đar qơư huôv tsar trâu tiv phaz: “Têx muôx jông tưz puôr lênhx muôx tas, taz sik chiê huôv tsar kinh têr, muôz hâux lưv uô, muôz siêz luz nênhx trâu tsôngv px, cur thix ziv tỉnh Điện Biên chêx chôngk uô jông têx tsưr ziv tưz tâu tso tơưv. Tsov cưv muôz pênhr chiê nzor krêz uô cêr muk chênhr Sơn La- Điện Biên- trôngx đriv Tây Trang, paz cxơưz krêz đar thax tsav huôv tsar trâu tỉnh”.

          Txix têx dự án lox tsênhv tâu krêz uô nhoz Mường Phăng txos tsênhv qơư phường Điện Biên Phủ, iz thax tsav huôv tsar yiêz tsênhv jux jus tâu krêz tơưv nhoz thax tsav faz Tây têz qơưk./.

                                                                                                                  Vũ Lợi-Txâur Vax cxeik nhênhv

Têx tsik jông thâuv đê ndêz hâur har jôngr lok uô nox: uô ruôr hiêv txos lênhx nênhs txox siê

Ntơưv khoa Chơưv paz đas jos-phax tar tưx, Tsênhv qơư Y têr thax tsav Bảo Thắng, tỉnh Lào Cai, 6 lênhx nênhs tuôx chơưv kho txix chor xar Xuân Quang, Bảo Nhai hâur tsik tâu muôx oz ciêz đhâu. Lơưr puôr lênhx tuôx njuôk kho moz tiv: ntuôr ntâu, luz chêr tsik muôx jos thiêz piz trâus saz têx plaz hnhur siêz njưl. Pư sâuv luz txax kho moz đhâu nhiv kruôr tâu chor cưk yuôx chơưv kho, niêv tix Bàn Thị Minh nhoz xar Xuân Quang cux tsênhv lok six nyêi. Pluôs mor nox li yênhx hnuz đros oz pêz luz ndêz tưz zuôr luôs ruôr hiêv txos niêv tix txox siê:“Cxiê shông cur cux đê chor ndêz ntơưr kror qơư co lok nox tsik uô chak. Taz sik jiês đhâu no đê 5 luz ndê lok uô nox muôx 15-20 phênhz chêk ntuôr tas hur si lơưv. Pư ntơưv tsêr txos hnuz tov kaz mak têk tơư cxar tas muk tsik tâu hlo. Mê nhuôv chox tuôx ntơưv no chơưv kho, txix nhiv no muk mak nyê tsik car đê ndê lok nox lơưv lox”.

Tưz tsik zos niêv tix Minh xưz, tix lâus Lý Văn Hưng nhoz xar Bảo Nhai cux zos iz lênhx nênhs muôx ntâu chênhz zênhv muk lok hâur har jôngr. Njiê pov chor ndêz zênhx pâuz jông tuôx hâur chuôz zis chor har cêv fix, tix lâus tưz đê lok uô nox. Sir jos đhâu ntâu six hơưv paz trâu đas jos, tix lâus Hưng hêik txos zuk kror cxơưx hlo thiêz xar hêik trâu côngv thôngx pâuz li no:“Luz chêr tsik muôx jos hlo lơưv, sơưr tsik tâu hlo, têk tơư cxar tas. Nhiv no siêz trâuv tsik muôx jos tas lơưv nyê zuôr tsuv chơưv kho ntêr thiêx jông. Cur xar hêik sơưr đơưk tsik cxoz muk đê ndê hâur har jôngr lok nox, zuôr uô phiv liv thiêz ruôr hiêv ntâu txos đas jos”.

Tiv li chak chor nênhs tưz zênhx uô nênhx sưv jê đros hâur jôngr ho đê zuôv chor ndêz muôx tưx lok nox? Co zos tiv têx kror txơưr txar mak lênhx nênhs luz kror muôs zuôr njiê jênhv pâuz tsik tâu.

Trơưk y têr trung ương li sêiz kaz, nriêr pâuz ntâu shông no, cxuô lênhx nênhs tsik so trâus tưx đhâu muôx chor jiês lok nas thâuv hâur chêix. Trơưk khoa học, lok nas đros muôx yar ntux uô trâu chor ndêz hâur ar tuôx lok six sêi. Taz sik, lok nas lox ho uô trâu chor ndêz muôx tưx têx plâuz, tơưr trâus nti tas. Têx tơưr, plâuz no trâus nti tas, zuôr uô trâu chor ndêz muôx tưx cux jông xưk li chor ndêz tsik muôx tưx, đơưz, mok. Thâuv no, zuôr uô trâu sơưr đơưk jênhv pâuz tsik tsênhz ndêz muôx tưx lok tsik muôx.

Chênhr tsik uô jông sêiz thâuv đê chor ndêz li co tưz uô trâu chor nênhs nox trâus tưx hnhar. Zos nênhs sir jos chơưv paz chor nênhs moz, Bác sĩ chuyên khoa 1 Lê Văn Mạnh – Phưv tsar khoa Chơưv paz, Tsênhv qơư Y têr thax tsav Bảo Thắng hêik pâuz:“Nênhs moz tsik so tuôx têx qơư y têr lis, tưz trâus ruôr hiêv txos siêz njưl trâuv tas lơưv, iz cxiê lênhx nênhs tsiv sir jos chơưv kho mak thiêx zuôr chơưv paz tâu. Pêz hêik sơưr đơưk tsik muk đê têx ndêz hâur har jôngr lok nox, viv chor ndêz muôx tưx ruôr hiêv txos đas jos lok six sêi. Zos nox tâu, tsuv tuôx ciês trâu têx qơưk y têr jê tiv zix chiê tâu chơưv paz cov sêi”.

6 lênhx nênhs ntơưv Lào Cai hmôngr jông chơưv paz tâu zuk txox siê, txơưv tsênhv yuôr ntâu phiv liv txos têx plaz, hnhur, siêz njưl. Taz sik oz lênhx nênhs ntơưv Sơn La kuôk no tsik ntâu hnuz tưz trâus tuôs tiv nox tâu chor ndêz muôx tưx.

Hâur têx har jôngr cux muôx ntâu kror lok six jông. Taz sik, ntơưv iz thax tsav ar đhâu muôx nas lok, chor ndêz muôx tưx thiêz ndê tsik muôx tưx cux tuôx siz shơư uô cê. Txơưv sơưr đơưk cux pâuz tsênhz txos chor ndêz lơưv taz sik zuôr phênhz tsik tâu tsênhz mênhx bâuv li njuôk shuôk y khoa, hax zav pâuz tsik tsênhz txos chor tưx muôx hâur chor ndêz co zuôr uô ruôr hiêv li chak txos têx plaz hnhur, siêz njưl thiêz lok six zôngx ziv uô tuôs nênhs. Viv li sơưr đơưk tsik cxoz nox chor ndêz tsik tâu pâuz tsênhz thiêz phênhz tsik tâu tsênhz mênhx co./.

                                                                                                                 An Kiên-Lik Thox cxêik nhênhv