Sir jos cxiv tsa sêi chor tsêr cơưv nhoz ntus đriv Lai Châu

Nhiv kruôr muôx 6 six sơưr nzor, côngz trinhx cxiv tsa Tsêr cơưv phôv thông nội trú Cxênhx iz thiêz Cxênhx oz xar Pa tần, tỉnh Lai Châu tưz muôx chor suôz mêir câuk ar, suôz txiêr kuôr hlâu, suôz tor têx suôz jêz… đros chuôs tsi, yênhx paz côngz nhân sir jos uô têx hâux lưv sâuv chor yôngx tsêr tsênhv tâu uô zuôr tiêr. Nênhs mak thâux xa têx chuôz lov, nênhs mak uô cov tiêr têx kỹ thuật, têx hâux lưv tâu sơưr đơưk sir jos uô tax txos zuôr zar tsâuk ntux.

Kỹ sư Phan Văn Thuận, Công ty Cổ phần huôv tsar yưv pênhr cxiv tsa Việt Nam, Chỉ huy tsar công trường puz pâuz: Têx hnuz no tâu sêiz zos ntu jông trâu sir jos uô têx hâux lưv, viv chêix ntux nas chuô nhoz Tây Bắc tưz zuôr txos; thâuv muôx chor coz nas lok ntêr hnuz, ntâu kror hâux lưv saz đrâuv jôngr zuôr tsuv so uô tsik tâu, uô trâu dưv anr zuôr uô tsik tâu trơưk tsưr ziv tso tơưv:“Chiê uô cov tâu sêi, pêz tưz huiz tôngv txix 250 txos 400 công nhân chiê uô nzir ca, đros co kriz uô ntâu kror chiê uô cov tâu tiêr li tsưr ziv tso tơưv. Têx mêir, lênhx nênhs tâu huiz tôngv cxuô nro. Nhiv no chor hâux lưv uô tâu xar muôx 45 txos 50% thiêz tsêx trung sir jos uô têx hâux lưv cov tiêr”.

Tưz tsik zos Pa Tần xưz, ntơưv chor côngz trinhx tsêr cơưv nội trú oz cấp nhoz xar Dòa San, Hua Bum, Bum Nưa lok sik Phong Thổ, cxuô kror hâux lưv cux tsênhv tâu sir jos uô. Chor nênhs thâuv tsưr tsix uô ntâu kror uô cê, uô tsik so khov trâu ntux paz chiê uô cov tiêr tâu sêiz cxuô kror hâux lưv. Zơưv Nguyễn Văn Đoán, Phưv Ban điều hành dưv anr, Công ty Cổ phần Huôv tsar yưv pênhr cxiv tsa Việt Nam puz pâuz:“Pêz tâu choz uô 4 tsêr cơưv ntơưr ntơưv Dào San, Hua Bum, Bum Nưa thiêz Pa Tần. Nhiv no chor côngz trinhx puôr lênhx tâu sir jos uô. Pêz huiz tôngv ntâu têx mêir, chuôz zênhx thiêz công nhân chiê uô hâux lưv. Nhiv no cux tsênhv uô tâu trơưk tsưr ziv tưz jênhv trâu tsưr yưv pênhr. Ntu zuôr txos zuôr tror chuôz cxaz pênhr jos, chuôz zênhx chiê uô cov tiêr, cê uô tâu jông tsơưr lươngv thiêz ngaz tuk lox tôngv”.

Ntơưv xar ntus đriv Phong Thổ, côngz trinhx Tsêr cơưv phov thông nội trú oz cấp tâu cxiv tsa nzor tiv zix ntơưv Lai Châu nhiv nov tưz uô tâu xar muôx 77% tsưr ziv tso tơưv. Chor hâux lưv chênhr tưz tâu uô tiêr, nênhs thầu tsênhv hla trâu ntu uô cov tiêr thiêz bax têx chuôz zênhx. Txơưv tsênhv zos sơưr thơưx, taz sik tsưr yưv pênhr cux hêik trâu nênhs thầu sir jos uô cv uô tâu tiêr têx hax huv paz uô ntêx chêix ntux nas. Zơưv Phạm Đăng Lịch, Phưv Giám đốc Ban Sêiz car Dưv anr yưv pênhr cxiv tsa tỉnh Lai Châu hêik:“Ntu zuôr txos, pêz zuôr tror hêik chor nênhs thầu tsêx trung têx mêir, chuôz lov, nênhs uô hâux lưv; tsik chiê muôx tsik txâuk têx chuôz lov, lênhx nênhs hâur ntu kriz uô. No zos ntu jông chiê sir jos uô cov tiêr côngz trinhx viv liv tsưr yưv pênhr cux tso nzir nênhs sêiz kaz. Đros co zos kriz uô cxix cxuô têx hâux lưv tsênhv yuôr chiê uô cov tiêr li tsưr ziv tưz tso tơưv”.

Tỉnh Lai Châu nhiv no tsênhv kriz uô cxiv tsa 11 tsêr cơưv phôv thông nội truz oz cấp ntơưv 11 xar ntus đriv, nhoz Đề anr cxiv tsa 248 tsêr cơưv nội trú sâuv tas nro têz qơưk. Hâur co, Công an tỉnh Lai Châu uô tsưr yưv pênhr 10 tsêr cơưv; 1 tsêr cơưv txơưr zos Ban sêiz car Dưv anr yưv pênhr cxiv tsa tỉnh uô tsưr yưv pênhr. Đại tá Phạm Hải Đăng, Phưv Giám đốc Công an tỉnh Lai Châu puz pâuz, chor côngz trinhx zos Công an tỉnh uô tsưr yưv pênhr puôr lênhx muôx chor camera sêiz kaz, txuôk đros ciês trâu tsênhv qơư sêiz car. Tsưr yưv pênhr hêik chor taz viv kriz uô tsik zos uô cov huv zos six hơưv tso tơưv mak tsênhv uô cov tâu têx côngz trinhx khor truôx, yiêz jông, huv đros thax tsav tox siêz ntus đriv:“Công an tỉnh tưz tsưr tsix uô hâux lưv đros chor nênhs khoa học, nênhs nhênhz chơưv, zoz zux, vênhx huôv nghệ thuật chiê paz hêik pâuz hâur ntu cxiv tsa thiêz bax zuôr têx chuôz zênhx. Tsưr ziv siêz tiv zix zos paz muôx tâu tênhvmqơư cơưv ntơưr jông tiv zix, huv đros tiv zix, chiê chor shux xênhz cê cơưv ntơưr tâu jông, cê phuôx huiz tâu jông têx vênhx huôv mênhx cxưx”.

Nhoz tox siêz ntus đriv Lai Châu, chor tsêr cơưv nội trs oz cấp tsênhv jux juk tâu uô cov tiêr, vav txos iz ntu nênhx zuôr hlôngr yiêz jông đuô trâu têx tuz nhuôs tsôngv box cxuô mênhx cxưx. Thâuv chor tsêr cơưv yiêz tâu uô tiêr, tsik tiêk zos qơư kriê ntơưr xưz, mak tsênhv zos qơư paz têx txux chi, cxơưz cxiz sir jos hlôngr yiêz luz nênhx, paz tuôr truôx tuk trâu thax tsav ntus đriv Têz qơưk txix ciês hâux lưv zoz zux truôx jông nhiv no./.

                                                                                                               Khắc Kiên-Lik Thox cxêik nhênhv