Yên Bái uô jông luôs hâux lưv tir thêir hluôr tơưk cuz tox cuz jôngr hâur chêix ntux kruôr

          Hâur têx hnuz no, tsôngv px nhoz jos Tà Xùa, xã Bản Công, huyện Trạm Tấu, tỉnh Yên Bái tsênhv shir phaz lul muk uô chiv kôngz yiêz. Luz jos co nhoz sâuv iz ntar trôngz, liêx blêx muôx tsơưs, tsôngv px tsuôk zos chos poz cưk, chos blêx têz, vơưk kok ntông. Zơưv Jêz x Zax nhoz jos Công hêik pâuz:

          “Cur chor têz nhoz jê ntus jôngr, txos thâuv hlơưr têz tsuv muk luôx cêv kuôk hluôr tơưk thiêz hêik trâu tsar jos thiêz hêik sđ sik đros jor sêiz tir thêir tsik chiê hluôr tơưk txêik cuz trâu têx har jôngr”

          Xã Xà Hồ, huyện Trạm Tấu muôx 3.500 ha jôngr ntông; hâur ntơư har jôngr lâuk hâur thax tsav trôngz Tà Chì Nhù tsênhv taz tov kruôr gis, zôngx ziv trâus hluôr tơưk txêik cuz. Chênhr zos li hêik ntơư, hâu nov xã fuô yax kriê tsôngv px nhoz cxuô luz jêx jos uô jông luôs hâux lưv tir thêir tsik chiê hluôr tơưk cuz  trâu têx har jôngr ntông. Zơưv Xêir Tsu x Zax, tsar jos Sáng Pao, Xã Xà Hồ hêik pâuz:

          “Pêz fuô yax kriê tsôngv px cxuô chuôz zis sđ, zos muk uô liêx uô têz, tsuv uô jông txuôs hluôr tơưk, tsik chiê hluôr tơưk cuz tox cuz jôngr. Chênhr zos li hêik ntơư, xav txix shông 2019 txos trâu nhiv no tsik tâu muôx iz txuz tưs uô hluôr tơưk cuz har jôngr ntông”

          Trơưk li zơưv Vũ Trọng Huân, tsar kiểm lâm tsưx phưv jôngr ntông huyện Trạm Tấu hêik pâuz: txos trâu luz chêix no hâur niêx shông, zos luz chêix tsôngv px muk luôx têz bax chos chiv kôngz shông yiêz, têx har jôngr ntông kruôr gis, zôngx ziv trâus yhluôr tơưk txêik cuz. Lar hêik zos têx thax tsav jôngr ntông nhoz puôz ntus đriv huyện Bắc Yên thiêz Phù Yên, tỉnh Sơn La:

          “Hâur luôs hâux lưv sêiz car, tsưx phưv har jông ntông mak hâur têx hnuz ntux yar cuz sor, pêz cux tso cxuô tsar jos muk qênhz yuôx, sêiz shuôk têx qơư cêv kuôk ntus jôngr. Kror tiv oz, thâuv zuôr hlơưr têz, tsuv luôx cêv kuôk, muôx lênhx nênhs sêiz hluôr tơưk cov zos đrêiv quy tênhv”

          Tỉnh Yên Bái nhiv no muôx 430 cxênhz ha jôngr ntông; hâur ntơư har jôngr lâuk muôx 245 cxênhz ha. Chiê tsưx phưv cov tâu truôx têx jôngr ntông tsik trâus puôk tsuôx, hâu nov cxuô tsênhv qơư tỉnh Yên Bái tưz tso tơưv cxuô faz tsưr ziv yax kriê tsôngv px sđ uô ntov jông luôs hâux lưv tir thêir tsik chiê hluôr tơưk cuz tox cuz jôngr./.

                   Tsu cxêik nhênhv-Thừa Xuân VOV Tây Bắc

F0 tơưv đhâu qơư cêv kuôk tsuv chox đeiv bos kror ndâux, tsi nhoz jê lênhx nênhs txơưr

     Hâur heik kriê yiêz tiv zix, Bộ y tế tsov cưv lok hâux lưv cêv kuôk: “Tsuv muôx qơư cêv kuôk nhoz nưs iz kror. Qơư cêv kuôk tsuv muôx chuô lax khiêv, tsi zôngv meir uô chuô txiêk, thâuv tưs cux tsuv krêz trơưr kror treiv”.

          Thôngx cxix cxaz nzir hâux lưv “heik kriê y tế” đros nênhs moz F0 thâuv kho moz hâur tsêr; cxaz nzir zoz qơưx lok uô têx tsưr ziv phax tar cik moz.

          Lơưr co, nênhs moz F0 thiêz nênhs tsoz phưz lok sik nhoz uô cê hâur iz tsê tsuv uô jông têx tsưr ziv phax tar caz moz, phax tar cik moz li đrav kaz:

          - Nênhs moz F0 tsi tơưv muk đhâu qơư cêv kuôk ntâu. Thâuv xar tơưv muk mak tsuv chox đeiv bos kror ndâux, tsi nhoz jê têx lênhx nênhs txơưr. Hâux lưv tâu tơưv muk đhâu qơư cêv kuôk, Bộ y tế li ntâuz ntơưr heik kriê qir thơưx tsi tâu cui tênhv tsênhz mênhx, taz sik zar tsâus ntux hnuz 14/3 Bộ y tế muôx heik kriê nzir tiêk, tsuôk puz nênhs moz F0 tơưv đhâu qar qơư cêv kuôk nhoz hâur tsêr, tsi tơưv muk đrâuv jôngr.

          - Nênhs tsoz phưz lok sik lênhx nênhs hâur chuôz zis sik đros nhoz iz tsê thâuv tưs cux chox đeiv bos kror ndâux, tsi nhoz jê nênhs moz.

          - Qơư cêv kuôk tsuv lax khiêv, tsi tso têx chuôz zênhx lax uô vêv xênhz ntơưv thax tsav no.

          - Nzuôr tês lok sik zôngv cuô đêx yuôx nzuôr tês yax six. Uô vêv xênhz têx chuôz zênhx khênhr cor trâus li trôngx tos, tul tês kror trôngx, têx chuôz zênhx khênhr tuôr trâus, qơư tơưv trôngx....hâur niêx hnuz thiêz thâuv kiês nênhs.

          - Pheiz thiêz sâu por tsês têx vuôz tsuôz kiês nênhs trơưk cui tênhv./.

(Tuổi trẻ- Tòng Anh KT-Txâur Vax cxeik nhênhv)