Tsiv uô công nghiệp nhoz Lào Cai muôx têx hlôngr yiêz jông

   Niêv ciêz qir zuôv tsênhv jux jus muôx têx hlôngr yiêz jông. Tsuôk hâur iz luz hlik ntâu, grê qir DAP số 2 chuôz ndê txix 10, 8 txos 12 tsov đeiv iz tênhr thiêz njuôs xav zuôr tror chuôz ndê hâur têx luz hlik kaz shôngk shông. Ntơưv tsêr meir DAP số 2, xiv huv tsiv uô txos tưs muôs tas txos co, yuôr tsi ntâu hax huv muôs tsi tâu. Đros co, đề án hlôngr yiêz cơ cấu njuôs xav tâu thôngz đhâu hâur hli 10 no zuôr paz doanh nghiệp hla đhâu phê liv. Zơưv Vũ Việt Tiến, Tổng giám đốc Công ty cổ phần DAP số 2 Lào Cai njuôs pov:“Lok yar lengx nhiv no Tập đoàn hóa chất VN tsênhv chox kriê zos công ty Apatit tsuv chuôz tsar yar lengx cungz trâu công ty, txix co công ty chuôz tsar muôz siêz chêx cuk tsiv uô kinh doanh”

Yuôr tsêr meir tsiv uô qir lân nhoz Công ty TNHH Toàn Thắng, đhâu 1 đraz shông cơư trôngx viv muôx tsi txâuk nhiên liệu, kaz hli 7 nhiv kruôr đhâu tưz tror krêz trôngx huôx tôngv. Zơưv Bùi Quyết Thắng, Phưv giám đốc công ty njênhs njôngr, đros têx hlôngr yiêz jông sâuv niêv ciêz, taz viv zuôr tsiv uô thiêz muôv muôs jông:“Fênhx yax kaz shông zuôr muôs tâu hax huv ntâu đuô. Lok tsiv grê mak njuôs xav chuôz ndê”

          Tsi taz qir zuôv, nhiv no grê iz cxiê xiv huv tsênhv nhoz Lào Cai li: Quạng Apatit II, kruôr hlâu tsênhv chuôz ndê siêz. Zơưv Hoàng Chí Hiền, Giám đốc Sở công thương Lào Cai puz pâuz: iz cxiê dự án công nghiệp lox cux tâu njênhs njôngr zuôr krêz côngz lok sik tror huôx tôngv li tsêr meir kuôr hlâu Việt Trung. Lok vênhv thix đêx tênhv, ntux lok nas ntâu, uô tsêr meir tsênhv huôx tôngv tas công suất, tsênhv muôx têx gôngr côngv lox lok phênhv sâu thiêz tsiv grê công nghiệp trâu tiv phaz:“Tỉnh zuôr chox dự án kuôr hlâu Việt Trung lok huôx tôngv. Đrâuv co têx dự án đêx tênhv Móng Sến, kaz shông no cux huôx tôngv. Đrâuv têx dự án co nhiv no pêz tsênhv chêx chôngk, tiv zix zos têx tiv phaz li Bảo Thắng, TP Lào Cai uô côngz xưv car chêx thax tsav qơư”

          Cxơưz cxiz niêv ciêz, car chêx phêv liv lok thax tsav qơư trâu têx dự án kuôr hlâu, paz têx tsêr meir zuôr tâu chuôz zênhx; zaz zâuv yưv pênhr lok thax tsav qơư công nghiệp- co zos têx tsưr ziv chiê nganhx công thương tỉnh Lào Cai sir jos taz por uô tiêr ploz tsênhr tsiv grê tsiv uô công nghiệp tso tơưv hâur shông 2023./.

CTV Trung Kiên-Txâur Vax cxeik nhênhv