Ntux yiêz lok txos têx luz tsêr sik côngv siêz nhoz Điện Biên

Hâur tix lâus Tòng Văn Bánh nhoz xar Na Sơn, huyện Điện Biên Đông, tỉnh Điện Biên ziv chuôz zis luz tsêr yiêz lox jông tsênhv lov jêv ntưk, shir phaz lus txêik tok chêix ntux yiêz. Luz tsêr niêv côngv siêz tâu cxiv uô truôx jông zos kror huv lok six lox paz trâu ziv chuôz zis hâur shông yiêz. No zuôr zos kror paz trâu tix lâus oz niêv txir truôx siêz đuô chiê sir jos khưr uô nox, txo grêk yêiz pluôs:“Muôx tsêr yiêz nhoz lơưv mak txix nhiv no muk pêz zuôr sir jos uô nox, txơưv tsik bluô nux lok cux zuôr sir jos cov muôx txâuk nox txâuk hnar”.

Điện Biên Đông zos thax tsav qơư xuz thơưx ciês nhoz tỉnh Điện Biên uô tiêr tsaz yênhx uô tsêr Niêv côngv siêz trâu chor ziv chuôz zis pluôs đros muôx 570 ntâu luz tsêr. Zơưv Vav Xênhv Muôk, Bí thư Huyện ủy Điện Biên Đông puz pâuz: Tas nro nhiêx txiêx uô tsêr niêv côngv siêz hâur huyện zos 63 tiv đêiv ntâu, xav mak tas uô tas xar muôx 100 triệu đêiv iz luz tsêr. Tas nro chor tsêr tưz tâu uô tiêr khor truôx jông, muôx tsơưr lươngv, cux huv đros trâu tsôngv box ntơưv thax tsav qơư têx phongx cxưx:“Pêz tsuv tas 5 luz hli chiê kriz uô 574 luz tsêr thiêz tưz uô tiêr xuz thơưx ciês nhoz cxuô thax tsav qơư hâur tỉnh Điện Biên. Pêz xav jênhv tsuv khov trâu pêx xênhv, tas nro tsuv muôx pêx xênhv đros uô. Zos 574 luz tsêr tsuv tâu kriz uô xưk li thâuv ntêx no li tso chor lưx lươngv quân đôiv thiêz hluôk nênhs uô yênhx luz tsêr mak zuôr uô tsik tiêr tâu nzor li no”.

Zơưv Trần Quốc Cường, Bí thư Tỉnh ủy Điện Biên puz pâuz: Đhâu xar muôx 9 luz hli kriz uô, uô ntêx Tsiêz, tỉnh Điện Biên tưz uô tiêr tas nro 5.000 luz tsêr Niêv côngv siêz trâu chor chuôz zis pluôs tỉnh Điện Biên ndar txos chiv nhênhv 70 shông ntâuk zênhx Điện Biên Phủ. Uô tâu li co, zos muôx Ban chox kriê cxuô cấp; cấp ủy, chinhr quyền cxuô thax tsav qơư thiêz cxuô cấp, cxuô nganhx, cux li pêx xênhv cxuô mênhx cxưx hâur tỉnh sir jos đros uô:“Tok Tsiêz têz qơưk tas nro 5.000 luz tsêr tưz tâu uô tiêr paz trâu tsôngv box mênhx cxưx tâu tok tsiêz lov jêv, shir phaz thiêz sik côngv siêz. Pêz cux lok six shir phaz thâuv tuôx sêiz yuô chor tsêr niêv côngv siêz nhiv kruôr tâu uô tiêr, pêx xênhv đêi qix têz qơưk thiêz hloz Hôx đêiv đuôz trâu hâur tsêr; Đảng tưz hêik tas nro pêx xênhv sik đros paz chiê uô chor tsêr no”.

Ntux yiêz tsênhv txos cxuô jêx jok tox siêz Tây Bắc. Đros muôx 5.000 ziv chuôz zis pluôs nhoz Điện Biên, chêix ntux yiêz shông no lok six sor siêz thâuv tâu nhoz hâur têx luz tsêr lox jông tâu cxiv uô txix cêr siêz jông, pêx xênhv sâuv tas nro têz qơưk li têx paz…/.

                                                                      Vũ Lợi-Lik Thox cxêik nhênhv

Sik thav đros zơưv Nguyễn Thành Công, Phưv Chủ tịch Ủy ban tỉnh Sơn La lok huôv tsar kinh tế kôngz nuv

Nus: Shông 2023  tror zos iz shông Sơn La huôv tsar uô tâu têx kôngz lôngk jông, sâu tâu ntâu đuô pir li shông uô ntêx, pir li têx txir ntông thiêz txir tuôz ziz tưz tsar ndê ntâu đuô 25%. Thor cox heik pâuz mê njik lol tỉnh luôs hâux lưv muôs têx xiv huv kôngz nuv hâur shông, tiv zix zos chor txir ntông tưz muôs tâu li chas?

Têz: Shông 2023 txix chox kriê huôv tsar uô têx kôngz hur jông, truôx tuk thiêz ntâu chiê muôs, Sơn La têx xiv huv kôngz chênhr li: Txir mo môngk, txir lưv tsiz sôngz, txir lưk hmaz, txir khơưz thiêz chor txir dâu tây nhiv no tsênhv taz tov siêr jông đê no puôr lênhx uô thiêz muôs tâu trơưk tsưr ziv, tsar ndê 20-25%. Taz sik, txix ntâu tsưr ziv fuô uô jông, tỉnh tưz muôs tas têx kôngz, txir ntông đros thiêz zuôr xar 500 cxênhz tênhr txir ntông, 300 cxênhz tênhr cà phê, iz tsov ntâu tênhr kok ntông, yuôx zêx.....

Nus: Tsênhz tiês, Sơn La tưz uô li chas thiêx uô tâu têx li heik co?

Têz: Pêz tsưr ziv zos, thâuv tưz muôx qơư jông huôv tsar uô têx kôngz lơưv, mak moz siêz piêr kriê têx xiv huv. Shông nhiv kruôr đhâu Sơn La tưz tsưr tsix ntâu ntênhs ciêz hâur têz qơưk, muôz têx xiv huv muôs hâur ciêz đrôngs thiêz đros cxaz chuôz têx hội ciêz ntiêx têz, iz zav li: Ciêz Nam Ninh-Trung Quốc. Ntơưv co, Sơn La zos iz hâur têx tỉnh tâu côngk nhav zos muôx thiêz muôs ntâu huv jông, hlôngr njêx muôs trâu têz qơưk Việt Nam. Tiv 2, têx HTX tưz pov thiêz pâuz tsênhz, zos tsi huôv tsar uô truôx tuk, mak têx kôngz uô tâu zuôr tsi trơưk cui tinhv muôs trâu luôs 2 chas thax tsav thiêz lênhx nênhs zuôr siêz nhiêv. Chênhr viv li, tưz huôv tsar uô têx kôngz hur jông. Sơn La nhiv no cux tsênhv huôv tsar uô têx txir dâu tây chiê muôs trâu luôs 2 chas thax tsav, têz qơưk đrâuv. Co zos iz kro jông, zos tsưr ziv mak ntơưv qơư tưz fuô uô chiê uô tâu jông thiêz muôs tâu gri.

Nus: Shông 2024 no thiêz têx shông txuôk zuôr txos, tsưr ziv huôv tsar uô nox thiêz zuôr muôs têx kôngz, hâur co muôx chor txir ntông tâu tỉnh Sơn La xav tinhv li chas?

Têz: Shông 2024 đros thiêz 84 cxênhz ntâu ha têx tsoz chos nox txir, Sơn La xav tinhv tsênhz mênhx chor txir mo môngk, txir lưv tsiz sôngz, txir khơưz, thanh long, txir tuôz ziz....zos têx xiv huv chênhr mak zuôr tsuv xav jông cheix chiv, txix co muôx tsưr ziv paz sâu zuôr, tsiv uô thiêz muôs trâu luôs 2 chas têz qơưk, jux juk uô tâu jông, muôs tâu gri. Tiv 2, tsuv xav tinhv thax tsav chos trâu têx tsêr meir tsiv uô, thax tsav chos trâu yênhx thax tsav zuôr thiêz zuôr muôs hâur têz qơưk. Tsuv xav tinhv tâu li co, pêz thiêx uô tâu trơưk tsưr ziv, siêz xar, pêx xênhv têx kôngz thiêx tsi trâul niêk gri. No zos iz kro Sơn La tưz pâuz tsênhz, tưz muôx têx tsênhv chei, tsưr ziv uô huv đros thiêz tsênhv tsênhz hâur shông 2024, sir jos huôv tsar uô tâu têx xiv huv kôngz trơưk tsưr ziv xar. Iz kro thiêz sir jos tsiv uô jông têx xiv huv chiê muôx tâu têx huv OCOP. Shông no pêz sir jos cov uô tâu 200 ntâu xiv huv OCOP, viv xiv huv OCOP cux zos têx huv muôs tâu lok six jông.

Nus: Ntâu têz qơưk sâuv ntiêx têz nhiv no tưz pâuz txos Sơn La, Việt Nam têx txir ntông hur jông. Uô li tỉnh Sơn La tror moz siêz txos piêr kriê, cxiz muôs têx xiv huv kôngz nuv li chas hâur ntu zuôr txos?

Têz: Shông 2024 zuôr hlôngr yiêz tsưr ziv piêr kriê, cxiz tsiv uô, zuôr muôs têx xiv huv kôngz nuv. Shông no pêz tsuv tror cxiz zuôr muôs têx kôngz trâu luôs 2 chas thax tsav, têz qơưk đrâuv. Iz zav li tsuv muôs tâu trâu ciêz đrôngs Thái Lan, lok sik tsuv tsưr tsix ntơưv Bắc Kinh chiê ziv hnuz ziv muôx chôngz lênhx, ntâu thax tsav, ciêz đrôngs pâuz txos đuô. Đros trâu co zos, tror cxaz chuôz têx hội ciêz lox sâuv ntiêx têz iz zav li thâuv ntêx cxaz chuôz đros hội ciêz Milan 196 luz têz qơưk ntơư; thiêz ntơưv Nam Ninh (Trung Quốc) cux li co. Iz chas ntơư, zuôr tror cxiz piêr kriê, zuôr muôs sâuv điện tử. Sâuv điện tử zuôr muôs tâu têx hax huv jông đuô. Chênhr viv li, Sơn La zuôr tror sir jos fuô uô ntâu faz tsưr ziv li heik sâuv.

 Uô cox tix tsâus, tưz tsês six hơưv, hnuz nhôngs đros pêz thav lok cxơưz cxiz zuôr muôs Sơn La têx hax huv, kôngz lôngk cov tâu trơưk tsưr ziv, siêz xar./.

Thu Thùy-Riê Lâux cxeik, nhênhv