Muôx yưv qênhx shênhx hu xor tênhv uô nxor loanv nhoz Yên Bái

          Tix lâuk Đặng Văn Thành nhoz thành phố Yên Bái, tỉnh Yên Bái puz pâuz: Thâuv kaz hlik hli 4 nhiv kruôr đhâu muôx lok six ntâu sôr tênhv hu tuôx trâu tix lâuk 2 niêv txir li số tênhv chiê chêv thiêz hêv uô lơưr lok six cxơưx. Tiv zix lok hnuz xiêz 4/5, muôx lênhx nênhs hu tênhv trâu tix lâuk niêv thiêz heik tiêk zuôr ntês tul nhuôv xênhz nzưr thiêz tuô tus nhuôv co cov tuôs, viv li chuôz zis lok six nyei thiêx uô ntơưr trâu chiz coaz Công an.

          Lơưr tix lâuk Thành, qir tiv zos viv tix lâuk txeik pênhr muôx 53 tsov đeiv txix Công ty nhiêx txiêx FE Credit, taz sik tsênhz mênhx tix lâuk nhiv kruôr jênhv tâu 50 tsov đeiv xưz. Lơưr thôngx ziv tix lâuk Thành tsuv thêv nhiêx liv thiêz nhiêx txeik iz jiês zos 3 tsov đeiv ntâu txos thâuv tas chor nhiêx kir txêik co, đros tas nro chor nhiêx tsuv thêv zos muôx nhos 80 tsov đeiv. Taz sik, thâuv thêv tâu 4 jiês, tiv moz huôv xênhz phêv liv, viv li tix lâuk thêv tsi tâu li tưz thôngx ziv. Đhâu co lênhx nênhs nhoz FE hu tênhv tuôx thôngx ziv chiê thêv jux jus, taz sik thâuv tix lâuk thêv cxaz nhiêx txiêx lok kaz hlik hli 4, têx lênhx nênhs hu tênhv tuôx heik tiêk zos lênhx nênhs nhoz FE Credit cux yax six hu tênhv tuôx hêv: “Cur cux heik trâu saz FE tiêk thâuv phêv liv mak puz thêv lơưr yênhx hli, iz hlik txix 2-3 tsov đeiv taz sik lơưr tsi thôngx ziv. Tov kaz no lơưr thôngx ziv 1 luz hlik thêv 3 tsov đeiv, taz sik thâuv thêv tâu 2,3 hnuz mak lơưr ho hu tênhv tuôx heik cov thêv tas hur si, nhiv no tsi pâuz uô li chas thiêz”.

          Tix lâuk Đỗ Trọng Chiến, nhoz phường Nguyễn Thái Học, TP Yên Bái ntu đhâu cux trâus ntâu jiês hu tênhv tuôx teix nhiêx txiêx. Lik zơưx têx lênhx nênhs co heik zos viv tix lâuk Trịnh Xuân H, lênhx nênhs đros tix lâuk uô hâux lưv txeik lơưr 2,5 tsov đeiv mak tsi tâu thêv. Qir thơưx tix lâuk nyei tiêk zos li ntơưv tiês viv li tưz muôz tix lâuk H số tênhv trâu lơưr chiê lơưr chiv chir hu tênhv car chêx, viv tix lâuk tsi muôx lênhx coaz txos phênhv txeik co, taz sik lơưr tsi thôngx ziv thiêz heik tix lâuk tiêk, đros H uô hâux lưv mak tsuv paz H thêv nux grê. Đhâu ntâu jiês hu tênhv, teix tsi tâu, lơưr ho muôz chuôz zis lok chiê hêv: “Txos hnuz tov kaz lơưr tror hu tênhv thiêz heik tiêk zos tsi car chêx mak chuôz zis zuôr tsi tâu jông nhoz? Pâuz tiêk zos nênhs fêv nziês đas viv li cur tuô tênhv. Đhâu co lơưr zôngv muôx nhos 20 số tênhv txơưr tsi so hu thiêz nhắn tin trâu cur, lơưr kaz ciês cur tsuv zôngv phần mềm tar số txix lênhx nênhs tsi shưv thiêx li tâu”.

          Zos taz viv vênhv teiv viv li Công ty cổ phần vênhv teiv thiêz muôv muôs Sơn Hòa (Taxi Yên Bái) zôngv tsi tâu tsưr ziv tar số txix lênhx nênhs tsi shưv li tix lâuk Chiến. Ntu đhâu, Taxi Yên Bái tsi so trâus nênhs fêv zôngv số tênhv txix ntâu mạng chiê hu tuôx tênhv yêz muk ntâu qơư, thâuv tuôx txos qơư mak ho hu tsi tâu trâu lênhx nênhs co, zos hu tâu mak trâus lơưr chêv tsi yênhx nênhs hlo....Pos Mai Thị Bích Diệp, Tsar phongx Tổng đài Taxi Yên Bái puz pâuz: “Hu li kruô fênhx yax, thâuv yêz tuôx txos mak lơưr thiêx heik tiêk hu chiê teix nux grê. Fênhx pheiz 1 ca jênhv txix 200-300 jiês hu tênhv tuôx, hu tênhv yêz lok sik chêv uô đaz uô tuôs...”

          Têx nhà mạng puz pâuz, lok six lax chiê xav tênhv tâu têx sim hu tuôx trâu tsôngv box thiêz doanh nghiệp ntu đhâu sâuv thax tsav tỉnh Yên Bái chiê tir tar? Đhâu seiz shuôk, phênhv ntâu têx sim co tâu muôs sâuv niêv ciêz txix nzor, đhâu ntâu lênhx nênhs sir zôngv, tsi nhoz sâuv thax tsav tỉnh Yên Bái, ntâu sim tsênhv hu txix saz đrâuv têz qơưk, nhoz thax tsav tir tar txênhz sóng. Zơưv Nguyễn Thế Dũng, Giám đốc Tsênhv qơư kinh doanh VNPT Yên Bái puz pâuz: “Têx thuê bao trâus tar zos tsuv tuôv zênhv txâuk Cục viễn thông li 5 ploz tsênhr lok xav tênhv têx jiês hu tênhv tuôx, six hơưv hu tênhv lur, têx jiês hu tênhv hâur têx thuê bao tsi muôx cêr coaz siv tưs, phênhv ntâu zos hu muk, tsi jênhv jiês hu tênhv tuôx...”

          Thượng tá Lê Công Bách, Trưởng phòng an ninh mạng thiêz phax tar nênhs phamv cxâuv sir zôngv công nghệ siêz, Công an tỉnh Yên Bái cux heik tsôngv box tsuv lok six tsưv ziv thâuv giao dịch đhâu mạng Internet: “Thâuv muk txeik nhiêx tsuv xav tênhv trơưk qơư zuk txeik, uô li chas chiê taz por txeik trơưk pháp luật li cui tênhv. Tiv 2 zos tsov cưv zuk têx xor mông tsi uô lênhx tưs pâuz, pir li sir zôngv iz cxiê ap sâuv Internet mak tsuv tsi uô lênhx tưs pâuz, lơưr heik cungz mak tsi cxoz puz lơưr pâuz...”

          Ntơưv tỉnh Yên Bái nhiv no muôx 6 Công ty tài chính, đros yênhx puôk qơư heik kriê jix vuv puz txeik pênhr đhâu sâu zuôr thiêz puz txeik pênhr txix nhiêx txiêx. Iz phênhv zos tiv tsôngv box tsi pâuz tas têx luôk hâux lưv tsi jông njuôs xav muôx yưv, iz phênhv zos viv hâux lưv txeik tâu uô sei thiêz zôngx ziv đuô pir đros txeik đhâu cxix luôk zênhx hangx viv li ntâu lênhx nênhs nhoz Yên Bái tưz nriêr txos têx jix vuv puz txeik no. Viv iz lik zơưx tưs mak phênhv puz txeik no đhâu six hơưv thêv thiêx trâus têx lênhx nênhs njuôs xav zos “nênhs tâu ntiêr teix nux grê” zôngv ntâu tsưr ziv hêv txix zuk tiz nênhs txos chuôz zis, fôngx zưs, lơưr li công ty...Hâux lưv no uô xã hội tsi jông siêz, lok six zuôr trâus tâu chiz coaz muôx txơưx jênhv muôx tsưr ziv phax tar txos qơư./.

(Thừa Xuân-Txâur Vax cxeik nhênhv)