Lênhx nênhs yax kriê sđ huôv tsar cêr uô nênhx jông

Ntơưv jok Rách, xã Ea Wer, tỉnh Đắk Lắk, thâuv zar zuôr tsâuk ntux, hâur lênhx nhuôv H’Hmin Kbuôr luz tsêr mê grêiv, lâul jok Y Ken Knul ho tuôx đros thav pêv, nus lok lênhx nxeik cơưv ntơưr lớp 11 co cêr cơưv txux. Zơưv Y Ken heik H’Hmin tiêk, Tây Nguyên thâuv ntêx phênhv ntâu cxơưx trâu luz nênhx txov nhêv, pluôk nox đeiv hnar, nhiv no mak cxơưx trâu cêr cơưv txux chi. Chor tuz nhuôs hâur jok tsuv cơưv ntâuz cơưv ntơưr, tsuv pâuz ntâuz ntơưr thiêx pâuz txos Đảng tsưr ziv kriê, thiêx muôx tsưr ziv huôv tsar uô nox, pâuz kror tưs zos, kror tưs zuôv chiê tsi trâus nênhs fêv nziêk đas:“Zuôr txos no muôx tsêr cơưv 2 cấp, txix nhiv no đros thiêz pưs txux zos lâul jok đros têx lênhx lês uô hâux lưv seiz car jêx jok tror vênhv tôngv chuôz zis, têx tuz nhuôs sir jos cơưv txux chiê pâuz ntâuz ntơưr, lar heik zos ntu nhiv no, chor mê nhuôv tsuv pâuz ntơưr thiêx muôx tsưr ziv đros luôs lưv tus huôv tsar uô nox, viv li tsi chiê têx mê nhuôv hâur jok tso ntơưr tsês”.

Nhoz hnuz nhôngs 60 shông, lâul jok Y Ken Knul cux niêx hnuz muk iz chuôz zis jux juk li ntơư kriê sơưr đơưk cêr uô nênhx. Jok muôx yưv cuz nxor, tsi jông siêz siz txênhz liêx têz, ntâuk tsiv chuôz zis lok sik vênhv tôngv tsôngv niêv txir cưr tix nênhx tsa sơưr đơưk muôz ar uô cêr muk lol....., lâul jok puôr lênhx muôx njêx muôs chiê đros mnôngs têx luk siêz luk kis, đros đơưk têx phiv liv, cuz nxor, tsi jông siêz. Sơưr nhoz lâul jok iz saz, H’Hmin Kbuôr tiz jông mnôngs lâul heik, lâul kriê. Lênhx nxeik shux xênhz lớp 11, tsêr cơưv cxênhx 3 Buôn Đôn co heik, têx jiês lâul Y Ken Knul tuôx seiz tsi tiêk nus lok sâuv têx cêr cơưv txux sêz cơưv li chas, tsênhv kriê cêr uô nênhx jông, tsiv txiêx, kriê tas nro jok têx cêr chiê siêz, tok njôngr trâu cxênhx hluôk:“Lâul cux khênhr tuôx kriê pêz chor mê nhuôv sir jos cơưv ntâuz ntơưr, cur tsưr ziv zos tov kaz no zuôr muk cơưv uô cưk yuôx chiê muôs yuôx kho moz gênhk trâu tsôngv niêv txir cưr tix nênhx tsa sơưr đơưk hâur jok, viv li cur zuôr sir jos đuô chiê cơưv tâu txux chi jông, uô tâu trơưk li tsưr ziv xar”.

Hâur thax tsav Tây Nguyên, tuôr truôx cêr uô nênhx jông trơưk Đảng chox kriê tsi zos têx phiv liv. Qir txix tsưx phưv truôx jêx jok, vênhv tôngv têx tuz nhuôs muk cơưv txux chi, tso tsês cêr nênhx pôngz kaz, tir thêir, chênhr phax têx nênhs fêv, têx tsi jông, heik tsôngv niêv txir lax pêx xênhv tsi mnôngs, tsi uô trơưk nênhs fêv hâuz nziêk, tsưx phưv jông cêr sik thôngx siêz, siz hluz siz paz, sik đros huôv tsar, muôx luz nênhx tsâu sor. Niêv lâul H’Bon Zu, Chủ tịch Ủy ban Mặt trận Tổ quốc Việt Nam xã ea Wer heik pâuz, lênhx txir ndâux txir luk thiêz lâul jok chênhr zos qơư yax xa Đảng tsưr ziv kriê txos trâu tsôngv lax pêx xênhv:“Zos lênhx lâul jok, txir ndâux txir luk yax xa Đảng tsưr ziv kriê txos tsôngv pêx xênhv, đơưk têx phiv liv, cuz nxor thiêz xa pêx xênhv tsưr ziv, siêz xar txos trâu Đảng, têz qơưk; zênhx max đros đơưk, đros uô têx hâux lưv cik txos pêx xênhv luz nênhx, lar heik zos têx cêr truôx tuk trâu xã hội, têx dưv anr cik txos yưv pênhr uô ntơưv xã Ea Wer”.

Đắk Lắk nhiv no muôx zuôr xar iz cxênhz lênhx lâul jok, txir ndâux txir luk hâur tsôngv box heir nênhs tsơưs. Lơưr chor lâul co xưk li têx shôngz ntông lâul truôx khor, tsưx phưv jêx jok, thax tsav qơư truôx tuk, muôz cêr njênhs njôngr trâu pêx xênhv muk lơưr Đảng. Pos Nay H’Nan, Phưv Giám đốc Sở Mênhx cxưx thiêz Tôn giáo tỉnh Đắk Lắk heik pâuz:“Têx lênhx txir ndâux txir luk, lâul jok zos qơư yax xa Đảng têx mông, tsênhv chei, nghị quyết txos trâu tsôngv pêx xênhv. Lơưr zos têx lênhx tâu cấp ủy cux li hâu nov ntơưv qơư tsưr tsix cơưv cxaz nzir txux chi, đhâu ntơư vênhv tôngv pêx xênhv uô trơưk Đảng têx chei kriê”.

Nênhs Tây Nguyên muôz jêx jok pir xưk li têx đruôz tôngx nxêz tôngx. Hâur co muôx luz lox, luz zâu, đruôl niêv đruôl txir, đruôl mê nhuôv.....iz luz nhiêk muôx nhiêk iz luz suôz đror txơưr tsi siz thôngx, taz sik tas nro puôr lênhx zos trơưk luz đruôl lox, trơưk lâul jok, txir ndâux txir lul thiêx yênhx suôz đror nxê lov jêv, yênhx jêx jok. Lâul jok têx lul heik chênhr zos suôz đruôl lox đror, tsi uô đrông ntưk, taz sik uô trâu jêx jok tsâu sor, truôx tuk./.

                                                                                                                               VOVTN-Riê Lâux cxeik, nhênhv 

Điện Biên huôv tsar vênhx huôv ntơưv qơư, cxơưz cxiz tsôngv kruô tuôx ndis shuôk

       Đros trâu têx suôz trax, suôz kênhx đror lov jêv lul hâur jiês kriz uô cêr lov jêv ntơưv chor jos vênhx huôv ndis uô si côngv thôngx; zos tsôngv kruô tuôx ndis uô si, sêiz shuôk têz qơưs txos trâu têx jêx jos hêik co, cux pâuz tâu tsôngv px têx vênhx huôv, txux chi tsiv grê cxôngx nzor. Ntơư cux chênhr zos iz kro cxơưz cxiz tâu chôngz lênhx kruô xêir tsov Điện Biên tuôx ndis uô si. Pos Nguyễn Mỹ Hạnh, iz lênhx kruô nhoz tỉnh Quảng Ninh tuôx ndis uô si txos thax tsav qơư no shir phaz lul hêik pâuz: “Hâur iz hêir nênhs nhiêk muôx nhiêx têx txux chi, vênhx huôv jông txơưr tsik siz thôngx. Cur tsênhv xar tuôx ndis uô si ntâu jiês trâu Điện Biên”.

        Chor tuz nxêik hluôk nthuôr uô cêr lov jêv nhoz cxuô jêx jos ndis uô si côngv thôngx, chênhr zos hêik kriê zuk hêir nênhs têx txux chi, vênhx huôv jông muôx ntơưv qơư trâu tsôngv kruô tuôx ndis uô si, sêiz shuôk têz qơưs pâuz txos. Pos Lò Thị Hương, zos chor uô cêr lov jêv, sênhr chêr nhoz jos Him Lam 2, phươngx Điện Biên Phủ hêik pâuz:“Chor tuz nxêik hluôk uô cêr lov jêv no cux jông siêz siz chos côngv đas jos tsưr ziv cơưv shâuv cxuô jax sênhr chêr, đhiê pax vuôs, tsuv uô li chas cov huv đros tsôngv kruô ndis shuôk têz qơưs siêz nhiêv, cux li hêik kriê cxuô hêir nênhs hâur thax tsav tỉnh Điện Biên têx txux chi, vênhx huôv jông cxôngx nzor trâu tsôngv kruô pâuz txos”

Hâu nov thiêz px cxuô luz jos ntơưv qơư, txix sở vênhx huôv tỉnh luk yax kriê, ntâu chuôz zis tưz tror cxiv kho đuô zuk chuôz zis têx vax tsêr chiê tsôngv kruô tuôx muk lok ndis shuôk têz qơưs tâu qơư so thiêz tror kho đuô zuk hêir nênhs têx qơư ntok ntâuz cxôngx nzor. Pir li ntơưv jos Phiêng Lơi, phường Điện Biên Phủ, zơưv Lường Văn Trường - Bí thư Chi bộ jos cux hêik pâuz tiêk, luz jos no tưz muôx 5 chuôz zis cxiv uô tsêr tok kruô, oz chuôz zis uô cxuô zav nox muôs, xav hâur iz shông luz jos no tưz tok tâu 2.000 ntâu lênhx kruô tuôx ndis shuôk:“Chi bộ tưz xav tâu tiêk, cxiv uô cxuô qơư ndis uô si, zos luôs hâux lưv uô muôx phênhv sâu tâu nhiêx txiêx. Chênhr zos li hêik co, hâur shông 2026 no thiêz têx shông zuôr txos, chi bộ tsênhv zuôr cxơưz cxiz cxuô chuôz zis hâur jos đros kriz uô qơư ndis uô si côngv thôngx đros trâu tu zus kêiz buô, chos jâuz cxuô zav cov muôx zav nox hur huv đros tsôngv kruô siêz nhiêv”

          Hur si tỉnh Điện Biên xav txos trâu nhiv no, tưz muôx 215 cxiv uô qơư tok kruô tuôx so ndis uô si, sêiz shuôk têz qơưs. Xav muôx 3.000 qar tsêr so, 5.100 luz txax thiêz 11 luz jos vênhx huôv chiê tok tsôngv kruô tuôx ndis shuôk. Pos Nguyễn Thị Thanh Chuyên, Phưv Giám đốc Sở vênhx huôv tỉnh Điện Biên hêik pâuz: “Hâur ntu zuôr txos, pêz tsênhv zuôr kriz cxuô lớp kriê cơưv huôv tsar cxiv uô cxuô qơư ndis uô si côngv thôngx thiêz huôv tsar uô cxuô zav nox hur, huv đros tsôngv kruô ndis shuôk têz qơưs siêz nhiêv. Đros co, pêz tsênhv taz tov nhênhz chơưv chiê kriz cxuô jiês tưr lok huôv tsar qơư ndis uô si, tsưr ziv chơưx kruô, tsưr ziv hêik kriê têx muôx jông ntơưv qơư trâu tsôngv kruô pâuz thiêz chox kruô ndis shuôk têz qơưs. Đhâu co thiêx cxơưz cxiz tâu chôngz lênhx kruô tuôx ndis uô si, tsôngv px muôx phênhv sâu tâu nhiêx txiêx chox lok cxiv kho chuôz zis, muôx luz nênhx tsâu sor”.

Tỉnh Điện Biên xav txos shông 2030, cov tsôngv kruô tuôx ndis shuôk têz qơưs tax tâu 2,65 triệu jiês; muôx phênhv sâu tâu 5.000 tỷ ntâu nhiêx. Luôs hâux lưv cxiv uô cxuô qơư ndis uô si, sêiz shuôk têz qơưs txuôk đros huôv tsar truôx cxuô hêir nênhs sđ têx txux chi, vênhx huôv jông cxôngx nzor txos trâu shông 2030, txơưv li chas tỉnh Điện Biên cux yênhx iz thax tsav qơư jông jav nhoz thax tsav faz Bắc pêz têz qơưs, cxơưz cxiz tâu chôngz lênhx kruô tuôx sêiz shuôk./.

                                                                                Tsu cxêik nhênhv-Thu Thuỳ, QQTT Tây Bắc