Lào Cai đơưk uô jông têx phiv liv hâur shôngk shông cơưv yiêz

Tas nro tỉnh Lào Cai nhiv no muôx 600 ntâu tsêr cơưv ntơưr, 230 cxênhz ntâu lênhx shux xênhz. Shông cơưv no ngênhx zoz zux ntơưv qơư cux tsuv njiz trâul iz cxiê phiv liv, phênhv ntâu zos lok sâuv têx chuôz zênhx, qơư nhoz cơưv, lênhx nênhs lês uô têx hâux lưv. No zos têx tsi tiêk Lào Cai thiêx njiz trâul.

Nhiv nor, têx qơư nhoz cơưv ntơưv ntơưv Lào Cai cux tsênhv yuôr 24% tsi tâu cxiv uô, kho đuô cov khor truôx thiêz tsênhv yuôr nhos 200 ntâu lênhx cưk kriê tsi tâu muôx txâuk, phênhv ntâu zos kriê luk Anh, tin học, kriê heik gâux….

Trơưk li zơưv Mạc Trọng Khang, Tsar phongx Tsưr tsix canr bôv, Sở Zoz zux tỉnh, txix ciês thâuv uô ntêx shông cơưv, hâux lưv xeir zuôr cưk kriê tưz tâu fuô uô, taz sik tsuôk tax 46% tsưr ziv tso tơưv, tiv tsi muôx lênhx nênhs thiêz Chei zoz zux shông 2019 cui tinhv txux chi tsưr ziv uô hâux lưv cxuô cấp cơưv hlôngr yiêz li uô ruôr hiêv txos, viv li cux tsuv muôx cui tinhv tsênhz mênhx. Txix têx li heik co, ngênhx zoz zux Lào Cai  cê thor tỉnh tso chei hux thôngx iz cxiê lênhx cưk kriê, cê tso tơưv têx tsưr ziv phênhz cưk kriê cov huv đros: “Tiv iz zos qênhz shuôs têx lênhx nênhs uô hâux lưv muôx tsi txâuk txos tưs mak xeir zuôr nzir txos co xưz. Tiv 2 zos trơưk li Chính phủ Nghị quyết 102, zos kror tưs muôx shux xênhz, nhoz co muôx cưk kriê mak xeir zuôr cưk kriê hâur têx tsêr cơưv chiê txo grêk tsơưs têx hâux lưv uô, xuz thơưx zos tsuv muôx cưk kriê kriê ntơưr. Tiv 3 zos phôngz yaox tsêr cơưv siz paz tsêr cơưv, phongx siz phongx, Lào Cai tưz fuô uô hâux lưv no hâur yênhx châuv shông lok, niêx shông puôr lênhx muôx 700-800 lênhx cưk kriê muk uô hâux lưv trâu thax tsav tox siêz”.

Iz chas ntơư, têx tsưr ziv li kriê đhâu sâuv mạng xã hội chiê iz lênhx cưk kriê muôx têx seiz car ntâu lớp cơưv; phênhz cưk kriê iz lênhs kriê 2, 3 luz tsêr cơưv nhoz têx qơư cơưv siz jê cux tưz tâu fuô uô. Lok sâuv zar tov kaz no, Lào Cai zuôr cxiv tsa tsưr ziv kriê cxaz nzir têx txux chi yuôr trâul, hu zâuv têx lênhx cưk kriê ntơưr lês uô luôs hâux lưv co lơưr yênhx ntu.

Trơưk li pos Dương Bích Nguyệt, Gám đốc Sở Zoz zux tỉnh Lào Cai, txix têx tsưr ziv bax uô ntêx, phênhv ntâu têx phiv liv ntơư tưz khưx phưx tâu trơưk li tsưr ziv tso tơưv.

Shông cơưv no, đros trâu tas nro têz qơưk sik đros cxiv tsa tsêr cơưv truôx jông, Lào Cai zuôr tsov cưv trâu têx luôs hâux lưv li: Gra siêz tsơưr lươngv tsaz yênhx zoz zux phưv thôngz yiêz; uô siv phổ cập zoz zux cxênhx nhuôs zâu trâu chor nhuôv 4 shông; sir jos choz kriê cêr uô nênhx jông, tsiv txiêx, siz hluz siz paz trâu shux xênhz; tror njuôk hov, qênhz shuôs têx tsêr cơưv, qơư cơưv; moz siêz uô jông hâux lưv kriê txux chi; phax tar moz gênhk thiêz taz por truôx tuk hâur tsêr cơưv: “Chiê đơưk uô têx tsi jông, cuz nxor hâur tsêr cơưv li: Siz ntâuk tsiv, tưz muôx lok six ntâu jiês cơưv cux li Bộ, taz sik muôx têx co tsi zos nhoz hâur tsêr cơưv, viv no zos shux xênhz, cux muôz xav zos ntâuk tsiv li ntơư. Chênhr viv li, hur si chuôz zis, tsêr cơưv thiêz côngv thôngx xã hội tsuv sik đros moz siêz txos”./.

(An Kiên-Riê Lâux cxeik, nhênhv)

Cxoz txưv heik kriê, thôngz pov muôx nênhs phamv cxâuv tsi muôx tsênhz tiês trâus xưv bluô hnhar

          Hnuz 29/8/2022 nhiv kruôr đhâu, Văn phongx chủ tịch têz qơưk tsưr tsix khiêz phêv pov tsir côngz fur pháp lệnh xưv bluô uô cxâuv hành chính đros hâux lưv tir tar huôx tôngv tố tụng. Pháp lệnh muôx txux zôngv txix hnuz xiêz 1/9/2022.

          Lơưr pháp lệnh, nênhs muôx huôx tôngv cxoz txưv heik kriê, pov lok nênhs phamv cxâuv tsi muôx tsênhz tiês zuôr trâus xưv bluô 1-5 tsov đeiv. Zos cxoz txưv heik kriê, pov lok nênhs phamv cxâuv uô zênhr shar txos chiz coaz, nênhs muôx vax huôv li suôz bê; hâuz zâuv, nziês đas, ntiêr txiêx, hêv lok sik zuôv lênhx nênhs txơưr heik kriê, pov lok nênhs phamv cxâuv tsi muôx tsênhz mak trâus xưv bluô 5-15 tsov đeiv (zos nênhs uô cxâuv zos luật sư mak phênhv xưv bluô zos 15-30 tsov đeiv).

          Lik zơưx viv li chas puôr lênhx zos iz hâux lưv uô cxâuv mak luật sư ho trâus xưv bluô hnhar đuô têx lênhx nênhs txơưr, Phưv chánh án thường trực tòa án thênhv siêz Nguyễn Trí Tuệ puz pâuz: Lơưr Tòa án thênhv siêz li siêz xar, luật sư zos lênhx nênhs pâuz tsênhz zos pháp luật. Thâuv cxaz chuôz tố tụng, luật sư tsuv seiz tâus pháp luật, uô đeiv iêr trâu lênhx nênhs txơưr uô trơuk. Viv li thâuv lơưr uô cxâuv mak tsuv xưv bluô hnhar đuô.

          Đrâuv co, pháp lệnh cux cui tênhv lok hâux lưv xưv bluô đros nênhs uô cxâuv tsi uô trơưk chiz coaz tố tụng li ntơur hu tuôx chiz coaz.

          Tsênhz mênhx, phuôv canhv cáo lok sik bluô nhiêx txiêx txix 100 cxênhz txos 1 tsov đeiv đros nênhs cxaz chuôz tố tụng tưz tâu hu tuôx mak ho tsi tuôx viv lik zơưx tul tsi, lok sik uô zênhr shar txos huôx tôngv tố tụng tiv lơưr tsi tuôx./.

(Tòng Anh-Txâur Vax cxeik nhênhv)