Lào Cai sir jos krêz uô têx txux chi vênhx huôv jông hâur thax tsav qơư nhoz

Zơưv Hoàng Xín Hòa, nhoz huyện Mường Khương, tỉnh Lào Cai zos iz hâur 10 lênhx nênhs txơưx hu gâux, heik cưr cxiêx jông ntơưv Lào Cai nhiv kruôr tâu Chủ tịch têz qơưk muôz ntơưr côngk nhav zos lênhx tuôr tâu tsês thiêz muôx txux chi sênhr chêr, heik tâu gâux jông.

Txix siêz nhiêv zuk heir nênhs têx txux chi vênhx huôv, zơưv Hòa đhâu ntâu shông sir jos cơưv shâuv, tưz nhênhz chơưv thiêz por hưv tâu tsês heir nênhs Nùng Dín li ntâu têx txux chi vênhx huôv jông tsi chiê pôngz plox, iz chas co zok nriêr tâu zuk heir nênhs têx suôz sênhr, txưv cưr cxiêx lâul thâuv ntêx xar muôx 50 jax. “Lơưr lâul ntu thâuv ntêx cux tsênhv muôx ntâu lênhx nênhs pâuz sênhr suôz heik têx gâux, cưr cxiêx, cur txir thiêz niêv cux zos têx lênhx txơưx sênhr suôz heik tâu jông cơưk, cux muôx têx nyê chor lâul txơưx heik li co nhiv no zuk thiêx nhiêv thiêz sênhr suôz heik tâu li lơưr; cơưv txos txưv tưs, jax tưs mak cur ndo tâu jông txos co. Chênhr viv li jux juk pâuz tâu ntâu jax, tov kaz no cur muôz sâu uô luk heir nênhs Nùng, thâuv tưs tsi ndo kaz cur ho tror krêz seiz, shâuv heik đuô”.

Lào Cai đros thiêz 25 côngv thôngx heir nênhs uô nênhx nhoz, nhiêk muôx nhiêk têx txux chi cêr nênhx vênhx huôv txơưr tsi siz thôngx. Iz heir nênhs nhiêk cux muôx nhiêk tsưr ziv por hưv, tuôr tsês chiê, zov chênhr zos sêz sơưr đơưk tsưx phưv li chas xưz.

Hâur ntu đhâu, ntơưv Lào Cai tưz muôx 50 heir nênhs li zuôr xar 50 têx txux chi vênhx huôv tâu nhênhz chơưv, cxiv uô đuô, tuôr tsês; zok nriêr, nhênhz chơưv tâu xar muôx 2 cxênhz jax cưr cxiêx, phôngz cxưx, cêr nênhx vênhx huôv, zuôr xar 200 têx txux chi uô pax ntâuz tsôngk yo hnar, yênhx cxênhz đeiv đuôz lok ntênhs hội, phôngz cxưx; 39 di sản tâu cxiv uô ntâuz ntơưr khoa học heik cov muôz tso hâur têx di sản vênhx huôv jông cấp têz qơưk…. Co zos têx zov chênhr chiê huôv star ju lix côngv thôngx, ju lix di sản, reik đros ngênhx kinh tế ntơưv qơư, gra lok phênhv sâu tâu muôx yênhx châuv cxênhz tyv đeiv iz shông. Zơưv Dương Tuấn Nghĩa, Tsar phongx seiz car di sản vênhx huôv, Sở Vênhx huôv-thêv thao tỉnh Lào Cai heik pâuz: “Pêz cux nhênhz chơưv thiêz cxiv tsa têx tsênhv chei uô li chas chiê huiz tôngv paz max côngv thôngx por hưv tsês jông thiêz truôx têx txux chi vênhx huôv tsi chiê pôngz plox. Zov chênhr zos chiê gra lok têx jông, muôx liv trâu côngv thôngx, viv côngv thôngx thiêx muôx thiêz tuôr tâu tsês têx chi cêr nênhx vênhx huôv co”.

Ntu 2020-2025, BCH Đảng bộ tỉnh Lào Cai tưz tsês 2 đêx anr thiêz têx jông cik txos huôv tsar vênhx huôv, lênhx nênhs. Lào Cai cux tso tơưv Ban Thường vụ Tỉnh ủy Nghị quyết sôr 09 lok “cxiv tsa thiêz huôv tsar vênhx huôv, lênhx nênhs Lào Cai cov tâu trơưk li huôv tsar truôx” đros Ủy ban tỉnh tsưr ziv fuô uô têx luôs hâux lưv huôv tsar vênhx huôv txos shông 2030 hâur thax tsav. Trơưk li zơưv Dương Đức Huy, Tsar Ban Tuyên giáo Tỉnh ủy Lào Cai, têx tsênhv njiêz heik sâuv puôr lênhx zos khav tinhv muôz txux chi vênhx huôv uô ntêx chiê huôv tsar truôx. “Cấp ủy Đảng, hâu nov cxuô cấp tưz pâuz uô lơưr têx muôx jông, muôz txux chi vênhx huôv seiz hloz chiê cxơưz huôv tsar kinh tế xã hội, muôz têx txux chi uô yênhx zav chuôz zênhx jông, zov chênhr chiê huôv tsar ju lix, uô sơưr đơưk muôx cêr sik thôngx siêz, sik đros xar tơưv têx tsưr ziv, siz chos cxiv tsa cxơưz Lào Cai huôv tsar, muôx ntâu txux chi vênhx huôv jông xưk li Lâul Hôx tưz heik “Txux chi vênhx huôv zos têx jông cxiz xã hội huôv tsar, zos đas jos cxơưz gra sơưr đơưk muôx cêr thôngx siêz, muôx cêr lov jêv, paz têz qơưk huôv tsar”.

Đhâu iz shông uô lơưr Tổng Bí thư li suô luk ntơưv jiês cơưv Vênhx huôv tas nro têz qơưk, tsưr ziv cxiv tsa vênhx huôv, lênhx nênhs Lào Cai “sik thôngx siêz-nhiêv têz qơưk-uô lơưr jông têx chei, cui tinhv-vav mênhx-nhiêv kruô” tâu ntơưv qơư tso tơưv tưz uô tâu jông. Hâur co, lar heik zos jêx jok, qơư nhoz tâu côngk nhav hur jông thiêz tuôr tâu truôx suôz bê “thax tsav qơư tsôngv box nhoz vav mênhx”; têx cơ quan, taz viv, doanh nghiệp uô tâu jông têx luôs hâux lưv tso tơưv; qênhx shênhx siz zuôr nzor nhoz thax tsav tsôngv box heir nênhs tsơưs  txo grêk……/.

Riê Lâux cxeik, nhênhv

Thể thao Sơn La tưr tâu thênhv siêz hâur têz qơưs

- Tso tơưv luôs hâux lưv ntu 2021-2030, muôx zuôr xar 200 lênhx cưk kriê tưr thể thao thiêz kriê tâu 2.600 lênhx cơưv lok tưr thể thao cxuô zav; hâur ntơư muôx 338 lênhx tưr tâu hov 1.

          - Hâur ntu 2021-2030, thể thao Sơn La zuôr tưr tax tâu 1.200 huy chương cxuô zav hâur têz qơưs thiêz sâu ntiêx têz. Hâur ntơư muôx 60 huy chương tưr tâu sâuv ntiêx têz.

          Cơưv hâur iz hnuz oz jiês, txix thâuv 4 six txos 6 six sơưr nzor thiêz txix thâuv 3 six txos trâu 5 six 30 phênhz zar hnuz kêix, cưk kriê thiêz chor tuz nxêik cơưv shâuv thể thao nhoz 11 zav thể thao, tưr tâu thênhv siêz ntơưv tsênhv qơư cơưv shâuv thể thao tỉnh Sơn La tưz tror cơưv shâuv cxuô zav thể thao bax trâu cxuô jiês tưr hâur ntu zuôr txos. Bạc Thị Khiêm shir phaz lul hêik: “Thâuv têis cik sơưr nzor, pêz cơưv lok sâuv đas jos, cơưv đhiê, cơưv gra têx zav hnhar cov iz chêr muôx jos hâur tưr thi. Zar hnuz kêix, cơưv lok sâuv tsưr ziv tưr. Thâuv hmo ntux, zuk tưx cơưv shâuv cov ndo thôngz cxuô zav tsưr ziv tưr”

          Luôs hâux lưv xêir tsov chor tuz nxêik tuôx cơưv tưr thể thao tính Sơn La, tsuv uô covảtuax jông. Thiêz luôs hâux lưv no, tâu uô hâur yênhx shông thôngz đhâu đros tsêr cơưv huv đros. Trần Huy shir phaz lul hêik: “Luôs hâux lưv xêir tsov chor tuz nxêik tuôx cơưv tưr thể thao, tsuv qênhz yuôx, uô truôx jông thiêz uô cov huv đros cxuô hêir nênhs nhoz Sơn La”

          Tsênhv qơư cơưv shâuv thể thao thiêz tưr thể thao tỉnh Sơn La tâu tỉnh choz zok hâux lưv zos kriê cơưv thể thao thiêz tưr thể thao. Tsênhv qơư nhiv no muôx 140 lênhx tuz nxêik hluôk tsênhv taz tov cơưv shâu 11 zav thể thao. Ntơư zos ndơưk Bóng pox niêv; bóng têk, ntâuk tik kêiz, đhiê đêz, chêix yêz câux vaz lok zos yêz câur…..Trơưk li zơưv Hồ Minh sơn, Thơưx sêiz car tsênhv qơư cơưv tưr thể thao tsuv uô cov tâu truôx jông, huv đros. Txix ntơư thiêx đros tưr tâu thể thao thênhv siêz hâur têz qơưs thiêz sâuv ntiêx têz. “Luôs hâux lưv tso tơưv zos tsênhv qơư zuôr chêx chôngk yax kriê iz cxiê lênhx cơưv chiê muk tưr hâur têz qơưs thiêz sâuv ntiêx têz đros trâu cxuô jiês tưr nhoz châu Á, Đông nam Á”

          Thể thao Sơn La tưr tâu thênhv siêz hâur têz qơưs, zos sơưr tiv 4 hâur 19 luz tỉnh tox siêz pêz têz qơưs thiêz nhiv no, Sơn La tưz tưr tâu thênhv siêz hâur têz qơưs thiêz sâuv ntiêx têz. Zơưv Đỗ Thế Công, phưv Giám đốc vênhx huôv-Thể taho tỉnh Sơn La thiêz Quàng Thị Thu Nghĩa shir phaz lul hêik pâuz: “Shông no, tỉnh Sơn La tưr đros đại hội zos 9 zav thể thao, muôx 100 lênhx đros tưr. Pêz sir jos tưr cov tâu 5 hyu chương cuz. Hâur ntu 2021-2030, tsênhv zuôr sir jos yax kriê cơưv shâuv cov tưr tâu thênhv siêz hâur têz qơưs thiêz sâuv ntuiêx têz”

          “Cur tsênhv zuôr sir jos cov tưr tâu ntâu zav thể thao zos đrêiv hâur cxuô jiês tưr đhâu”./.

                                                        Tsu cxêik nhênhv