Điện Biên tso tơưv ntâu luôs hâux lưv, sir jos uô cov yênhx qơư huôv tsar truôx hâur thax tsav

       Têx luôk hâux lưv truôx tul txix six cxiv 2020-2025, hla đhâu cxuô phêv liv thiêz sir jos huôv tsar

         Pov cov Chính trị muôz trâu Đại hội tso pov, six cxiv 5 shông nhiv kruôr đhâu, kinh têr tỉnh Điện Biên muôx têx chuôz tsar jông, chuôz tsar GRDP tax 8,76% iz shông (hla đhâu Nghị quyết tso tơưv). Chêx cuk no zos têx tsênhv tsênhz tso pov Đảng bộ, chính quyênx thiêz tsôngv box têx mênhx cxưx hâur tỉnh li chinhz yênhx sir jos, hlôngr yiêz; phênhv sâu fênhx pheiz lênhx nênhs tax 54 tsov đeiv, chuôz ndê 60% pir đros shông 2020; zis iz trus coaz tsôngv lok hlôngr yiêz luz nênhx; phênhv sâu nhiêx txiêx têz qơưk sâuv thax tsav tỉnh cux hla đhâu 2 cxênhz tỷ đeiv.

          Six cxiv nhiv kruôr đhâu cux zos ntu Điện Biên tax tâu têx hlôngr yiêz jông hâur vênhv thix ju lix- jix vuv. Yênhxx côngz lox tiv zix zos tsưr tsux yênhx côngz Ntênhs chiv nhênhv 70 shông Ntâuk zênhx Điện Biên Phủ thiêz Shông ju lix têz qơưk- Điện Biên 2024. hâur 5 shông, tỉnh tưz zaz zâuv 5,5 tsov jiês tsôngv kruô, tax phênhv sâu 9 cxênhz 400 tỷ đeiv tnâu, khav tênhv qơư sơưr ju lix zos nganhx kinh têr tsênhv.

          Lok cơ sở cxuô zav, tỉnh tưz uô tiêr ntâu côngz tsinhx zov chênhr, paz trâu ntu huôv tsar yiêz. Dự án krêz đar Qar yêz za Điện Biên uô tiêr tưz muôz siêz đas jos sik côngv zaoz thôngz đros têx thax tsav txơưr. Tỉnh cux tưz chaz tênhv tênhz têz qơưk txos têx thax tsav tox siêz đêz đrôngs, đros 96% ziv chuôz zis tsôngv box tâu sir zôngv tênhv, 94% ntâu chor xã muôx cêr yêz ô tô txos tsênhv qơư, taz por cxix luôk phưx vưv huôv tsar truôx tul.

          Hâur côngz xưv nox nhoz xã hội, đros chinhz yênhx “tsi chiê lênhx tưs trâus tso tsês tov kaz” tỉnh tưz uô tiêr hâux lưv paz cxiv tsa 22 cxênhz 300 ntâu luz tsêr Niêv côngv siêz trâu ziv chuôz zis pluôk- trâur nuv tâu TƯ ntâuk grê siêz thiêz thix ziv krêz uô đêz đar; chor ziv chuôz zis pluôk tas nro tỉnh txu grês yuôr 17% ntâu.

         Siêz xar njôngr huôv tsar hur jông, hlôngr yiêz thiêz 3 luôk hâux lưv zov chênhr

          Hla trâu six cxiv 2025-2030, tỉnh Điện Biên truôx siêz phuôx huiz “Chinhz yênhx Điện Biên Phủ” yênhx siêz xar njôngr huôv tsar. Tỉnh xav tênhv tsưr ziv huôx tôngv zos “Sik côngv siêz-jênh chuv-kỷ cương-hlôngr yiêz-huôv tsar”; qơư tsov txos zos chox Điện Biên yênhx tỉnh huôv tsar lơưr saz kinh têr hur jông, hlôngr yiêz, truôx tul thiêz sir jos txos shông 2030 yênhx tỉnh huôv tsar jông hâur thax tsav tox siêz faz Bắc.

          Chiê uô siêz xar njôngr no, Điện Biên xav tênhv 3 luôk hâux lưv zov chênhr lok cơ sở cxuô zav; cơ chế thiêz tênhx qơư yưv pênhr, zaz zâuv pênhr jos tư nhân, hlôngr yiêz lênhx nênhs thiêz công nghệ, uô ntêx nyuôk hâur kỷ nguyên số thiêz AI.

          Hâur co, hlôngr yiêz lok cơ sở cxuô zav, krêz tơưv ntu sik côngv thax tsav tâu seiz zos tsưr ziv zov chênhr. Ntu 5 shông zuôr txos, Điện Biên zuôr chêx chôngk huiz tôngv pênhr jos chiê krêz uô têx dự án zaoz thôngz tsênhv, sik côngv têx thax tsav thiêz ntiêx têz. Tiv zix zos cxơưz cxiz, uô tiêr ntâuz ntơưr chiê krêz uô dự án Cêr muk chênhr Sơn La-Điện Biên- trôngx đriv Tây Trang thiêz dự án Cêr sik côngv niêv cêr 12 đros trôngx đriv A Pa Chải-Long Phú. 2 cêr txox cêr no tâu njênhs njôngr zos zơưv six chiê krêz tơưv hâux lưv muôv muôs, jix vuv, ju lix thiêz txiv ngaz côx phax hâur tỉnh. Thôngx cxix, tỉnh zuôr huôv tsar Thax tsav kinh têr trôngx đriv A Pa Chải thiêz tsov cưv huôv tsar hạ tầng số, ndar txos trâur nuv niêv đrôngs hur jông, hlôngr yiêz, shưv đros qiv hơưv têx txơưr txar... gôngr phênhv nzor chox Điện Biên yênhx tỉnh huôv tsar jông hâur thax tsav tox siêz faz Bắc lok shông 2030./.

Vũ Lợi-Txâur Vax cxeik nhênhv

Pêx xênhv Sơn La vav njôngr trâu Đảng bôv tỉnh Sơn La hâur ntu 2025-2030

           Tâu sêiz thiêz nhênhz chơưv hêik pâuz chinhr triv Đại hôiv đại biểu Đảng bôv tỉnh Sơn La jiês tiv XVI, six cxiv 2025-2030, pos Lò Thị Phương, nhoz phường Chiềng Cơi, tỉnh Sơn La lok six shir phaz đros tỉnh li huôv tsar kinh têr-xar hôiv 5 shông đhâu. Pos Phương shir phaz ntâu đros têx uô tâu hâur kôngz nuv tưz huôv tsar trơưk tsưr ziv sir zôngv công nghệ siêz, sưv đros trâu qiv hơưv txơưr txar. Tsiv gri nganhx Kôngz nuv, jôngr nuv, tu zus suôz njêl tsar ndê muôx 3,44% iz shông. Chos ntông nox txir, cà phê, jâuz ngaz tuk hâur têx tsêr tax thêir vor, uô cov jông đuô chor kôngz nuv tsênhv tâu sir jos uô jông. Tiv zix, chor chuôz zis pluôs grêk txix 21% ntâu shông 2021 txos yuôr xar muôx 8% shông 2025. Đros co vav tiêk Đại hôiv jiês no, tỉnh tror sir jos uô jông côngz xưv sêiz car đô thị, cxuô kror, hlôngr yiêz sôr thiêz gra siêz tsơưr lươngv luz nênhx: “Chiê paz trâu huôv tsar kinh têr xar hôiv ntơưv tỉnh hâur six cxiv zuôr txos, pêz vav tiêk tỉnh zuôr muôx ntâu kror hlôngr yiêz hâur huôv tsar pênhr jos tsơưr lươngv siêz, đros co zos sir jos hlôngr yiêz sôr, tror kho đuô nganhx kôngz nuv lơưr tsưr ziv công nghệ siêz, uô lơưr thax tsav tsêx trung đros uô cov tâu jông đuô thiêz paz muôx nzir ntâu kror hâux lưv uô, phênhv sâu siêz trâu nênhx lox tôngv jêx jok, thax tsav nhoz đêz, tox siêz”.

            Pos Nguyễn Thị Bắc, Phư Bí thư chi bôv tôv 12 Chiềng Lề đros chôngz lênhx đảng viên nhoz phường Tô Hiệu cux tsik so sêiz njôngr txos têx hlôngr yiêz ntơưv thax tsav qơư. Đại hôiv Đảng bôv tỉnh tưz cơưv tâu yênhx côngz jông. Pos Bắc, đros canr bôv, đảng viên, pêx xênhv hâur tôv vav tiêk tỉnh đros chinhr quyền 2 cấp zuôr ziv hnuz ziv huôv tsar, txoz cxơưx jông đuô trâu pêx xênhv, tiv zix zos ntơưv têx qơưk tox siêz đêz đrôngs: “Pêz lok six njênhs trâu Đảng thiêz Têz qơưk têx cêr chêi, njênhs tiêk Đại hôiv zuôr yênhx côngz jông thiêz zuôr bâux tâu chor nênhs muôx txâuk txux chi, siêz jông chiê đros pêx xênhv cxiv tsa Sơn La cov ziv hnuz ziv huôv tsar jông jav thiêz vav mênhx đuô”.

          Đros muôx siêz njênhs lox, canr bôv, đảng viên thiêz pêx xênhv cxuô mênhx cxưx tỉnh Sơn La vav tiêk têx tsênhv chêi yiêz zuôr paz muôx tâu iz ntu huôv tsar yiêz hâur mênhx cxưx li ntu hlôngr yiêz thiêz huôv tsar./.

Thanh Thủy-Lik Thox cxêik nhênhv