Huôv tsar chos têx yuôx đrox njuôz, tsưr ziv hla đhâu cêr pluôs trâu pêx xênhv

Nhoz trâu thax tsav tox siêz, vuôk har Thèn Pả, xã Sa Lông, huyện Mường Chà, tỉnh Điện Biên lax nziês, jông chos têx yuôx đrox njuôz. HTX 7/5 tưz chos siv 2 ha ntâu yuôx đrox njuôz. Zơưv Phạm Công Thành, seiz car HTX heik pâuz: Têx yuôx sâm txơưv nhiv kruôr gra zuz nôngz lok chos tsi tâu ntêr taz sik tưz chiêx, hloz lox lok six jông. Đhâu têx li heik co tso pov, thax tsav Thèn Pả jông huôv tsar chos têx yuôx đrox njuôz. Txix ntơư muôz cêr shir phaz trâu sơưr đơưk, muôx têx krêz đar thax tsav chos, paz huôv tsar kinh tế, gra siêz luz nênhx trâu tsôngv pêx xênhv ntơưv qơư: “HTX tsênhv nhênhz chơưv, muôz têx zav yuôx đrox njuôz cik txos, mêx njik jông iz zav li chor yuôx heik sâuv lok chos. Xuz thơưx zuôr chos siv tso, đhâu chos tâu yênhx côngz mav huôv tsar chos ntâu jux juk”.

Đros trâu têx, muôx qơư lax nziês, mêx njik jông li nhoz Thèn Pả, xã Têz Phôngz, huyện Tuần Giáo cux tsênhv yênhx qơư jông chiê iz cxiê doanh nghiệp, HTX, chuôz zis, lênhx nênhs krêz đar liêx têz huôv tsar chos yuôx đrox njuôz. Zơưv Lò Văn Cương, Bí thư Huyện ủy Tuần Giáo, tỉnh Điện Biên heik pâuz: Nhiv no iz cxiê doanh nghiệp, HTX, chuôz zis tưz chos 60 cxênhz tsoz sâm Ngọc Linh, Sâm Lai Châu muôx 1-5 shông, xav hur si liêx têz chos zos 2 ha ntâu. Zav yuôx đrox njuôz no hloz lox jông tưz khav tinhv, co zos huv đros trâu thax tsav qơư.

Huyện Tuần Giáo tsênhv muôz jông six hơưv chiê hu zâuv doanh nghiệp thiêz pêx xênhv đros uô, krêz đar qơư chos têx yuôx đrox njuôz. Iz chas ntơư, cxiz thiêz paz max trâu têx qơư, pêx xênhv krêz đar liêx têz chos; buôk ti têx pênhr txeik zuôr nhiêx nju tsơưs chiê yưv pênhr huôv tsar chos yuôx đrox njuôz, uô lơưr tsưr ziv yiêz chiê muôx tâu têx yuôx jông, muôs tâu gri: “Huyện Tuần Giáo zuôr tror cxiz pêx xênhv thiêz têx HTX chiê chos yuôx đrox njuôz hâur têx xuz jôngr, uô li chas chiê xiv huv no huôv tsar uô tâu jông, trơưk tsưr ziv. Nhiv no xã Têz Phôngz zos iz hâur têx thax tsav muôx đêx ar jông, huv đros chos yuôx đrox njuôz. No zos iz kro jông, huyện li xiv huv, chênhr viv li huyện zuôr muôz jông six hơưv trâu têx taz viv huôv tsar. Iz chas uô trơưk Thủ tướng Chính phủ Quyết tinhv 1719 lok tsaz yênhx huôv tsar thax tsav tsôngv box heir nênhs tsơưs thiêz tox siêz cux tưz muôx tsaz yênhx co, chênhr zos li ntơư muôx têx uô tâu jông”.

Pos Chu Thị Thanh Xuân, Phưv Giám đốc Sở Kôngz nuv thiêz huôv tsar tox siêz tỉnh Điện Biên heik pâuz: Đros thiêz muôx nhos 70% zos ar kôngz-jôngr nuv, qơư lax nziês, jông huôv tsar uô nox, tỉnh Điện Biên jông huôv tsar têx trâur nuv kinh tế kôngz-jôngr nuv, hâur co muôx yuôx đrox njuôz. Hâur ntu đhâu, iz cxiê huyện li: Điện Biên, Tuần Giáo, Mường Nhé thiêz Nậm Pồ tưz nzaz nzơưv têx muôx jông co chiê huôv tsar thax tsav chos yuôx đrox njuôz. Txos nhiv no, liêx têz chos yuôx đrox njuôz hâur tas nro thax tsav tỉnh njuôk xav tax 1.250 ha: “Tỉnh têx ar har jôngr nhiv no cux tsênhv lok six ntâu, muôx 400 cxênhz ntâu ha, viv li jông chiê huôv tsar chos têx yuôx đrox njuôz uz no iz chas chor shôngz ntông lox. Nhiv no cux tsênhv huôv tsar lok six jông, chênhr zos li co tsuv nthuôr đar chiê tror huôv tsar chos”.

Nhiv no tỉnh Điện Biên tưz cxiv tsa tsưr ziv huôv tsar thax tsav chos yuôx đrox njuôz hâur thax tsav ntu 2022-2025, uô ndar txos shông 2030. Iz chas ntơư, zuôr krêz đar thax tsav chos têx yuôx jông, liêx têz chos chor yuôx đrox njuôz muôx nhos 4 cxênhz ha./.

                                   Vũ Lợi-Riê Lâux cxeik, nhênhv