Tsôngv pêx xênhv Phú Nhuận xar njôngr cov tâu yêik txar muk nhoz qơư hur si, tsi kiêk nênhs vuôz tsuôz

Jok Phú Hà 2, xã Phú Nhuận, huyện Bảo Thắng, tỉnh Lào Cai nhoz jê thax tsav công nghiệp Tằng Loỏng. Têx vuôz tsuôz uô kiêk nênhs tênhx qơư tưz uô ruôr hiêv txos têx tsoz chos, tsiêx tu zus thiêz muôx têx uô tsi jông txos pêx xênhv đas jos.

Nhoz ciês iz saz thax tsav tsôngv box nhoz zos tsêr meir DAP sôr 2 li qơư tsiv uô qir zuôv qơư trâu têx kiêk nênhs vuôz tsuôz. Thâuv tưs ntux nas lox mak têx kiêk nênhs co ntưk chuôs tsi trơưk đêx, uô vuôz tsuôz hâur đêx. Zơưv Vũ Văn Thành, chuôz zis jê ntus cưx đês, jê iz saz thax tsav trâu têx kiêk nênhs co khav tinhv:

“Zênhx uô tsi hur, vuôz tsuôz xưz, tiv iz zos cêr xênhz huôx hâur niêx hnuz, tiv 2 zos têx đêx kiêk nênhs cxênhv hâur ar, pêz ho uô nênhx nhoz jê ntus đêx, yar ntux tsi uô chas taz sik zos lok nas mak têx kiêk nênhs ntưk trơưk đêx lok six vuôz tsuôz hênhr”.

Ntâu shông uô nênhx nhoz hâur thax tsav kiêk nênhs vuôz tsuôz, pêx xênhv Phú Hà 2 xar njôngr cov tâu yêik txar muk nhoz lưv kror qơư txơưr đuô, taz sik txos nhiv no cux tsi tâu pov heik li chas hlo. Zơưv Phạm Văn Diện nhoz jok Phú Hà 2 heik pâuz: Têx liêx têz nxaz mak chuôs li shông tưs cux trâul uô ruôr hiêv, viv tsêr meir têx kiêk nênhs vuôz tsuôz ntưk lol, tsôngv box uô tsi tâu têz, tu zus tsi tâu tsiêx cxu. Vax tsêr mê grêiv lok sik trâul puôk tsuôx cux tsi tâu uô, cxiv kho hlo viv nhoz hâur thax tsav njuôk hov, cêv kuôk:

“Xar lok luz nênhx zar tov kaz no, cux xar yêik txar muk nhoz lưv kror qơư txơưr đuô chiê truôx tuk luz nênhx trâu sơưr đơưk, qơư nhoz trâul njuôk hov li no tas, vax tsêr tsi jông lok cux tsi tâu cxiv kho, txơưv huôv tsar tu zus tsiêx cxu, xar uô iz zav đaz tsi cux tsuv uô ntâuz ntơưr li uz li no, lok six phiv liv”.

Niêv lâul Nguyễn Thị Hải Lý-tsar jok Phú Hà 1, xã Phú Nhuận, huyện Bảo Thắng heik:

“Têx tsoz chos, shôngz ntông tưz tuôs tas li no, tsi pâuz shor zuk đas jos trâul uô ruôr hiêv li chas lơưv. Pêz tsôngv pêx xênhv xar cov tâu yêik txar muk nhoz lưv thax qơư truôx tuk đuô xưz”.

Lơưr thôngz sâu, xã Phú Nhuận, huyện Bảo Thắng, tỉnh Lào Cai muôx 287 chuôz zis pêx xênhv nhoz hâur thax tsav vuôz tsuôz kiêk nênhs, tsuv tâu yêik txar. Zơưv Hoàng Ngọc Anh, Phưv Chủ tịch Ủy ban xã heik pâuz: Txơưv hâu nov ntơưv qơư tưz heik ntâu jiês trâu têx hloz cov yêik txar tsôngv pêx nhoz thax tsav kiêk nênhs muk qơư truôx tuk, taz sik luôs hâux lưv no njiz trâul lok six ntâu phiv liv, viv tsi muôx nhiêx txiêx:

“Pêz cux yax kriê tsôngv lax pêx xênhv ntơưv thax tsav no tiêk, cov lơưr sir jos chos jôngr ntông trâu têx têz por tox đo, tsi tâu njuôk hov ntơư, huôv tsar jôngr njuôz vor tox trôngz câuv har chiê muôx qơư hur si, nzôngr nzông”.

Txix shông 2021 txos nhiv no, nhiv kruôr muôx 100 ntâu chuôz zis hâur thax tsav kiêk nênhs vuôz tsuôz tâu yêik txar muk nhoz qơư yiêz, phênhv chôngz zos pêx xênhv thị trấn Tằng Loỏng. Nhiêx txiêx phênhv ntâu zos tỉnh Lào Cai muôz uô ntêx, thâuv tsênhv tok têx tsêr meir seiz lơưr đơưk uô li chas. Chênhr viv li, luôs hâux lưv yêik txar têx chuôz zis pêx xênhv hâur thax tsav vuôz tsuôz muk nhoz lưv kror qơư chiê truôx tuk luz nênhx thiêz huôv tsar uô nox uô hâuk cux zos iz kro lok six phiv liv trâu ntơưv qơư./.

(CTVVOVTB-Riê Lâux cxeik, nhênhv)