Sơn La tsiv uô cà phê reik đros por vêv tênhx qơư

Hâur têx hnuz no, nhoz sâuv oz saz ntus cêr lox sô 6, txix thax tsav xã Chiềng Đen, thành phố Sơn La txos huyện Thuận Châu yuôr tsi ntâu qơư tsiv uô cà phê mê li thâuv ntêx, hlôngr co têx ziv chuôz zis muôs txir cà phê nhôngs trâu têx qơư sâu zuôr, doanh nghiệp sâu zuôr chêx chôngk chiê tsiv uô, gôngr phênhv por vêv tênhx qơư. Zos iz hâur têx qơư sâu zuôr cà phê nhôngs trâu pox nhuôs, tix lâuk Quàng Văn Tính li chuôz zis nhoz jos Phiêng Tam, xã Chiềng Đen, thành phố Sơn La iz hnuz sâu zuôr muôx nhos 30 tênhr txir cà phê nhôngs. Tix lâuk Tính puz pâuz: chuôz zis cux muôx qơư tsiv uô cà phê đar 4 cxênhz yiv ndis, 2,3 shông no tix lâuk cir ntơưr đros UB TP Sơn La tsi tsiv uô cà phê ntơưv chuôz zis; tas nro chor cà phê sâu lok zuôr chox muk qơư tsiv uô đêz zuôr xar 20 cei cêr, đhâu co thiêx chox lok jiêz kruôr chiê por vêv taz por hâur đêx trâu thành phố Sơn La:"UB thành phố cux heik hâur đêx trâus kiês nênhs viv li chuôz zis cux thôngx ziv txar qơư tsiv uô mul qơư txơưr, hâur ntu uô cux phêv liv taz sik chuôz zis cux khưx phưx, uô lơưr thành phố li heik kriê chiê por vêv tênhx qơư"

          Zos 1 hâur 10 qơư muôx txâuk chuôz zênhx têr, jov cà phê nhoz huyện Thuận Châu, tix lâuk Bùi Công Thành li qơư têr jov cà phê nhoz jos Hưng Nhân, xã Chiềng Pha muôx công suất liv uô 10 tênhr/ iz hnuz.

          Lơưr tix lâuk Thành, thâuv liv uô Cà phê, 10 yiv đruôz đêx hur lib uô tâu 12 yiv đruôz đêx kiês nênhs, viv li chuôz zis tưz khơưz 2 kror tso đêx đar muôx nhos 17 cxênhz yiv đruôz txix shông 2015, tas nro 2 luz kror tso đêx no tâu puô ntâuz tax HDPE 2 chiê phax tar đêx tsư nxiêz thiêz xâuk trâu hâur ar:"Zôngv qir vi sinh vâuv đêx kiês nênhs thiêz plâuz cà phê zuôr txu grês nhiêx txiêx, xưk li cur chuôz zis qir hóa học tsi tsuv zuôr, tiv 2 thiêz zos chos tsoz chos txix zôngv qir vi sinh mak tsoz chos muôx jos, huôv tsar jông; txu grês tâu nhiêx txiêx yưv uô kôngz nuv, txix hâux lưv sâu thiêz tsiv uô cà phê mak paz muôx qir zuôv trâu tsoz chos"

          Tỉnh Sơn La nhiv no muôx 17 cxênhz hecta ntâu cà phê, chêx chôngk phênhv ntâu nhoz huyện Mai Sơn, huyện Thuận Châu thiêz TP Sơn La, iz shông sâu tâu 30 cxênhz ntâu tênhr. Tas nro tỉnh nhiv no muôx 4 qơư tsiv uô cà phê chêx chôngk thiêz yênhx châuv qơư tsiv uô cà phê ziv chuôz zis thiêz lênhx nênhs.

          Chiê taz por sâu zuôr cà phê trâu tsôngv box, thôngx cxix chuv tôngv phax tar, seiz car, tir tar thiêz yưr lir txos qơư têx uô cxâuv lok kiês nênhs tênhx qơư, têx huyện, thành phố hâur tỉnh Sơn La tưz yênhx lix têx Đoanx liên nganhx qênhz yuôx, seiz car têx qơư tsiv uô xiv huv kôngz nuv, cir ntơưr đros têx qơư tsiv uô xiv huv kôngz nuv por vêv tênhx qoư, hâur đêx…Zơưv Đặng Ngọc Hậu, Phưv Chủ tịch UB tỉnh Sơn La puz pâuz:"Nhiv no tsênhv yuôr iz cxiê qơư tsiv uô mê zos têx ziv chuôz zis tsiv uô cà phê, lok hâux lưv no UB tỉnh tưz chox kriê UB têx huyện, tiv zix zos huyện Mai Sơn, Thuận Châu, TP chuôz tsar côngz xưv qênhz yuôx, heik kriê têx qơư tsiv uô mê, heik têx qơư no cir ntơưr por vêv tênhx qơư, zos qơư tưs tsi txâuk theox chênhv tsiv uô mak tsuv cơư trôngx chiê taz por tênhx qơư cxuô".

          Đros hâux lưv krêz uô ntâu tsưr ziv chiê por vêv tênhx qơư, cheix sâu cà phê chiv 2022-2023, tỉnh Sơn La sir jos tsi chiê tror muôx yưv qênhx shênhx đêx trâus kiês nênhs txix huôx tôngv tsiv uô cà phê, uô zênhr shar txos hâur đêx, txos tsôngv box li luz nênhx xênhz huôx li ntâu shông  đhâu đrav ntêx./.

Trấn Long-Txâur Vax cxeik nhênhv