Lào Cai uô jông hâux lưv phax cuz tuô cuz ntơưv qơư

Yênhx lix 3 paz lês uô hâux lưv phax cuz tuô cuz thiêz 7 qơư phax cuz tuô cuz côngz côngv zos xã Sơn Hà, huyện Bảo Thắng, tỉnh Lào Cai têx sir jos đros lưv lươngv muôx vax huôv paz yax kriê trâu tsôngv pêx xênhv gra siêz tsưr ziv jênhv pâuz, uô jông hâux lưv phax cuz tuô cuz ntơưv qơư. Zơưv Nguyễn Khải Định, nhoz jok Tả Hà 3, xã Sơn Hà heik:“Thôngz đhâu phax cuz tuô cuz no, pêz pov co zos hâux lưv zuôr trâul txos ntơưv qơư, gra siêz tsưr ziv jênhv pâuz trâu tsôngv pêx xênhv, tiv 2 zos sơưr đơưk đros chênhr phax, tiv 3 zos sơưr đơưk pâuz tâu têx tsưr ziv phax cuz tuô cuz thâuv muôx tơưs cuz, sơưr zuôr phax tuô li chas”.

Khov tsi so yax kriê thiêz cơưv shâuv uô têx nuv phax cuz tuô cuz, tsôngv pêx xênhv tưz pâuz tsênhz thiêz gra siêz txux chi tsưr ziv chiê phax tir thêir jông tơưs cuz. Zơưv Trần Vũ Thành, Chủ tịch Ủy ban xã Sơn Hà, huyện Bảo Thắng, tỉnh Lào Cai heik pâuz:“Ntơưv têx thax tsav muôx ntâu tsôngv box uô nênhx nhoz, zôngx ziv muôx tơưs cuz ntơư, pêz yênhx lix têx paz lês uô luôs hâux lưv phax cuz tuô cuz thiêz tưz tsi so tso têx chuôz zis muk cơưv shâuv tsưr ziv phax cuz tuô cuz trơưk Công an huyện tsaz yênhx; đhâu ntơư chor nênhs no lok shâuv uô têx nuv ntơư siz kriê chiê uô tâu jông hâux lưv phax cuz tuô cuz”.

Txos nhiv no, Lào Cai tưz cxiv tsa tâu 496 paz lês uô hâux lưv phax cuz tuô cuz; 188 qơư uô ntêx nyuôs phax cuz tuô cuz; 115 thax tsav qơư truôx tuk lol phax cuz tuô cuz  thiêz tsêr cơưv truôx tuk tsi muôx tơưs cuz. Iz chas ntơư, tuôr truôx thiêz huôv tsar 1.500 ntâu paz nênhs lês uô têx hâux lưv phax cuz tuô cuz, muôx 16 cxênhz ntâu lênhx cxaz chuôz. Tsi so yax kriê, cơưv shâuv lok têx tsưr ziv phax cuz tuô cuz, chơưv paz lênhx nênhs zuôr paz tsôngv pêx xênhv gra siêz tsưr ziv jênhv pâuz thâuv muôx yưv têx tơưs cuz, tsi jông. Thượng tá Trần Mạnh Hoạch, Tsar phongx Cánh sát phax cuz tuô cuz thiêz chơưv paz lênhx nênhs, Công an tỉnh Lào Cai heik:“Pêz zuôr qênhz shuôs, chox kriê, nhênhz chơưv trâu cấp ủy, hâu nov cxuô cấp ntơưv qơư, hâur co muôx yênhx lix yiêz, cxiv tsa yiêz 100% thax tsav jêx jok, tsêr nhoz đros trâu uô lax luôv cxuô zav chiê uô tâu jông cxuô luôs hâux lưv tso tơưv lok phax cuz tuô cuz”.

Chiê uô tâu zênhx max hâux lưv phax cuz tuô cuz, chor nênhs lês uô têx nuv co ntơưv qơư lok six zov chênhr . Taz sik, phênhv ntâu têx txuz tơưs cuz uô ruôr hiêv lox txos lênhx nênhs khênhr muôx yưv thâuv hmo ntux; ntâu lênhx trâul tuôs viv gruk tâu têx pa tsi hur, lok sik đhiê sâuv têx tsêr yôngx siêz lok trâul tuôs. Chênhr viv li, kriê tsưr ziv trâu tsôngv pêx xênhv pâuz zok nriêr cêr khiêr thiêz chơưv paz lênhx nênhs thâuv muôx tơưs cuz zos hâux lưv zov chênhr tsuv uô cov tâu truôx./.

                                                          CTVVOVTB-Riê Lâux cxeik, nhênhv

Tsar jos Tùng Cụm txơưx huôv tsar cêr uô nox

   Shông 2020, tix lâuk Tỏa tâu tsôngv box njênhs njôngr bo xeir uô Bí thư chi bộ jos Tùng Cụm, xã Nà Khương. Đros thiêz hâux lưv uô yiêz, tix lâuk xar njôngr paz tsôngv box hâur jos hla đhâu cêr pluôk. Jênhv pov qiv hơưv ar têz nhoz tiv phaz huv đros hâux lưv huôv tsar tu zus nhux tưv thiêz buô đuz, tix lâuk chuôz zis uô ntêx uô siv. Tix lâuk Tỏa pheiz kênh: Cur yưv pênhr muôx 40 tsov đeiv chiê zuôr cxaz nôngz tsiêx lok tu zus thiêz cxiv uô guôx cơư. Nhiv no chuôz zis muôx 4 tul tưv thiêz 50 tul buô đuz. Chungz fênhx iz shông muôs 2 jas buô đuz, chox lok phênhv sâu 100 tsov đeiv ntâu.

 Đrâuv tu zus tưv, buô, tix lâuk chuôz zis tsênhv chos 1,5 hecta ciêv fix. Thôngx cxix tix lâuk tsenehv zuôr cxaz meir zơưv ar lok chiê krêz cêr, uô liêx trâu tsôngv box.

          Tsi taz gruôs uô hâux lưv, gruôs cơưv shâuv têx tsưr ziv tu zus, phax moz trâu nhux tưv thiêz buô, tix lâuk Tỏa tsênhv yax six vênhv tôngv, pheiz kênh chênhz zênhv paz pox nhuôk hâur jos sik đros huôv tsar uô nox. Tas nro jos muôx 45 ziv chuôz zis, qir thơưx tsuôk muôx chuôz zis tix lâuk Tỏa zos tu zus muôx tsưr ziv, taz sik txos nhiv no tưz muôx 20 ntâu ziv tu zus txix 3 txos 6 tul tưv ndê muk, ntâu lênhx hluôk nênhs cux cơưv shâuv uô lơưr tsưr ziv tu zus buô zuôr greix, chox lok chêx cuk qir thơưx.

          Tsi taz txơưx huôv tsar cêr uô nox, tix lâuk Tẩn Seo Tỏa tsênhv uô jông cxuô luôk hâux lưv muôx hâur jos. Sir jos yax mông, vênhv tôngv tsôngv box uô jông Đảng, têz qơưk li têx cêr chei; sir jos huôv tsar kinh têr chuôz zis, gôngr phênhv txu grês cêr pluôk truôx vênhs nhoz tiv phaz…

          Bí thư Đảng ủy xã Nà Khương, Lương Xuân Sang heik: Tsôngv box hâur jos Tùng Cụm luz nênhx phênhv ntâu khov txos uô kôngz nuv, nhiv no tsôngv box tưz txơưx huôv tsar tu zus tsiêx cxu, keiz ok lơưr tsưr ziv tu zus lox, guôx cơư hur đu chox lok chêx cuk kinh têr siêz. Muôx tâu têx hlôngr yiêz co zos khov muôx tsar jos Tẩn Seo Tỏa li têx gôngr côngv. Txix iz lênhx nênhs jông, uô ntêx nyuôk hâur cxuô luz luôk hâux lưv, tix lâuk Tỏa tsênhv paz tsôngv box muôz siêz jênhv pâuz, sik tưr thik huôv tsar kinh têr chuôz zis, gôngr phênhv đros Đảng ủy, chính quyênx xã Nà Khương yênhx trus uô zênhx liv têx tsưr ziv nghị quyết tưz tso tơưv.

          Phênhv “Nôngx mênhx zuôr tsuv pâuz” tsuôk muôx xâuk li no xưz. Phênhv no zos chiz coaz Đeix nta suôz VN thax tsav Tây Bắc uô. Muôx tsênhv qơư cxiz kôngz têz qơưk paz txưv./.

Txâur Vax cxeik nhênhv