Truôx tul tsôngv box li cêr sik côngv jông nhoz ntus đriv Lai Châu

       Tuôx txos thax tsav ntus đriv tỉnh Lai Châu, ntâu shông đhâu, Zênhx pênhz phax Huổi Luông tưz tso yênhx puôk jiês cán bộ, đnagr viên muk têx jêx jos, uô muôx têx hlôngr yiêz jông hâur côngz xưv cxiv tsa Đảng nhoz tiv phaz. Txos nhiv no, tas nro xã tưz muôx zuôr xar 30 chi bộ đros 300 ntâu lênhx đảng viên, hâur co muôx ntâu đangv viên zos nênhs tsôngv box mênhx cxưx. Txix co, cán bộ xã tâu cxaz nzir chôngz lênhx cán bộ hluôk, muôx yênhx tưv, tuôv zênhv tâu zoz qơưx côngz xưv thâuv cán bộ chuôz tsar tror muk taz viv uô hâux lưv. Chêx cuk no tso pov têx hlôngr yiêz jông hâur cxiv tsa, hlôngr yiêz cxix luôk chính trị nhoz tiv phaz. Trung tá Lê Văn Quyết, zênhx tsar zênhx pênhz phax Huổi Luông, Bộ đội pênhz phax tỉnh Lai Châu puz pâuz:“Nhiv no pêz tưz yênhx lix têx tuêv chiv chir coar lik ntus đriv, ndêx đriv têz; pheiz côngz đảng viên phưv txơưx ziv chuôz zis nhoz thax tsav ntus đriv, chiê cê yax mông, vênhv tôngv, heik kriê pox nhuos cxaz chuôz têx huôx tôngv por vêv tsưr qênhx txiv ngaz ntus đriv; cxaz chuôz tơưv txênhz heik kriê nênhs phamv cxâuv, chiê taz por txiv ngaz thax tsav. Đhâu côngz xưv yax mông, vênhv tôngv no pox nhuôs li siêz xar, bộ dodọi pênhz phax li jênhv vưv tâu muôz siêz tsênhz mênhx. Đhâu co, taz viv li têx huôx tôngv por vêv ntus đriv tâu pox nhuôs sir jos cxaz chuôz”.

          Uô jênhv vưv sâuv iz thax tsav đar đros 23 jêx jos, pox nhuôs luz nênhx tsênhv yuôr ntâu phêv liv, cán bộ, chiến sĩ Zênhx pênhz phax Huổi Luông tưz krêz uô uô cê ntâu tsưr ziv chiê cxiv tsa cêr niêv côngv siêz tas nro tsôngv box thiêz cxơưz tiês kinh têr huôv tsar. Têx trâur nuv huôv tsar kinh têr muôx chêx cuk tưz tâu bộ đội krêz uô đêz đar ntơưv ntâu jêx jos li trâur nuv chos tsơưz muôs, tu zus nhux đas, buô...chos poz cưk txuôv...tưz paz pox nhuôs luz nênhx ziv tâu muôz siêz.

          Đros Đại úy Phan Thành Nam, Tuêv tsar Tuêv vênhv tôngv tsôngv box tsuôk li tưz shưv đros têx cêr muk lok, yênhx ziv chuôz zis nhoz thax tsav tix lâuk phưv txơưx. Tsi nyei khưr, nyei phêv liv, tix lâuk yax six muk qênhz yuôx thax tsav, nriêr pâuz qênhx shênhx chiê uô muôx chêx cuk côngz xưv vênhv tôngv tsôngv box. “Seiz tâus tsôngv box, pâuz thôngz tsôngv box li siêz xar, cơưv shâuv tsôngv box thiêz muôx txơưx jênhv đros tsôngv box”, tix lâuk tưz paz ntâu ziv chuôz zis hla đhâu cêr pluôs, hâur co muôx tix lâuk Chẻo Lao Lù, chiv zênhs zax zênhz yênhx côngz, truôx siêz tror uô đuô luz nênhx. Đại úy Phan Thành Nam pheiz kênh:“Tix lâuk Chẻo Lao Lù muôx zênhs zax zênhz ntêr shông, viv li cur xar paz nưs chiv zênhs zax zênhz, chiê tix lâuk chuôz zis muôx luz nênhx tsâu sor, shir phaz. Thâuv cêr muk lok tsênhv phêv liv, muôx têx ntu yêz meir muk tsi tâu viv li tsi zos thâuv tưs cux njiz tâu tix lâuk. Cur tsuv yax six nriêr pâuz xor mông sâuv mạng lok tsưr ziv chiv zênhs zax zênhz hâur tsêr thiêz nus cxaz fôngx zưs uô hâur nganhx y chiê muôx cxaz yênhx tưv paz. Hâur hâux lưv heik kriê mak tsi pâuz lok mênhx cxưx cux zos iz phêv liv thâuv paz tix lâuk Lù chiv zênhs zax zênhz yênhx côngz”.

          Chiê paz tix lâuk Chẻo Lao Lù chiv zênhs zax zênhz, Đại úy Nam thâuv tưs cux bax cxuô hâux lưv yax six tuôx tix lâuk Lù chuôz zis chiê paz tix lâuk hla đhâu têx jiês muôx zênhs zênhz. Tsi taz tôngv vênhx tix lâuk truôx siêz tror uô đuô luz nênhx, lênhx bộ đội pênhz phax hluôk no tsênhv paz tix lâuk Lù li 5 tul mê nhuôs cơưv ntơưr. Thâuv tix lâuk Lù muôx đas jos, zênhx pênhz phax Huổi Luông tưz paz nôngz, zuz tsoz chos tsiêx tu zus chiê tix lâuk huôv tsar uô nox. Tix lâuk Chẻo Lao Lù heik:“Bộ đội Nam yax six paz cur viv li cur thix chiv zênhs zênhz tâu. Nhiv no muôx jos đuô, cur tsi hâuk zax zênhz thiêz, tsuôk cxơưx uô nox chiê tso mê nhuôs muk cơưv ntơưr. Uô tsâus têx bộ đội pênhz phax ntâu hênhr”.

          Nhoz truôx qơư, sik đros pheiz kênh têx phêv liv đros pox nhuôs, viv li pox nhuôs puôr lênhx njênhs njôngr txos têx lênhx bộ đội zơưv côngz Hôx thiêz seiz lơưr zos cưr tix nênhx tsa hâur iz zis. Bộ đội pênhz phax nhoz ntus đriv Lai Châu li têx hâux lưv uô tâu tsênhv tsênhz, muôx ziz njiêz tưz paz ntus đriv hlôngr yiêz ntâu. Tsôngv box luz nênhx huôv tsar, txiv ngaz ngaz tul, chuôz cxaz cêr niêv côngv siêz; co zos kror truôx tul chiê cxiv tsa thax tsav ntus đriv tuôv zênhv zoz qơưx jênhv vưv cxiv tsa thiêz por vêv têz qơưk hâur qênhx shênhx yiêz./.

(Khắc Kiên-Txâur Vax cxeik nhênhv)

Lênhx nênhs paz trâu pox nhuôs nhoz Chiềng Pha

Trung tá Lường Văn Quý txix ntêr lok tưz zênhx zos yênhx lênhx nênhs sưv jê đros pox nhuôs xar Chiềng Pha, huyện Thuận Châu (Sơn La). Xênhz zus thiêz hloz lox ntơưv huyện Thuận Châu, thâuv cơưv tiêr ntơưr thiêz uô đhâu hlôngr ntâu côngz xưv, txos shông 2020, Trung tá Lường Văn Quý tâu chiê lok uô Trưởng Công an xar Chiềng Pha.

Txơưv thax tsav zôngx ziv trâu huôv tsar kinh têr, taz sik tiv nhoz trơưk txos cêr lox 6, thax tsav đar muôx 12 jêx jok, chôngz tsôngv box mênhx cxưx tsơưs nênhs uô nênhx nhoz, viv li Chiềng Pha cux zos thax tsav qơư zôngx ziv trâu chor nênhs fêv uô têx kror zuôv chêi têz qơưk, uô phiv liv txos ngaz tuk sâuv thax tsav. Xav jênhv tâu kror no, ciês thâuv lok ntơưv xar uô côngz xưv, trung tá Lường Văn Quý tưz hêik trâu cấp ủy, chính quyền ntơưv qơư cxiv tsa tsưr ziv taz por ngaz tuk sâuv thax tsav; tiv zix zos hâux lưv cxiv tsa xar Chiềng Pha zos yênhx huyện li thax tsav uô tâu jông hâur phongz yaox tas nro pêx xênhv por vêv ngaz tuk têz qơưk shông 2021.

Txix tâu tix lâus hêik pâuz, xar tưz yênhx lix chor tsưr ziv uô lok ngaz tuk, tsik pov muôx yưv txiêz nanv xar hôiv ntơưv 4 jêx jok Quỳnh Thuận, Heo trại, Huổi Tát thiêz jok Hán. Đros co, tix lâus cux tưz chox car thiêz phuôx huiz lưx lươngv công an xar uô tâu jông cxuô kror hâux lưvhâur xar. Trung tá Lường Văn Quý hêik:“Cur tưz hêik pâuz trâu Ban chox kriê taz por ngaz tuk xar, Đảng ủy Công an huyện cxiv tsa chor tsaz yênhx, tsưr ziv, tsưr tsix qênhz yuôx sâuv chor cêr muk lok hâur xar. hâur côngz xưv phax tar caz moz, cur đros ban nganhx đoanx thêv xar, sir jos uô têx hâux lưv phax tar caz moz, cur đros ban nganhx đoanx thêv xar kriz uô phongz yaox phax tar caz moz, hâur co côngz an zos lưx lươngv chênhr uô ntêx hlo. Pêz tưz tsưr tsix yax kriê txix loa tuôr ntơưv têk trâu tas nro pox nhuôs sơưr đơưk pâuz, hêik pox nhuôs sơưr đơưk uô jông phax tar caz moz đros trâu khưr uô nox. Pox nhuôs sơưr đơưk cux uô jông trơưk têx tsưr ziv phax tar caz moz, côngz xưv phax tar chor nênhs fêv cux tâu uô jông, paz txo grêk tsơưs chor nênhs fêv uô cxâuv chêi têz qơưk sâuv thax tsav”.

Trung tá Lường Văn Quý têx sir jos co đros lưx lươngv công an xar tưz paz trâu phongz yaox tas nro pêx xênhv por vêv ngaz tuk Têz qơưk ntơưv xar Chiềng Pha ziv hnuz ziv tâu uô truôx jông thiêz đêz đar; ngaz tuk chính trị thiêz ngaz tuk xar hôiv tâu taz por, paz trâu huôv tsar kinh têr, vênhx huôv, xar hôiv sâuv thax tsav; tuôr truôx ngaz tuk paz trâu pêx xênhv tso siêz khưr uô nox, huôv tsar kinh têr. Zơưv Nguyễn Văn Viển, nhoz jok Ngà Phát, xar Chiềng Pha, huyện Thuận Châu puz pâuz:“Thâuv muôx Lường Văn Quý lok uô côngz xưv ntơưv no mak ngaz tuk tâu taz por, chor hluôk nênhs cux tsik nhoz uô cê chôngz lênhx, lok phax tar caz moz mak cux uô tâu jông thiêz ngaz tuk, cxuô lênhx nênhs puôr lênhx chox jông đêiv bos kror ndâux”.

Hâur shông 2021 nhiv kruôr đhâu, côngz an xar Chiềng Pha tưz pov, cxov tâu oz txuz, 4 lênhx nênhs nhoz têx thax tsav qơư txơưr tuôx trâu xar Chiềng Pha chiê zuôr muôs zax zênhz; uô ntâuz ntơưr zoz zux, chox 2 lênhx nênhs muk chơưv kho chiv zênhk zax zênhz; xav jênhv uô tsênhv mênhx chor txuz tuz saz tuz nhiêx thiêz sâu tsês têx fov chiv chir uô zos pêx xenhv gra tuôx choz zok… Thôngx cxix, hêik thiêz tsưr tsix trâu chor chuôz zis cir jênhv uô jông lơưr tsưr ziv “Chuôz zis tsik muôx nênhs uô cxâuv cêr chêi têz qơưk thiêz txiêz nanv xar hôiv”; kruôz kriê, tsưr tsix trâu 100% chor jêx jok, cơ quan, doanh nghiệp, tsêr cơưv ntơưr cir jênhv đros xar lok tax ploz tsênhr ngaz tuk. Lơưr zơưv Lò Văn Hoan, Chủ tịch Ủy ban xar Chiềng Pha, qênhx shênhx ngaz tuk chính trị, ngaz tuk xar hôiv sâuv thax tsav tâu tuôr truôx zos muôx trung tá Lường Văn Quý, trưởng Công an xar li têx sir jos đros paz uô:“Lường Văn Quý tsik so sir jos, txơưx xar tơưv hâur kriz uô cxuô kror hâux lưv, xưk li chox krie công an viên têx jêx jok uô jông phax tar ntux nas chuô, txo grêk tsơưs ntux têz ruôr hiêv. Hâur kriz uô côngz xưv phax tar caz moz Covid-19 ntơưv thax tsav xar, cux tưz côngv đros chor trưởng ban nganhx, đoanx thêv xar, trạm y têr xar, cơ quan thường trực uô tâu jông têx hâux lưv co ntơưv thax tsav qơư, tâu cấp ủy, chính quyền xar côngz jênhv”.

Ndo njôngr, uô trơưk 5 lo luk tưz jênhv, 10 kror kỷ luật thiêz 6 lo luk hloz Hôx kruôz kriê Công an chiê paz uô tâu jông cxuô kror hâux lưv, trung tá Lường Văn Quý tsik so sir jos uô cov tiêr tâu jông cxuô jênhv vưv tâu choz. Txix co, tix lâus tưz tâu Ủy ban tỉnh Sơn La, Bộ Cong an khơưk muôz ntơưr kruôk viv uô tâu jông phongz yaox “Viv ngaz tuk têz qơưk”; xar Chiềng Pha cux tau Công an tỉnh Sơn La xêir tsov cxiv tsa xar uô siv lok phongz yaox “Tas nro pêx xênhv por vêv ngaz tuk têz qơưk”. Đuô thiêz zos paz hêik pâuz lok côngz an li têx kror jông, zos yênhx kror qơư, chor nênhs trâu tsôngv box cxuô mênhx cxưx nhoz Chiềng Pha njênhs njôngr hâur tuôr truôx ngaz tuk chiê huôv tsar kinh têr, sir jos txo grêk cêr yêiz pluôs truôx đrênhk./.

(Lê Hạnh-Lik Thox cxêik nhênhv)