Ciêz muôs poz jêz tsiv grê tsi muôx qơư tul muôx nhoz Việt Nam

Poz jêz Ruby "khênhr hu zos poz jêz liêz" muôx nhoz ntâu qơư sâuv ntiêx têz; taz sik poz jêz Ruby nhoz Châu Á heik cxuô thiêz nhoz huyện Lục Yên, tỉnh Yên Bái heik taz ho tâu chôngz lênhx ntâu tul nhiêv txos tiv zix. Lơưr têx chuyên gia, tiv zix zos ar têz nhoz no uô trâu chor poz jêz nhoz no tsi xưk li têx poz jêz nhoz têx châu lục txơưr, viv li tsơưr lươngv poz jêz nhoz no tơưr thiêz jông gâux đuô. Đrâuv poz jêz Ruby, ntơưv Lục Yên đhâu nriêr zok, nganhx muôx txơưx jênhv tưz pov muôx ntâu zav poz jêz tsiv grê kinh têr siêz li: Saphire, Spinel, Aquamarine…Hâur co, poz jêz Ruby muôx ntâu zav liêz, kâux, njuôz lok six jông…taz sik jông tiv zix, tsiv grê tiv zix zos poz jêz liêz. Tix lâuk Nguyễn Xuân Vũ nhoz tỉnh Vĩnh Phúc- nênhs tưz muôx ntâu shông muôs poz jêz tsiv grê thiêz muôv muôs têx xiv huv uô txix poz jêz puz pâuz: "Poz jêz tsiv grê Lục Yên muôx têx kror txơưr, lok six jông gâux thiêz muôx tsiv grê siêz"

          Lơưr zơưv Trần Mạnh Tú, Chủ tịch hội poz jêz tsiv grê Lục Yên, poz jêz Ruby jông gâux zos zav poz jêz tsiv grê tâu zôngv uô têx zav chox uô jông gâux ntâu tiv zix sâuv ntiêx têz. Tsov lơưr yênhx zav poz jêz lơưr uô tâu li: mfleiz, sơưk, krưk njêx…Thiêz têx xiv huv txix poz jêz tsiv grê muôx grê muôs txix yênhx puôk cxênhz txos yênhx puôk tsov cxênhz, muôx têx yênhx tỷ đeiv:"Pêz muôx quy chế zos muôs ntơưv ciêz tsuv zos muôs poz jêz Lục Yên, lênhx tưs uô cxâuv zuôr yưr lir lơưr yênhx hâux lưv uô cxâuv. Xiv huv tsiv grê jông, muôx têx luz 2-3 châuv cxênhz txos yênhx puôk cxênhz muôs lơưr tsưr ziv lênhx nênhs no por vêv lênhx nênhs txơưr, viv li vênhv thix taz por thâuv tưs cux tâu muôz siêz, kruô zuôr hax huv cux tso siêz".

          Shông 2022, xiv huv đuôz poz jêz tsiv grê Lục Yên tưz tâu Cục sở hữu trí tuệ-Bộ khoa học công nghệ cungz ntơưr côngz jênhv. Đhâu co, tưz khav tênhv tâu suôz bê têx xiv huv đuôz poz jêz tsiv grê Lục Yên sâuv niêv ciêz. Taz sik, lơưr zơưv Trần Công Lập, Chủ tịch Hội poz jêz tsiv grê TP Hà Nội, Phưv Chủ tịch Hội poz jêz tsiv grê Việt Nam, txơưv tsơưr lươngv poz jêz Lục Yên lok six jông, taz sik tâu nriêr zok tsi tâu ntêr, viv li ntiêx têz tsi tâu puz txos ntâu lok poz jêz Lục Yên:"Poz jêz tsiv grê Lục Yên tâu ntiêx têz ntâuk grê lok six jông gâux, zos VN li zav poz jêz tsiv grê xuz thơưx muôs tơưv trâu saz đrâuv têz qơưk. Xiv huv mak lok six jông, taz sik pâuz txos zav poz jêz no mak tsi ntâu, tsiv grê sâuv niêv ciêz ntiêx têz tsênhv tsơưs…"

          Cux lơưr zơưv Trần Công Lập, nhiv no tsênhv yuôr iz cxiê phêv liv tsuv tâu chính quyênx tiv phaz thiêz têx cấp, nganhx car chêx li: coar lik tài nguyên cov jông; chuôz tsar heik kriê, muôz siêz lênhx nênhs tsiv uô poz jêz…Đrâuv co, tsuv kho đuô chính phuv li Nghị định 65 shông 1995 lok cui chế seiz car têx huôx tôngv hâur vênhv thix poz jêz tsiv grê, viv Nghị định no nhiv no tsi huv đros thiêz qênhx shênhx tsênhv tsênhz…Li ntơưv, poz jêz tsiv grê Lục Yên thiêx li phuôx huiz tsiv grê li zênhx muôx./.

                                                                  Thừa Xuân-Txâur Vax cxeik nhênhv

Điện Biên taz por têx chei trâu lênhx nênhs cxaz chuôz BHXH, BHYT thôngz đhâu hâux lưv qênhz yuôx

Công ty zoz zux thiêz muôv muôs dịch vụ Hoa Ba nhoz TP Điện Biên Phủ, tỉnh Điện Biên zos iz hâur têx doanh nghiệp muôx ntâu gôngr côngv lox trâu tsaz yênhx huôv tsar kinh tế, xã hội ntơưv tỉnh Điện Biên; công ty nhiv no muôx zuôr xar 90 lênhx lox tôngv cxaz chuôz BHXH, BHYT, Bảo hiểm trâul pôngz hâux lưv uô.Zơưv Nguyễn Chí Ba, Giám đốc công ty heik pâuz: Txix ciês thâuv yênhx lix, uô hâux lưv, công ty thâuv tưs tưz xav tinhv uô jông têx tsênhv chei lok bảo hiểm, chiê công ty uô tâu jông zuk li hâux lưv, txơưx jênhv, cux iz zav li taz por chei, vax huôv trâu lênhx nênhs lox tôngv. Niêx shông, taz viv cux hux jos truôx đros cơ quan BHXH hâur qênhz yuôx, qênhz shuôs uô lơưr chei têz qơưk lol BHXH, BHYT. Zơưv Ba heik: “Chiê taz por chei, vax huôv trâu nênhs lox tôngv, công ty tsi xar uô nduô six hơưv, hnuz nhôngs gôngr bảo hiểm trâu lơưr, viv li pêz cux gôngr bảo hiểm tsi so trâu nênhs lox tôngv hâur niêx luz hlik”.

Niêv lâul Phạm Thị Trang, uô hâux lưv hâur công ty zoz zux thiêz muôv muôs dịch vụ Hoa Ba heik: Hâu nov công ty bax gôngr BHXH trâu nênhs lox tôngv, cux iz zav li sir jos uô jông hâux lưv qênhz yuôx shuôs têx bảo hiểm tưz uô trâu nênhs lox tôngv tso siêz thâuv lơưr vax huôv, têx muôx liv tâu taz por:“Cur uô hâux lưv ntơưv no cux tâu 9 shông lơưv. Thâuv tuôx uô hâux lưv hâur no, tas six hơưv, hnuz nhôngs siv uô têx nuv tưz tâu công ty gôngr BHXH, BHYT cxix cxuô. Cur tâu sơưv cxuô têx chei paz uz no li: Muôx moz gênhk, xênhz zus nhuôs thiêz tâu công ty lok six moz siêz txos. Khov tâu moz siêz txos, cur cux tso siêz thâuv uô hâux lưv ntơưv no”.

Trơưk li pos Nguyễn Thị Thanh, Tsar phongx qênhz yuôx, BHXH tỉnh Điện Biên, têx shông đhâu, hâux lưv qênhz yuôx uô lơưr chei têz qơưk lol BHXH, BHYT thâuv tưs tưz tâu BHXH tỉnh Điện Biên tsưv ziv txos. Ciês 10 luz hlik hâur shôngk shông 2022, BHXH tỉnh Điện Biên tưz sik hux jos qênhz yuôx 120 ntâu taz viv sir zôngv lox tôngv; đhâu co, tưz sâu tâu 3,2 tyv đeiv têx nhiêx txiêx tsênhv yuôr tsi tâu tâu thêv:“Txix 2016 txos nhiv no, phôngx tưz qênhz yuôx iz cxênhz ntâu taz viv sir zôngv lox tôngv đros thiêz têx nhiêx sâu tâu zos zuôr xar 24 tyv đeiv. Đhâu qênhz yuôx mak phênhv ntâu têx taz viv tâu qênhz yuôx tưz uô tâu trơưk tỉnh têx suô luk qênhz yuôx li cui tinhv thiêz thêv têx nhiêx txiêx BHXH, BHYT, Bảo hiểm trâul pôngz hâux lưv uô tsênhv yuôr txo grêk tsơưs”.

Cux lơưr BHXH tỉnh Điện Biên, hâur ntu zuôr txos, taz viv zuôr tror cxiz uô luôs hâux lưv qênhz yuôx thiêz sik thav đros têx taz viv sir zôngv lox tôngv. Iz chas co zos sir jos đros cxuô taz viv cik txos li: Sở Lox tôngv, Saz pênhz thiêz xã hội, Liên đoanx Lox tôngv tỉnh tsưr tsix qênhz yuôx chor taz viv, doanh nghiệp tsênhv thêv tsi tâu tas têx nhiêx txiêx, sir jos xưv bluô chor qơư, lênhx nênhs uô cxâuv, txix ntơư taz por tâu jông vax huôv thiêz têx muôx liv huv chei trâu nếnh lox tôngv./.

                                                             Vũ Lợi-Riê Lâux cxeik, nhênhv