Tsôngv pox niêv mênhx cxưx Lưv chêr tsôngk yo jông jav hnar hâur têx hnuz chêix ntux yiêz

Txix thâuv ntêx, tsôngv box Lưv tưz pâuz chos jâuz caz tu zus lưk caz, uô xor, uô ntâuz. Viv li, cxuô lênhx nênhs hâur ziv chuôz zis li chor tsôngk tiêz tsôngk yo puôr lênhx tâu chor pox niêv mênhx cxưx Lưv xuôk têk uô. Chiê uô tâu têx ntâuz, chor tsôngk yo jông mak tsuv uô đhâu ntâu ntu li: chos pax, sâu pax, uô xor, uô ntâuz, jak ntâuz, xơưk têx pax ntâuz…

Niêv tix Lò Thị Bình, mênhx cxưx Lưv nhoz jok Hon, xar bản Hon, huyện Tam Đường, tỉnh Lai Châu puz pâuz: Chiê uô tâu tiêr chor pox niêv Lưv li chêr tsôngk yo tsuv tas muôx 6-7 luz hli, tas nro cxuô kror puôr lênhx zos xuôk têk uô hur si. Chor pox niêv mênhx cxưx Lưv chêr tsôngk tiêz tsôngk yo muôx yo, tiêz, đuôr tưk, fuôv câur sâuv tâuz hâu thiêz cxuô zav uô khax muôx đros. Đhâu thâuv ntok tâu ntâuz, chor pox niêv Lưv zuôr chox muk jak gax, chiê chor ntâuz jông gâux mak tsuv uô jông jak:“Ntâuz jak tas mak muôz jiêz cov kruôr, đhâu co muôz chor ntâuz chuz cov chor gax jak co tsik thiv ntâu mak thiêx muôz txiêr uô yo. Xơưk têx pax ntâuz trâu mak thiêx yênhx iz luz yo”.

Chor pox niêv mênhx cxưx Lưv luz  yo mak tâu xơưk txix têx ntâuz jak đuz, njuôz đuz txix 6 đêiv ntâuz siz lo uô cê. Têx xor xơưk yo co đros chor pax ntâuz xơưk sâuv têx ntâuz uô trâu luz yo lok six jông gâux. Chax đaz yo tâu xơưk txuôk đros 5 đêiv ntâuz sik txơưr ntơưv hâur siêz. Têk yo ntêr thiêz tâu xơưk grơưv jux juk tror trâu chax đaz têk. Saz yo lâux mak tâu xơưk iz caz pax ntâu zâu txix sâuv chax đaz yo txos hâur tư yo. Oz saz tưz yo tâu xơưk tư xor thiêz đêi đros têx hlơưk. Thâuv hnar mak luz yo tâu truz iz saz muk khi trâu tov faz tar. Niêv tix Vàng Thị Păn, nhoz jok Hon, xar Bản Hon puz pâuz:“Txix fuôv txos yo, tiêz zos cur uô thiêz cur xơưk, pox niêv Lưv uô ntêx  thâuv zuôr muk zuôr txir tsuv pâuz xơưk trâu zuk iz chêr chiê hnar muk tov tos txir tsêr. Lax uô tiv zix zos uô ntâuz thiêz xơưk luz yo”.

Pox niêv mênhx cxưx Lưv luz tiêz tâu xơưk txix 3 đêiv ntâuz sik txơưr thiêz phêiz uô pêz ntu zos đuôr, tiêz thiêz tư tiêz. Đuôr mak tsik muôx pax ntâuz, tiêz mak tâu xơưk txix têx tâuz trâur lâus thiêz tâu xơưk têx pax ntâu sik txơưr trơưk zuk siêz nhiêv. Têx pax ntauz xơưk ntâu zos têx kror jông li luz txir trám, têx đrox, nhov, pax blôngx. Tơư tiêz tâu tik ntâuz txêix đar muôx 1 zas ntir têk. Luz đraz tâu xơưk 9 trâur pax ntâuz muk trâu hâur zar kaz tơư tiêz, suôv câuv zos têx pax ntâuz li hâu khêik liêz njuôz siz shơư uô cê uô trâu tơư tiêz jông gâux đuô.

Đuôr tưk zos ntâuz pas đơưz, oz saz tư mak tâu xơưk 6 jax pax ntauz, jax 4 tâu  xơưk jông đuô thiêz nhoz zar kaz đuôr tưk mak tâu đêi iz chor xor, thâuv lơưr siê mak oz zar tư đuôr tưk co tâu chiê đâur trâu oz saz đuôr cov jông gâux.

Fuôv câur tâuz hâu cux zos kror tsuv muôx hâur pox niêv mênhx cxưx Lưv chor tsôngk tiêz tsôngk yo. Fuôv tâu uô txix têx ntâuz muôx njil cxar jak đuz, oz zar tư fuôv tâu xơưk têx pax ntâuz đax, đơưz sik txơưr, muôx tưz xor ntêr. Fuôv câur tâuz hâu đros têx zav uô khax li xâur, câux baz, câux njês tâu uô txix tôngx hax zav paz uô trâu chor pox niêv mênhx cxưx Lưv jông gâux đuô. Tsik so tso siêz lok zuk mênhx cxưx têx vênhx huôv cxôngx nzor, niêv tix Lò Thị Bình thiêz pox nhuôs mênhx cxưx Lưv nhoz jok bản Hon xar tiêk hâux lưv uô ntâuz trâus lâus thiêz xơưk zuk mênhx cxưx têx tsôngk tiêz, tsôngk yo zuôr tâu tuôr tsês jông cov tsik trâus pôngz plox:“Cur cux lok six tso siêz lok zuk mênhx cxưx Lưv, nhiv no xar cov muôx lớp kriê uô chiê têx tuz nhuôs, cxênhx hluôk cơưv shâuv uô trơưk cov tsik trâus pôngz plox”.

Ntux yiêz lok txos têx jêx jok tsôngv box Lưv nhoz ntus đriv Lai Châu, chor pox niêv mênhx cxưx Lưv li chêr tsôngk tiêz tsôngk yo jông jav đros têx pax txir đuôx, pax đrox thiêz têx chiv xênhz đrox tsuôs tưz paz uô trâu thax tsav qơư thiêz têx jêx jok ntơưv no ziv jông jav đuô thâuv txos hâur têx hnuz chêix ntux yiêz./.

                                                     Lường Hạnh-Lik Thox cxêik nhênhv

Cxuô hêir nênhs têx txux chi, vênhx huôv jông, zos qơư chiê Sơn La huôv tsar qơư ndis uô si, sêiz shuôk têz qơưs

          Đros trâu têx đêiv ntâuz max ntok tâu, cux muôx têik chiêz mur, tsôngv pox niêv, vir ndâuk Hmôngz  nhoz xã Ngọc chiến, huyện Mường La, tỉnh Sơn La tưz shir phaz lul muôz chiêz mur sâu cok trâu têx ntâuz max uô txêix pax jông jav cxôngx nzor. Cux tsik muôx lênhx nênhs tưs pâuz, tsưr ziv muôz chiêz mur sâu cok trâu têx ntâuz max uô txêix pax jông jav, shor muôx txix thâuv tưs lok thiêz thâuv muk sêiz shuôk txos iz cxiê luz jêx jos Hmôngz nhoz thax tsav tox siêz, đêz đrôngl hâur luz chêix ntuix yiêz, tsôngv kruô thiêx sêiz pov tsôngv pox niêv, vir ndâuk Hmôngz tsênhv shir phaz lul uô cov tiêr têx pax txêix jông jav trâu têx ntâuz max tưz ntok tâu chiê xơưk tsôngk tiêz, tsôngk yo chox lok hnar nthuôr uô cêr lov jêv hâur têx hnuz chêix ntux yiêz. Zơưv Hoàng Huy, iz lênhx nhoz Hà Nội tuôx sêiz shuôk têz qơưs txos Sơn La shir phaz lul hêik pâuz: “Cur cux pâuz tsôngv pox niêv vir ndâuk Hmôngz muôz chiêz mur sâu cok trâu têx ntâuz max uô txêix pax jông jav, cux li muôz ntâuz max chox lok xơưk tsôngk tiêz, tsôngk yo hnar. Taz sik, hnuz no cur thiêx tâu sêiz pov tsôngv pox niêv ndir ndâu Hmôngz muôz chiêz mur sâu cok ciês trau đêiv ntâuz max thiêz têx ntâuz max co tsuv huôv tsar cov tâu truôx tsik chiê pôngz plox”

Iz cxiê luz jêx jos hêir nênhs poz ziz hâur thax tsav xã Ngọc Chiến, cux tsênhv muôx iz cxiê luz tsêr muôz txiês ntông chiêz chox lok vor tsêr, uô trâu têx tsêr co ziv  jông jav thiêz txuôk đros hêir nênhs poz ziz cxuô zav nox cxôngx nzor, cxơưz cxiz tâu trâu tsôngv kruô tuôx sêiz shuôk txos.

Ntơưv ndâux cêr 15 jos nhoz xã Ngọc Chiến puôr lênhx yuôv fiêx txêik tok kruô tuôx sêiz shuôk tsôngv px sđ cxuô luz jêx jos jông jav. Zơưv Tiến Sỹ- Bí thư đảng ủy xã Ngọc Chiến hêik pâuz: “Pêz cxiv kho đuô têx vênhx huôv tsiv grê, chor lâuk khơưk tsês đhâu hâur ntâu ntu đrav ntêx cov yênhx iz zav hax huv tsiv grê, cxơưz cxiz tâu trâu tsôngv kruô tuôx sêiz shuôk Ngọc Chiến”

Muk trơưk tus đêx đas faz đông bắc Sơn La - huyện Phù Yên cux muôx ntâu di tích, vênhx huôv jông cxôngx nzor tsiv grê. Pir li Har jôngr Đại tướng Võ Nguyên Giáp; di tích trôngz Lũng Lô đros trâu hêir nênhs poz ziz têx txux chi, vênhx huôv jông cxôngx nzor tsênhv muôx đros đrêiv hâur luz nênhx tsik chiê pôngz plox. Zơưv Phan Quý Dương, Phưv Chủ tịch UBN huyện Phù Yên, Sơn La hêik pâuz: “Jiês xuz thơưx huyện Phù Yên kriz uô thiêz xar hêik kriê cxuô hêir nênhs tsơưs têx txux chi, vênhx huôv jông cxôngx nzor trâu tsôngv kruô pâuz txos. Txix ntơư, têx txux chi, vênhx huôv jông hâur thax tsav huyện Phù Yên thiêx muôx chôngz lênhx kruô pâuz txos”

Zos tỉnh tsênhv qơư chính trị, kinh tế, vênhx huôv, đrôngl Sơn La muôx 12 hêir nênhs siz chos huôv tsar cêr uô nênhx nhoz đros trâu ntâu txux chi, vênhx huôv jông tsiv grê thiêz vênhx huôv chênhr zos cxơưz cxiz huôv tsar kinh tế xã hội, hâur ntơư, cxiv uô cxuô qơư ndis uô si thiêz huôv tsar truôx cxuô hêir nênhs têx txux chi, vênhx huôv jông cxôngx nzor tưz tâu hâu nov ntơưv qơư moz siêz txos. Zơưv Hà Trung Chiến, Bí thư Thành uỷ Sơn La hêik pâuz nzir: “Pêz tưz uô tsênhz mênhx đros trâu têx lênhx nênhs nhênhz chơưv vênhx huôv qơư chiê tror cxiv kho, khơưk tsês cxuô hêir nênhs tsơưs têx txux chi, vênhx huôv jông cxôngx nzor. Cxiv uô têx qơư khơưk tsês thiêz kriê cơưv hêir nênhs tsơưs têx ntâuz ntơưr, têx tsôngk tiêz, tsôngk yo đros trâu ntênhk hội cov muôx đros đrêiv hâur luz nênhx”

Hâu nov ntơưv qơư, têx lênhx nênhs cxiv uô qơư ndis uô si, sêiz shuôk têz qơưs nhoz Sơn La cux xar njôngr tiêk, txos shông 2025, zuôr tok cov tâu 5,2 triệu lênhx kruô tuôx sêiz shuôk têz qơưs, muôx phênhv sâu tâu 5.800 tỷ nhiêx, iz thênhv jux juk uô cov tâu trơưk li Nghị quyết Đại hội đảng bộ tỉnốưt tơưv./.

                                                Tsu cxêik nhênhv-Lê Hạnh- VOV Tây Bắc