Shux xênhz thax tsav tox siêz puôk njiz trâus phiv liv thâuv đăngk cir dự thik cơưv tiêr ntơưr cxênhx pêz trực tuyến?

No zos shông xuz thơưx ciês Bôv Zoz zux kriz uô đăngk cir dự thik trực tuyến hlôngr trâu đăngk cir đhâu sâu trâu hâur têx ntâuz ntơưr đăngk cir dự thik li cxiê shông. Lơưr co,  shux xênhz tsênhv cơưv lớp 12 uô lơưr đăngk cir trực tuyến txix hnuz 4/5 txos 5 six zuôr tsâuk ntux hnuz 13/5 sâuv nganhx li cxiv luôs sêiz car shux xênhz. Iz lênhx shux xênhz zuôr tâu cungz iz tuk mã số chiê đăngk cir dự thik.

Ciês đhâu thâuv nriêr pâuz têx cui tênhv yiêz, Tsêr cơưv cxênhx pêz Yên Châu, huyện Yên Châu, tỉnh Sơn La tưz chox kriê cưk kriê ntơưr sêiz car têx lớp cơưv tsưr tsix hêik pâuz, kruôz kriê trâu shux xênhz tsưr ziv đăngk cir dự thik thiêz têx kror tsuv pâuz, tsov cưv txos. Tsưr ziv đăngk cir no tâu chor cưk kriê ntơưr thiêz shux xênhz thôngx ziv, viv zôngx ziv uô thiêz paz cxênhx txuôs tâu six hơưv; zos tiêk pov muôx têx uô zuôv, shux xênhz cux zuôr kho đuô tâu ciês. Lê Trần Thái Sơn, cơưv lớp 12A hêik pâuz: “Cur xêir tsov tsưr ziv muk cơưv tiv iz zos Tsêr cơưv Đại học Y Hà Nội. Cur pov hâux lưv đăngk cir online hâur jiês thik tưr cơưv tiêr ntơưr no lok six zôngx ziv uô. Pêz zuôr đăngk cir tâu ntơưv cxiê kror qơư zos muôx txâuk xor mông, pâuz cxix cxuô kror, đuô li cux tsik pôngz ntâu six hơưv thiêz cxuô kror zos kho đuô têx ntâuz ntơưr thâuv muôx uô zuôv”.

Đhâu thâuv 100% shux xênhz lớp 12 uô tiêr hâux lưv đăngk cir dự thik cơưv tiêr ntơưr, tsêr cơưv cxênhx pêz Yên Châu tưz phêiz yênhx paz cưk kriê ntơưr tsưr tsix qênhz yuôx, sêiz shuôk shux xênhz têx xor mông trơưk cui tênhv, taz por cov huv đros; tiv zix, tsov cưv txos sêiz shuôk têx qênhx liv lok njuôk xav điểm thik tưr trâu chor shux xênhz.

Lơưr sâu jênhv, hâux lưv đăngk cir trực tuyến cux tâu kriz uô jông, cxiv luôs hâux lưv no cux tsik njiz trâus têx phiv liv tưs. Uô ntêx hnuz 13/5, tsêr cơưv ntơưr zuôr uô cov tiêr côngz xưv qênhz yuôx têx ntâuz ntơưr đăngk cir dự thik thiêz muôz 360 lênhx shux xênhz li têx xor mông tso trâu sâuv Bôv Zoz zux li cxiv luôs sêiz car thik tưr. Cưk kriê ntơưr Trần Văn Thể, Phưv Hiệu trưởng Tsêr cơưv cxênhx pêz Yên Châu, tỉnh Sơn La puz pâuz: “Tsêr cơưv qênhz yuôx đuô tas nro cxuô kror, têx kror phiv liv tsênhv njiz trâus chiê nriêr tsưr ziv đơưk kho, paz trâu chor shux xênhz đăngk cir tâu zôngx ziv, tsênhz mênhx đuô; tiv zix tsov cưv txos hâux lưv qênhz yuôx qênhx liv, têx kror tsuv paz trâu shux xênhz”.

Hâux lưv hlôngr đuô đăngk cir dự thik txix tsưr ziv trực tuyến no tâu chor tsêr cơưv ntơưr cxênhx pêz sâuv thax tsav tỉnh Sơn La thôngx ziv đros, viv tsưr ziv no huv đros trâu hlôngr yiêz sôr, cxênhx txuôs tâu six hơưv, txo grêk tsơưs têx kror uô zuôv; zôngx ziv đuô trâu tas nro cán bộ, cưk kriê ntơưr, shux xênhz hâur cxuô kror hâux lưv đăngk cir, qênhz yuôx, nriêr pâuz xor mông thiêz xa têx ntâuz ntơưr dự thik./.

(Lê Hạnh-Lik Thox cxêik nhênhv)