Tuôr tsês vênhx huôv ntơưr Cho nhoz Khe Cả

  Qiv hơưv yar ntux cuz sor, 50 ntâu lênhx học viên muôx txir nênhx thiêz pox niêv nhoz cxuô hov hnuz nhôngs txơưr zos nênhs Cho nhoz Khe Cá, xã Lương Thịnh, huyện Trấn Yên tsênhv sir jos tuôx cxaz chuôz cơưv ntơưr Cho. Pos Dương Thị Mai, Bí thư Chi bộ jos puz pâuz: 99% ziv chuôz zis tsôngv box nhoz jos Khe Cá zos nênhs Cho, phênhv ntâu puôr lênhx txơưx heik luk mênhx cxưx, taz sik lok sâu ntơưr thiêz ziz njiêz, phongz cxưx, cêr uô nênhx mak tsi zos lênhx tưs cux pâuz. Viv li lớp kriê ntơưr Cho thiêx tâu krêz thiêz tâu tsôngv box lok six thôngx ziv:  “Cur pov no zos lok six jông, pir li yênhx khur ntơưr lok zaoz zux, lok lênhx nênhs, uô têx hâux lưv jông...”

          Ntơưr Cho zos iz cxix luôk ntơưr Hán tâu phiên âm yênhx luk Cho. Nênhs heik tâu tsi zos txơưv txơưx sâu ntơưr. Hâur ntơưr Cho muôx 214 bộ, chiê sâu thiêz nhênhv tâu, nênhs cơưv tsuv ndo njôngr 7 tsưr ziv; thôngx cxix ndo têx khur ntơưr tâu tsov cưv. Thâuv cơưv tas têx khur ntơưr co têx học viên thiêx shâuv heik yênhx têx lo luk. Lax cơưv li ntơưv, thiêz 2 cxeik tês tsuôk cor cav tuôr hlâu muk uô têz, nhiv no tuôr pix sâu ntơưr cux tsi shưv, taz sik têx học viên cux sir jos cơưv. Tix lâuk Triệu Sinh Luân, iz học viên puz pâuz:      “Lớp cơưv muôx 50 ntâu lênhx học viên, cơưv têx hnuz thứ 3 thiêz thứ 7. Max uô liêx têz, taz sik têx hnuz cơưv ntơưr mak têx học viên cux puôr lênhx tuôx cơưv cxix cxuô”.

          Cơưv tâu ntơưr, têx học viên zuôr txơưx nhênhv ntơưr. Têx fâu ntơưr ntơưv lớp cơưv cux lok six jông, paz nênhs cơưv pâuz thôngz lok têx phongz cxưx, cêr uô nênhx thiêz vênhx huôv nênhs Cho. Tix lâuk Triệu Văn Vương, iz học viên shir phaz heik:“No zos nênhs Cho li vênhx huôv mênhx cxưx, zuk tsuv tuôr tsês jông vênhx huôv co viv li cur cxaz chuôz nriêr pâuz thiêz cơưv ntơưr Cho”.

          Nhoz lớp cơưv no, têx học viên tâu nghệ nhân Triệu Quý Tín paz cxơưz siêz nhiêv txos zuk mênhx cxưx li ntơưr Cho. Tsi nyei cêr đêz, tsi nyei ntux nas, cưk kriê Tín ciêz tưs cux 2 jiês tuôx kriê ntơưr trâu pox nhuôk.         Nghệ nhân Triệu Quý Tín pheiz kênh: Kriê ntơưr, kriê luk mênhx cxưx zos gôngr phênhv tuôr tsês thiêz phuôx huiz tsiv grê tsôngv box mênhx cxưx Cho li phongz cxưx, cêr uô nênhx: “Chinhz yênhx kriê ntơưr, txix hnuz krêz lớp cơưv txos nhiv no heik cxuô têx học viên, pox nhuôk lok six shir phaz, tuôx cơưv cxix cxuô thiêz trơưk six hơưv”

          Lớp kriê ntơưr Cho trâu pox nhuôk nhoz jos Khe Cá tsi taz paz tuôr tsês, phuôx huiz cêr vênhx huôv mênhx cxưx jông mak tsênhv paz tsôngv box nhoz no chuôz cxaz cêr niêv côngv siêz, sik côngv tês hâur cxuô hâux lưv, hâur cxiv tsa jêx jos ziv hnuz ziv bluô nux, shir phaz./.

                                                               Đinh Tuấn- Txâur Vax cxeik nhênhv

Cxuô hêir nênhs tsơưs Lai Châu têx txux chi, vênhx huôv jông nhoz trơưr tsôngk kruô siêz

        Iz chas zuôr thiêz muôs cxuô zav hax huv kôngz lôngk đros trâu têx tsôngk tiêz, tsôngk yo, pax ntâuz, đuôr tưk, kênhx Hmôngz…. zos tsôngv px ntơưv qơư uô tơưv tưz tâu thâux gra tuôx muôs trâu hnuz kriz ciêz jos Sin Suối Hồ. Chiê hêik kriê cxuô hêir nênhs ntơưv qơư têx txux chi, vênhx huôv jông cxôngx nzor trâu tsôngv kruô sđ pâuz txos; hâur ntu đhâu, tsôngv px hâur thax tsav tưz muôz zuk li têx txux chi, vênhx huôv jông muôs hâur mạng xã hội, muôx chôngz lênhx kruô zuôr thiêz pâuz txos. Tus niêv hluôk Ke x Hav, nhoz jos Sin Suối Hồ, xã Sin Suối Hồ, huyện Phong Thổ (Lai Châu) shir phaz lul hêik pâuz: “Cur tso trâu sâuv tiktok thiêz sâuv facebook,  mạng xã hội, li ntơư cur cux muôs tâu ntâu hax huv. Phênhv ntâu zos muôs tsôngk tiêz tsôngk yo pox niêv đros trâu têx trik yo txir nênhx thiêz têx hnaz ntâuz ntok. Txix cur zôngv mãng xã hội muôs hax huv, cux muôx chôngz lênhx kruô zuôr txos”

Têx đuôz muôs hax huv sâuv mạng xã hội, hâur ntu đhâu lok no, chor kruô tuôx ndis uô si, sêiz shuôk têz qơưs txos Sin Suối Hồ ziv hnuz ziv chôngz. Đros ntơư, tsôngv px hâur jos co cux sir tas đas jos tsưr ziv xơưk tsôngk tiêz, tsôngk yo, xơưk hnaz uô jav, câuv mov….muôs trâu tsôngv kruô oz chas têz qơưs. Chênhr zos li hêik ntơư, hâur iz jiês kriz ciêz muôs hax huv, jos du lix côngv thôngx Sin Suối Hồ muôx chôngz lênhx kruô tuôx ndis uô si. Iz lênhx kruô nhoz têz qơưs Pháp cux tuôx ndis uô si, sêiz shuôk têz qơưs txos jos Sin Suối Hồ cux hêik pâuz tiêk: “Tuôx sêiz shuôk txos luz ciêz no cux muôs ntâu hax huv, huv đros tsôngk kruô siêz nhiêv. Lar hêik zos muôx ntâu zav tsôngk tiêz tsôngk yo jông jav thiêz cux xar zuôr oz pêz zav chox muk sêiz đaz muôs, puz trâu têx fôngx zưs cxênhz jê”

  Pir li ciêz Sin Suối Hồ muôs pêz hêir nênhs Hmôngz cxuô zav tsôngk tiêz tsôngk yo, pax ntâuz đuôr tưk…huv đros pêz hêir nênhs Hmôngz luz nênhx nox nhoz muk lok hâur niêx hnuz.           Taz sik ntơưv qơư kriz ciêz San Thàng nhoz đrôngl Lai Châu cux muôx hêir nênhs Giáy ntâu zav nduôr cxôngx nzor huv đros tsôngv kruô siêz nhiêv. Lar hêik zos cxuô qar tsêr muôs cuz thaz nto bê, muôx chôngz lênhx kruô nhiêv nox. Tus muôv Nùng Thị Nga,  nhoz jos San Thàng, xã San Thàng, đrôngl Lai Châu shir phaz lul hêik pâuz:“Chor cuz thaz no, zos cur chuôz zis cơưv shâu uô txix thâuv tsênhv zâu; niêv thiêz txir kriê uô zav cuz thaz co tưz muôx 10 ntâu shông đhâu, muôx chôngz lênhx kruô nhiêv nox”

   Chor cuz thaz muôs ntơưv ciêz  San Thàng, tâu tsôngv pox niêv, vir ndâuk ntơưv no muôz zav cxur kaz chox lok uô, muôx chôngz lênhx kruô nhiêv nox. Zơưv Nguyễn Thanh Hải, iz lênhx kruô nhoz saz Hà Nội tuôx ndis shuôk têz qơưs shir phaz lul hêik pâuz: “Ntâu jiês cur tuôx ndis uô si trâu Lai Châu, taz sik zos jiês xuz thơưx cux tuôx ndis uô si txos ciêz Sa Thàng.  Tâu nox siv ntiv  cuz thaz no cux kaz cơưs; lar hêik zos muôx cxuô zav jâuz nhôngk nox đros”

       20 hêir nênhs siz chos huôv tsar uô nênhx nhoz hâur thax tsav tỉnh Lai Châu đros ntâu zav txux chi, vênhx huôv jông thiêz muôx ntâu zav nox kaz jông txơưr tsik siz thôngx huv đros tsôngv kruô siêz nhiêv.

          Lar hêik zos chor hluôk nhiv no tưz pâuz khơưk tsês thiêz huôv tsar  truôx zuk hêir nênhs têx txux chi, vênhx huôv jông cxôngx nzor chiê hêik kriê trâu tsôngv kruô pâuz txos. Txix ntơư, cxơưz cxiz huôv tsar kinh tế, vênhx huôv, xã hội chiê tỉnh Lai Châu zos iz qơư muôx cxuô zav jông jav, muôx chôngz lênhx kruô tuôx sêiz shuôk txos./.

                                  Tsu cxêik nhênhv-Khắc Kiên, CQTT Tây Bắc