Yên Bái bax trâu xor xưv nthuôr uô lov jêv pax vuôk xoè Thái

Bax uô tas têx luôs hâux lưv hâur chuôz zis, zuôr tsâuk ntux niêv lâul Đào Thị Xuyên ho đros 150 lênhx nênhs nthuôr uô lov jêv hâur xã Nghĩa Lộ muk trâu yar tiêx vênhv tôngv thị xã Nghĩa Lộ chiê cơưv shâuv têx txux chi uô lov jêv trơưk li lênhx nênhs kriê heik.

No zos shông tiv 3 niêv lâul Xuyên tâu cxaz chuôz đros uô lov jêv đhiê pax vuôk xoè. Niêv lâul Xuyên heik pâuz, khov bax jông têx tsưr ziv kriê, tsi muôx ntâu hlôngr yiêz, txơưr li chas viv li sơưr đơưk siz zâuv tuôx ntơưv qơư trơưk six hơưv, cui tinhv chiê shâuv xưz lok six sei: “Pêz đros lênhx nênhs kriê sir jos cơưv shâuv uô têx txux chi đhiê pax vuôk xoè, bax trâu hmo uô lov jêv hâur shông no cov yênhx côngz jông”.

Niêv lâul Lò Thị Nhiên, Chủ tịch hội pox niêv vir ndâuk xã Hạnh Sơn, thị xã Nghĩa Lộ heik pâuz: Cux iz zav li cxuô xã, phường txơưr đuô, hâur six hơưv no hâu nov xã tưz heik, hu zâuv tsôngv pêx xênhv sir jos tsês six hơưv, hnuz nhôngs, cê uô tâu têx luôs hâux lưv sâu kôngz, cê đros cxaz chuôz cơưv shâuv nthuôr uô lov jêv pax vuôk xoè cov cxix cxuô: “Pêz tưz hu zâuv têx lênhx pox niêv vir ndâuk cov đros cxaz chuôz thiêz txix thâuv nzor sơưr đơưk tưz jông siêz, thôngx ziv nthuôr uô cêr lov jêv li heik sâuv đros luôs 2 chas xã”.

Nthuôr uô cêr lov jêv đhiê pax vuôk xoè shông no muôx 2.022 lênhx nênhs hâur thị xã Nghĩa Lộ đros cxaz chuôz, zos kror zov chênhr thiêz jông hâur Ntênhs hội lênhk txeik UNESCO li ntơưr côngk nhav “Pax vuôk xoè Thái” zos Di sản vênhx huôv jông thiêz zuôr krêz uô Ntênhs hội Vênhx huôv, ju lix Mường Lò, ndis seiz têx liêx tơư ntêir jông cấp têz qơưk shông 2022.

Chiê zôngx ziv trâu cơưv shâuv uô têx txux chi lov jêv co, thị xã Nghĩa Lộ tưz nzor thôngx ziv tsênhv njiêz, cxiv tsa tsưr ziv, six hơưv shâuv uô huv đros trâu tsôngv lax pêx xênhv cêr huôv tsar uô nox uô hâuk. Khov li co, têx lênhx nênhs hu zâuv tuôx đros nthuôr uô lov jêv lok six chôngz lênhx. Zơưv Lò Văn Vy, Tsar ban, Ban Jênh vênhv Thị uỷ Nghĩa Lộ, Tsar tiểu ban hu zâuv sơưr đơưk tuôx đros côngv cêr lov jêv thiêz paz kriê nthuôr uô têx txux chi lov jêv sâuv heik pâuz: “Pêz tưz hu zâuv tas nro cxuô xã, phường, ngênhx zoz zux thiêz têx tsêr cơưv tuôx đros côngv uô lov jêv, sơưr đơưk lok six shir phaz, moz siêz đros cơưv shâuv uô tâu jông. Hur tiz si têx lênhx nhoz hâur Tiểu ban hu zâuv sơưr đơưk tuôx đros uô lov jêv cux puôr lênhx muôx njêx muôs chiê heik sơưr đơưk cơưv shâuv, uô cov tâu jông trơưk tsưr ziv xar”.

Trơưk li mông txix tỉnh Yên Bái, ntênhs lênhk txeik UNESCO ntơưr côngk nhav “txux chi đhiê pax vuôk xoè Thái” zos Di sản Vênhx huôv jông thiêz krêz uô Ntênhs hội Vênhx huôv, Ju lix Mường Lò, ndis seiz liêx tơư ntêir Mù Cang Chải jông cấp têz qơưk shông 2022 zuôr muôx chor tỉnh li: Yên Bái, Điện Biên, Lai Châu, Sơn La đros trâu têx tỉnh hâur tsaz yênhx sik hux jos thiêz huôv tsar ju lix 8 tỉnh Tây Bắc cxaz chuôz.

Iz chas hmo nthuôr uô lov jêv chênhr đros trâu tsaz yênhx đhiê pax vuôk xoè, tsênhv uô têx nuv li: Grêk tâus cêr piêr kriê nênhs Poz Ziz thiêz iz cxiê heir nênhs txơưr đuô li têx txux chi vênhx huôv jông muôx 500 lênhx nênhs đros uô; piêr kriê têx đuôz shav Di sản đhiê pax vuôk xoè thiêz 8 tỉnh Tây Bắc li têx đuôz ju lix jông”; Hội ciêz piêr kriê têx xiv huv hur jông OCOP…..Têx luôs hâux lưv bax trâu chor tsênhv njiêz no cux tsênhv tâu tỉnh Yên Bái bax uô tiêr jông./.

                    (Đinh Tuấn-Riê Lâux cxeik, nhênhv)

Tsik tso lav tsiêx cxu chiê Sa Pa huôv tsar du lix côngv thôngx

          Txix shông 2015, Pos Lý Sử Mẩy, nhoz jos Tả Chải, Xã Tả phìn, thị Xã Sa Pa, tỉnh Laox Cai tưz cxiv uô guôx huôv tsar tu zus tsiêx cxu nhux tưv nhux đas sha mê nhuôv muôs trâu tuz luôv, muôx phênhv sâu tâu nhiêx txiêx. Hâur shông 2021, Pos Mẩy chuôz zis tưz muôs iz tus nhux, iz tus tưv, sâu tâu 50 ntâu triệu đêiv nhiêx. Trơưk li pos Mẩy njuôk xav, cxiv uô guôx tu zus nhux tưv, nhux đas cux zôngx ziv trâu chuôz zis tu têx tsiêx cxu co tsik trâus cik caz moz ơưk. “Hâur ntu đrav ntêx tsik tâu cxiv uô guôx tu zus nhux tưv, nhux đas mak cur chuôz zis tu zus tsơưs; tsuôk zos zus 2-3 tus chiê tso lav muk nox jâuz pêv têx trôngz. Txix ciês, uô guôx tu zus, cur chuôz zis thiêx tu zus ntâu tus nhux tưv nhux đas muôs trâu tuz luôv ciêz đrôngl”

          Nhiv no, Xã Tả Phìn muôx 200 ntâu chuôz zis huôv tsar tu zus zuôr xar 500 tus nhux tưv nhux đas thiêz Tả Phìn cux zos thax tsav qơư nhoz Sa Pa tu zus ntâu nhux tưv nhus đas. Txix ciês thâuv cxiv uô guôx tu zus tsiêx cxu, tsôngv px cux muôz têx qir tsiêx co chox muk fôngx trâu cxuô tsoz chos kôngz lôngk. Zơưv Khoa x Zax nhoz xã Tả Phìn shir phaz lul hêik pâuz: “Cur chuôz zis tu zus 3 tus tưv, têx qir tsiêx co tưz txâuk fông trâu 100 tsoz pax Lan chiê muôs trâu tuz luôv thiêz tsik chiê chor qir tsiêx co uô vuôz tsuôz kiêk nênhs tênhx qơư”

          Jêx jos tsik trâus vuôz tsuôz kiêk nênhs, tsôngv px huôv tsar tâu truôx zuk hêir nênhs têx txux chi, vênhx huôv jông cxôngx nzor thiêz Tả phìn cux zos iz thax tsav qơư jông jav muôx chôngz lênhx kruô hâur pêz têz qơưs cux li kruô oz chas têz qơưs tuôx sêiz shuôk, ndis shuôk uô si. Đhâu ntơư, cux cxơưz cxiz tsôngv px siz chos côngv đas jos tsưr ziv huôv tsar du lix côngv thôngx thiêz cxươz cxiz trâu Tả Phìn cxiv uô tâu tiêr luôs hâux lưv cxiv tsa jêx jos yiêz. Zơưv Đỗ Minh Trí, Bí thư Đảng uỷ xã Tả Phìn hêik pâuz: “Tsik tso lav tsiêx cxu cux txuôk đros trâu luôs hâux lưv huôv tsar uô kôngz lôngk thiêz Tả Phìn cux zos iz luz xã tsôngv px tsik tso lav tsiêx cxu txuôk đros chos pax Lan, chos cxuô zav jâuz muôs trâu tuz luôv.

          Lar hêik zos cxiv kho jêx jos jông jav, muôx chôngz lênhx kruô tuôx sêiz shuôk, ndis uô si txos Tả Phìn”

          Iz chas tả Phìn, tsik tso lav tsiêx cxu cux zos luôs hâux lưv tâu fuô uô trâu 15 luz xã, phươngx hâur thax tsav. Đhâu thôngz sâu, muôx 4 cxênhz chuôz zis huôv tsar tu zus tsiêx cxu, tưz uô truôx jông trơưk luôs hâux lưv tso tơưv, paz phênhv cxơưz cxiz uô tâu tiêr luôs hâux lưv cxiv tsa jêx jos yiêz, cov ziv hnuz ziv muôx chôngz lênhx kruô tuôx ndis uô si, sêiz shuôk txos Sa Pa./.

                                                  Tsu cxêik nhênhv-TT Tây Bắc