Niêv côngv siêz mênhx cxưx nhoz jok Lĩnh

Đros pêx xênhv jok Lĩnh, Hnuz hôiv niêv côngv siêz cxuô mênhx cxưx zos xor xưv lok six zov chênhr. Chiê bax trâu hnuz hôiv uô tâu truôx jông, uô ntêx co oz pêz hnuz, pox nhuôs hâur jok tưz tsêx trung qêz suôz hur si jêx jok, qix têz qơưk tâu đêi liêx plôngs ntơưv cxuô luz tsêr, trơưk têx cêr muk lok hâur jêx jok. Hnuz hôiv muôx têx suôz luôs, suôz thav luk lov jêv ntưk đros muôx pox nhuôs li têx njêx muôs shir phaz lus.

Pos Lò Thị Ngoan, iz lênhx nênhs nhoz jok Lĩnh, xar Mường Pồn, huyện Điện Biên phêiz kênh: Đôiv vênhx nghệ hâur jok tưz cơưv shâuv uô vênhx nghệ, hu gâux uô ntêx co muôx iz hli chiê kriz uô vênhx nghệ hâur Hnuz hôiv. Chor jax gâu xêir tsov hu puôr lênhx zos hêik tơưv txos cêr sik côngv siêz cxuô mênhx cxưx sâuv thax tsav hâur ntu đhâu. Đros pêx xênhv jok Lĩnh, zênhx hla đhâu ntâu kror phiv liv thiêx muôx tâu li têx hnuz no viv li lênhx tưs cux sir jos sik côngv siêz:

“Pêx xênhv hâur pêz jok mak lênhx tưs cux sir jos sik côngv siêz, muk qêz suô jêx jok mak thâuv tưs cux muôx cxix cxuô sơưr đơưk hur si. Pêz jêx jok tưz tax tâu jêx jok vênhx huôv lơưv, ntu tov ntêx no mak pêz zuôr sir jos đuô thiêz”.

Zos iz hâur 11 jêx jok hâur xar ntus đriv Mường Pồn, jok Lĩnh zos luz jok nưk nhoz nưk trâu iz saz ntus đrêx Nậm Pun, hâur tơư lênhx trôngz Pọ Muông. Đros thax tsav ar uô nox muôx 162 héc ta ntâu; zuôr xar 160 ziv chuôz zis thiêz xar muôx 700 lênhx nênhs zos 3 mênhx cxưx Thái, Tsoz tsiz, Hmôngz uô nênhx nhoz.  

Zơưv Lường Văn Bình, Tsar jok Lĩnh puz pâuz: jok qir piz kik, phênhv sâu zos txix uô kôngz nuv thiêz tu zus, chor chuôz zis pluôs tsênhv yuôr ntâu… Taz sik, ntâu shông đhâu, đros chor tsaz yênhx, dự án tâu têz qơưk yưv pênhr paz; cấp ủy, chinhr quyền xar Mường Pồn thiêz pêx xênhv li têx sir jos, têx shông jê lok no, pêx xênhv jok Lĩnh li kinh têr tưz tâu gra siêz đuô, têx jêx jok nhoz thax tsav tưz muôx ntâu hlôngr yiêz. Nhiv no tas nro jêx jok tsuôk yuôr 22 ziv chuôz zis pluôs thiêz pêx xênhv hâur jêx jok tsik so sir jos sik côngv siêz, sik paz chiê huôv tsar cux xưk li sik paz lok cxuô kror muôx yưv hâur luz nênhx:

“Chor chuôz zis luz nênhx txov nhêv, pluôs tsik so tâu pêx xênhv hâur jêx jok paz txix cxuô zav lok sik txux hnuz côngz. Muôx cêr pôngz siêz, cêr shir phaz puôr lênhx hêik sơưr đơưk đros paz hur si txix nhiêx txiêx lok sik cxur. Bax trâu hnuz Niêv côngv siêz mak lênhx tưs cux shir phaz hur si”.

Zơưv Chảo Anh Nguyên, Bí thư Đảng ủy xar Mường Pồn, huyện Điện Biên, tỉnh Điện Biên puz pâuz: Têx shông txix 2012 tror uô ntêx, jok Lĩnh tsik so muôx yưv txiêz nanv tuz saz tuz nhiês, thâux xa, zuôr muôs tsik zos chêi zax zênhz, muôs pax muôs chêr… uô trâu pêx xênhv luz nênhx njiz ntâu kror phiv liv. Taz sik, têx shông jê lok no, khov muôx chinhr quyền ntơưv qơư li têx paz, yênhx ziv chuôz zis hâur jok li sir jos mak luz nênhx ntơưv no tưz hlôngr yiêz ntâu. hâux lưv tsưr tsix yênhx côngz hnuz hôiv niêv côngv siêz hâur jok tưz kriz uô đêz đar txos trâu cxuô qơư hâur xar, paz trâu huôv tsar kinh têr, tuôr truôx ngaz tuk ntơưv luz xar ntus đriv no:

“Đhâu huôx tôngv Hnuz hôiv niêv côngv siêz cux zuôr tâu uô truôx jông đuô thiêz cêr sik côngv siêz cxuô mênhx cxưx tưz tsik zos jok Lĩnh xưz mak ntơưv têx jêx jok txơưr đuô, thiêz uô truôx jông đuô cêr sik côngv siêz quân-pêx xênhv chiê uô tâu jông đuô hâux lưv por vêv tsưr qênhx ngaz tuk ntus đriv têz qơưk”.

Đros tsôngv box mênhx cxưx tsơưs nênhs nhoz Điện Biên, hnuz hôiv niêv côngv siêz tas nro mênhx cxưx tưz zos yênhx huôx tôngv muôx tsiv gri xar hôiv tsênhv tsênhz, zos jiês chiê pêx xênhv phuôx huiz dân chủ, uô truôx jông đuô trâu thôngx niêv côngv siêz tas nro mênhx cxưx./.

(Vũ Lợi-Lik Thox cxêik nhênhv)

Tsôngv box heir nênhs tsơưs nênhs truôx siêz muk lơưr Đảng

Jok Huổi Lẹ, xã Nậm Giôn, huyện Mường La, tỉnh Sơn La zos jok muôx 100% tsôngv box La Ha uô nênhx nhoz. Têx pov jông xuz thơưx thâuv tuôx txos no zos txox cêr luôv xuôz jêz đar pho, muk lol zôngx ziv, têx luz tsêr tsar lơưx nhoz hâur têx xuz ntông nox txir njuôz xiêz, tsêr cơưv ntơưr, tsêr vênhx huôv tâu cxiv uô khor truôx thiêz jông. Li ntơư taz sik tsi tsơưs lênhx pâuz tiêk, 10 tơưv shông uô ntêx jok Huổi Lẹ tsênhv zos iz hâur têx jok 5 tsi muôx, co zos “tsi muôx tênhv tênhz tơưk, tsi muôx cêr jông muk lol, tsi muôx tsêr cơưv ntơưr, tsi muôx đêx hur thiêz tsi muôx sóng xor tôngx”, tsôngv box La Ha nhoz no niêx shông uô nênhx khov trâu têx liêx têz, tsi muôx tsưr ziv huôv tsar uô nox, viv li muôx kênh shông tas nro jok tưz tsi muôx iz ziv chuôz zis hla đhâu chuôz zis pluôs hlo. Chiê muôx tâu têx hlôngr yiêz li niêx hnuz nhiv no, zos cấp ủy, hâu nov ntơưv qơư têx sir jos, zos Đảng thiêz têz qơưk moz siêz txoz cxơưx thôngz đhâu têx tsênhv chei paz tsês trâu tsôngv box heir nênhs tsơưs thiêz zov chênhr đuô zos tsôngv pêx sơưr đơưk sik thôngx siêz, siz chos paz hnuz côngz đas jos. Zơưv Lò Văn Pau, tsar jok Huổi Lẹ, xã Mường Giôn, huyện Mường La, tỉnh Sơn La heik:

“Txos iz jiês no mak tso siêz lơưv, muôx cêr muk lol tâu hâur niêx shông, luôv xuôz jêz xi măng txos ciês ntơưv jok, hâur xã, tsôngv cưr tix nênhx tsa sơưr đơưk zôngx ziv muk lol uô nox, uô kôngz lôngk. Đêx thâuv ntêx cux muôx taz sik trâul ntux nas uô ruôr hiêv, puôk tsuôx tas, taz tâu Đảng, têz qơưk moz siêz yưv pênhr paz uô đuô, tok đêx lok nhiv no cux tso siêz lơưv”.

Đảng viên Lò Văn Phương, shông no tưz 60 ntâu shông, zơưv tâu pâuz txos tsi tiêk zos lênhx txir ndâux txir luk hâur jok, tsênhv zos tsov iêr chi cax uô ntêx nyuôs hâur huôv tsar kinh tế, sir jos cxuz cêr yeiz pluôs. Shông 2016, zơưv Phương chuôz zis đros 60 chuôz zis pêx xênhv hâur jok Huổi Lẹ tâu paz nôngz nhux, nôngz yis thiêz têx tsoz chos ntông nox txir lơưr Chính phủ tsưr ziv paz huôv tsar kinh tế xã hội cxuô heir nênhs lok six tsơưs nênhs, ntu 2016-2025, zơưv tưz đas cir cxaz chuôz têx lớp cơưv shâuv tsưr ziv huôv tsar uô nox, tsoz phưz têx tsoz chos, tsiêx tu zus thiêz tâu muk ndis shuôs, cơưv shâuv luôs lưv tus txơưx huôv tsar uô nox ntơư tsưr ziv chiê uô trơưk, viv li tưz gra lok kinh tế siêz. Nhiv no zơưv Phương chuôz zis muôx iz ha ntâu têz txir mo môngk, zuôr xar 20 tus nhux tưv thiêz 30 ntâu tus yis, iz shông gra lok phênhv sâu tâu muôx 150 tsov đeiv ntâu, zơưv cux zos iz lênhx nênhs La Ha uô ntêx nyuôs hâur cxuô luôs lưv nhoz tỉnh Sơn La hmôngr jông tâu Thủ tướng Chính phủ muôz ntơưr nruôs, viv uô tâu jông hâux lưv hâur cxiv tsa cêr niêv côngv siêz cxuô heir nênhs thiêz huôv tsar kinh tế xã hội thax tsav tsôngv box heir nênhs tsơưs. Zơưv Phương heik pâuz:

“Thâuv ntêx pêz tsôngv box La Ha luz nênhx lok six txov nhêv, kinh tế, cxuô zav phênhv ntâu zos zuk uô trâu zuk zôngv xưz, chuôz zis tưs cux zos chuôz zis pluôs. Khov Đảng, têz qơưk moz siêz paz max zuz nôngz tsoz chos, tsiêx tu zus, kriê tsôngv box tsưr ziv uô nox, huôv tsar kinh tế viv li nhiv no cur chuôz zis thiêz tsôngv cưr tix nênhx tsa sơưr đơưk hâur jok Huổi Lẹ tưz hlôngr yiêz ntâu, ziv tưs cux muôx yêz cheix, ti vi seiz, chor tuz nhuôs zâu tâu cơưv ntơưr cxix cxix, pêz tsôngv box La Ha zuôr uô nênhx sik thôngx siêz, uô jông trơưk Đảng têx tsưr ziv kriê, sir jos khưr uô nox, cxiv tsa luz nênhx, têz qơưk Nậm Giôn cov ziv hnuz ziv tsâu sor, huôv tsar”.

Huyện Mường La muôx 822 chuôz zis heir nênhs La Ha uô nênhx nhoz hâur 18 jok, 10 xã, phênhv ntâu zos têx thax tsav, suôv qơư tox siêz đêz đrôngs, chor chuôz zis pluôs tsênhv ntâu, tsơưr lươngv jênh sôr, luz nênhx tsênhv kis, txov nhêv. Txix shông 2019 txos nhiv no, huyện tưz phênhz nhiêx txiêx muôx 18 tyv đeiv chiê paz max pêx xênhv cxuô jêx jok zuôr têx chuôz zênhx uz no phưx vưv cêr xênhz huôx, nox hâuk, paz 122 tus yis, 654 tus nhux trâu 776 chuôz zis nênhs La Ha, cxơưz paz pêx xênhv huôv tsar kinh tế, truôx tuk luz nênhx. Iz chas co tsưr tsix 3 lớp cơưv shâuv cxaz txux chi tsưr ziv uô nox trâu 209 canr bôv heir nênhs tsơưs, paz uô tâu jông luôs hâux lưv jênh vênhv ntơưv qơư. Zơưv Nguyễn Trọng Hiệp, Tsar phongx heir nênhs tsơưs huyện Mường La heik pâuz:

“Đros thiêz pêx xênhv cxuô heir nênhs hâur thax tsav huyện Mường La, Ủy ban tỉnh Sơn La tưz tso tơưv quyết tinhv 2407 cir đêx anr paz max thiêz huôv tsar kinh tế xã hội nhoz tsôngv box heir nênhs La Ha. No zos tsênhv chei jông thiêz paz trâu tsôngv box La Ha chiê lơưr huôv tsar uô nox uô hnar thiêz gra siêz zuk heir nênhs li txux chi, cxuz cêr yeiz pluôs truôx, hlôngr yiêz luz nênhx”.

Thôngz đhâu Đảng thiêz têz qơưk têx tsưr ziv, tsênhv chei paz, yưv pênhr uô, tsôngv box La Ha ntơưv huyện Mường La li luz nênhx tsênhv jux juk muôx têx hlôngr yiêz nhoz chor jêx jok tox siêz, iz hnuz hlôngr yiêz jux juk tsưr ziv, siêz xar lok huôv tsar uô nox, uô hnar, côngv thôngx muôx cêr sik thôngx siêz, siz chos tsưx phưv truôx thiêz por hưv têx txux chi vênhx huôv jông tsi chiê pôngz plox, iz siêz muk lơưr Đảng, sik đros cấp ủy hâu nov ntơưv qơư uô bluô nux trâu têz qơưk./.

(VOV4-Riê Lâux cxeik, nhênhv)