Tsôngv pêx xênhv Mường Phú Thọ shir phaz, lov jêv Hnuz hội niêv côngv siêz tas nro tsôngv box

Hâur hnuz ntux no nziês, tsôngv box jok sôr 1, phường Thống Nhất shir phaz lus tsưr tsix Hnuz hội niêv côngv siêz tas nro tsôngv box-Hnuz tas nro tsôngv niêv txir lax pêx xênhv sik thôngx siêz, siz chos cxiv tsa thax tsav qơư ziv hnuz ziv huôv tsar, vav mênhx. Têx suôz đruôl đror đros trâu suôz heik luk, siz hu, heik cưr cxiêx, hu gâux tưz uô trâu sơưr đơưk ziv lov jêv, sik thôngx siêz truôx jông đuô. Tix lâus Nguyễn Văn Hòa, nhoz jok sôr 1 shir phaz heik pâuz:

“Cur lok six shir phaz, jông siêz viv nhiv no cxuô chuôz zis, cxuô jêx jok tưz puôr lênhx hlôngr yiêz, muôx cêr jông muk lol, ntâu luz tsêr tâu cxiv uô yiêz, lox đar đuô. Tsi muôx cuz nxor, tsi muôx tuz saz tuz nhiês...., tsôngv box luz nênhx tsâu sor, vav mênhx. Uô tsâus lok six ntâu txos Đảng thiêz têz qơưk tưz txoz cxơưx, yưv pênhr paz pêz tsôngv lax pêx xênhv phường Thống Nhất, thiêx muôx tâu li hnuz no”.

Jok sôr 1, phường Thống Nhất muôx 260 chuôz zis, iz cxênhz ntâu lênhx nênhs; hâur co nênhs Mường tsav zuôr xar 90%. Tsôngv box nhoz no phênhv ntâu zos khưr uô liêx têz; yuôr iz cxiê chuôz zis mak lơưr huôv tsar uô lax luôv, uô công nhân trâu công ty xơưs tsôngk tril yo uz no muôs trâu 2 chas thax tsav, têz qơưk đrâuv thiêz iz cxiê lênhx zos canr bôv, công chức, viên chức.

Shông 2025, txix Chi bộ chox car thiêz Ban côngz xưv Mặt trận sik hux jos, jok sôr 1 tưz uô tâu ntâu luôs hâux lưv jông li: Xav kror đruôz đraz iz lênhx nênhs muôx phênhv sâu tâu 95 tsov đeiv iz shông; chor chuôz zis pluôs txo grêk xar muôx 1%; 100% chuôz zis pêx xênhv tâu sir zôngv đêx hur thiêz muôx cêr luôv suôz jêz, xi măng txos qơư. Têx hâux lưv txơưr li: Chuôz zis tsâu sor, vav mênhx; phax tar ntâuk tsiv chuôz zis; tsoz phưz, por hưv nhuôs zâu tâu uô truôx jông. Chor pêx xênhv zuôr ntơưr BHYT tax 86% ntâu. Lar heik, têx hâux lưv, txux chi vênhx huôv, nthuôr uô lov jêv hâur thax tsav thâuv tưs tưz muôx, tas nro thax tsav jok muôx 3 paz nthuôr uô lov jêv, hu zâuv tâu 800 ntâu lênhx nênhs cxaz chuôz. Iz chas ntơư, têx txux chi sênhr chêr, nthuôr uô cêr lov jêv, ntâuk đruôl cux tâu por hưv, nthuôr uô tsi so hâur têx hnuz ntênhs, hnuz hội. Zơưv Nguyễn Quốc Hoàn, tsar jok sôr 1, phường Thống Nhất, tỉnh Phú Thọ heik pâuz:

“Lok sâuv huôv tsar kinh tế, jok sôr 1 muôx ntâu zav jông huôv tsar uô kôngz, iz chas uô blêx liêx, nhiv no tsôngv box tsênhv sir jos huôv tsar uô iz cxiê nuv txơưr đuô li: Zuôr muôs hax huv, uô trơưk têx tsưr ziv yiêz lok chos tâuz tưs, cuô txoz muôs trâu 2 chas thax tsav đrâuv.... Tsi tas li, xã cux sir jos trơưk công nghệ sôr chiê seiz car, por hưv thiêz piêr kriê têx xiv huv kôngz nuv, dịch vụ ntơưv qơư cux li cxơưz cxiz yênhx lix têx HTX, tổ hợp tác, muôz hâux lưv uô ntơưv qơư trâu, gra siêz phênhv sâu tâu trâu pêx xênhv”.

Iz chas têx hâux lưv, txux chi uô si lov jêv chiê cxơưz sơưr đơưk muôx cêr sik thôngx siêz, Hnuz  hội niêv côngv siêz shông 2025 tsênhv zos six hơưv chiê tsôngv niêv txir lax pêx xênhv jok sôr 1, phường Thống Nhất gôngr ziv chênhv cxiv tsa thax tsav qơư ziv hnuz ziv vav mênhx, huôv tsar đuô. Txix ntơư, Ban Côngz xưv Mặt trận hâur thax tsav xav tinhv, shông 2026 tsôngv pêx xênhv zuôr sir jos huôv tsar uô nox, hlôngr yiêz zuz nôngz tsoz chos, tsiêx tu zus, cov xav kror đruôz đraz iz lênhx nênhs muôx phênhv sâu tâu 98 tsov đeiv iz shông; tror tsưx phưv jông thax tsav jok vênhx huôv, 90% ntâu chuôz zis tâu chuôz zis vênhx huôv.... Pos Nguyễn Bích Thảo, Tsar Ban côngz xưv mặt trận jok heik pâuz:

“Thôngz đhâu hnuz hội mak tror cxiv kho, tsưx phưv jông cêr sik thôngx siêz tas nro tsôngv box, chiê sơưr đơưk ziv muôx cêr siz hluz siz paz, thôngx siêz truôx thiêz khav tinhv côngv thôngx pưs txux lok uô trơưk Đảng tsưr ziv, têz qơưk têx chei kriê; cux zos six hơưv chiê kruôs txos têx uô tâu jông, lênhx nênhs, chuôz zis uô ntêx nyuôs hâur cxuô luôs hâux lưv, huôv tsar uô nox, sik tưr nhiêv têz qơưk”.

Hnuz hội niêv côngv siêz tas nro tsôngv box jok sôr 1, phường Thống Nhất, tỉnh Phú Thọ tsi tiêk zos six hơưv chiê tâu siz chuôs njiz, uô si lov jêv, sik kriê thiêz cơưv shâuv tsưr ziv uô nox, cêr nênhx jông hâur luz nênhx, tsênhv zos hnuz tas nro sơưr đơưk sik thôngx siêz, siz cxơưz, siz paz huôv tsar. Hâur têx suôz đruôl Mường đror lov jêv, tsôngv pêx xênhv lênhx tưs cux jông siêz, sir jos zuôr siz cxơưz, sik đros paz đas jos cxiv tsa jêx jok, têz qơưk ziv hnuz ziv tsâu sor, vav mênhx./.

Đinh Tuấn-Riê Lâux cxeik, nhênhv 

Lênhx tuz hluôk Hmôngz sir jos uô nox txix tsưr ziv chos cuô txoz

Xênhz zus thiêz hloz lox ntơưv jok Khuổi Bốc, qơư pêx xênhv phênhv ntâu tsuôk pâuz chos poz cưk, kok ntông, Vax Xênhv Lâux thâuv tưs cux xar tiêk zuk luz nênhx nyê zuôr tsuôk zos pâuz sir jos khưr chos kok ntông yênhx shông xưz. Txơưv zos zav tsoz chos txix cxôngx nzor lok ntơưv thax tsav qơư, taz sik kok ntông tsuv tas ntâu đas jos uô txix chos, tu txos sâu thiêz tsuôk huv đros trâu chor ziv chuôz zis muôx chôngz lênhx nênhs uô. Iz jiês sêiz pov sâuv Facebook, tix lâus sêiz pov tâu iz lênhx fôngx zưs ntơưv Hà Giang jax sâu hêik tiêk xar zuôr chor cuô txoz zâu đros gri muôx 300 cxênhz đêiv iz cir. Pov chor cuô txoz no tưz zênhx muôx ntơưv zuk jok, ho huv đros đêx ar, qiv hơưv ntơưv thax tsav qơư, hok tsiv gri kinh têr cux siêz đuô pir đros kok ntông, tix lâus tưz sêiz lax đros chuôz zis sir jos hlôngr txix kok ntông trâu chos cuô txoz.

Tix lâus piz nriêr zuz nôngz cuô txoz ciês ntơưv thax tsav qơư, tưx zuk uô ciês chor zuz chiê tuôr tsês tâu zav nôngz cuô txox muôx ntơưv qơư nhoz. Chor cuôz txoz no huv đros trâu đêx ar, qiv hơưv tox siêz, tsuôk đhâu 3 luz hli chos tưz txi txir. Taz sik txơưv txir zâu luôx luz blêx, sâu đê tas ntâu six hơưv, đas jos taz sik chor cuô txoz no ho kaz thiêz tâu chôngz lênhs nênhs nhiêv zuôr nox, tiv zix zos chor nênhs uô lax luôv txix thax tsav tỉnh Tuyên Quang tuôx zok zuôr chiê chox muk tsâuk njuôs cuô txoz, muôx têx ntu tsênhv tsuv ntiêr nzir nênhs đros đê. Xuz thơưx tix lâus tsuôk chos siv sâuv iz kror ar têz zâu, taz sik pov uô tâu nox jông viv li tror kriz đar nzir ar têz chos. Tsuôk đhâu oz pêz chiv, sâu tâu xar muôx 300 cir iz shông, đros gri muôs txix 200-250 cxênhz đêiv iz cir, paz muôx tâu phênhv sâu truôx paz trâu chuôz zis muôx nzir nhiêx zuôr têx chuôz zênhx, txoz cxơưx trâu têx tuz nhuôs muk cơưv ntơưr cxix cxuô. “Chos cuô txoz mak tas ntâu côngz đas jos tu, tiv zix zos thâuv sâu, taz sik zuk cux shir phaz thâuv chos tâu ho muôx nênhs zuôr thiêz muôs tâu gri siêz. Muôx nhiêx txoz cxơưx trâu chuôz zis lơưv”-Tix lâus Vàng hêik pâuz li co.

Tsik zos tuôr tsês chiê zuk pâuz xưz, tix lâus Vàng tsik so phêiz kênh chênhz zênhv, txix tsưr ziv xêir nôngz, uô zuz txos kỹ thuật tu, sâu đê. Tix lâus sir jos cxaz chuôz trâu chor jiês cơưv shâuv zos xar thiêz Đoanx hluôk nênhs tsưr tsix chiê piêrkriê lok têx tsưr ziv uô nox. Tix lâus heik tiêk tsưr ziv uô nox txơưv tsik tâu siêz pir li iz cxiê zav tsoz chos txơưr, taz sik zôngx ziv tu, huv đros trâu têx ar têz, qiv hơưv ntơưv thax tsav qơư thiêz zov chênhr tiv zix zos muôx qơư sâu zuôr truôx. Đros zos Bí thư đoãn hluôk nênhs hâur jok thiêz Tsar ban Côngz xưv Mặt trận jok, tix lâus vav tiêk zuôr kriz uô tâu tsưr ziv no txos ntâu ziv chuôz zis txơưr hâur jok đros uô, paz txo grêk tâu yêiz pluôs.

Txix tix lâus Vàng li tsưr ziv chos cuô txoz cxur uô tâu nox no, muôx chôngz lênhx hluôk nênhs tưz tuôx cơưv shâuv. Tix lâus Sình Xênhv Thox zos iz hâur chor nênhs xuz thơưx ciês tuôs ndis sêiz thiêz tâu tix lâus Vàng kriê uô trơưk. Tix lâus Sình puz pâuz: “Cur pov tix lâus Vàng tsưr ziv chos cuô txoz cxur no zôngx ziv chos, pênhr yưv uô tsik tas ntâu taz sik muôx tâu phênhv sâu truôx. Tix lâus tưz uô jông kriê trâu cur, txix uô zuz, chos txos sâu. Cur tsênhv xar tiêk chiv zuôr txos zuôr chos siv sâuv iz kror ar têz, zos uô tâu nox jông mak zuôr kriz đar chos nzir”.

Ntơưv Khuổi Bốc, tsưr ziv chos cuô txoz cxur nhiv no tưz tsik zos hêik txos iz lênhx nênhs uô lơưv xưz mak tưz zos yênhx sơưr đơưk kror tsưr ziv sir jos uô nox. Pox nhuôs tưz piz njuôk xav jông txos têx tsưr ziv uô kinh têr, sir jos hlôngr yiêz chor tsoz chos cov huv đros siêz nhiêv zuôr sâuv ciêz đrôngs. Chinhr quyền xar Bảo Toàn cux tsênhv sêiz shuôk paz zuz nông, kỹ thuật thiêz zok nriêr qơư muôs trâu pêx xênhv zos xar chos chor cuô txoz cxur, chiê paz uô trâu zav tsoz chos no zos yênhx kror hax huv kaz jông ntơưv thax tsav qơư. Tix lâus Vàng cux tsênhv njuôk xav têx tsưr ziv huôv tsar truôx đuô, li hlôngr yiêz tsưr ziv chos, sir zôngv kỹ thuật yiêz chiê muôx nzir tsơưr lươngv, đros co zos uô chor cuô txoz yênhx hax huv kruôr lok sik cuô txoz hmôngr, cê paz gra siêz tsiv gri, cê tsês chiê tâu ntêr đuô, txo grêk tsơưs phiv liv khov trâu chor nênhs zuôr. Zov chênhr zos tuôr tsês tâu tsơưr lươngv chor cuôz txoz, tuôr tsês tâu chor nôngz ntơưv thax tsav qơư. “Zuk uô cov nox cov jông mak chor nênhs zuôr zênhx zuôr tuôx zok zuôr ntêr xưz”. Tix lâus Vàng khav tênhv.

Đros sir jos cơưv shâuv, phêiz kênh thiêz paz trâu chor nênhs txơưr, tix lâus Vàng Xênhv Lâux tưz tsik zos uô bluô nux trâu zuk chuôz zis xưz mak tsênhv paz uô hlôngr yiêz lok kinh têr-xar hôiv nhoz têx jêx jok tox siêz. Têx lâus têx uô tâu zos kror puz pov tiêk, tsuôk zos car xar, car uô thiêz truôx siêz sir jos, chor hluôk nênhs zênhx zuôr uô tâu nox ciês ntơưv zuk thax tsav qơư nhoz.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc đros tsênhv qơư Cxơưz cxiz uô kôngz têz qơưk uô./.

Lik Thox uô thiêz cxeik nhenhv