Lai châu sir jos kriz đar thax tsav qơư tsik muôx zax zênhz

Tsuôk kuôk no 5 shông, tix lâus Tao Văn Chen, mênhx cxưx Lự nhoz jok Hon, xar Bản Hon, huyện Tam Đường ziv chuôz zis zênhx zos chuôz zis pluôs hâur jok viv txir muôx zênhk zax zênhz. Tiv uô trơưk têx tsưr ziv kuz, chôngz lênhx nênhs lâul hâur jok tsênhv nhiês chos tsoz zax zênhz chiê muôx zax zênhz hâuk. Thâuv muôx txox cêr lox tâu kriz uô muk đhâu jok, zênhz đơưz thiêz iz cxiê zav zax zênhz txơưr đuô tưz muôx muôs hâur jêx jok, uô trâu ntâu chuôz zis tưz zênhx pluôs lơưv hax zav pluôs đuô.

Tix lâus Tao Văn Chen hêik, thâuv hloz lox mak tưz zênh pov tâu chuôz zis yêiz pluôs, muôx tsik txâuk nox. Nênhs muôx zênhk zax zênhz tưz tsik zos tuz gênhs, tsik xar khưr uô nox mak tsênhv nriêr tsưr ziv gra cxuô zav hâur tsêr chox muk muôs chiê muôx nhiêx zuôr zax zênhz hâuk. Tsik yuôr kror tưs jông muôs lơưv mak lơưr ho muk uô tuz saz tuz nhiês. Njiê pov trâus yêiz pluôs tiv muôx zênhk zax zênhz truz ntêr ntâu shông thiêz nhiv no txơưv tsik yuôr nênhs muôx zênhk zax zênhz lơưv, taz sik tror xar txos mak tix lâus Chen cux tsênhv nyêi trơưr:

“Cur cux tưz tâu lưx lươngv công an xar yax kriê lok têx phiv liv txix zax zênhz. Cur tưz pâuz tsênhz txos têx phiv liv co thiêz zuôr yax kriê trâu sơưr đơưk pâuz. Ntu zuôr txos mak zuôr tsêx trung sir jos trâu huôv tsar kinh têr chuôz zis”.

Xar Bản Hon, huyện Tam Đường muôx 8 jêx jok, zuôr xar 600 ziv chuôz zis, đros muôx 2.800 ntâu lênhx nênhs. Zos thax tsav muôx txox cêr 129 muk đhâu, viv li chor nênhs thiêz têx yêz muk lok đhâu sâuv thax tsav muôx ntâu. Tiv zix, nhiv no chor nênhs txix têx thax tsav qơư txơưr tuôx trâu ntơưv no chiê cxiv uô têx côngz trinhx chuôz ndê chôngz lênhx, uô zôngx ziv huôv xênhz têx txiêz nav xar hôiv, hâur co muôx zax zênhz. Chiê tuôr truôx tâu thax tsav tsik muôx zax zênhz, lưx lươngv Công an chính quy ntơưv xar tưz sik côngv đros chor ban, nganhx hâur xar, hâur jok tsik so yax kriê hêik pox nhuôs hâur jêx jok tsik zuôr muôs thiêz sir zôngv chor zax zênhz. Đại úy Lò Văn Én, công an xar Ban Hon, huyện Tam Đường puz pâuz:

“Qênhx shênhx zax zênhz ntơưv xar Bản Hon nhiv no mak chor hluôk nênhs cux tưz sir jos khưr uô nox ntơưv zuk thax tsav qơư nhoz. Nhiv no sâuv thax tsav cux tsik pov muôx lênhx tưs xav tiêk muôx zênhk zax zênhz lơưv. Zuôr txos no mak lưx lươngv Công an zuôr tror kriz uô yax kriê chêi phax, tar zax zênhz thiêz Chính phủ têx ntâuz ntơưr, cêr chêi trâu pêx xênhv. Thôngx cxix kroz uô đros cxuô ban, nganhx, đoanx thêv hâur xar chiê yax kriê cov pox nhuôs pâuz tsênhz txos têx phiv liv thiêz txar đêz têx zax zênhz”.

Zênhx muôx ntu zos thax tsav phiv liv tror chos tsoz zax zênhz thiêz phiv liv txiêz nanv sir zôngv zax zênhz, taz sik khov muôx tas nro cxiv luôs chính trị sir jos uô, tiv zix zos chor lưx lươngv muôx vax huôv, txos nhiv no chor nênhs muôx zênhk zax zênhz sâuv thax tsav Lai Châu tưz tâu txo grêk tsơưs ntâu, đros xar muôx 3.300 lênhx nênhs. Thiêz txix shông 2021 txos nhiv no, thax tsav qơư tưz uô ntâuz ntơưr chox muk chiv zênhk zax zênhz trâu zuôr xar 170 lênhx nênhs.

Txos nhiv no, tas nro tỉnh Lai Châu tsênhv tuôr truôx tâu jông 32 xar, phường, thị trấn tsik muôx txiêz nanv zax zênhz thiêz hâur shông no sir jos cov muôx nzir 2 xar tsik muôx txiêz nanv zax zênhz. Chiê uô  tâu li tsưr ziv tưz tso tơưv, chor lưx lươngv muôx vax huôv ntơưv thax tsav qơư tsênhv chuôz cxaz uô cxuô cấp ủy Đảng li sir jos lênhx tov, phuôx huiz cxiv luôs chính trị thiêz thôngx niêv côngv siêz tas nro pêx xênhv li sir jos hâur côngz xưv phax, tar zax zênhz. Thượng tá Tằng Xênhv Zax, Trưởng Công an huyện Tam Đường puz pâuz:

“Công an huyện tưz hêik trâu Công an tỉnh chuôz cxaz nzir lưx lươngv sik côngv đros Công an huyện sir jos uô côngz xưv phax, tar zuôr muôs tsik zos chêi zax zênhz; chox kriê công an xar tsêx trung uô jông côngz xưv sêiz car têz qơưk lok lênhx nênhs sâuv thax tsav. Hâur co tsêx trung sêiz shuôk, nriêr pâuz lok chor hluôk nênhs zuôr zôngx ziv trâus nziêk đas cxaz chuôz trâu têx txiêz nanv xar hôiv; sik côngv đros chuôz zis, tsêr cơưv ntơưr sêiz car, zoz zux, kruôz kriê trâu chor nhuôs cov sir jos uô luz nênhx jông đuô. Pêz cux chox kriê công an xar sir jos hêik pâuz trâu cấp ủy, chính quyền ntơưv thax tsav qơư kriz uô jông chor tsaz yênhx, tsưr ziv; tsêx trung trâu huôv tsar kinh têr-xar hôiv, paz muôx hâux lưv uô, truôx tuk luz nênhx trâu pêx xênhv”.

Sir jos hâur tsav txênhz, phax tar nênhs phamv cxâuv lok zax zênhz, tiv zix zos yax kriê trâu pêx xênhv tsik tror chos tsoz zax zênhz thiêz chox chor nênhs muôx zênhk muk chiv zênhk zax zênhz… lưx lương công an Lai Châu ntơưv thax tsav qơư tsênhv sir jos kriz uô cxix cxuô têx tsưr ziv chiê phax tir tar tâu zax zênhz sâuv thax tsav. No zos kror tsuv uô chiê cấp ủy Đảng, chính quyền cxuô thax tsav qơư tuôr tâu truôx jông ngaz tuk chính trị sâuv thax tsav, lênhx tov pêx xênhv huôv tsar kinh têr, txo grêk cêr yêiz pluôs./.

(Khắc Kiên-Lik Thox cxêik nhênhv)

Chuôz tsar phênhv paz txưv yênhx hli trâu cán bộ xã tưz

 so hâux lưv

   Bộ Nội vụ li Thông tư 02/2022/TT-BNV heik kriê uô hâux lưv hlôngr phênhv paz txưv yênhx hli đros cán bộ xã lâuk tưz so lâuk muôx txux zôngv txix hnuz 15/3/2022.

          Thông tư 02/2022/TT-BVN tâu uô đros cán bộ xã, phường, thị trấn tưz so lâuk sơưv phênhv paz txưv yênhx hli lơưr Hội đồng chính phuv li Cuiz tênhv số 130- CP hnuz 20/6/1975 thiêz Hội đồng Bộ trưởng li Cuiz tênhv số 111-HĐBT (hu cán bộ xã lâuk tưz so hâux lưv).

          Phênhv paz txưv yênhx hli tâu kho đuô li no: Đros cán bộ zos kuz Bí thư Đảng ủy, CHủ tịch UB xã 2 tsov 473 cxênhz đeiv iz luz hlik (thâuv ntêx zos 2 tsov 116 cxênhz đeiv iz luz hlik) đros cán bộ zos kuz Phưv Bí thư, Phưv chủ tịch, thường trực Đảng ủy, Ủy viên thư ký UB, Thư ký hội đồng xã, xã đội trưởng, tsar công an xã: 2 tsov 400 cxênhz đeiv iz luz hlik (thâuv ntêx zos 2 cxênhz 048 cxênhz đeiv iz luz hlik) đros têx chức danh tsênhv yuôr zos: 2 tsov 237 cxênhz đeiv iz luz hlik (thâuv ntêx zpss 1 tsov 896 cxênhz đeiv iz luz hlik)./.

(Chinhphu.vn-Txâur Vax cxeik nhênhv)