Sơn La “Uô truôx” luôs hâux lưv xưv bluô chor nênhs tsar yêz thâux ntâu hax huv tsi trơưk cui tênhv

Qênhx shênhx txuôk nzir thôngz tso hax huv sâuv yêz chiê thâux hax huv muk lok sâuv têx txox cêr ar nxaz nhoz Sơn La njuôs xav uô tsi taz por zaoz thôngz. Lưx lươngv cảnh sát zaoz thôngz tưz yax mông, vênhv tôngv thiêz heik nênhs tsar yêz, tsưr yêz yưr lir ciês thâuv qênhz yuôx thiêz pov lênhx nênhs uô cxâuv lok thâux ntâu tsi trơưk cui tênhv. Tix lâuk Lường Văn Hùng, nênhs tsar yêz nhoz huyện Mường La, tỉnh Sơn La pheiz kênh: “Thâuv tâu yax mông, cur chuôz zis chiv chir kho đuo yêz. Thâuv kho tâu cur zuôr tsi thâux ntâu thiêz uô trơưk cui tênhv cxaz chuôz zaoz”.

          Ntơưv thax tsav TP Sơn La, lưx lươngv muôx txơưx jênhv cux  xưv bluô têx lênhx nênhs thâux ntâu hax huv tsi trơưk cui tênhv, thâux ar, poz jêz, chuôz zênhx cxiv tsa...cxaz chuôz cxiv uô têx côngz tsinhx lox hâur tỉnh thiêz thành phố; gôngr phênhv taz por zaoz thôngz, txu grês qênhx shênhx têx cêr muk lok trâus puôk tsuôx. Thiếu tá Bùi Ngọc Bé, Tuêv tsar tuêv cảnh sát zaoz thôngz, Công an TP Sơn La puz pâuz: “Pêz yax mông, vênhv tôngv tas nro tsưr yêz tsi txuôk nzir thôngz thâux hax huv, muk yênhx ziv chuôz zis vênhv tôngv, sik côngv đros têx qơư kho đuô yêz paz lơưr hlê muk; thôngx cxix, qênhz yuôx, seiz car, yưr lir txos qơư lênhx nênhs uô cxâuv. 1 shôngk ntâu no, sâuv thax tsav TP tsi muôx yêz txuôk nzir qơư thâux hax huv. Pêz zuôr tror qênhz yuôx, taz por têx yêz cxaz chuôz cxiv tsa côngz tsinhx lox uô trơưk chei zaoz thôngz cêr ar, tsi uô zênhr shar txos tsôngv box hâux lưv muk lok”.

          Lơưr Thượng tá Nguyễn Trung Kiên, Phưv tsar phongx cảnh sát zaoz thôngz Công an tỉnh Sơn La, đhâu côngz xưv qênhz yuôx, lưx lươngv muôx txơưx jênhv tưz pâuz tâu yênhx doanh nghiệp, taz viv vênhv teiv, têx ziv chuôz zis, lênhx nênhs muôx yêz chiê yax mông, cir ntơưr. Thôngx cxix, chêx chôngk qênhz yuôx, yưr lir têx lênhx nênhs uô cxâuv: “Hâux lưv yưr lir tâu uô sâuv tas nro tỉnh, viv li yêz txuôk nzir qơư thâux hax huv thiêz yêz thâux hnhar tsi trơưk cui tênhv txu grês ntâu. Tiv zix đhâu lưx lươngv muôx txơưx jênhv li seiz shuôk, tsưr yêz li siêz xar tâu muôz siêz. Khov co hâur 3 luz hlik hâur shôngk shông 2023, sâuv thax tsav tsi muôx txiêz nanv yêz muôx lênhx coaz txos yêz thâux hnhar tsi trơưk cui tênhv; taz por trâu têx yêz muk lok sâuv têx txox cêr Tây Bắc nkrâuk lêv thiêz muôx ntâu đơưv siêz”.

          Thôngz sâu txix hâur shôngk shông txos nhiv no, lưx lươngv cảnh sát zaoz thôngz Công an tỉnh Sơn La tưz xưv bluô 330 lênhx nênhs uô cxâuv lok thâux ntâu hax huv tsi trơưk cui tênhv. Hâur hli 3, lưx lươngv muôx txơưx jênhv tưz yax mông vênhv tôngv 13 doanh nghiệp, 51 lênhx nênhs, 3 tsưr qơư tsav yêz uô hâux lưv thâux hax huv tsuv zos đrêiv cui tênhv, tsi cxoz txuôk nzir qơư thâux hax huv sâuv yêz./.

Lê Hạnh-Txâur Vax cxeik nhênhv

Yên Bái gra siêz suôz bê kôngz nuv

Thành phố Yên Bái zos thax tsav qơư tsi so muôz têx xiv huv kôngz nuv jông ntơưv qơư muôs hâur ciêz đrôngs, piêr kriê xiv huv hâur thiêz đrâuv luôs 2 chas tỉnh pâuz txos li: Cuz thax kok kriêr, jiz mur Minh Bảo, ndêz linh chi…. Pos Phạm Thị Thu Hà, Tsênhv qơư dịch vụ paz huôv tsar kôngz nuv TP Yên Bái heik pâuz: Chênhr khov piêr kriê têx xiv huv li heik sâuv, têx kôngz nuv li cxiê shông, txos nhiv no phênhv ntâu TP chor huv jông, lar heik zos têx huv OCOP puôr lênhx tâu chôngz lênhx ntâu tus sir zôngv hâur tas nro têz qơưk pâuz txos, txix ntơư gra phênhv sâu tâu siêz trâu lênhx nênhs tsiv uô: “Pêz pov, thôngz đhâu têx hôiv ciêz, pêz tâu buôk ti chuôs njiz têx lênhx kruô, chor nênhs phênhz pheiz, zuôr muôs huv, cur pov li co lok six jông, txos nhiv no pêz têx xiv huv tưz muôs tâu muk trâu ciêz đrôngs Big C, Vinmart thiêz 15 qơư ntơưv cxuô tỉnh”.

Iz chas hâux lưv cxơưz cxiz muôv muôs zos ngênhx công thương tsưr tsix, hâur ntu đhâu, ngênhx vênhx huôv thiêz ju lix nhoz Yên Bái cux muôx têx tsưr ziv jông hâur sik đros piêr kriê têx xiv huv kôngz nuv reik đros xiv huv ju lix, vênhx huôv yênhx thax tsav qơư chiê nhiêk txơưr nhiêk tsi siz thôngx. Zơưv Đỗ Minh Tuyền, Giám đốc uô lax luôv zuôr muôs xiv huv, Công ty Nam Dược Đại Phú An heik: Thôngz đhâu têx jiês siz chuôs njiz zuôr muôs huv, sik heik kriê tsưr ziv, cxiz muôv muôs, doanh nghiệp, HTX hâur thax tsav tỉnh chor xiv huv tsiv uô tâu txix kôngz-jôngr nuv muôx nzir six hơưv tâu buôk ti đuô txos chôngz lênhx kruô, nênhs uô lax luôv zuôr muôs, phênhz pheiz hax huv: “Pêz cux vav chiê siêz, muôx nzir têx xiv huv OCOP thiêz muôs hâur tênhx qơư, tsi tiêk hâur têz qơưk mak hur si đrâuv luôs 2 chas thax tsav”.

Zơưv Nguyễn Đức Điển, Phưv Giám đốcc Sở Kôngz nuv thiêz huôv tsar tox siêz tỉnh Yên Bái heik pâuz: Cxiz uô lơưr têx tsưr ziv yiêz, huôv tsar muôv muôs điện tử trâu tỉnh têx xiv huv kôngz nuv cux tưz thiêz tsênhv tâu uô thôngz đhâu têx qơư muôv muôs điện tử, qơư muôs txuôk đros luôs 2 chas thax tsav txơưr đuô….. “Muôz têx xiv huv OCOP muôs đhâu điện tử zos iz hâur têx tsênhv njiêz hlôngr yiêz sôr hâur ngênhx kôngz nuv. Six hơưv uô hâur ntu xuz thơưx lok six jông. Hâur ntu zuôr txos, ngênhx kôngz nuv thiêz huôv tsar tox siêz zuôr tror đros Sở Công thương thiêz têx cơ quan nhoz hâur ngênhx công nghệ thôngz xor mông chiê tror krêz uô têx muôx jông cov muôs tâu zuk têx hax huv OCOP trâu chôngz lênhx ntâu tus kruô tâu sei thiêz zôngx ziv đuô”.

Trơưk li sôr laov thôngz sâu, tsuôk xav hâur shông 2022, ngênhx kôngz nuv tỉnh Yên Bái tưz đros Sở Công thương, Chi nhánh Bưu chính Viettel Yên Bái, Bưu điện tỉnh Yên Bái tưz muôz zuôr xar 4.700 xiv huv jông, iz zav li: Ciêv fix Văn Yên, yuôx zêx shan tuyết Khir Zax, cxur séng cù Mường Lò, njuôs shôngz Bát Độ Trấn Yên, jiz mur Mù Cang Chải…..muôv muôs đhâu điện tử. Xav hur si têx huv muôs li co gra lok phênhv sâu tâu xar muôx 1,2 tiv đeiv./.

                               Trịnh Xuân-Riê Lâux cxeik, nhênhv