Yên Bái: Sổ tay đảng viên điện tử paz gra siêz tsơưr lươngv xênhz huôx chi bộ

Sổ tay đảng viên điện tử tâu Tỉnh uỷ Yên Bái fuô uô txix hli 2 shông 2022. Txos nhiv no, tưz muôx 11 tsưr tsix đảng hlôngr njêx muôs trâu têx tsưr tsix đảng hâur têx cơ quan lês uô hâux lưv têz qơưk, doanh nghiệp; xã, phường fuô uô siv; xav hur si muôx 61 chi bộ thiêz 2 cxêngz lênhx đảng viên cxaz chuôz.

Trơưk li têx lênhx đảng viên sir zôngv sổ tay đảng viên điện tử muôx ntâu kror jông. Tsênhv tsênhz, muôz ntâu xor mông lok T.Ư, tỉnh li têx Nghị quyết, cui tinhv, Chỉ thị, suô luk thiêz cấp uỷ đảng cơ sở li têx ntâuz ntơưr chox krie txos đảng viên. Iz chas ntơư, tsênhv paz đảng viên cxiv tsa tsưr ziv, six hơưv uô nuv; ndo têx luôs hâux lưv tâu zok muôz thiêz heik pâuz lok six hơưv, hnuz nhôngs uô têx hâux lưv co; paz cấp uỷ thênhv siêz pâuz tâu têx mông tsưr tsix đảng thênhv kis lês uô cxuô luôs hâux lưv. Đảng viên Trần Thị Hoài Thu, Chi bộ thôngz xor mông-pov tsir-xuất bản, Đảng bộ Sở thôngz xor xa mông tỉnh Yên Bái heik pâuz: “Sir zôngv sổ tay điện tử đảng viên tỉnh Yên Bái muôx liv lok six jông trâu têx lênhx đảng viên, zuôr paz đảng viên hlôngr yiêz tsưr ziv xar, têx nuv uô; paz chor chi bộ hlôngr yiêz, gra siêz tsơưr lươngv xênhz huôx đảng. Sổ tay đảng viên điện tử no cux zos iz kro yiêz chiê sâu jênhv, lênhk txeik đảng viên li têx têx ziv chênhv, lul heik, paz cấp uỷ  pâuz tsênhz lok sơưr đơưk li têx tsưr ziv, siêz xar, txix ntơư seiz car, chox kriê têx lênhx đảng viên lês uô tâu cxuô luôs hâux lưv zok muôz”.

Đhâu iz ntuk fuô uô, tưz muôx nzir 30 tsưr tsix cơ sở đảng, 109 chi bộ thix ziv tâu fuô lơưr li heik sâuv ntơưv taz viv, tsar ndê têx tsưr tsix đảng fuô uô trơưk li co hâur thax tsav tỉnh muôx 41, đros thiêz 170 chi bộ, 4 cxênhz ntâu lênhx đảng viên cxaz chuôz, đhâu tsưr ziv tso tơưv zuôr xar 373% chor tsưr tsix cơ sở đảng, 288% chor chi bộ thiêz 200% ntâu đảng viên pir li tsưr ziv.

Nhiv no, tas nro 170 chi bộ heik sâuv puôr lênhx tsưr tsix xênhz huôx trơưk li heik co. Đhâu ntơư, jux juk uô jông têx luôs hâux lưv đảng; cxơưz tiês uô lơưr công nghệ thôngz xor mông, hlôngr yiêz sôr hâur cxuô cấp uỷ, tsưr tsix đảng, đảng viên li têx nuv uô trơưk Đại hội Đảng bộ tỉnh Yên Bái li tsưr ziv Nghị quyết sôr 51-NQ/TU. Iz chas co, hlôngr yiêz, jux juk gra siêz tsơưr lươngv xênhz huôx cấp uỷ, xênhz huôx chi bộ; gra siêz txux chi tsưr ziv jênhv pâuz trâu têx lênhx đảng viên lơưr T.Ư 5 (khoá 13) li Nghị quyết, paz gra siêz tsưr tsix cơ sở đảng li txux chi chox car, lês uô têx luôs hâux lưv. Tsar ban Tsưr tsix Tỉnh uỷ Yên Bái Chu đình Ngữ heik pâuz: “Tsưr ziv fuô uô Sổ tay đảng viên điện tử zos jux juk zuôr uô lơưr trâu tas nro cxuô thax tsav, chi bộ, cux seiz lok thax tsav qơư ntơư pok muôx mạng Internet. Xuz thơưx zos suôv qơư tưs muôx Internet mak fuô kriê uô ntêx thiêz hâur tsưr tsix đảng, chi bộ co, lênhx đảng viên tưs muôx xor tôngx jông mak zuôr uô lơưr tsưr ziv no uô ntêx trâu tus ntơư; jux juk zos cxuô lênhx đảng viên, cxuô chi bộ sir zôngv, uô trơưk. Co chênhr zos iz hâur têx kror paz trâu tsơưr lươngv xênhz huôx chi bộ tâu jông đuô”./.

(Xuân Tuấn-Riê Lâux cxeik, nhênhv)

Pox niêv Yên Châu (Sơn La) sir jos cov tsik yêiz pluôs

Niêv tix Cha Xênhv Muôk nhoz jok Na Lù, xar Phiêng Khoài, huyện Yên  Châu (Sơn La) ziv chuôz zis sir jos khưr uô liêx têz lok phênhv sâu cux tsik tâu ntâu luôx tưs; ntâu shông cux zos chuôz zis pluôs hâur jok, hâur xar.

Shông 2015, txix chor pênhr nhiêx kir txêik hâur Zênhx hangx tsênhv chêi xar hôv thiêz chuôz zis cxênhx tsês tâu, niêv tix tưz sir jos hlôngr yiêz đuô têx vax ar têz tsik jông chiê chos cxuô zav ntông nox txir muôx tsiv gri kinh têr siêz, huv đros đêx ar, qiv hơưv ntơưv thax tsav qơư. Txos nhiv no, chuôz zis li kror qơư uô nox đar muôx 1 héc ta ntâu tưz muôx 400 tsoz txir khơưz đuz, 100 tsoz txir lưv tsiz sôngz paz muôx tâu phênhv sâu truôx. Đuô li, niêv tix cux chos nzir tâux, poz cưk uô zav nox trâu tu zus muôx 30 ntâu tuk buô, yil, nhux đas sha mê nhuôv thiêz kêiz ol. Niêv tix Cha puz pâuz: txix chuôz zis li tsưr ziv uô nox, hâur 2 shông tror lok no, đhâu xav tas cxuô kror, niêv tix chuôz zis tưz sâu tâu liv muôx 200 triệu đêiv ntâu: “Thâuv ntêx no cur chuôz zis cux txov nhêv cơưs, luz nênhx tsuôk zos khov trâu chos poz cưk, hax zav txov nhêv đuô thâuv oz tuk mê nhuôv tâu xênhz zus. Pov tâu tu zus tsơưs mak phiv liv, ho sâu tsik tâu siêz, đros sir jos hla đhâu cêr pluôs, cur oz niêv xir tưz nriêr tsưr ziv uô nox yiêz chiê huôv tsar kinh têr cov luz nênhx hlôngr yiêz đuô”.

Đros pênhr nhiêx muôx 200 triệu đêiv tâu paz txix Tsaz yênhx “Paz huôv tsar uô nox, hlôngr yiêz đuô tsưr ziv uô nox trâu pox niêv pluôs” zos Hôiv pox niêv Việt Nam yưv pênhr kriz uô, shông 2019, Hôiv Liên hiệp pox niêv huyện Yên Châu tưz sik côngv đros Hôiv Liên hiệp pox niêv tỉnh Sơn La xêir tsov xar Tú Nang (Yên Châu) kriz uô tsưr ziv Tôv sik côngv tu zus nhux đas sha mê nhuôv. Lơưr co, iz lênhx nênhs hâur tôv tâu txêik 15 triệu đêiv tsik zuôr nhiêx liv chiê zuôr nhux đas nôngz. Chor nhiêx kir txêik co zuôr tâu phêiz thêv uô 3 jiês hâur 3 shông, iz jiês thêv 5 triệu đêiv. Cuiv zos Hôiv liên hiệp pox niêv xar sêiz car. Chor thành viên hâur tôv tâu choz zok khoa học kỹ thuật, hêik pâuz lok tsưr ziv tu zus chiê taz por cov chor nhux đas hloz lox huôv tsar jông… Zos iz hâur chor hôiv viên cxaz chuôz trâu Tôv sik côngv tu zus nhux đas sha mê nhuôv xar Tú Nang, niêv tix Hoàng Thị Tươi puz pâuz: “Chor pênhr no lok six muôx liv trâu chor pox niêv muôx luz nênhx txov nhêv li cur. Đros tsik zuôr nhiêx liv mak cur tưz zuôr nhux đas nôngz lok zus cov sha mê nhuôv chiê huôv tsar cov tâu muôx iz paz nhux đas”.

Hâur ntu muôz nhiêx txêik chiê huôv tsar kinh têr,  Hôiv Liên hiệp pox niêv Yên Châu cux tsik so tsov cưv txos chor chuôz zis pox niêv nhoz iz lênhs, pox niêv uô tsưr chuôz zis; hêik chor pox niêv sơưr đơưk cxaz chuôz xênhz huôx, uô ntâuz ntơưr txêik pênhr chiê huôv tsar uô nox…

Txos nhiv no, Hôiv tưz jênhv sơưr bê kir txêik nhiêx txix Zênhx hangx Kôngz nuv thiêz Huôv tsar jêx jok thiêz Zênhx hangx Tsênhv chêi xar hôiv chor nhiêx xar muôs 180 tiv đêiv, đros xar muôx 90 tôv cxênhx txuôs txêik pênhr, zaz zâuv muôx 2.500 ntâu hôiv viên cxaz chuôz. Đuô li, Hôiv cux sir jos kriz uô cxiv vênhv tôngv cxiv tsa “Tsêr sor siêz jông” trâu pox niêv pluôs, pox niêv txov nhêv lok tsêr nhoz, paz trâu chor hôiv viên truôx siêz huôv tsar uô nox. Pos Quàng Thị Hoa, Chủ tịch Hôiv Liên hiệp pox niêv Yên Châu (Sơn La) puz pâuz: txix hâur shôngk shông 2021 txos nhiv no, Hôiv tưz sik côngv đros chor nganhx cik txos thiêz Hôiv Liên hiệp pox niêv thênhv siêz paz kho đuô têx vax tsêr đaz tuôs lav nhoz trâu 5 lênhx hôiv viên pluôs, phêiz kênh têx cêr txov, paz trâu chor pox niêv co truô siêz sir jos huôv tsar uô nox cov luz nênhx hlôngr yiêz đuô: “Ntu zuôr txos, Hôiv Liên hiệp pox niêv huyện zuôr tror yax kriê, hêik sơưr đơưk paz trâu chor hôiv viên pox niêv cux li khov trâu cxuô cấp, cxuô nganhx cik txos li têx paz chiê paz trâu chor hôiv viên kho đuô têx tsêr đaz tuôs lav nhoz, paz uô tâu zênhx liv têx tsưr ziv đại hôiv têiv plor pox niêv huyện tưz tso tơưv, cux li uô lơưr Nghị quyết Đại hôiv Đảng bôv huyện Yên Châu li tsưr ziv lok kho đuô têx tsêr đaz tuôs lav nhoz”.

Chor pox niêv Yên Châu zuôr sir jos phuôx huiz đas jos, tsik nhoz tok khov trâu têx phênhv paz, sir jos uô cov tâu jông luôs hâux lưv “txo grêk yêiz pluôs” cov luz nênhx huôv tsar đuô./.

(Trấn Long-Lik Thox cxêik nhênhv)