Hluôk nênhs huyện pluôs Buôn Đôn sik paz uô nox

Tror uô têx hâux lưv đhâu jiês so tsiêz Tsor shông, tix lâus Hồ Thế Mỹ, nhoz xar Ea Nuôl, huyện Buôn Đôn, tỉnh Đắk Lắk tsênhv sir jos txuôk đros chor qơư sâu zuôr, muôs chiê paz muôx nzir qơư muôs têx măng tây. Ntu no, Công ty Cổ phần zuôr muôs Kôngz nuv hữu cơ Việt Nam (zos tix lâus Mỹ uô tsưr) thiêz sik côngv đros pêx xênhv li 10 héc ta ntâu măng tây tưz txos trâu chêix sâu. Iz hnuz, iz héc ta zuôr paz sâu tâu muôx 1 puô txos 1 puô ntâu cir măng tây nhôngk, đros gri muôs zos 40 cxênhz đêiv iz cir tror sâur khov trâu têx zav măng tây. Phêiz kênh lok ntu kriz uô nox, tix lâus Mỹ puz pâuz, txix kaz shông 2018, tix lâus hêik chuôz zis muôz tas nro 5 sào cà phê ntor por tsês, hlôngr chiê chos măng tây. Cê chos cê muk cơưv shâuv chênhz zênhv, tsưr ziv uô ntơưv têx tỉnh, tix lâus zaz zâuv chor fôngx zưs sơưr đơưk sik côngv đros uô chiê yênhx lix công ty, txuôk đros qơư sâu zuôr. Tix lâus Hồ Thế Mỹ puz pâuz:“Zuk njiz ntâu kror phiv liv lok zuz nôngz, kỹ thuật, viv li tưz muk trâu têx qơưk uô lox chiê cơưv shâuv. Chor ar chos têx tsoz chos txơưr tsik jông mak hlôngr chiê chos măng tây, hlôngr yiêz uô txix tsưr ziv zuk uô jông tu xưz tsik sir zôngv qir zuôv hóa học chêk chor măng tây piz huôv tsar. Cur đros pêz lênhx nênhs kriz uô đros công ty Việt Nguyên, huôv tsar tâu jông đuô, kriz uô ntâu đuô tsưr ziv chos măng tây no. Paz trâu pox nhuôs chos, zuk paz kỹ thuật, zuz nôngz, qir zuôv, thiêz đros pox nhuôs sir jos huôv tsar chor măng tây ntơưv thax tsav ar Buôn Đôn no”.

Xar sik côngv chiê sik paz cov sik đros huôv tsar, hli 10 shông 2021, chor hluôk nênhs tsênhv kriz uô nox ntơưv Buôn Đôn, thôngz đhâu tsưr tsix Đoàn thiêz Hôiv liên hiệp hluôk nênhs huyện tưz kriz uô tâu câu lạc bộ uô nox. Tix lâus Nguyễn Văn Hải, Chủ nhiệm Câu lạc bộ puz pâuz, đros tsưr ziv zos paz trâu sơưr đơưk uô nox cov tâu truôx jông, câu lạc bộ tsênhv txuôk đros chor pênhr jos, nênhs yưv pênhr thiêz chor nênhs muôx ntâu chênhz zênhv chiê paz ciês thiêz hêik kriê trâu chor hluôk nênhs pâuz:“Iz hli zuôr muôx iz tsaz yênhx cà phê uô nox, zâuv tâu chor nênhs txơưx uô nox, muôx tsưr ziv jông lok sik thav đros sơưr đơưk hâur côngv thôngx uô nox. Sik thav xor mông nhoz têx ban, nganhx xưk li Phongx Kôngz nuv, Phongx Kinh têr-Hạ tầng lok têx tsênhv chêi cxơưz cxiz uô kôngz; hêik têx xor mông txos trâu chor nênhs uô nox pâuz. Ndis shuôk têx tsưr ziv uô nox, txuôk têx tsưr ziv uô nox co đros trâu têx qơư sâu zuôr thiêz têx taz viv yax mông pov chir chiê paz muôx tâu qơư muôx trâu chor qơư kriz uô nox co”.

Lơưr tix lâus Nguyễn Quang Trung, Bí thư Huyện đoàn Buôn Đôn, đros yênhx lix câu lạc bộ uô nox, chiê phuôx huiz tâu hluôk nênhs li đas jos car xar, xar uô, ntu đhâu, chor tsưr tsix Đoàn, Hội nhoz huyện tưz kriz uô ntâu kror hâux lưv paz trâu hluôk nênhs huôv tsar kinh têr, li: Tsưr tsix chor lớp kruôz kriê, chor jiês sik thav lok uô nox. Sik côngv đros Zênhx hangx Tsênhv chêi xar hôiv huyện sơưr bê paz trâu hluôk nênhs txêik pênhr, muôz kir txêik chor pênhr nhiêx paz huôv tsar uô nox…đros tas nro chor nhiêx muôx 66 tiv đêiv ntâu chiê paz trâu chor hluôk nênhs kriz uô têx tsưr ziv huôv tsar kinh têr. Tix lâus Nguyễn Quang Trung hêik:“Pêz sir jos cov chor hluôk nênhs muôx siêz xar sir jos huôv tsar uô nox, paz trâu lơưr buôs ti tâu chor pênhr nhiêx chiê huôv tsar, paz muôx chor jiês sik thav chiê sơưr đơưk muôx sik côngv, txuôk đros chiê đơưk kho tâu têx phiv liv muôx yưv sâuv zuk thax tsav qơư. Cur cux xar tiêk cấp ủy, chính quyền ntơưv qơư zuôr sir jos paz trâu kror hâux lưv uô nox, tiv zix zos phongz yaox hluôk nênhs uô nox sâuv thax tsav. Chính phủ, tỉnh li têx tsênhv chêi mak tsuv muôx têx kror cov tsênhz mênhx, paz ntâu đuô trâu phongz yaox uô nox hêik cxuô cux xưk li chor hluôk nênhs ntơưv thax tsav qơư li phongz yaox uô nox”./.

(TTTN-Lik Thox cxêik nhênhv)

Cui tinhv txo grêk tsơưs nhiêx txiêx sir zôngv ar trâu têx lênhx nênhs muôx côngz têz qơưk

Txix hnuz 15/02/2022, Nghị định 131/2021/NĐ-CP hnuz 30/12/2021 cui tinhv tsênhz mênhx thiêz uô lơưr Pháp lệnh tsov cưv trâu chor nênhs muôx côngz đros tir ntâuk trol châuz tsưx phưv têz qơưk, hâur co cui tinhv têx lênhx nênhs muôx côngz têz qơưk tsi trâul thêv têx nhiêx txiêx sir zôngv ar.

Tsênhv tsênhz, chor nênhs li đrav kaz tsi trâul thêv nhiêx sir zôngv ar hâur ntu choz zok ar nhoz thâuv têz qơưk choz zok ar nhoz, hlôngr tsưr ziv sir zôngv ar nhoz, côngk nhav vax huôv sir zôngv ar nhoz, thâuv tâu zuôr tsêr nhoz zos têz qơưk li ar: Nênhs đros tir ntâuk trol châuz tsưx phưv têz qơưk uô ntêx hnuz xiêz 01/01/1945; Zênhz shôngx lưv lươngv vũ trang, Zênhz shôngx Lox tôngv hâur ntu tir ntâuk trol châuz, niêv VN zênhz shôngx. Têx lênhx trâul moz trâul saz thâuv ntu tir ntâuk trol châuz, muôx hur si têx lênhx trâul moz hov B tâu côngk nhav uô ntêx hnuz 31/12/1993, lênhx nênhs tâu têz qơưk paz li chor nênhs trâul moz trâul saz thâuv ntu tir ntâuk trol châuz, nênhs đros tir ntâuk trol châuz trâul tsơưr tưx da cam tâu moz txix 81% tror zar sâuv; chor tuz lênhv tâu tas siv nênhx thâuv ntu tir ntâuk trol châuz li nênhs hâur tsêr tsênhv tâu têz qơưk paz max nhiêx txiêx hâur niêx luz hlik.  Zuôr tsi trâul thêv têx nhiêx sir zôngv ar thâuv zuôr tsêr nhoz (têx zav vax tsêr muôx ntâu yôngx ntâu chuôz zis nhoz) tsênhv ntiêr nhoz ntơư zos têz qơưk li tsêr trơưk Chính phủ Nghị định sôr 61/CP hnuz xiêz 05/7/1994 đros thiêz têx lênhx nênhs đros tir ntâuk trol châuz tsưx phưv têz qơưk txix hnuz xiêz 01/01/1945 txos hnuz tir ntâuk trol châuz luz 8 hlik shông 1945.

Nghị định 131/2021/NĐ-CP cux cui tinhv txo grêk tsơưs nhiêx txiêx sir zôngv ar trâu têx lênhx nênhs muôx côngz têz qơưk./.

(KT-Riê Lâux cxeik, nhênhv)